ঙাকশেল মন্ত্রালয়

ঙাকশেলদা ‘আত্মনির্ভরতা’ ওইবা: প্রধান মন্ত্রী শ্রী নরেন্দ্র মোদীনা ফেব্রুৱারী ৬তা কর্নাতকাগী তুমকুরদা ঐচ.এ.এল.গী হেলিকোপ্তর ফেক্তরী জাতিদা কত্থোক্কনি

Posted On: 04 FEB 2023 12:57PM by PIB Imphal

দিফেন্স সেক্তরদা আত্মনির্ভরতা ওইনবা মাইকৈদা চংশিনবা অতোপ্পা খোঙথাং অমদা প্রধান মন্ত্রী, শ্রী নরেন্দ্র মোদীনা তুমকুরদা হিন্দুস্তান এরোনোতিক্স লিমিতেদ (ঐচ.এ.এল.)গী হেলিকোপ্তর ফেক্তরী অমা জাতিদা কত্থোক্কনি। থৌরম অসিদা ঙাকশেল মন্ত্রী, শ্রী রাজনাথ সিংহ অমসুং ঙাকশেল মন্ত্রালয়গী মকোক থোংবা ওফিসিএলশিংনা শরুক য়াগনি।

লম একর ৬১৫ পাকচাউবা লমদা শারিবা গ্রীনফিল্দ হেলিকোপ্তর ফেক্তরী অসি লৈবাক্কী হেলিকোপ্তরগী মথৌ তাবশিংগীদমক ৱান-স্তোপ অমা ওইনবা পান্দমদা থৌরাং তৌখি। মসি ভারতকী খ্বাইদগী চাউবা হেলিকোপ্তর মেন্যুফেকচরিং ফেসিলিতী ওইরি অমসুং মসিনা অহানবদা লাইৎ য়ুতিলিতী হেলিকোপ্তরশিং (এল.য়ু.ঐচ.) পুথোকপা হৌহনগনি।

এল.য়ু.ঐচ. অসি  ৱাংনা পাইবা ঙম্বগী অখন্নবা ফীচর য়াওবা ইন্দিজনস ওইনা দিজাইন তৌবা অমসুং দিবেলপ তৌরবা ৩-তন ক্লাস, সিঙ্গল ইঞ্জিন মলতিপর্পস য়ুতিলিতী হেলিকোপ্তর অমনি। অহানবদা ফেক্তরী অসিনা চহি অমদা হেলিকোপ্তর ৩০রোম পুথোক্কনি অমসুং তাঙ্কক নাইবা মওং অমদা চহি অমদা ৬০দগী ৯০ ফাওবদা হেনগৎহনগনি। অহানবা এল.য়ু.ঐচ. অসি ফ্লাইৎ তেস্ত তৌখ্রে অমসুং মাইখুম হাংদোক্নবা শেম-শাদুনা লৈরে।

ফেক্তরী অসি লাইৎ কোম্বেৎ হেলিকোপ্তর (এল.সি.ঐচ.) অমসুং ইন্দিয়ন মলতিরোল হেলিকোপ্তর (আই.এম.আর.ঐচ.) অসিগুম্বা হেলিকোপ্তরশিং মেন্যুফেকচর তৌনবা লোয়ননা তুংলমচৎতা এল.সি.ঐচ., এল.য়ু.ঐচ., সিবিল এদভান্স লাইৎ হেলিকোপ্তর (এ.এল.ঐচ.) অমসুং আই.এম.আর.ঐচ.গী মেন্তেনেন্স, রিপিয়র অমদি ওভরহোল তৌনবা চাউথোক্কনি। ফেক্তরী অসিদা তুংলমচৎতা সিভিল এল.য়ু.ঐচ.শিং এক্সপোর্ত তৌনবগী মতিক-ময়াইসু চেনগনি।

‌ঐচ.এ.এল.না চহি ২০গী মতমদা লুপা করোর লাখ মরি হেনবগী অপুনবা বিজিনেসকা লোয়ননা তন ৩-১৫গী রেঞ্জতা হেলিকোপ্তর ১,০০০ হেন্না পুথোক্নবা প্লানশিং তৌরি। দাইরেক্ত অমসুং ইনদাইরেক্ত ওইনা থবক পীবগী মথক্তা তুমকুর ফেসিলিতী অসিনা কম্পনীনা শেনফম চাউনা চাদিং তৌগদবা অচৌবা কম্ম্যুনিতী সেন্ত্রিক প্রোগ্রামশিংগা লোয়ননা মাগী সি.এস.আর. এক্তিবিতীশিংগী খুত্থাংদা অকোইবা মফমশিং চাউখৎহনবদা শাহৌ পীগনি। পুম্নমক অসিনা লমদম অসিদা লৈরিবা মীয়ামগী পুন্সি ফগৎহনবা ঙমগনি।

বেঙ্গলুরুদা হৌজিক লৈরিবা ঐচ.এ.এল. ফেসিলিতীশিংগা লোয়ননা ফেক্তরীগী মনাক নকপা  মফমশিংদা এরোস্পেস মেন্যুফেকচরিং ইকোসিস্তেমদা শাহৌ পীরগনি অমসুং স্কুল, কোলেজ অমসুং রেসিদেন্সিএল এরিয়াশিং অসিগুম্বা স্কিল অমসুং ইনফ্রাস্ত্রকচর দিবেলপমেন্তদা মতেং পাংগনি। মনাক নকপদা লৈবা পঞ্চায়ৎ কয়ামরুমদা লৈরিবা মীয়ামশিংদা মেদিকেল অমসুং হেল্থ কিয়রসু য়ৌশিনবা ঙম্লগনি।

হেলি-রনৱে, ফ্লাইৎ হেঙ্গর, ফাইবেক এসেমব্লী হেঙ্গর, স্ত্রকচর এসেমব্লী হেঙ্গর, এয়র ত্রাফিক কন্ত্রোল অমসুং তোঙান-তোঙানবা সপ্পোর্তিং সর্ভিস ফেসিলিতীশিংগুম্বা ফেসিলিতী লৈরকপগা লোয়ননা ফেক্তরী অসি মপুং ফানা ওপরেস্নেল ওইরগনি। ওপরেসন তৌনবগীদমক ফেক্তরী অসিদা স্তেৎ-ওফ-দি-আর্ত ইন্দস্ত্রী ৪.০ স্তেন্দর্দ তুলশিং অমসুং তেক্নিকশিং লৈরি।

ফেসিলিতী অসিগী য়ুম্ফম অসি ২০১৬তা প্রধান মন্ত্রীনা থোনখি। ফেক্তরী অসিনা অমসুং হেলিকোপ্তর শানবগী কেপাসিতী অমসুং ইকোসিস্তেম হেনগৎহন্নবা দেদিকেতেদ ন্যু গ্রীনফিল্দ হেলিকোপ্তর ফেক্তরী অমনি। ফেসিলিতী অসিনা ভারতনা লমদম অসিদা হেলিকোপ্তরগী অপুনবা মথৌ তাবা অদু ইম্পোর্ত তৌদনা থুংহনবা ঙমগনি অমসুং ভারত্তা হেলিকোপ্তর দিজাইন তৌবা, দিবেলপ অমদি মেন্যুফেকচর তৌবদা ‘আত্মনির্ভর  ভারত’ ওইনবগী প্রধান মন্ত্রীগী মঙলান অদুদা মথৌ তাবা শাহৌ পীবা ঙমগনি।

****



(Release ID: 1896390) Visitor Counter : 102