ভারত সংবিধানগী আর্তিকল ৩৪৮(১)(এ)গী মতুংইন্না সুপ্রিম কোর্ত অমসুং হায় কোর্ত খুদিংমক্তা ৱায়েন-থৌদাগী থবক খুদিংমক ইংলিস লোন শীজিন্নগদবনি হায়রি। সংবিধানগী আর্তিকল ৩৪৮কী ক্লোজ(২)মতুংইন্না ক্লোজ(১)গী সব-ক্লোজ(এ)গী মতুংইন্না, রাজ্য অমগী রাজ্যপালনা, রাজস্ত্রপতিগী অয়াবা য়াওরগা, হিন্দী লোন নত্ত্রগা রাজ্য অমগী ওফিসিএল লোন অমা, রাজ্য অমগী হায় কোর্ততা  শীজিন্নবগী অয়াবা পীবা য়াই।

মে ২১, ১৯৬৫গী মন্ত্রীমন্দলগী ৱারেপ মতুংইন্না, হায় কোর্ততা ইংলিস নত্তবা অতোপ্পা লোন অমা শীজিন্ননবা ভারতকী চীফ জজতিসগী অয়াবা লৌগদবনি হায়রি।

ভারত সংবিধানগী আর্তিকল ২৩৫গী মখাদা, রাজ্য অমগী দিস্ত্রিক অমসুং সবোর্দিনেত জুদিসিয়ারিগী থবকশিং অসি মরী লৈনবা হায় কোর্তকী মখাদা লৈ। লৱার কোর্তশিংদা হিন্দী নত্ত্রগা লম-লমগী লোনশিং শীজিন্নবগী মতাংদা, মদু হায় কোর্ত অমসুং মরী লৈনবা রাজ্য সরকার তানরগা লেপ্পী।

ৱাফম অসি ঙসি রাজ্য সভাদা অইবা ওইনা পীবা পাউখুম অমদা লো অমসুং জজতিসকী য়ুনিয়ন মিনিস্তর শ্রী কিরেন রিজিজুনা ফোঙদোকখিবনি।

*****