ফাইনান্স অমসুং কোর্পোরেত এফিয়র্সকী কেন্দ্র মন্ত্রী, শ্রীমতি নির্মলা সিতারামন্না লুচিংদুনা ঙসি পার্লিয়ামেন্ততা পুথোকখিবা ইকোনোমিক সর্ভে ২০২২-২৩দা মিৎয়েং চঙলিবা মতৌ উরুবদা সরকারনা খুঙ্গং চাউখৎহনবগী হীরমদা অহেনবা মিৎয়েং থম্লি হায়বা ময়েক শেংনা উবা ফংলি।

সর্ভে অসিনা লৈবাক্কী অপুনবা মীশিংগী ৬৫% (২০২১গী দেতা)না খুঙ্গংগী মফমদা লৈ অমসুং মীশিংগী ৪৭%না পুন্সি মহিং তান্নবা লৌউ-শিংউগী মখা পোল্লি হায়না তাক্লি। মতৌ অসুম্না, সরকারনা খুঙ্গং চাউখৎহনবদা মিৎয়েং চঙলিবা অসি মরু ওইনা তৌফম থোকপনি। খল মান্নবা অমসুং ইনক্লুসিব ওইবা দিভেলপমেন্তকীদমক্তা খুঙ্গংগী লমদমশিংগী পুন্সি মহিং ফগৎহনবা হায়বসিদা সরকারনা মিৎয়েং চঙলি। খুঙ্গংগী শেন্মিৎলোন্দা সরকারনা য়ারিবা থৌদাংশিং অসিগী পান্দমদি “সোসিও-ইকোনোমিক ইনক্লুজন, ইন্তিগ্রেসন অমসুং ভারতকী খুঙ্গংশিংগী মপাঙ্গল হাপ্নবা কন্না হোৎনবগী খুত্থাংদা পুন্সি মহিং অমসুং পুন্সি মহিং তানবগী পাম্বৈদা অহোংবা পুরকপনি”।

ইং ২০১৫-১৬গা চাংদম্নবদা তোঙানবা হীরম কয়াগী মনুংদগী মৈ ফংহনবা, থক্নবা ঈশিং ফংহন্নবা অফবা মফম লৈহনবা, হেল্থ ইন্স্যুরেন্স স্কিমশিংনা কবর তৌবনচিংবা হীরম কয়া য়াওনা খুঙ্গংগী পুন্সি মহিংগী মগুন ফগৎহনবগা মরী লৈনবা ইন্দিকেতর কয়া মশক থোক্না ফগৎলক্লে তাক্লিবা ইং ২০১৯-২১গী নেস্নেল ফেমিলী হেল্থ সর্ভে দেতাদা সর্ভে অসিনা য়ুম্ফম ওইরি। ইমুংগী ৱারেপ লৌবা, বেঙ্ক একাউন্ত লৈবা, অমসুং মশাগী মোবাইল ফোন লৈবগী থৌওংশিংদা নুপীনা শরুক য়াবগী অফবা ফিভমশিং ময়েক শেংনা উবা ফংদুনা নুপীশিংবু পাঙ্গল হাপ্পগী থৌওংশিংসু খোঙজেল য়াঙনা পাংথোক্লি। খুঙ্গংগী নুপী অমসুং অঙাংশিংগা মরী লৈনবা ইন্দিকেতর অয়াম্বসু য়াম্না ফগৎলে। মসিগুম্বা আউতকমদা মিৎয়েং চঙবা স্তেতিস্তিক্স অসিনা তঙাই ফদবা খুদোংচাবশিংদা মিৎয়েং চঙবা পোলিসী লৈবা অমসুং প্রোগ্রামশিং নিংথিনা চলায়বগী থৌওংশিংনা তেংবাংদুনা খুঙ্গংগী পুন্সি মহিং ফগৎলে হায়বা ময়েক শেংনা তাক্লি।

সোর্সঃ ইকোনোমিক সর্ভে ২০২২-২৩

সর্ভে অসিনা খুঙ্গংগী শেন্থোক অমসুং পুন্সি মহিংবু তোঙানবা স্কিমগী খুত্থাংদা হেনগৎহন্নবা পাংথোক্লিবা তোঙানবা খোঙথাংশিং পল্লি।  

