মে ১৪-মে ১৫,২০২২দা পোর্তস, সিপ্পিং অমসুং ৱাতরৱেজ মিনিস্ত্রিনা শীন্দুনা মুম্বাইদা অহানবা ইনক্রেদিবল ইন্দিয়া ইন্তরনেসনেল ক্রুইজ কনফরেন্স ২০২২ পাংথোকখ্রে অমসুং মদুদা মালেমগী ক্রুইজ ওপরেতরশিং শরুক য়াখি। ঈশিং লম্বীশিংদা হোন্নবা খুৎলায়শিং অমসুং শাগৎলিবা হিথাংফমশিং অমসুং থৌরাং তৌরিবশিংগী মতাংদা ইনলেন্দ ৱাতরৱেজ ওথোরিতি ওফ ইন্দিয়ানা পায়খৎলিবা থবকশিং উৎখি। রিভর ক্রুইজ চাউখৎহন্নবা হেরিতেচ রিভর জর্নিস প্রাইভেদ লিমিতেদ, অন্তারা রিভর ক্রুইজ অমসুং জে.এম বাক্সি এন্দ কোনা এম.ও.য়ুশিং খুৎয়েক পীনখি। ঈশিং লম্বীদা থবক  পাংথোকপা হৌনবা থবক পায়খৎখি-

1. জনুৱারি ১৩, ২০২৩দগী ইন্দো-বাংলাদেস প্রোতোগোল রুত ফাওরগা বরানাসীদগী অসামগী দিব্রুগর ফাওবা অহানবা খ্বাইদগী শাংবা রিভর ক্রুইজ থবক হৌবা
2. গঙ্গা, ব্রাহ্মাপুত্রা, কেরলা বেকৱাতর, ওরিসাদা তোঙান-তোঙানবা রিভর ক্রুইজশিং বুক্কিং তৌবা হেনগৎলকপা উরে

গঙ্গা বিলাস ক্রুইজ অসি প্রাইভেদ ওপরেতর অন্তারা রিভর ক্রুইজনা পাংথোকপনি।

এম.ভি গঙ্গা বিলাস অসি প্রাইভেদ ওপরেতরনা লৈবনি। আই.দব্লিউ.এ.আই এক্ত, ১৯৮৫কী মতুংইন্না সিপ্পিং অমসুং নেভিগেসনগী থবক অসি চাউখৎনবা অমসুং কাংলোন শেম্বগী থবক ইনলেন্দ ৱাতরৱেজ ওথোরিতি ওফ ইন্দিয়ানা ওইরি। কার্গো ভেসেলশিংগী শেমগৎলিবা হিথাংফমশিং রিভর ক্রুইজশিংনা শীজিন্নরি অমসুং মসিগী অকক্নবা চাদিং রিভর ক্রুইজশিংনা পুথোক্তে। রিভর ক্রুইজ তুরিজমগী তেক্নিকেলগী মতেং পাংবগী থবক ইনলেন্দ ৱাতরৱেজ ওথোরিতি ওফ ইন্দিয়ানা পাংথোক্লি। ভেসেলশিং লম্বী তাকপা অমসুং অশোই-অঙাম থোকহন্দনা হোন্নবগী থবক ইনলেন্দ ৱাতরৱেজ ওথোরিতি ওফ ইন্দিয়ানা পাংথোক্লি।

ৱাফম অসি ঙসি রাজ্য সভাদা অইবা ওইনা পীবা পাউখুম অমদা পোর্তস, সিপ্পিং অমসুং ৱাতরৱেজগী য়ুনিয়ন মিনিস্তর শ্রী সর্বনন্দা সোনোৱালনা ফোঙদোকখিবনি।

*****