ইকাই খুম্নরবা স্পীকর,

অহানবদা ঐহাক্না রাস্ত্রপতিবু মহাক্না ৱারোল পীখিবগীদমক থাগৎচরি অমসুং রাস্ত্রপতিবু কয়ারক হন্না থাগৎচনবা খুদোংচাবা ফংজবা অসি ঐহাক্কী লাইবক ফবনি। অদুবু  হন্দক্তি থাগৎ ৱাহৈশিংগা লোয়ননা ঐহাক্না মেদাম রাস্ত্রপতিবু নুংঙাইবা ফোঙদোকচনীংই। মহাক্কী মীৎয়েং শান্নবা উবা ঙম্বা ৱারোলা রাস্ত্রপতিনা ঐখোয় পুম্নমক অমসুং ইরৈবাকচা করোর কয়াবু লমজিংখি। রিপব্লিক অসিগী মহাক্না মকোক ওইবা হায়বা অসি পুৱারী ওইহৌরগনি অমসুং লৈবাক অসিগী ইচা-ইচল অমদি ইচানুপী করোর কয়াগীদমক অচৌবা ইথিল ফংনবগী খুদোংচাবা অমনি।

ইকাই খুম্নরবা মেদাম রাস্ত্রপতিনা ত্রাইবেল খুন্নাইগী মীংচৎ হেনগৎহনখি অদুবু ঙসি নীংতম্বা ফংখিবগী চহি কয়াগী মতুংদা ত্রাইবেল খুন্নাইগী চাউথোকচবগী ৱাখল্লোন অসি হেনগৎখি, মখোয়গী থাজবা হেনগৎখি অমসুং মসিগীদমক হাউস অসিনা অমদি লৈবাক অসিনা মহাকপু তৌবীমল খঙবা উৎচরি। রাস্ত্রপতিগী ৱারোলদা ‘সঙ্কল্প সে সিদ্ধি’গী খোংচৎকী ব্ল্যুপ্রিন্ত ময়েক শেংনা পীখি, অমরোমদা লৈবাক অসিদা লম্বী লোয়ননা ইথিল পীখি।

ইকাই খুম্নরবা স্পীকর, মফম অসিদা ইকাই খুম্নরবা মেম্বর পুম্নমক্না খন্ন-নৈনবা অসিদা শরুক য়াখি, মীপুম খুদিংমক্না মখোয়গী মশাগী অপাম্বা ফোঙদোকখি, মখোয়গী মশাগী য়ানীংদবা ফোংদোকখি অমসুং মখোয়গী অপাম্বা অমসুং অঙম্বগী মতুং ইন্না মীপুম খুদিংমক্না মখোয়গী ৱাফমশিং থমখি অমসুং ৱাফমশিং অসি মুন্না তারবা মতমদা, ঐখোয়না মদু খঙনবা হোৎনবা মতমদা ঐখোয়না কনানা কয়ামুক ঙম্বগে, কনানা কয়ামুক মতিক লৈবগে, কনানা খঙবগে অমসুং কনানা করি পাম্বগে হায়বা অদু ঐখোয়গী ৱাখলদা লাকই। ৱাফম পুম্নমক অসি খঙজরকই। অমসুং লৈবাক অসিনা মসি অফবা মওংদা ইভাল্যুএৎ তৌখি। খন্না-নৈনবা অসিদা শরুক য়ারিবা ইকাই খুম্নরবা মেম্বর পুম্নমক্তা ঐহাক্না তৌবীমল খঙবা উৎচরি। অদুবু ঙরাং মীওই খরগী ৱারোল পীরবা মতুংদা অপুনবা ইকোসিস্তেম, সপ্পোর্তরশিংনা চোংখি অমসুং মীওই কয়ানা হরাওখি। নুংঙাইনা তুম্বা য়ারমগনি নত্ত্রবদি ঙসি হৌগৎপা ঙম্লমলোই। অমসুং অসিগুম্বা মীওই খরা অসিগীদমক অসুম্না হায়নৈ -

মসি হায়বনা ঐখোয়না থমোয় পেলহল্লি,

মদু হায়বনা ঐখোয়না থমোয় পেলহল্লি, হৌজিক মখোয় চৎখ্রে,

হৌজিক মখোয় চৎখ্রে, হৌজিক মখোয় লাক্লে।

ইকাই খুম্নরবা স্পীকর,

রাস্ত্রপতিনা ৱারোল পীরিঙৈ মতমদা মীওই খরনা তাশীন্নদে অমসুং অচৌবা লুচিংবশিংনা হিস এক্সিলেন্সী রাস্ত্রপতিবু ইকাই খুম্নদে। ত্রাইবেল ফুরুপতা য়েংথিবা অদু উৎখি অমসুং মসিনা মখোয়না ঐখোয়গী ত্রাইবেল খুন্নাইদা খল্লিবা ৱাখল্লোন অসি। অদুবু অসিগুম্বা ৱাফম অসি তি.ভি.গী মাংদা ঙাংবা তারবদি নুংদা লৈরিবা য়েংথিবা অদু মাংদা থোরকই। কোন্না থংদা চিথী অমা ইদুনা অরানবা অসি নান্থোক্নবা হোৎনৈ।

ইকাই খুম্নরবা স্পীকর,

ঐহাক্না রাস্ত্রপতিনা পীবা ৱারোলগী মতাংদা খন্ন-নৈনবা তাবা মতমদা ঐহাক্না ৱাফম কয়া মখোল থোক্তনা য়াজখি হায়না ফাওখি। হায়বদি ঐহাক্না মীপুম খুদিংমক্না ঙাংবা তাখি মদুদা ঐহাক্না রাস্ত্রপতিগী ৱারোল অসিদা য়ানীংদবা অমত্তা লৈতে হায়না ফাওখি, কনাগুম্বা অমত্তনা য়েৎলকখিদে। রাস্ত্রপতিনা হায়খিবা ৱাহৈশিং অদু ঐহাক থমজগে। রাস্ত্রপতিনা হায়, মাগী অয়াম্বা সমস্যাশিংগীদমক অতোপ্পদা মীপাল তাংলম্বা ভারতনা ঙসি মালেমগী সমস্যা কোকহন্নবা পাম্বৈ অমা ওইরক্লি। রাস্ত্রপতিনা ৱাফম অসিসু হায়খি মদুদি দিকেদ কয়া লৈবাক অসিগী য়াম্লবা মীয়াম্না ঙাইরকখিবা খুদোংচাবশিং অদি চহি খরা অসিদা ফংহনখি। লৈবাক অসিনা হৌজিক সরকারগী স্কিমশিংদা অচৌবা স্কেম অমদি শেঞ্জা-থুমজা তৌবগী সমস্যাশিংদগী কোকচবা ঙম্লে। পোলিসী-পেরালাইসিস ওইবগী মতাংদা ঙসি লৈবাক অসি খোঙজেল য়াংনা চাউখৎপগীদমক মশক খঙনরি অমসুং মীৎয়েং শান্না উবা ঙম্বা মওংদা ৱারেপশিং লৌখি। ঐহাক্না রাস্ত্রপতিগী ৱারোলদগী ৱাফম খরা অসি লৌথোক্লগা হায়জবনি। অমসুং ৱাফমশিং অসিদা য়ানীংদবা মীওই খরা মফম অসিদা শোইদনা য়াওরমগনি ঐহাক্না থাজৈ, মখোয়না রাস্ত্রপতিনা অসুম্না হায়রিবা করিগীনো হায়না য়ানীংদবা উৎলক্কনি। অদুবু কনাগুম্বা অমত্তা য়ানীংদবা উৎখিদে, মীপুম খুদিংমক্না য়াজখি মসিদা ঐহাক্না নুংঙাইবা পোকই। অমসুং ইকাই খুম্নরবা স্পীকর, মীপুম খুদিংমক্না হোৎনবনা মরম ওইদুনা ৱাফমশিং অসি অপুনবা হাউস অসিনা অয়াবা পীখি মসিগীদমক ইরৈবাকচা করোর ১৪দা তৌবীমল খঙবা উৎচরি। মসিদগী হেন্না চাউথোকচবা লৈখিগদ্রা?