১) পুন্সি মহিং, স্কিল দিভেলপমেন্ত

• দীন্দয়াল অন্ত্যোদয়া য়োজনা – নেস্নেল রুরেল লাইবলিহুদ মিসন (দি.এ.ৱাই.-এন.আর.এল.এম.)না শেন্মিৎলোনগী হীরমদা শোনবা ইমুং মনুংশিংদা মশাদা থবক পীজবা অমসুং মশাগী স্কিল শিজিন্নদুনা খুৎশুমন ফংগদবা থবক পীবদা তেংবাংদুনা মখোয়গীদমক্তা তুং কোইনা চৎকদবা অমসুং পুন্সি মহিং তানবগী তোঙানবা পাম্বৈ লৈহন্নবা পান্দম থম্লি। মসিদি লাইরবশিংগী পুন্সি মহিং ফগৎহন্নবা পায়খৎপা মালেমগী অচৌবা খোঙথাংশিংগী মরক্তা অমনি। মিসন অসিগী মরু ওইবা ৱাফমদি মসিগী “খুন্নাই পুন্না শরুক য়ামিন্নবা”গী থৌওং অসিনি অমসুং থৌওং অসিনা কম্ম্যুনিতী ইন্সতিত্যুসনগী মওংদা নুপীশিংগী মপাঙ্গল হাপ্নবগীদমক্তা অচৌবা প্লেতফোর্ম অমসু পীরি।

প্রোগ্রাম অসিগী মপুং ওইবা মিৎয়েংদি খুঙ্গংগী নুপীশিংনি অমসুং মসিনা মখোয়গী সোসিও-ইকোনোমিক ইম্পাৱর্মেন্ততা অহেনবা মিৎয়েং চঙলি। সেল্ফ হেল্প গ্রুপ (এস.ঐচ.জি.) মেম্বর চাউরাকপা লাখ ৪বু কম্ম্যুনিতী রিসোর্স পর্সন (সি.আর.পি.) ওইনা ত্রেনিং পীখ্রে (মিং ওইনা পল্লবদা, পশু সখি, কৃষি শখি, বেঙ্ক শখি, বিমা শখি, পোশন শখিনচিংবা) অমসুং মখোয়না মিসন অসিবু গ্রাউন্দ লেবেলদা থবক ওইনা পাংথোকপদা তেংবাংলি। মিসন অসিনা লাইরবা অমসুং অৱাবা নংগনবা খুন্নাইগী নুপী করোর ৮.৭পু এস.ঐচ.জি. লাখ ৮১দা য়াওহনখ্রে।

