সিবিল এবিয়েসন মন্ত্রালয়
উরানগী মখাদা হেলিপোর্ত মাপল অমসুং ৱাতর এরোদ্রোম অনি য়াওনা এয়রপোর্ত ৭২দা রুত ৪৫৯ মথৌ তৌরি
উরান ফ্লাইত লাখ ২.১৬ হেনবদা পেসেঞ্জর করোর ১.১৩ হেন্না ত্রাভেল তৌখ্রে
উরান স্কিম সপোর্ত তৌনবা ২০২৪ ফাওবদা এয়রপোর্ত ১০০ দিবেলপ তৌনবা সরকারনা থৌরাংলি
Posted On:
02 FEB 2023 4:04PM by PIB Imphal
সিভিল এভিয়েসন মন্ত্রালয়না লৈবাক অসিদা লৈরিবা অনসর্ব অমসুং অন্দরসর্ব এয়রপোর্তশিংদগী রিজনেল এয়র কনেক্তিবিতী হেনগৎহন্নবা অমসুং পাক চাউনা এয়র ত্রাভেলবু এফোর্দেবল ওইহন্নবা ২১.১০.২০১৬দা রিজনেল কনেক্তিবিতী স্কিম (আর.সি.এস.) – উরান (উরে দেশকা আম নাগরিক) হৌদোকখি। উরান অসি মার্কেৎ দ্রাইভন স্কিম অমনি। ইন্তরেস্ত লৈবা এয়রলাইনশিংনা অকক্নবা রুতশিংদা মখোয়গী এসেসমেন্ত ওফ দিমান্দদা য়ুমফম ওইরগা উরানগী মখাদা বিদ্দিংগী মতমদা মখোয়গী প্রপোজেলশিং সবমিৎ তৌখি।
স্কিম অসিগী মখাদা লৈবাক অসিগী ময়ুং অমসুং মফৈদা, ৩০.০১.২০২৩ ফাওবদা হেলিপোর্ত মাপল অমসুং ৱাতর এরোদ্রোম অনি য়াওনা এয়রপোর্ত ৭২দা রুত ৪৫৯ মথৌ তৌরি। পৌজিক ফাওবদা উরান ফ্লাইত লাখ ২.১৬ হেনবদা পেসেঞ্জর করোর ১.১৩ হেন্না ত্রাভেল তৌখ্রে। সিভিল এভিয়েসন সেক্তর অমসুং ইকোনোমিক গ্রোথকী মরক্তা লৈরিবা মরী অসি ফজনা মশক খংলে। ইন্তরনেস্নেল সিভিল এভিয়েসন ওর্গনাইজেসন (আই.সি.এ.ও.)গী স্তদীনা উৎলি মদুদি এয়র কনেক্তিবিতী অসি ৩.১গী ইকোনোমিক মলতিপ্লায়র অমসুং ৬.১গী এমপ্লোইমেন্ত মলতিপ্লায়র লৈগনি। স্কিম অসি ইমপ্লিমেন্ত তৌবদা মায়োক্নখিবা শিংনবশিংদা য়াওরিবদি:
i) কোবিদ-১৯ লাইচৎকী শাথিরবা শাফু
ii) সিভিল এয়রপোর্তশিং/হেলিপোর্তশিং থৌরাং তৌদুনা লৈতবা, মদু লম ফংদবা, রিজনেল ইনফ্রাস্ত্রকচরগী ক্রিয়েসন্না চিংবা ওইবা য়াই।
iii) এৱার্দেদ রুতশিংদা ওপরেসনগী অনসস্তেনেবিলিতী।
iv) সেলেক্তেদ এয়রলাইনস ওপরেতর্স (এস.এ.ও.এস.) গী থৌরাং তৌদুনা লৈতবা।
v) মুম্বাই অমসুং পুনেগুম্বা মেত্রো এয়রপোর্তশিংদা স্লোতশিং ফংদবা।
স্কিম অসিগী করেন্সীগী মতম মনুংদা সরকারনা উরান স্কিম সপোর্ত তৌনবা অমসুং উরান রুত ১০০০ মথৌ তৌনবা ২০২৪ ফাওবদা এয়রপোর্ত ১০০ দিবেলপ তৌনবা থৌরাংলি। উরান অসি হৌজিক হৌজিকমক মখা চত্থরিবা স্কিম অমনি মসিদা স্কিম অসিগী মখাদা অহেনবা দেস্তিনেসন/স্তেসন অমসুং রুতশিং কভর তৌনবগীদমক মতম মতমগী মতুং ইন্না বিদ্দিং রাউন্দশিং পাংথোকই।
উত্তর প্রদেশ রাজ্যদা উরানগী মখাদা এয়রপোর্ত তরানিপাল মশক খংদোক্লে, মদুগী মনুংদা কানপুর, প্রয়াগরাজ, কুশিনগর, হিনদোন, অগ্রা অমসুং বরেলী মথৌ তৌরে। রাজস্থান রাজ্যদা উরানগী মখাদা এয়রপোর্ত তরুক মশক খংদোক্লে, মদুগী মনুংদা বিকানের, জয়সালমের অমসুং কিশনগর্গ মথৌ তৌরে। ওরিশা রাজ্যদা উরানগী মখাদা এয়রপোর্ত তরুক মশক খংদোক্লে, মদুগী মনুংদা জেপোর, ঝারসুগুদা অমসুং রৌরকেলা মথৌ তৌরে।
হিমাচল প্রদেশ অমসুং উত্তরাখন্দদা উরান স্কিমগী মখাদা এন.এস.ও.পি. কেতেগোরীদা হেলিপোর্ত মাপল দিবেলপ তৌরে অমসুং মথৌ তৌরে। মন্দি অমসুং রামপুরনা হিমাচল প্রদেশতা লৈরি অদুগা অলমোরা, ছিনয়ালিসৌর, গৌচের, হল্দৱানি, ন্যু তেহরি, সহাস্ত্রধারা অমসুং শ্রীনগরনা উত্তরাখন্দদা লৈরি।
ইনফোর্মেশন অসি ঙসি লোক সভাদা হংলকপা ৱাহং অমদা সিভিল এভ্য়েসনগী রাজ্য মন্ত্রী জেনরেল (দা.) ভি.কে. সিংহ (থবক্তগী পোত্থারবা)না অইবা পাউখুম ওইনা পীখিবনি।
******
(Release ID: 1897919)
Visitor Counter : 94