ইকাই খুম্নরবা চিয়রমেন, হাউস অসিদা নোক-খেবা ফাগী-জুগাই, য়ানীংদবা মোৎ ফোঙদোকপা, মখোল পুম্নমক থোকই। অদুবু ঙসি জাতি অমা ওইনা ঐখোয়গী মাংদা ফজরবা খুদোংচাবা অমা লৈরি হায়বা ঐখোয়না কাউরোইদবনি, ঐখোয়না চাউথোকচবা মীকুপ অমদা লৈরি। রাস্ত্রপতিগী ৱারোলদা য়াওখিবা ৱাফমশিং অদু ইরৈবাকচা করোর ১৪০গী নুংঙাইবা পোক্নবগী, লৈবাক অসিনা হরাওবা ফোঙদোক্নবা মরম অমনি।

ইকাই খুম্নরবা চিয়রমেন, চহি ১০০দা থোকপা তমথিরবা লাইনা অসি লাকখি অমরোমদা লানগী ওইরিবা ফীভম, তোখাই তোখাই তারিবা মালেম, অসিগুম্বা ফীভম অসিদা লৈবাক অসিনা মসিগী ক্রাইসিস এনভাইর্নমেন্তবু হেন্দল তৌরিবা মওং, লৈবাক অসিনা মশাবু হেন্দল তৌজরিবা মওং অসিদা লৈবাক পুম্বনা থাজবা থম্মি। চাউথোকচবনা থল্লি।

ইকাই খুম্নরবা চিয়রমেন, শীংনবা লৈতবা পুন্সি লৈতে, শীংনবা অদুমক লাক্কনি। অদুবু ইরৈবাকচা করোর ১৪০গী থৌনা-লিংজেল অসিনা শীংনবদগী হেন্না শক্তি লৈ। ইরৈবাকচা করোর ১৪০গী মতিক-ময়াই অসিনা শীংনবদগী হেন্না মপাঙ্গল কল্লি, মতিক ময়াই হেন্না চাউই লোয়ননা মতিক-ময়াইনা পীক থল্লি। অসিগুম্বা অচৌবা লাইচৎ, তোখাই-তোখাই তাবা মালেমগী লান্না থোকহনখিবা অমাংবা, লৈবাক কয়াদা তংদু লৈতাদবগী ফীভম লৈরিবা অসিনা মরম ওইদুনা লৈবাক কয়াদা শাথিবা ইনফ্লেসন থোকখি, থবক ফংখিদে, চান্নবা চীঞ্জাক্কী ক্রাইসিস থোকখি অমসুং ঐখোয়গী য়ুমলোন্নরিবদা ওইরিবা ফীভমশিং অসিগুম্বা ফীভমদা লৈবাক অসিনা মালেমগী ৫শুবা খ্বাইদগী চাউবা ইকনোমী ওইবা ঙমলকখি। ঙসি মালেম শিনবা থুংবদা ভারতকীদমক পোজিতিবিতীনা থল্লি, আশা থম্লি, থাজবা থম্লি। অমসুং স্পীকর সর ঙসি লৈবাক অসিনা জি২০ গ্রুপকী প্রসিদেন্সী ওইবগী খুদোংচাবা ফংজবা অসি চাউথোকচবা পোক্নবগী মরম অমা ওইরি।

মসি লৈবাক অসিগী চাউথোকচবা পোক্নবগী মরম অমনি। মসি ইরৈবাকচা করোর ১৪০গী চাউথোকচবা পোক্নবগী মরম অমনি। অদুবু ঐহাক্না খনবদা মসিনা মরম ওইদুনা মীওই খরদি নুংঙাইতবা পোক্লমগনি। ইরৈবাকচা করোর ১৪০গী মরক্তা কনাগুম্বা অমত্তনা নুংঙাইতবা পোক্লমলোই। মখোয়না মসিদা নুংঙাইতবা পোক্লিবা মীওইশিং অসি কনানো খঙদোক্কদবনি।

ইকাই খুম্নরবা স্পীকর,

ঙসি মালেমগী থাজবা য়াবা ওর্গনাইজেসন খুদিংমক্না, মালেমগী ওইরিবা  ফীভম অসি কুপ্না নৈনবা এক্সপর্ত পুম্নমক্না, তুংলমচৎতা করি ওইরক্কনি খঙবা মীওইশিংনা ঙসি ভারত্তা চাউনা থাজবা থম্মি। অমসুং মসি করিগীদমক্তনো? মালেম শিনবা থুংবনা ভারত্তা চাউনা থাজবগা লোয়ননা মীৎয়েং থম্লিবা অসি করিনো? মসিগী নুংদা মরম অমা লৈরি। মসিগী পাউখুম অসি ভারত্তা তংদু লৈতানা লৈরিবা অসিনা ওইরি, ভারত্তা গ্লোবেল ক্রেদিবিলিতী লৈ, ভারতকী হেনগৎলক্লিবা মতিক-ময়াই অসিদা ভারত্তা অনৌবা ওইথোকপা য়াবশিং শেম্লি।

ইকাই খুম্নরবা স্পীকর,

ঐখোয়গী নুমিৎ খুদিংগী পুন্সিদা থোক্লিবশিং অসি করিগুম্বা ঐহাক্না ভর্বেলাইজ তৌরবদি অমসুং খুদমশিংগা লোয়ননা মদু তাক্নবা হোৎনরবদি। হৌজিক নখোয়না উরি, দিকেদ অমা, অনি নত্ত্রগা অহুমদা ভারত তুংদ লৈতনা লৈরমদে। ঙসি তংদু লৈতানা লৈরে, রাজনিতীদা তংদু লৈতারে, তংদু লৈতাবা সরকার অমসু লৈরে অমসুং দেসিসিব ওইবা সরকার অমা লৈরি অমদি থাজবা হায়বা অসি মহৌশানা লাকচবনি। দেসিসিব সরকার অমা হায়বা অসি অবসলুৎ মেজোরিতীনা চল্লাই, জাতিগী য়াইফনবা ৱারেপশিং লৌবা ঙম্মি। অমসুং সরকার অসিনা কম্পলজনদগী রিফোর্ম পুরকপা নত্তে, কনভিক্সন্না রিফোর্ম পুরকহনখি। অমসুং লম্বেল অসিদা ঐখোয়না লোইশিনগদবা নত্তে অমসুং মখা তানা চৎখিগনি। মতম মতমগী দিমান্দগী মতুং ইন্না লৈবাক অসিনা মথৌ তাবশিং মখা তানা পীগনি।

ইকাই খুম্নরবা স্পীকর,

ঐহাক্না খুদম অমগা পীজনীংই। কোরোনাগী মনুংদা মেদ ইন ইন্দিয়া ভেক্সিন শাখি। ভারতনা মালেমগী খ্বাইদগী চাউবা ভেক্সিনেসন কম্পেন হৌদোকখি অমসুং মসি খক্তা নত্তনা মাগী প্রজা করোর কয়াদা লেম্না ভেক্সিন কাপখি। মসি খক্তা নত্তে খুদোংথিবা থোকপা মতমদা ঐখোয়না হীদাক মথৌ তাবা, ভেক্সিন মথৌ তাবা লৈবাক ১৫০ হেনবদা মতেং পীখি। অমসুং ঙসি মালেমগী লৈবাক কয়ানা মালেমগী ফম্পাক্তা হীরম অসিগীদমক ভারতপু থাগৎনচি, ভারতকী মতিক-ময়াই শৈথাবগী ঈশৈ শক্লি। চপ মান্নবা মওংদা অহুমশুবা হীরমদা মীৎয়েং থম্নরি। খুদোংথিবা থোক্লিঙৈ মতমদা ভারতকী দিজিতেল ইনফ্রাস্ত্রকচরনা মাগী শক্তি অসি উৎখি। মতমগা চুনবা মওংদা অহোংবা অমা লাকখি। মালেম পুম্বনা মদু নৈনরি। জি-২০ সম্মিৎকীদমক ঐহাক হন্দক্তা বালীদা চৎলুই। দিজিতেল ইন্দিয়াবু চাউনা থাগৎনখি। অমসুং লৈবাক অসিনা মদু করম্না পাঙথোকখিবগে হায়না খঙনীংবনা থনখি। কোরোনাগী মনুংদা মালেমগী অচৌবা লৈবাকশিং, ইনাক খুনবা লৈবাকশিংনা মখোয়গী প্রজাশিংদা শেলগী তেংবাং পীবা পামখি। শেনয়েকশিং নমখি, অদুবু মদু য়েন্থোকপদি ঙমখিদে। অদুবু লৈবাক অসিনদি সেকেন্দ খরগী মনুংদা ইরৈবাকচাশিংগী একাউন্তশিংদা লুপা করোর লাখ কয়া দিপোজিৎ তৌখি। লুপা করোর লিশিং কয়া ত্রান্সফর তৌখি। মতম অমদা লৈবাক অসিনা অপীকপা তেক্নোলোজীগীদমক খৌরাংনা ঙাইনখি। ঙসি লৈবাক অসিদা অচৌবা অহোংবা অমা লাক্লে। লৈবাক অসিনা তেক্নোলোজীগী লমদা অচৌবা শক্তিগা লোয়ননা মাংদা চংশিল্লি। ঙসিদি ভেক্সিন কাপখিবগী সর্তিফিকেৎ অসি সেকেন্দ খরগী মনুংদা ঐখোয়গী মোবাইল ফোন্দা ফংলে। ঐখোয়না মসিগী শক্তি অসি উৎখ্রে।