• মহাত্মা গান্ধী নেস্নেল রুরেল ইমপ্লোয়মেন্ত গেরেন্তী স্কিম (এম.জি.এন.আর.ই.জি.এস.)কী মখাদা পুন্না ইমুং করোর ৫.৬না থবক ফংখ্রে অমসুং স্কিম অসিগী মখাদা অপুনবা মীওই করোর ২২৫.৮গী (জনুৱারী ৬, ২০২৩ ফাওবদা) নোংমগী থবক (পর দে ইমপ্লোয়মেন্ত) পীখি । স্কিম অসিগী মখাদা পাংথোকপা থবক্কী মশিংসু চহি খুদিংগী হেনগৎলকখি, শেনবা চহি ২২দা থবক লাখ ৮৫ মপুং ফানা লোইশিনখ্রে অমসুং শেনবা চহি ২৩দা হৌজিক ফাওবগী ওইনা থবক লাখ ৭০.৬ (জনুৱারী ৯, ২০২৩ ফাওবদা) লোইশিনখ্রে। হায়রিবা থবকশিংগী মনুংদা শা-শন লোইফম শাবা, পুখ্রি তৌবা, গুহা তৌবা, হোর্তিকলচরগী চারা থাবা, ভর্মিকম্পোস্তিং কোম্নচিংবা ইমুং-মনুংগী এসেত শেম্বগী থবকশিং য়াওরি, অমসুং মসিদা বেনেফিসরীশিংনা চৎনবী মমলগী মখা পোন্না লেবর অমসুং মেতরিএলগী শেল ফংই। পাংথোকখ্রবা থবকশিং য়েংলুবদা, চহি ২-৩গী অতেনবা মতমগী মনুংসিদা, মসিগী এসেতশিংনা লম হোংদুনা চৎপা অমসুং শেল তোন্সিনবগী, নন-ইন্সতিত্যুস্নেল সোর্সতগী মরু ওইনা, পামদবা থৌওং হন্থহল্লকপগা লোয়ননা লৌউ-শিংউগী পোত্থোক হেনগৎহনবা, পোত্থোক পুথোকপগা মরী লৈনবা চাদিং হন্থহনবা অমসুং ইমুংগী শেন্থোক হেনগৎহল্লকগুম্বা কান্নবা শাফু পীবগী শক্তম উবা ফংলি। মসিনা খুঙ্গংগী পুন্সি মহিংদা চাগা তানবগী তোঙানবা পাম্বৈ লৈহনবা অমসুং নিংহন্নবা নাইদবগী ইথিল লৈহনবগুম্বা মতম শাংনা লৈগদবা শাফু পীরি হায়না সর্ভে অসিনা ফোংদোক্লি। নাকল অমদনা, ইকোনোমিক সর্ভে অসিনা এম.জি.এন.আর.ই.জি.এস.কী থবকশিংগী মন্থলী দিমান্দনা য়র-ওন-য়র (ৱাই.ও.ৱাই.)  দা হন্থরকপগী মতৌ উবা ফংলি অমসুং থৌওং অসি লৌউ-শিংউগী অচৌবা শাহৌ লৈরকপা অমসুং কোবিদ-১৯দগী মায় পাক্না থোক্লকপনা মরম ওইদুনা খুঙ্গংগী শেন্মিৎলোন্না মহৌশাগী ফিভমদা লাকপদগীনি হায়না সর্ভে অসিনা ফোংদোক্লি।  
• স্কিল দিভেলপমেন্ত অসিনা সরকারগী অহেনবা মিৎয়েং চঙবা হীরম অমসু ওইরি। দীন্দয়াল উপাধ্যায় গ্রামীন কৌশল্য য়োজনা (দি.দি.য়ু.-জি.কে.ৱাই.)গী মখাদা নবেম্বর ৩০, ২০২২ ফাওবদা অপুনবা কেন্দিদেত ১৩,০৬,৮৫১দা ত্রেনিং পীখ্রে অমসুং মখোয়গী মরক্তগী ৭,৮৯,৬৮৫না থবক ফংখ্রে।

২) নুপীশিংবু পাঙ্গল হাপ্পা

• সেল্ফ হেল্প গ্রুপ (এস.ঐচ.জি.)শিংনা অহোংবা পুরকপা ঙম্বগী মতিক, কোবিদ-১৯গী মতমদা মখোয়না গ্রাউন্দদা পাংথোকখিবা থৌওংনা খুদম ওইনা তাক্লিবা, অসিনা নুপীশিংবু পাঙ্গল হাপ্তুনা খুঙ্গং চাউখৎহনবগী অচৌবা তেংবাং ওইনা মথৌ পাংথোক্লি। ভারত্তা চাউরাক্না এস.ঐচ.জি. করোর ১.২ লৈ, মসিদা ৮৮%তি নুপী ঙাক্তগী এস.ঐচ.জি.নি। ইং ১৯৯২দা হৌদোকখিবা এস.ঐচ.জি. বেঙ্ক লিঙ্কেজ প্রোজেক্ত (এস.ঐচ.জি.-বি.এল.পি.)না মালেমগী খ্বাইদগী চাউবা মাইক্রোফাইনান্স প্রোজেক্ত ওইরে। এস.ঐচ.জি.-বি.এল.পি.না মার্চ ৩১, ২০২২ ফাওবদা লুপা করোর ৪৭,২৪০.৫গী সেবিং দিপোজিত লৈবা এস.ঐচ.জি. লাখ ১১৯ অমসুং কোলেতরেল ফ্রী লোনগী লুপা করোর ১,৫১,০৫১.৩গী আউতস্তেন্দিং লৈবা গ্রুপ লাখ ৬৭ লৈদুনা অপুনবা ইমুং করোর ১৪.২ য়াওরি। এস.ঐচ.জি.গী ক্রেদিত লিঙ্ক তৌবগী মশিংনা মমাংগী চহি ১০দা (শেনবা চহি ১৩দগী ২২ ফাওবদা) ১০.৮%গী সি.এ.জি.আর.দা শাহৌ লৌরি। পনবা য়াবদি, এস.ঐচ.জি.গী বেঙ্ক রিপেমেন্ত অসি ৯৬% হেল্লি, মসিনা মখোয়গী থাজবা য়াবগী মতৌ অমসুং ক্রেদিত দিসিপ্লিন তাক্লি।

