জনুৱারী ৪, ২০২৩ ফাওবদা স্তেত আই.তি. সিস্তেমশিং শীজিন্নদুনা ভেরিফাই তৌবা বিনিফিসরী করোর ৩ য়াওরগা বিনিফিসরী করোর ২১.৯ অয়ুস্মান ভারত প্রধান মন্ত্রী – জন অরোগ্য য়োজনা (এ.বি. পি.এম.-জে.এ.ৱাই.)গী মখাদা ভেরিফাই তৌখ্রে‍। লুপা করোর ৫০,৪০৯লোমগী ওইগদবা চাংদা মীওই করোর ৪.৩ লায়েংশঙদা মিং চনখিববুসু লায়েংশঙ ২৬,০৫৫গী নেৎৱর্ক্কী খুত্থাঙদা স্কীম অসিগী মখাদা অয়াবা পীখ্রে হায়না ইকনমিক সর্ভে ২০২২-২৩না উৎলি‍। শেলথুম অমদি কোর্পোরেৎ এফ্যার্সকী কেন্দ্র মন্ত্রী শ্রিমতী নির্মলা সিতরমন্না ঙসি পার্লিয়ামেন্ততা ইকনমিক সর্ভে ২০২২-২৩ পুথোকখিবনি‍।

বজেৎ মমাঙগী সর্ভে অসিনা এ.বি.-পি.এম.জে.এ.ৱাই অসি হকশেলগী লমদা চাদিং তৌবনা পান্দম থম্লিবা বিনিফিসরীশিংগী আউত ওফ পোকেৎ এক্সপেন্দিচর (ও.ও.পি.ই.) হন্থহন্নবা পান্দম থম্লিবা মালেমগী খ্বায়দগী চাউবা হকশেলগী ইন্স্যুরেন্সনি হায়না ফোঙদোক্লি‍। স্কীম অসিনা, সোসিও-ইকনমিক কাস্ত সেন্সস ২০১১ (এস.ই.সি.সি. ২০১১)গী চাকথুং ফিথুংদবা অমদি শিন্ফমগী ক্রাইতেরিয়াদা অমদি অতৈ স্তেতকী স্কীমশিংদা য়ুম্ফম ওইরগা শকখঙলবা ভারতকী মীশিংগী মখা থংবা চাদা ৪০ ওইরিবা লায়রবা অমদি খুদোংথিনিংঙাই ওইরবা ইমুং করোর ১০.৭ (চাউরাক্না বিনিফিসরী করোর ৫০) সেকেন্দরী অমদি তর্সরী কেয়র হোস্পিতেলাইজেসনগীদমক ইমুং অমদা চহিদা লুপা লাখ ৫ ফাওবগী হকশেলগী কভর পীরি‍।

অয়ুস্মান ভারত – হেল্থ এন্দ ৱেলনেস সেন্তরশিং (এ.বি. – ঐচ.দব্লিউ.সি.)

খুঙ্গংগী অমদি ময়োল্লমগী মফমশিংদা লৈবা এস.ঐচ.সি.শিং অমদি পি.ঐচ.সি.শিং অপগ্রেদ তৌদুনা লৈবাক শিনবা থুংনা এ.বি.-ঐচ.দব্লিউ.সি. ১,৫৪,০৭০ মথৌ তৌহনখ্রে‍। এ.বি.-ঐচ.দব্লিউ.সি.শিং অসিনা হৌজিক পীরিবা রিপ্রদক্তিব এন্দ চাইল্দ হেল্থ সর্ভিসশিং অমদি কম্ম্যুনিকেবল দিজীজেস সর্ভিসশিং পাকথোক চাউথোকহন্দুনা অমদি মপাঙ্গল কনখৎহন্দুনা, অমদি হাইপরতেন্সন, দাইবেতিস অমসুং ওরেল, ব্রেস্ত অমদি সর্ভিক্স হায়রিবা কম্মন ওইবা কেন্সর মখল অহুম অসিনচিংবা লৌনগন্দবা লায়নাশিং কোনশিন্দুনা মপুং ফাবা প্রাইমারী হেল্থকেয়র পীরি‍। অহানবা ঐচ.দব্লিউ.সি. ছত্তিসগরগী বিজাপুর দিস্ত্রিক্ততা এপ্রিল ১৪, ২০১৮দা শঙ্গাখি‍।