ইকাই খুম্নরবা স্পীকর,

ভারত্তা অনৌবা ওইথোকপা য়াবশিং লৈরে। ঙসি মালেম পুম্বা অসি কোরোনাগী মতমদা থোকপা সপ্লাই চেনগী সমস্যানা চৈথেং পীখি মালেমদা মপাঙ্গল কনবা ভেল্যু অমসুং সপ্লাই চেন লৈজরমখি। ভারতনা গেপ অসি মেনশিন্নবা শক্তিগা লোয়ননা মাংদা চংশিল্লি। মসি খঙনবা হোৎনবদা মীওই কয়াগীদি মতম শাংনা চংগনি। ঙসি ভারতনা মাইকৈ অসিদা মেন্যুফেকচরিং হব অমা ওইরক্লি অমসুং মালেমনা ভারতকী চাউখৎপা অসি উবা ফংলি।

ইকাই খুম্নরবা স্পীকর,

লৈবাক অসিগী চাউখৎপা অসি য়েংবা ঙমদবগী অৱাবা পোৎলুম পুরিবা মীওই কয়া লৈ। মখোয়না ভারতকী মীয়ামগী মাইপাকপা অসি উবা ফংদে। মসি ইরৈবাকচা করোর ১৪০না হোৎনবগী মহৈনি মরম অসিনা মালেমনা ঙসি থাগৎনরি। মখোয়না ভারতকী মীয়াম্না কন্না হোৎন্দুনা মাইপাকপশিং পুরক্লিবা অসি উদে।

ইকাই খুম্নরবা স্পীকর,

হৌখিবা চহি ৯দা ভারত্তা স্তার্তঅপ লিশিং ৯০ লৈরমখি ঙসি ঐখোয়না স্তার্তঅপকী লমদা অহুমশুবা মফম কনবা ঙম্লে। ঙসি অচৌবা স্তার্তঅপকী ইকোসিস্তেম অসিনা লৈবাক্কী তায়র ২, ৩, ৪গী সহরশিংদা য়ৌরে। ভারতকী কাচিন কোয়া শিনবা থুংবদা য়ৌরে। ভারতকী নহারোলশিংনা মসিগী মতিক-ময়াই অসিগী মশক তাক্লি।

ইকাই খুম্নরবা স্পীকর,

অতেনবা মতম অমসুং কোরোনাগী অরুবা মতমগী মনুংদা য়ুনিকোর্ন ১০৮ শেমখি। অমসুং য়ুনিকোর্ন হায়বগী ৱাহন্থোক্তি মসিগী ভেল্য অসি করোর লিশিং ৬-৭ ওইরি। মসিনা লৈবাক্কী নহারোলশিংগী শক্তি উৎখি।

ইকাই খুম্নরবা স্পীকর,

ঙসি ভারতনা মোবাইল শাবদা মালেমগী অনিশুবা খ্বাইদগী চাউবা লৈবাক ওইরে। দোমেস্তিক এয়রলাইন পেসেঞ্জরশিংনা দোমেস্তিক এয়র ত্রাফিক্তা চৎলি। ঙসি ঐখোয়না মালেমগী অহুমশুবা মফম কনবা ঙম্লে। ইনর্জী কঞ্জুম্পসন অসি চাউখৎপগী পেরামিতর অমা ওইনা লৌনরমখি। ঙসি ভারতনা মালেমদা কঞ্জুমর ওইনা ইনর্জী কঞ্জুম্পসন্দা অহুমশুব মফমদা য়ৌবা ঙম্লে। রিন্যুএবল ইনর্জী কেপাসিতীদা মালেমদা ঐখোয়া মরিশুবা মফমদা য়ৌবা ঙম্লে। ঐখোয়না স্পোর্তসকী মতাংদা ৱাহং অমত্তা হংলুবা তৌদে, কনাগুম্বা অমত্তনা হংখিদে। ঙসি স্পোর্তসকী লমদা ভারতকী শান্নরোয়শিংনা থাক খুদিংমক্তা মখোয়গী মফম কনবা ঙম্লে। মখোয়গী শক্তি উৎলি।

ঙসি ভারতনা এজুকেসন য়াওনা লম খুদিংমক্তা মাংদা চংশিল্লি। ইকাই খুম্নরবা স্পীকর, অহানবা ওইনা হায়র এজুকেসনদা এনরোল তৌখিবা মীওইশিংগী মশিং অসি করোর মরি হেনখ্রে। মসি  খক্তা নত্তনা ইচানুপীশিংনা শরুক য়াবসু চপ মান্ননা হেনগৎলক্লি। ইঞ্জিনীয়রিং ওইরবসু, মেদিকেল কোলেজশিং ওইরবসু নত্ত্রগা প্রোফেস্নেল কোলেজশিং ওইরবসু লৈবাক অসিদা মখোয়গী মশিং খোঙজেল য়াংনা হেনগৎলক্লি। ভারতনা স্পোর্তসকী লমদা ওলিম্পিক্স, কম্মনৱেল্থ, মফম অমা হেক্তদা ঐখোয়গী ইচানুপা অমদি ইচানুপীশিংনা শীংথানীংঙাই ওইনা পরফোর্ম তৌরি।

ইকাই খুম্নরবা স্পীকর,

ঐহাক্না ভারত মচাগী অসিগুম্বা ৱাফম কয়ামরুম মশিং থীবা য়াই। রাস্ত্রপতিনা মহাক্কী ৱারোলদা ৱাফম কয়া থমখি। লৈবাক্কী থাক খুদিংমক্তা, লম খুদিংমক্তা, ৱাখল্লোন খুদিংমক্তা আশা অসি ময়েক শেংনা উবা ফংই। লৈবাক অসিদা থাজবনা পীক থল্লি। লৈবাক অসি মঙলান অমসুং ফিরেপশিংনা চল্লাইরি। অদুবু মফম  অসিদা মীওই খরনা নুংঙাইতনা লৈ। কাকা হাথরসীনা য়াম্না নোংক্নীংবা ৱাফম অমা হায়, কাকা হাথরসীনা হায়খি -

‘তুং মাং য়েংলবা মতুংদা নখোয় করিগী থেমজিনবা য়াদ্রিবনো, সিন অসি কনাগুম্বা অমগী ৱাখল্লোন মতুং ইন্না উবনি’

ইকাই খুম্নরবা স্পীকর,

মসিগী নুংঙাইতবা অসি অসুম্না পোক্লকপা নত্তে, মসিগী নুংদা মরম অমা লৈ। অহানবদা মীয়ামগী য়াথং, হঞ্জিন-হঞ্জিন য়াথং পীবা অদুবু নুংঙাইতবা অসিগী নুংদা লৈরিবা অরোনবা অদু করিনো, হৌখিবা চহি ১০দা ২০১৪গী মমাংদা, ২০০৪দগী ২০১৪দা ঐখোয়বু শান্তি ওইনা তুমহনখিদবা, ভারতজূ শেন্মীৎলোন শোকহনখি। নুংঙাইতবা পোক্তবা তারবদি কমদৌরমগনি? ইনফ্লেসন অসি চহি ১০দা দবল দিজিৎ ওইনা লৈরমগনি অমসুং করিগুম্বা অফবা থোকলকপা তারবদি নুংঙাইতবা থোরকই অমসুং থবক ফংদবগী সমস্যা কোকহনগনি হায়না ৱাশক শকপসু থোরকই।

ইকাই খুম্নরবা স্পীকর,

নহারোল অনিনা উমংদা শাদানবা চৎলমখি অমসুং মখোয়না কারদগী নোংমৈ লৌথোরকই অমসুং খোঙনা চৎপা হৌই। মখোয়না খনখি করিগুম্বা খরা চৎলবদি ঙাইহাক পোত্থাবা য়াগনি। অদুবু মহাক্না কৈ তানবা চৎইবনি অমসুং মহাক্না উরে মদুদি করিগুম্বা খরা মাংদা চংশিল্লবদি মহাক্না কৈ ফংগনি। অদুবু কৈ অদু খঙহৌদনা মমাংদা থোরকখি। কারদা নোংমৈ য়াওখি। কৈসু উরে হৌজিক করি তৌগনি? মখোয়না নোংমৈগী লাইসেন্স পাই হায়না উৎখি। মখোয়না থবক ফংদবা কোকহন্নবা আইন শেম্বা অদুসু উখি। য়েংঙু আইন শেমখি। মসিনি মখোয়গী পাম্বৈ অসি। ২০০৪দগী ২০১৪ গাওবা নীংতম্বা ফংলবা মতুং দিকেদ অসিদা খ্বাইদগী য়াম্বা স্কেম থোকখি। চপ মান্নবা চহি ১০ অসিদা য়ু.পি.এগী চহি ১০ অসিদা কাশ্মিরদগী কন্যাকুমারি ফাওবা ভারতকী কাচিন কোয়া খুদিংমক্তা তেরোরিস্ত এতেক্ত চত্থখি। হৌখিবা চহি ১০দা জম্মু কাশ্মিরদগী অৱাং নোংপোক্না হিংশাগী বিক্তিম ওইদুনা লাকখি। চহি ১০ অসিদা মালেমগী ফম্পাক্তা ভারতকী খোঙজেল অসুক্কী মতিক শোনখিবনা মালেমনা তানীংখিদে।

