সিবিল এবিয়েসন মন্ত্রালয়
ইং ২০১৯গী মতুংদগী গ্রীনফিল্দ এয়রপোর্ত তরুক মথৌ তৌবা হৌখি
তারিফ মোনিতরিং য়ুনিৎনা মখোয়না থম্বা শেম্নফমদগী এয়রলাইনশিংনা হেন্না লৌহন্দনবগীদমক্তা থা খুদিংগী অখন্নবা রুতশিংগী এয়রফেয়র য়েংশিল্লি
Posted On:
09 FEB 2023 3:27PM by PIB Imphal
লৈবাক শিনবা থুংবদা গ্রীনফিল্দ এয়রপোর্ত শাবগা মরী লৈনবা অকুপ্পা গাইদলাইন, প্রোসিজর অমসুং খোংথাংশিং তাকপা গ্রীনফিল্দ এয়রপোর্ত (জি.এফ.এ.) পোলিসী, ২০০৮ অমা ভারত সরকারনা শেমখ্রবনি। জি.এফ.এ. পোলিসীগী মখাদা প্রোজেক্ত অসিগী ৱাফম্বু শৌগৎলিবা কাঙবু ওইরিবা গ্রীনফিল্দ এয়রপোর্ত শানিংবা পাম্বা এয়রপোর্ত শারিবা মীওই নত্ত্রগা মরী লৈনবা রাজ্যশিংগী সরকারনা সিভিল এভিএসন মন্ত্রালয় (এম.ও.সি.এ.)দা ৱাহৌদোক অমা থাবগী মথৌ তাহল্লি। হায়রিবা ৱাহৌদোক অসি স্তেজ ২ থোক্না অয়াবা পীবগী ফোর্মেত্তা, হায়বদি, ‘ইন-প্রিন্সিপল’না তুং ইনগদবা ‘সাইত-ক্লিয়ারেন্স’কী হান্ননা তাক্লবা ফোর্মেত্তা পীরক্কদবনি।
ইং ২০১৯গী মতুংদগী গ্রীনফিল্দ এয়রপোর্ত ৯, মিং ওইনা পল্লবদা, কালাবুর্গী (প্রোজেক্তকী শেনফম – লুপা করোর ১৭৫.৫৭), ওর্বাকাল (কুর্নুল) (প্রোজেক্তকী শেনফম – লুপা করোর ১৮৭), সিন্ধুদুর্গ (প্রোজেক্তকী শেনফম – লুপা করোর ৫২০), ইতানগর (প্রোজেক্তকী শেনফম – লুপা করোর ৬৪৬), কুশিনগর (প্রোজেক্তকী শেনফম – লুপা করোর ৪৪৮) অমসুং মোপা (প্রোজেক্তকী শেনফম – লুপা করোর ২৮৭০) থবক থৌবা হৌখ্রে, মসিগী মনুংদগী কুশিনগর অমসুং মোপাদি ইন্তর্নেস্নেল এয়রপোর্তনি।
জি.এফ.এ. পোলিসী ২০০৮গী মখাদা, মধ্য প্রদেশতা, এম.ও.সি.এ.না দাব্রা (গ্বালিওর)দা গ্রীনফিল্দ এয়রপোর্ত শাবগী ‘ইন-প্রিন্সিপল’ অয়াবা পীখ্রে। মখা তাবা ওইনা, এম.ও.সি.এ.না রাজ্যসিগী সিঙ্গ্রাউলীদা অনৌবা গ্রীনফিল্দ এয়রপোর্ত শাবগী অহানবা স্তেজকী অয়াবা, হায়বদি, সাইত ক্লিয়ারেন্স পীখ্রে। এয়রপোর্ত ওথোরিতী ওফ ইন্দিয়ানা গ্বালিওর, রেৱা অমসুং জবলপুরদা হান্ননা লৈরিবা এয়রপোর্তশিং চাউথোকপগী থবকসু পায়খৎলে।