ইকনমিক সর্ভে অসিগী মতুং ইন্না, দিসেম্বর ৩১, ২০২২ ফাওবদা:

• লৈবাক শিনবা থুংনা ঐচ.দব্লিউ.সি. ১,৫৪,০৭০ মথৌ তৌখ্রে‍।
• অপুনবা মীওই করোর ১৩৫ হেন্না লাকখ্রে‍।
• লৌনগন্দবা লায়নাশিংগী ওইনা অপুনবা স্ক্রীনিং করোর ৮৭.০ হেন্না তৌখ্রে‍।
• য়োগ য়াওনা ৱেলনেস সেসন করোর ১.৬ হেন্না পাঙথোকখ্রে‍।
• ই-সঞ্জীবনি তেলিকন্সল্তেসন প্লেৎফোর্মগী মখাদা, জনুৱারী ২০২৩ ফাওবদা লৈবাক শিনবা থুংনা হব ১৫,৪৬৫ (জোনেল থাক্তা লৈরিবা এম.বি.বি.এস. স্পিসিএল্তী/ সুপর স্পিসিএল্তী দোক্তর য়াওরগা) অমদি স্পোক ১,১২,৯৮৭দা (স্তেতকী থাক্তা লৈরিবা এ.বি.-ঐচ.দব্লিউ.সি.শিং) মথৌ তৌরিবা ঐচ.দব্লিউ.সি.শিংগী খুত্থাঙদা তেলি-কন্সল্তেসন করোর ৯.৩ হেন্না ফংহনখ্রে‍।

অয়ুস্মান ভারত দিজিতেল মিসন (এ.বি.দি.এম.)

অয়ুস্মান ভারত দিজিতেল মিসন্না ওপন অমদি ইন্তরওপরেবল ওইবা দিজিতেল স্তেন্দর্দতা য়ুম্ফম ওইবা সিক্যুর ওইবা ওনলাইন প্লেৎফোর্ম অমা শেমগৎনবা পান্দম থম্লি‍। মসিনা হেল্থ আই.দি. পীবা, হেল্থকেয়র প্রোফেস্নেল রেজিস্ত্রী, হেল্থ ফেসিলিতী রেজিস্ত্রী অমদি হেল্থ রেকোর্দ সর্ভিসশিংগী খুত্থাঙদা সিতিজনশিংগী হেল্থ রেকোর্দ মখোয়গী অয়াবগা লোয়ননা য়েংবা অমদি পীথোক পীশিন তৌনবা য়াহনগনি‍। মসিনা হকশেলগী লমদা দিজিতেল তেক্নোলোজী শীজিন্নবা হেনগৎহন্দুনা, ক্বালিতী হেল্থকেয়রবু হেন্না লায়না অমদি মমল হোঙনা ফংহনগনি‍।

সর্ভে অসিগী মতুং ইন্না, জনুৱারী ১০, ২০২৩ ফাওবদা লৈখিবা মিসন অসিগী মরুওইবা মায় পাকপশিংদি:

• শেমখ্রবা অয়ুস্মান ভারত হেল্থ একাউন্ত (হান্না হেল্থ আই.দি. হায়না খঙনরম্বা): ৩১,১১,৯৬,৯৬৫
• হেল্থ ফেসিলিতী রেজিস্ত্রীদা ভেরিফাই তৌরবা ফেসিলিতী: ১,৯২,৭০৬
• হেল্থকেয়র প্রোফেস্নেল রেজিস্ত্রীদা ভেরিফাই তৌরবা হেল্থকেয়র প্রোফেস্নেল: ১,২৩,৪৪২
• লিঙ্ক তৌরবা হেল্থ রেকোর্দ: ৭,৫২,০১,২৩৬

****