ইকাই খুম্নরবা স্পীকর,

মসি নুংঙাইতবা পোক্নবগী মরম অমা ওইখি, ঙসি লৈবাক্কী মতিক-ময়াই অসি শক খঙলবা মতমদা ইরৈবাকচা করোর ১৪০গী মতিক-ময়াই অসি হেনগৎলক্লি। মসি মাংদা থোরক্লি। অদুবু মমাংদসু লৈবাক্কী মতিক-ময়াই লৈজরমখি। অদুবু ২০০৪দগী ২০১৪ ফাওবা মখোয়না খুদোংচাবা অদু মাংহনখি। অমসুং খুদোংচাববু অৱাবদা ওন্থোকপা অসিনা য়ু,পি.এ.গী মশক তাকখি। ইনফোর্মেসন তেক্নোলোজীগী চহিচানা খোঙজেল য়াংনা খুমাং চাউশিনবা মতমদা ঐখোয়না ২জিদা পন্দুনা লৈখি, খুদোংচাদবশিং মায়োক্নখি। সিভিল ন্যুক্লিয়র দীল তৌখি, সিভিল ন্যুক্লিয়র দীলগী মতাংদা ৱারী শাবা মতমদা মখোয়না ভোৎকী শেল পীনবগী ৱাখল খন্দুনা লৈখি। অসুম্না গেম অসি চত্থখি।

ইকাই খুম্নরবা স্পীকর,

২০১০দা কম্মনৱেল্থ গেম্স পাঙথোকখি, মসি ভারতকী নহারোলশিংগী মতিক ময়াই মালেমদা উৎথোক্নবগী অচৌবা খুদোংচাবা ওইখি। অদুবু লৈবাক পুম্বা অসি সি.দবল্যু.জি স্কেমনা মরম ওইদুনা মালেনা খঙনখি।

ইকাই খুম্নরবা স্পীকর,

ইনর্জী হায়বা অসি লৈবাক অমা হেক্তগী চাউখৎ-থৌরাংদা মশাগী মগুন অমা লৈজৈ। অমসুং ভারতকী ইনর্জী পাৱর হেনগৎহন্নবা মাইকৈদা মালেমদা খন্ন-নৈনবগী মথৌ তাবা মতমদা, চহিচা অসিগী অনিশুবা দিকেদতা ভারত অসি ব্লেক আউত ওইনা খন্নখি। ব্লেক আউতকী মতমশিং অদু মালেম পুম্বনা খন্ননবা ৱাফম ওইরকখি। কোল স্কেম অদু মীয়াম্না খঙনরকখি।

ইকাই খুম্নরবা স্পীকর,

লৈবাক অসিদা তেরোরিস্ত এতেক্ত কয়া চত্থখি। ২০০৮গী এতেক্ত অদু কনানসু কাউরোই। অদুবু মখোয়না তেরোরিজম থেংননবগী মতিক-ময়াই চেনখিদে, মখোয়গী শীংনবশিং অদু শীংননবা শক্তি লৈখিদে অমসুং মসিগী মরমদা তেরোরিস্ত মপাঙ্গল কনখৎখি অমসুং লৈবাক পুম্বনা চহি তরা অসিদা চৈথেং নংখি।

ইকাই খুম্নরবা স্পীকর,

ভারতকী শক্তিগীদমক এল.ও.সি, এল.এ.সি.না খুদোংচাবা অমা ওইনা শীজিন্নবা য়াবা মতমদা দিফেন্সকী দীলগী মতাংদা হেলিকোপ্তর স্কেম থোকখি অমসুং শক্তি অদু কন্ত্রোল তৌরিবা মীওইশিংগী মমিং থোরকখি।

ইকাই খুম্নরবা স্পীকর,

লৈবাক্কীদমক মথৌ তারকপা মতমদা অমসুং ৱাফমশিং অসিনা নুংঙাইতবা পোক্নবগী মরম ওইরকপা মতমদা পুম্নমক থোরকখি।

ইকাই খুম্নরবা স্পীকর,

ভারতনা ২০১৪গী মমাংগী দিকেদ অসিবু দি লোস্ত দিকেদ হায়না খঙনবা অসি মীকুপ খুদিংগী নীংশিংদুনা লৈহৌরগনি অমসুং ২০৩০ অসি মালেম পুম্বগী ওইনা ভারতকী দিকেদ হায়না খঙনগনি হায়বা ৱাফম অসি ককপা য়াররোই।

ইকাই খুম্নরবা স্পীকর,

দেমোক্রেসীদা ক্রিতিজম তৌবা অসি মরু ওইবা হায়বদা ঐহাক্না থাজবা থম্মি। অমসুং মতম চুপ্পদা ঐহাক্না থাজৈ মদুদি দেমোক্রেসীগী মমা ভারতনা দেমোক্রেসী অসিবা চহিচা কয়া ঐখোয়গী মচুশিংদা তিলহনগনি। অমসুং মসিনা মরম ওইদুনা ঐহাক্না থাজৈ মদুদি দেমোক্রেসীগী শক্তিগীদমক, দেমোক্রেসী চাউখৎহন্নবগীদমক, দেমোক্রেসীগী ৱাখল্লোনগীদমক ক্রিতিজম অসি পুরিফিকেসন য়গ্না অমনি। অদুবু লাইবক থিবদি ঐখোয়না নুমিৎ কয়া ঙাইদুনা লাকখি, কন্না হোৎনরবা মতুং কনাগুম্বা অমা লাক্কনি, কনাগুম্বনা এনালাইজ তৌগনি অমসুং কনাগুম্বনা ক্রিতিসাইজ তৌগনি মসিনা লৈবাক অসিদা কান্নবা খরা পীগনি। অদুবু মহাক্না চহি ৯ অসি ক্রিতিজম অমসুং এলিগেসনশিংদা মাংহনখি। মরাল শিবা, চৈবা অসিগী মথক্তা হায়নীংবা হায়বা নত্তনা উপাই লৈখিদে। লান্না মরাল পীবা অমসুং ওইরিবা মীফমনা মীখলশিংদা মাইথীহনখি –ই.ভি.এম. শোইরে হায়না মরাল শীখি, ইলেক্সন কম্মিসন্দা মরাল শীখি। করিগুম্বা ৱায়েলশঙনা মখোয়গী মাইকৈদা লেপ্তবা তারবদি সুপ্রিম কোর্তপু মরাল শীখি।

ইকাই খুম্নরবা স্পীকর,

করিগুম্বা শেঞ্জা-থুমজা অসি থীজিনবা তারবদি থীজিল্লিবা এজেন্সীশিংদা মরাল পীশিল্লি। করিগধম্বা আর্মীগী শক্তি শীজিন্নরবদি, করিগুম্বনা মখোয়গী থৌনা উৎলবদি ৱারী অসিনা লৈবাক্কী প্রজাদা অনৌবা ৱাখল্লোন অমা পোকহনখি, অদুগা আর্মীদা মরাল শীজিল্লি, চৈশিল্লি।

লৈবাক্কী শেন্মীৎলোন চাউখৎপগী পাউশিং লৈবা মতমদা, শেন্মীৎলোন চাউখৎহন্নবা ৱারী শাবদা করিগুম্বা মালেমগী ইন্সতিত্যুসন পুম্নমক্না ভারতকী শেন্মীৎলোনগী মতাংদা ঙাংনবা মতমদা মফম অদুদগী থোক্লগা আর.বি.আই.দা শাওই, ভারতকী ইকনোমিক ইন্সতিত্যুসনশীংদা শাওই।

ইকাই খুম্নরবা স্পীকর,

হৌখিবা চহি মাপল অসিদা ঐখোয়না মীওই খরা শেল মাংবা উবা ফংখ্রে। কম্পলসিব ক্রিতিসিজমনা কনস্ত্রক্তিব ক্রিতিসিজমগী মহুৎ শিনখি অমসুং কম্পলসিব ক্রিতিসিজমদা লুপখিদুনা পুম্নমক মাংখি।