এয়রলাইন সেক্তর দিরেগ্যুলেসন তৌরবা মতুংদা, এয়রফেয়র অসি মার্কেতনা লেপ্পি অমসুং সরকারনা মসি লেপ্পা অমসুং য়েংশিনবগী থবক পায়খতত্রে। মার্কেতকী অপাম্বা লৈবগী মখা পোন্না এয়রফেয়র তোঙাল্লি। এয়রলাইন মমল লেপ্পগী থৌওং অসি থাক কয়া থোক্না {(বক্কেত নত্ত্রগা রিজর্বেসন বুকিং দেজিগনেতর (আর.বি.দি.)} পাংথোক্নরি অমসুং হায়রিবশিং অসি মালেম শিনবা থুংবদা চৎনরিবা কাঙলোনগী মখা পোল্লি। মমল য়াম্না খেৎনবগী মরমদগী, মাংজৌননা লৈহৌবা তিকেতনা ত্রাভেল নকশিল্লকপা মতমদা ককপা তিকেত্তগী য়াম্না হেন্না হোঙবা হেল্লি।
কোস্ত ওফ ওপরেসন, সর্ভিসকী মওং-মতৌ, অফবা শেন্দোং অমসুং চৎনদুনা লাকপা তারিফ য়াওনা মরী লৈনবা হীরম খুদিংমক খন্নদুনা এয়রক্রাফ রুল্স, ১৯৩৭গী রুল ১৩৫গী সব-রুল (১)গী মখাদা এয়রলাইনশিংনা মখোয়গী অপাম্বা ভারা লেপ্পগী অয়াবা পীরি।
সিভিল এভিএসনগী দাইরেক্তোরেত জেনেরেল (দি.জি.সি.এ.)গী তারিফ মোনিতরিং য়ুনিৎনা মখোয়না থম্বা শেম্নফমদগী এয়রলাইনশিংনা হেন্না লৌহন্দনবগীদমক্তা থা খুদিংগী অখন্নবা রুতশিংগী এয়রফেয়র য়েংশিল্লি। এয়রলাইনশিংনা লৌরিবা ভারা অসি মখোয়গী ৱেবসাইত্তা উৎলিবা অদুগা মখা পোন্নবগীদমক্তা মখোয়না এয়রক্রাফ রুল্স, ১৯৩৭গী রুল ১৩৫গী সব-রুল (২) ইনবগী মথৌ তাই।
ব্যুরো ওফ সিবিল এভিএসন সোসাইতী (বি.সি.এ.এস.)না পার্লিয়ামেন্তকী ইকায় খুম্ননিংঙাই ওইরবা মেম্বরশিংবু ভারতকী সিভিল এরোদ্রোম/সিবিল এনক্লেবশিংদা প্রোতোকোল/কর্তসী/ফেসিলিতেসন তৌবগা মরী লৈননা তাং ০২/১২/২০২১ থাবা এভসেক সর্ক্যুলর নম্বর ০৯/২০২১ অমা থোকখ্রে। সর্ক্যুলর অসিনা এয়রলাইনশিংনা ভি.আই.পি.শিংনা ত্রাভেল তৌরিঙৈ মনুংদা তেংবাংনবগীদমক্তা এরোদ্রোমশিংদা প্রোতোকোল ওফিসর অমা এয়রলাইনশিংনা থম্বগী মথৌ তাহল্লি হায়না পল্লি। পার্লিয়ায়মেন্তকী মেম্বরশিংনা ত্রাভেল তৌবদা হেন্না খুদোংচাহন্নবগীদমক্তা এয়রলাইন ওপরেতর, এয়রপোর্ত ওপরেতর, এভিএসন সেক্যুরিতী গ্রুপ অমসুং বি.সি.এ.এস.শিংগী থৌদাংবুসু মরিক চুম্না তাক্লি হায়না সর্ক্যুলর অসিনা পল্লি।
ৱাফম অসি লোক সভাদা অইবা পাউখুম ওইনা সিভিল এভিএসন মন্ত্রালয়গী রাজ্য মন্ত্রী, জেনেরেল (দাঃ) ভি.কে. সিংহ (রিতাইয়র্দ)না পীখিবনি।
******
(Release ID: 1897716)
Visitor Counter : 124