ইকাই খুম্নরবা স্পীকর,

হাউস্তা শেঞ্জা-থুমজা য়েংশিল্লিবা এজেন্সীশিংগী মতাংদা কয়া অমা ঙাংনখি অমসুং হীরম অসিদা বিরোধিদা ফম্লিবা মীওই কয়ানা মসিগী মায়োক্তা ৱা ঙাংবা ঐহাক্না উবা ফংখি।

ইকাই খুম্নরবা স্পীকর,

ঐহাক্না খনখি লৈবাক অসিগী মীয়াম্না লৈবাক্কী মীখলশিংগী ফলশিংগী মতুংদা অসিগুম্বা মীওইশিং অসিবু ফম্পাক অমদা শোইদনা পুরক্কনি হায়না থাজখি। অদুবু মদু ওইথোকখিদে, অদুবু মীওইশিং অসিনা ই.দি.বু থাগৎফম থোকখি মরমদি ই.দি.না মরম ওইদুনা মীওইশিং অসি ফম্পাক অমদা পুরকপা ঙমখি। ই.দি.না লৈবাক্কী ভোত্তরশিংনা তৌবা ঙমদবা অদু পাঙথোকখি।

ইকাই খুম্নরবা স্পীকর,

হরভর্দ স্তদীদা য়াম্না পামজবা মীওই খরা লৈ মখোয়গী মরমদা কয়ারক ঐহাক্না তাখ্রে। চপ মান্নবা ৱাফম অসি কোরোনাগী মতমদসু হায়খি অমসুং কোংগ্রেসনা হায়খি ভারত্তা অমাং-অতা থোকপগী মতাংদা হরভর্দতা কেস স্তদী অমা তৌগনি, ঙরাংসু হাউস অসিদা হরভর্দ য়ুনিভর্সিতীকী স্তদীগী মতাংদা ৱা ঙাংনখি অদুবু ইকাই খুম্নরবা স্পীকর হৌখিবা চহিশিংদা হরভর্দতা অফবা স্তদী অমা তৌখি, য়াম্না মরু ওইবা স্তদী অমা তৌখি। অমসুং স্তদী অদুগী তোপিক অসি ঐহাক্না হাউস্তা শোইদনা থমজনীংই। স্তদী অদুদি দি রাইস এন্দ দেক্লাইন ওফ ইন্দিয়া’স কোংগ্রেস পার্তী হায়বা অসিনি, স্তদী অসি পাঙথোকখ্রে। স্পীকর সর ঐহাক্না থাজৈ তুংলমচৎতা কোংগ্রেস মুৎখিবগী মতাংদা শোইদনা স্তদী তৌরক্কনি হরভর্দ খক্তা নত্তনা অচৌবা য়ুনিভর্সিতীশিংদা শোইদনা তৌগনি।

ইকাই খুম্নরবা স্পীকর,

দুশয়ন্ত কুমারনা অসিগুম্বা মখলগী মীওইশিংগী মরমদা ফজরবা ৱাফম অমা থমখি অমসুং দুশয়ন্ত কুমারনা করি হায়খিবা হায়বা অদুগা য়াম্না চান্নরি:-

নখোয়গী খোঙগী মখাদা লৈমাই লৈতে,

ঙক্লিবদি মতম অদুদসু নখোয়না থাজবা ঙমদে।

ইকাই খুম্নরবা স্পীকর,

মরমদি মীওইশিং অসিনা কোক অমদি খোঙ য়াওদনা ৱা ঙাংবা পামজৈ, মখোয়না হায়রিবা অদু কয়া য়াম্না লানবগে হায়বা মখোয় নীংশিংজদে। করিগুম্বা মতমদা ৱাফম অমা, নত্ত্রগা অতোপ্পা ওই। হৌজিক ২০১৪দগী মখোয়না লেপ্পা লৈতনা মরাল শীরি, হীরম খুদিংমক্তা মরাল শীরি, ভারতনা শোন্থরক্লি, কনা অমত্তনা ভারতনা ঙাংবা তানীংদে, মালেমদা ভারত অসি মাংখ্রে, মখোয়না ঙাংলিবা অদু করিনো খঙদে অমসুং হৌজিক ঙাংলিবা অসিসু করিনো খঙজদে। হৌজিক মখোয়না হায়রি ভারত অসি য়াম্না মপাঙ্গল কল্লে মসিনা মরম ওইদুনা অতোপ্পা লৈবাকশিংনা ৱারেপ লৌবদা অকিবা পীরি। ফরেনে অহানবদা ভারত অসি শোল্লিরা নত্ত্রগা কল্লিরা হায়বা অদু হান্না অমুক্তা খঙখো।

ইকাই খুম্নরবা স্পীকর,

মোদীদা থাজবা থম্লিবা অসি পাউচেগী হেদলাইনশিং ওইবনা পোকহনবা নত্তে। মোদীদা থাজরিবা অসি তি.ভি.দা শক উৎলুবগী নত্তে। পুন্সি মাংখি, মীকুপ খুদিংমক মাংহনখি। লৈবাক্কী মীয়ামগীদমক মতম থাদখি, লৈবাক্কী অফবা তুংলমচৎকীদমক ঐখোয়না মতম থাদখি।

ইকাই খুম্নরবা স্পীকর,

মোদীনা ইরৈবাকচাশিংনা থম্লিবা থাজবা অসি মখোয়না খন্থবা ঙম্বগী ৱাংমদনি। ঐগী লৈবাক্কী ইরৈবাকচা করোর ৮০না, লেম্না রাসন ফংলিবশিং অসিনা মখোয়না লান্না পাউথোক্লিবা অসিদা মখোয়দা থাজগদ্রা?

ইকাই খুম্নরবা স্পীকর,

হৌজিক ৱান নেসন ৱান রাসন কার্দনা লৈবাক অসিগী মফম অমা হেক্তদা লৈরিবা লাইরবশিংগী খ্বাইদগী লাইরবনা রাসন ফংলি। মখোয়না নখোয়গী অরানবা ৱা, লান্না মরাল শীরিবা অদু থাজগদ্রা?

ইকাই খুম্নরবা স্পীকর,

চহি অমদা অহুমরক পি.এম. কিসান সম্মান নিধিগী মখাদা লৌমী করোর ১১গী একাউন্তদা শেল দিপোজিৎ তৌদুনা শেল ফংলিবা লৌমীশিং অসিনা নখোয়গী অরানবা ৱা, লান্না মরাল শীরিবা অদু থাজগদ্রা?

ইকাই খুম্নরবা স্পীকর,

ঙরাং ফুদপাথতা লৈরম্বা মীওইশিং অদু, স্লমশিংদা লৈরম্বা মীওইশিং অদু, অসিগুম্বা মীওই করোর ৩ হেনবনা পক্কাগী য়ুমশিং ফংখি মখোয়না নখোয়গী অরানবা ৱা, লান্না মরাল শীরিবা অদু থাজগদ্রা?

ইকাই খুম্নরবা স্পীকর,

মীওই করোর ৯না লেম্না গ্যাস কন্নেক্সন ফংখি, মখোয়না নখোয়গী অরানবা অদু করম্না থাজগনি। ইচে-ইচল করোর ১১না ইকাই খুম্নবা ফংখি, মখোয়না তোইলেৎশিং ফংখি, মখোয়না নখোয়গী অরানবা অদু করম্না থাজগনি।

ইকাই খুম্নরবা স্পীকর,

নীংখা তম্বদগী চহি ৭৫ হৌখ্রে ঙসি ইমুং করোর ৮না তোতি ঈশিং ফংলে, ইমাশিং অদুনা নখোয়গী অরানবা, অশোইবা অমসুং মরাল শীরিবা অদু লৌগদ্রা। আয়ুশ্মান ভারত অভিয়ান্না ইমুং করোর ২গী মতেং পাংখি, পুন্সিশিং কনখি। মখোয়গী অৱাবা মতমদা মোদী লাকখি, মখোয়না নখোয়না মরাল শীরিবা অদু লৌগ্রা, নখোয়বু করম্না থাজগনি।

ইকাই খুম্নরবা স্পীকর,

নখোয়না চৈবা, নখোয়না মরাল শীবা অসি দিকেদ কয়া মখোয়গী পুন্সিবু নমদুনা ৱানা লেনহনখিবা ভারত মচা করোর কয়া অসিনা থাজবা তাই।

ইকাই খুম্নরবা স্পীকর,

খরনা মখোয় মশাবু অমসুং মখোয়গী ইমুং-মনুংগীদমক মাংহন তাকহনবগী থবক কয়া তৌখি। মোদীনা মশাগীদমক হিংলি, মহাক্কী ইমুংগীদমক হিংলি অদুনা মোদী অসি ইরৈবাকচা করোর ২৫গী ইমুংগী মীওই অমনি।

ইকাই খুম্নরবা স্পীকর,

ইরৈবাকচা করোর ১৪০গী থৌজালশিং অসিনা ঐহাক্কী খ্বাইদগী চাউবা চুঙ্গোই ওইরি। অমসুং চৈবা, অরানবগী খুৎলাইশিংনা মসিগী চুঙ্গোই অসি ফাওদুনা চংবা কৈদৌনুংদা ঙমলোই। মসি থাজবগী চুঙ্গোইনি অমসুং খুৎলাই অমতনা মসিবু ফাওদুনা চংবা ঙমলোই।

ইকাই খুম্নরবা স্পীকর,

ঐখোয়গী সরকারনা ৱাফম খরগীদমক ফিরেপ লৌখি। ঐখোয়না খুন্নাইগী শোত্থরনা শরুকশিংদা মীৎয়েং চংনবা ফিরেপকা লোয়ননা হিংলি, ঐখোয়না ফিরেপ অসিগা লোয়ননা মাংদা চংশিল্লি। দিকেদ কয়াদগী দলিৎ, শোত্থরবা, ত্রাইবেলনা ফীভম অমদা লৈরকখি। সম্বিধান্না লৌমীশিংগীদমক তৌগদবা রিফোর্ম তৌবা ঙমদনা লাকখি। ২০১৪গী মতুংদা ঐহাক্কী ইমুং-মনুংশিং অসিনা লাইরবগী য়াইফ-থৌরাংগী স্কিমশিংদগী চাউনা কান্নবা ফংখি। ইকাই খুম্নরবা স্পীকর সর অহানবা ওইনা দলিৎ, শোত্থরবা অমসুং ত্রাইবেল মীওইশিংনা তাবা মফমশিংদা মৈ ফংহনখি। মখোয়না ঈশিংগীদমক মাইল কয়া চৎপা তাখি। অহানবা ওইনা তোতিদগী ঈশিং তাহনখি। পুম্নমক অসিনা ইমুংশিং অসিদা য়ৌশিল্লি। ঙসি অহানবা ওইনা ইমুং কয়ানা পক্কাগী য়ুমদা লৈবা ফংজরে।

ইকাই খুম্নরবা স্পীকর,

নখোয়না নাথৈবীরবা মফমশিং, মীখলগী মতমদা খক্তা নীংশিংবীবা মীওইশিং অদুগীদমক লম্বী শেম্বীরে, মৈ, ঈশিং ফংহল্লে মসি খক্তা নত্তনা মফম অসিদা ৪জি কন্নেক্তিবিতী য়ৌহল্লি।

ইকাই খুম্নরবা স্পীকর,

লৈবাক পুম্বনা চাউথোকচবা পোক্লি। ঙসি ঐখোয়না ত্রাইবেল রাস্ত্রপতি অমা উবা মতমদা লৈবাক পুম্বনা থাগৎ ৱাহৈ কয়া ফোঙদোক্লি। ঙসি ফুরুপ অসিগী মশিংগী নুপা অমদি নুপী তঙ্খাই অমনা ইমা লৈবাক্কীদমক মখোয়গী পুন্সি কত্থোকখি। মখোয়না নীংতম লান লমজিংখি, মখোয়গী মীংখৈ শোন্নরি অমসুং জনজাতিয়া গৌরব দিবস পাঙথোক্লি। অমসুং ঐখোয়গী ত্রাইবেলগী চৎনবগী অচৌবা মীহুৎ, নুপী অমনা লৈবাক অসিবু লমজিংলি, রাস্ত্রপতি ওইনা থৌ পুরি। ঐখোয়না মখোয়দা হকশিং পীরি।

ইকাই খুম্নরবা স্পীকর,

ঐখোয়না অহানবা ওইনা উবা ফংলি। ৱাফম অমা খক্তা অচুম্বনি। ঐখোয়দা চপ মান্নবা এক্সপরিয়েন্স লৈ, ঐহাক্কী, নহাক্কী খক্তগী ৱা নত্তে। ঐখোয়ন পুম্নমক্না খঙই মদুদি ইমা অমা শক্তি পীরবা মতমদা ইমুং পুম্বা চাউখৎলি। করিগুম্বা ইমুং অমনা মপাঙ্গল কল্লবদি খুন্নাই অদু মপাঙ্গল কনখৎলি অমসুং মতম অদুদা লৈবাক অদুনা মপাঙ্গল কনগনি। অমসুং ঐখোয়গী সরকারনা ইমা, ইচে-ইচল অমসুং ইচা নুপীশিং শেবা তৌবা ফংজবা অসি খ্বাইদগী লাইবক ফবনি। অপীকপা সমস্যা খুদিংমক কোকহন্নবা থমোয় শেংনা হোৎনখি। ঐখোয়না খ্বাইদগী মরু ওইবদা মীৎয়েং চংখি।

ইকাই খুম্নরবা স্পীকর,

করিগুম্বদা ফাগী-জুগাই তৌনৈ। মসি করম্বা মখলগী প্রধান মন্ত্রীনো? লাল কিলাদগী অমাংশঙগী মতাংদা ৱা ঙাংখি। ফাগি য়াম্না তৌগল্লি। ইকাই খুম্নরবা স্পীকর, অমাংশঙ অসি য়ুমগী ইকাই খুম্নফমনি। মসি ইমা অমদি ইচে-চলশিংগী তৌবা ঙম্বশীং অদু ইকাই খুম্নবগী ৱাফমনি, মখোয়দা খুদোংচাহনবনি। মসি খক্তা নত্তে ঐহাক্না সেনিতরী পেদশিংগী মতাংদা ৱা ঙাংবা মতমদা মীয়াম্না খল্লি করিগীদমক প্রধান মন্ত্রীনা অসিগুম্বা ৱাফম অসি পুথোক্লিবনো।

ইকাই খুম্নরবা স্পীকর,

সেনিতরী পেদ লৈতবা মতমদা লায়রবা ইচে-ইচলশিং অমসুং ইচানুপীশিং ইকাইবা কয়া নংগনি। মখোয়না লাইনা কয়া নারকপা য়াই। ইমা অমদি ইচে-ইচলশিংনা মৈখুদা নোংমদা পুং কয়া লৈরি। মখোয়গী পুন্সি অসি মৈখু মরক অসিদা লোইশিল্লি, ঐখোয়না মসিগী অৱাবা অসিদগী লায়রবা ইমা অমদি ইচে-ইচলশিংবু কনবা ঙম্বা অসি ঐখোয়গী লাইবক ফবনি। পুং কয়া ঈশিং শোকপদা, কেরোসিনগী লাইন লেপ্পদা মাংখি। ঙসি পুম্নমক অসিগী ইমা অমদি ইচে-ইচলশিংনা নীংতম্বা ফংজবদা ঐখোয়না অপেনবা পোকই।

ইকাই খুম্নরবা স্পীকর,

মমাংদা চৎনরক্লিবা মওং অদুদা ঐখোয়না মখা তানা চৎনহল্লম্বা তারবদি কনাগুম্বা অমত্তনা মোদীজীনা মসি করিগী তৌদ্রিবনো হায়না খঙবা ঙমলোই মরমদি মখোয়না থোকপা ঙমলরোইদবা ফীভম অমদা লৈবাক অসিবু নখোয়না থম্বীরমখি। লৈবাক অসি অৱাবা মরক্তা লংশিল্লমখি। ঐখোয়না উজ্জৱালা য়োজনাগী খুত্থাংদা মৈখু চেনবা ফহনখি, ঈশিং ফংহনখি, ইচে-ইচলশিংদা শক্তি পীনবা থবক তৌখি, সেল্ফ হেল্প গ্রুপশিংগী ইচে-ইচল করোর ৯ শম্নহনখি। মাইনিংদগী হৌরগা দিফেন্স ফাইবদা ঙসি ইমা, ইচে-ইচল অমসুং ইচানুপীশিংগীদমক খুদোংচাবা কয়া লৈরে। ঐখোয়গী সরকারনা খুদোংচাবশিং অসি পীনবা থবক পাইখৎখি।

ইকাই খুম্নরবা স্পীকর,

ঐখোয়না ৱাফম অসি নীংশিংসি, ভোৎ বেঙ্ককী রাজনিতীনা লৈবাক অসিগী মতিক-ময়াইদা চাউনা শাফু অমা পীখি। অমসুং মসিগী ফল ওইনা লৈবাক অসিদা তৌগদবা অদু থিন্থহনখি। মতম শাংনা মিদল ক্লাসতা খুদোংচাবা ফংহনদনা লাকখি। মখোয়দা হন্না ফাওবা য়েংবীখিদে। মসিনা মখোয়গীদমক কনা লৈতে হায়বা ৱাখল্লোন পোকহনখি, ঐখোয়না ঙম্বা ইশানা তৌজগনি হায়না খলহনখি। মহাক্না লাইরবা কোকচনবা অঙম্বা শক্তি শীজিন্নখি। অদুবু ঐখোয়গী সরকারনা, এন.দি.এ. সরকারনা মিদল ক্লাসকী পুকচেল শেংবা অদু উখি। ঐখোয়না মখোয়দা সেক্যুরিতী পীখি অমসুং ঙসি ঐখোয়গী হোৎনবা কনবা মিদল ক্লাসনা লৈবাক অসি অনৌবা পনখৈশিং তম্না পুখৎলি। সরকারগী তোঙান-তোঙানবা স্কিমশিংদগী মিদল ক্লাসনা চাউনা কান্নবা ফংখি। ২০১৪গী মমাংদা জিবিগী দেতা শীজিন্নরম্বা মতম অদু ঙসিদি অহোংবা পুরক্লি। ওনলাইনগী মালেম অমা ওইরি। মীপুম খুদিংমক্কী মখুৎতা মোবাইল ফোন পাইরি। মখোয়গী ফুরিৎ খাও শেগাইরবা ফাওবা মোবাইলদি পাই।

ইকাই খুম্নরবা স্পীকর, ২০১৪গী মমাংদা জিবি দেতা অমদা লুপা ২৫০ পীরমখি। ঙসি মসি লুপা ১০ খক্তা পীরি। ইকাই খুম্নরবা স্পীকর, ঐখোয়গী লৈবাক্কী প্রজা অমনা চাংচৎতা জিবি ২০ শীজিন্নৈ। করিগুম্বা ঐহাক্না মদু হোৎলবদি চাংচৎ ওইনা মীওই অমনা লুপা ৫০০০ চাদিং তৌগনি।

ইকাই খুম্নরবা স্পীকর,

ঙসি জন ঔশাধি স্তোরশিং অসি লৈবাক পুম্বগী মীৎয়েংফম ওইরক্লি মরমদি মিদল ক্লাস ইমুংদা সিনিয়র সিতিজেন অমা লৈরবদি দাইবেতিসগুম্বা লাইনা অসি নাগল্লি মরম অসিনা মখোয়না লিশিং অমা, অনি, অনি মখাই, অহুম থা খুদিংগী হীদাক্তা চাদিং তৌই। জন ঔশাধি কেন্দ্রদা মার্কেৎতা লুপা ১০০দা ফংবা হীদাক অদু লুপা ১০ লুপা ২০দা ফংই। ঙসি হীদাক্না মরম ওইদুনা মিদল ক্লাসকী মীওইশিংনা লুপা করোর লিশিং ২০ তুংশিনজবা ঙম্লে।

ইকাই খুম্নরবা স্পীকর,

মিদল ক্লাসকী ইমুং খুদিংমক্না মশাগী য়ুম অমা লৈজবা হায়বা অসি মঙলান অমনি অমসুং সহরগী মফমশিংদা য়ুমগী লোনশিংগীদমক চাউনা শিনবীদুনা ঐখোয়না থবক অসি পাঙথোক্লি অমসুং আর.ই.আর.এ. লো চৎনহনবনা মরম ওইরগা অসিগুম্বা মখলগী ইলিমেন্ত অসিনা মিদল ক্লাসনা ৱানা তানজবা শেল কৈদৌনুংদা মাংহল্লোই। মহাকপু তেক্সকী পোৎলুমদগী কোকপীদুনা মঙোন্দা অনৌবা থাজবা পীখি। মসিনা মরম ওইদুনা মশাগী য়ুম শাজনবগী খুদোংচাবা হেনগৎহনখি।

ইকাই খুম্নরবা স্পীকর,

মিদল ক্লাস ইমুং খুদিংমক্না মখোয়গী অঙাংশিংগীদমক হায়র এজুকেসনগীদমক মখোয়দা মঙলান লৈজৈ। মহাক্না ঙসি লৈরিবা অসুম্না মেদিকেল কোলেজশিং, ইঞ্জিনীয়রিং কোলেজশিং অমসুং প্রোফেস্নেল কোলেজশিংগী মশিং হেনগৎহনবা পামখি। সীতশিং হেনগৎহনখি। মিদল ক্লাসকী অনীংবশিং মপুং ফানা থুংহনখি। মহাক্কী অঙাংশিংগীদমক অফবা তুংলমচৎতা থাজবা হৌরকখি।

ইকাই খুম্নরবা স্পীকর,

করিগুম্বা লৈবাক মাংদা চংশিনবা তারবদি মতমগা চুনবা মওংদা ভারতপু পুখৎপা নত্তনা লম্বী লৈতে। অমসুং মসি মতমগী দিমান্দ মতুং ইন্না হৌজিক ঐখোয়না মতম মাংহনবা য়াদে মরম অসিনা ঐখোয়না ইনফ্রাস্ত্রকচরদা মীৎয়েং চংখি অমসুং মীখা পোনবগী মতমদা খঙনরমখিবা ভারত অসি হৌজিক আর্কিতেকচরগী ইনফ্রাস্ত্রকচরদা মালেমগী লুচিংবা অমা ওইনা খঙনহনগনি। মীখা পোল্লিঙৈ মতমদা পুম্নমক মাংহনখি। লৈবাক্কী নীংতম্বা ফংলবা মতুংদা অমক হন্না মসি হিংগৎলক্কনি হায়না আশা তৌখি। ঙসি দিকেদ অসিদা অচৌবা অহোংবা উবা ফংলে। লম্বী, সমুদ্র লম্বী, ললোন-ইতিক, ঈশিং লম্বী, ইনফ্রাস্ত্রকচর শেমগৎপা ওইরবসু সেক্তর খুদিংমক্তা ঙসি মসি ময়েক শেংনা উবা ফংলি। হায়ৱেজতা রেকোর্দ ওইবা মওংদা ইনভেস্তমেন্ত তৌখি। ঙসি অপাকপা লম্বী, হায়ৱে, এক্সপ্রেসৱেশিং ভারত্তা শেমগৎলি। লৈবাক্কী অনৌবা মীরোলশিংনা মসি উবা ফংলি। ঐখোয়না ভারত্তা মালেমগী থাক্কী হায়ৱে অমসুং এক্সপ্রেসৱেশিং শেমগৎনবা মাইকৈদা থবক তৌরি। মমাংদা ব্রিতিশনা পীরম্বা রেলৱে ইনফ্রাস্ত্রকচরদা খক্তা মীৎয়েং চংদুনা লাকখি।

ইকাই খুম্নরবা স্পীকর,

রেলৱেজ অসি ইনবা-চীংবা, এক্সিদেন্ত অসিগুম্বা ফীভম অমদা লৈরমখি ব্রিতিশনা থমলমখিবা মওং অদুদা অদুমক লৈখি। থা খুদিংগী এক্সিদেন্ত হঞ্জিন-হঞ্জিন থোকখি। এক্সিদেন্ত থোক্লবদি মদু লাইবক্নি হায়না লৌরমখি। অদুবু হৌজিক্তি এম.পি. খুদিংমক্না ভন্দে ভারত ত্রেনশিংগী দিমান্দ তৌদুনা চীথি ইরকখি। ঙসি রেলৱে স্তেসনশিং অসি নৌনা শেমগৎলি। ঙসি এয়রপোর্তশিং শেমগৎলি। চহি ৭০দা রেলৱে এয়রপোর্ত ৭০, চহি ৯দা এয়রপোর্ত ৭০। লৈবাক অসিদা ঈশিং লম্বেল শেমখি। ঙসি ঈশিংগী লম্বীশিংদা ত্রান্সপোর্তেসন তৌরি। ঐখোয়না মোদর্ন ইনফ্রাস্ত্রকচরদা মীৎয়েং চংদুনা মোদর্নিতীগী মাইকৈদা চংশিল্লি।

ইকাই খুম্নরবা স্পীকর,

ঐগী পব্লিক লাইফকী ঐগী পুন্সিদা দিকেদ ৪-৫ শুখ্রে অমসুং ভারতকী খুঙ্গংশিং ফাওদুনা ঐহাক্না চৎখি। দিকেদ ৪-৫ অসিদা  শাংলবা মতমদা পরিব্রাজাক্তা লেনখি, ঐহাক্না থাক খুদিংমক্তা ইমুংশিংগা ৱারী শানবা খুদোংচাবা ফংখি, ভারতকী খুন্নাইশিংগী শরুক খুদিংমক খঙখি। ঐহাক্না মসিদা য়ুম্ফম ওইরগা চাউনা থাজবগা লোয়ননা হায়বা ঙমগনি মদুদি ভারতকী মীচম প্রজা অসি পোজিতিবিতীনা থনখি। পোজিতিবিতী অসি মখোয়গী মওং-মতৌ, মখোয়গী নাৎকী শরুক অমন। আধার অসিনা ঙসি দিজিতেল ত্রাঞ্জেক্সনগী খ্বাইদগী মরু ওইবা শরুকনি। নখোয়না মসি কান্নফম খঙদনা থম্লমখি। জি.এস.তি. অসি করম তৌরম্বনো খঙদে। অদুবু ঙসিদি জি.এস.তি.না ভারতকী শেন্মীৎলোন শেমগৎপদা অচৌবা থৌদাং অমা লৌরি অমসুং মীচমগী পুন্সি লাইথোকহনখি। ঙসি এসিয়াদা খ্বাইদগী চাউবা হেলিকোপ্তর মেন্যুফেকরিং হব লৈরে তেজাস প্লেনশিং কয়া শারি ঙসি ঐচ.এ.এল.দা ইন্দিয়ন আর্মীগী লুপা করোর কয়াগী খুৎলাই শারি। ভারত মনুংদ দিফেন্স ইনদস্ত্রী চাউখৎলক্লি।

ইকাই খুম্নরবা স্পীকর,

মফম অসিদা জম্মু-কাশ্মিরগী মতাংদসু খন্নখি অমসুং হন্দক্তা জম্মু-কাশ্মিরদা চৎলুবা মীওইশিংনদি মফম অদুদা কমদৌরি হায়বা উবা ফংলমগনি।

ইকাই খুম্নরবা স্পীকর,

মমাংগী চহিচাগী তঙ্খাই চল্লকপদা ঐহাক্না জম্মু অমসুং কাশ্মিরদা য়াত্রা অমা চৎখি অমসুং লাল চৌকতা মচু অহুমগী ফিরাল চীংখৎকনি হাবনা ৱাশকখি অমসুং মতম অদুদা তেরোরিস্তনা ঙমব্রা য়েংনসি হায়না পোস্তরশিং থেৎখি। নুমিৎ অদু জনুৱারী ২৪নি ঐহাক্না জম্মুগী মীতিন অমদা হায়খি,  তেরোরিস্তশিংদা তানবা হায়খি, ঐহাক্না অয়ুক পুং ১১ তাবা মতমদা চপ চানা লাল চৌকতা জনুৱারী ২৬তা সেক্যুরিতী অমত্তা য়াওদনা, বুল্লৎপ্রুফ জেক্কেৎ লিৎতনা লাল চৌকতা মচু অহুমগী ফিরাল চীংখৎকনি।

ইকাই খুম্নরবা স্পীকর,

অমসুং শ্রীনগরগী লাল চৌকতা মচু অহুমগী ফিরাল চীংখৎপা মতমদা ঐঙোন্দা মীদিয়াগী মীয়াম্না হঙবা হৌরকখী, ঐহাক্না হায়খি ওগস্ত ১৫ অমসুং জনুৱারী ২৬ অসি মহৌশানা ভারতকী মচু অহুমগী ফিরাল চীংখৎলি, মসি ভারতকী ওর্দিনান্সতা য়াওই। ঙসি মচু অহুমগী ফিরাল লাল চৌকতা চীংখৎপা মতমদা য়েকনবগী লৈবাক্কী গনৱাউদরনা সেলুৎ পীরি, নোংমৈ কাপখৎলি।

ইকাই খুম্নরবা স্পীকর,

ঙসি শান্তি পুরকপা ঙম্লে। মফম অদুদা ঙসি শান্তি ওইনা চৎপা য়ারে। দিকেদ কয়াগী মতুংদা কাশ্মিরনা এনভাইর্নমেন্ত অমসুং তুরিজমগী রেকোর্দশিং থুগাইখি। ঙসি জম্মু অমসুং কাশ্মিরদা দেমিক্রোসীগী ফেস্তিবেল পাঙথোক্লি।

ইকাই খুম্নরবা স্পীকর,

ঙসি জম্মু-কাশ্মিরদা য়ুম খুদিংমক্তা মচু অহুমগী ফিরালগী মাইপাকপগী প্রোগ্রামশিং পাঙথোক্লি। মচু অহুমগী ফিরাল চীংখৎপদা অকিবা পোক্লম্বা মীওইশিংনা তিরঙ্গা য়াত্রাদা শরুক য়ারি।

ইকাই খুম্নরবা স্পীকর,

মতম অমদা পাউচেদা য়াওবা পাউ অসি খঙদনা চৎখিবা য়াওদে। পাউচেশিংদা পাউ লাকপা মতমদা মীওইশিং অসিনা তি.ভি.দা থোক্নবা হোৎনৈ। অদুবু মতম অসিদা শ্রীনগরগী থিএতর হাউসশিং মপুং ফানা চল্লাইখি অমসসুং মফম অমত্তদা সেপরেতিস্ত উবা ফংখিদে।

ইকাই খুম্নরবা স্পীকর,

হৌজিক্তি ঐখোয়গী মরুপশিং, ঐখোয়গী ইকাই খুম্নরবা মেম্বরশিংনা অৱাং নোংপোক্কী মতাংদা হংখি। ঐহাক্না হায়জগদবদি  অৱাং-নোংপোক্তা অমুক্তা লাকপীয়ু। নখোয়গী মতমগী অৱাং নোংপোক অমদি ঙসিগী অৱাং নোংপোক অসি অমুক্তা য়েংবীয়ু। মোদর্ন ওইবা হায়ৱেশিং লৈরে, রেলগী খোঙচৎ নুংঙাইরে। ঙসি অৱাং নোংপোক্কী মফম খুদিংমক্তা নীংতম্বগী চহি ৭৫শুবা কুমওন চাউনা পাঙথোক্লি। চহি ৯ অসিদা মীওই ৭৫০০না খুৎলাই থাদোক্তুনা চংজরকখি।

ইকাই খুম্নরবা স্পীকর,

ঙসি ত্রিপুরাগী ইমুং লাখ কয়ানা পক্কাগী য়ুমশিং শারি। ঐহাক্না মখোয়গী নুংঙাইবা ফোঙদোকপদা শরুক য়াবগী খুদোংচাবা ফংখি। ঐহাক্না ত্রিপুরাদা হীরা য়োজনাগূ মতাংদা ৱা ঙাংবা মতমদা ঐহাক্না আয়খি হায়ৱে-আইৱে-রেলৱে অমসুং এয়রৱে দাইমন্দ অসি ত্রিপুরাগী লমদমদা মাইপাক্না লৈহনখি। ত্রিপুরানা ঙসি খোঙজেল য়াংনা ভারতকী চাউখৎ খোঙচৎকী  খোঙলোই অমা ওইখি।

ইকাই খুম্নরবা স্পীকর,

রাজনিতীগী খেন্নবা লৈবা য়াই, ৱাখল্লোনশিংদা খেন্নবশিং লৈবা য়াই, অদুবু লৈবাক অসিদি মুৎপা নাইরোই। ২০৪৭তা ঐখোয়না নীংতম্বগী চহি ১০০ শুবগী পালন তৌগনি, ঐখোয়না চাউখৎপা ভারত অমা শেমগৎকনি। মঙলান অমগা লোয়ননা চংশিনগনি, ফিরেপ অমগা লোয়ননা চংশিনগনি অমসুং মপুং ফাবা মতিক-ময়াইগা লোয়ননা চংশিনগনি, গান্ধীগী মমিং লৌদুনা শান্নরম্বশিংদা ঐহাক্না গান্ধীগী মরমদা অমুক হন্না পানবা হায়জনীংই। মহাত্মা গান্ধীনা হায়রমখি – করিগুম্বা নখোয়গী থৌদাংশিং পাঙথোকপা তারবদি অতোপ্পগী হকশিং ঙাকশেনবা হায়বা অসি মদুদা য়াওই। ঙসি থৌদাং অমসুং হকশিংগী মরক্তা য়েৎনবা উবা ফংলিম তশেংবদি অহানবা ওইনা লৈবাক অসিনা অসিগুম্বা অসি উবা ফংলি।

অমসু মরম অসিনা ইকাই খুম্নরবা স্পীকর,

ঐহাক্না ইকাই খুম্নরবা রাস্ত্রপতিবু অমুক হন্না থাগৎচরি অমসুং ঙসি লৈবাক অসিনা অনৌবা ইনোৎ, অনৌবা থাজবা অমসুং অনৌবা ফিরেপকা লোয়ননা চংশিনবা হৌখি।

হন্না-হন্না থাগৎচরি!

***