শেল শিজিন্নবগী হীরমদা নিংথিনা খঙবা, শেল-থুমগী ৱারেপ লৌবা ঙম্বা, সোসিএল নেতৱর্ক ফগৎলকপা, এসেতকী মপু ওইরকপা অমসুং পুন্সি মহিং তানবগী তোঙানবা পাম্বৈ লৈরকপগুম্বা তোঙানবা হীরমশিংদা পাঙ্গল লৈরক্তুনা নুপীশিংগী ইকোনোমিক এস.ঐচ.জি.শিংনা নুপীশিংগী সোসিএল, ইকোনোমিক অমসুং পোলিতিকেল ইম্পাৱর্মেন্ততা মশক থোকপা শাফু পীরি।

দি.এ.ৱাই.-নেস্নেল রুরেল লাইবলিহুদ মিসনগী খ্বাইদগী নৌবা এসেসমেন্তকী মতুং ইন্না, মিসন অসিদা শরুক য়ারিবা অমসুং থবক তৌরিবা মীওইশিংনা নুপীশিংগী পাঙ্গল হাপ্পা, মশাদা থাজবা হেনগৎহনবা, মশাগী শক্তাক শেমগৎপা, সোসিএল ইভিল হন্থরকপগা মরী লৈনবা হীরমশিংগী প্রোগ্রাম্না কান্নবা য়াম্না পী হায়বা খঙবা হেল্লকখি, লোয়ননা অফবা এজুকেসন, ভিলেজ ইন্সতিত্যুসনশিংদা শরুক য়াবগী চাং হেনগৎলকপা অমসুং সরকারগী স্কিমগী কান্নবা লৌবগী মতাংদা ময়াই ওইরপ ওইনা কান্নবসু পী হায়বা খঙলে।

কোবিদ মনুংদা, এস.ঐচ.জি.শিংনা নুপীশিংবু অমত্তা ওইনা পুনবা, মখোয়গী কাঙলুপকী শক্তাক ৱাংমা লান্না থবক তৌবা অমসুং ইরাং লাকশিন্নবা পুন্না তেংবাংবগী থৌওংশিংদা চাউনা মতেং পাংখি। মখোয়না ইরাং লাকশিনবগী হীরমদা তঙাই ফদবা লুচিংবা ওইনা থোক্লকখি, মাস্ক, সেনিতাইজর অমসুং প্রোতেক্তিব গিয়র শাবা, লাইচৎ মতাংদা এৱিয়র্নেস শন্দোকপা, তঙাই ফদবা পোৎলম য়েনবা, কম্ম্যুনিতী চাকখুম চলায়বা, ফার্মগী শা-শন তেংবাংবগী হীরমশিংদা মাঙজিল থানা লুচিংখি। এস.ঐচ.জি.শিংনা মাস্ক শাবগী থৌওংনা পনবা য়াবা মশক থোকপা তেংবাং ওইখি; মনুং হঞ্জিনবা খুঙ্গংগী মফমশিংগী মীওইশিংদা মাস্ক ফংহন্দুনা কোবিদ-১৯গী ভাইরসকী মাইয়োক্তা ঙাকথোকপা ঙমহনখি। জনুৱারী ৪, ২০২৩ ফাওবগী ওইনা, এস.ঐচ.জি.শিংনা দি.এ.ৱাই.-এন.আর.এল.এম.গী মখাদা পুন্না মাস্ক করোর ১৬.৯ পুথোকখ্রে।

• খুঙ্গংগী নুপীশিংনা শেন্মিৎলোনগী থবকশিংদা শরুক য়াবা লেপ্তনা হেনগৎলক্লি। সর্ভে অসিনা খুঙ্গংগী নুপীশিংনা লেবর ফোর্সতা শরুক য়াবগী চাংনা ১৯.৭% (২০১৮-১৯)দগী ২৭.৭% (২০২০-২১) ওইদুনা মশক থোক্না হেনগৎখি হায়না তাক্লি। এফ.এল.এফ.পি.আর.দা হেনগৎলক্লিবা অসিবু সর্ভে অসিনা থবক তৌবগী মতাংদা জেন্দরগী মাইকৈদগী য়েংবা মিৎয়েংদা অচৌবা মায় পাকপনি হায়না তাক্লি, অমসুং মসিনা নুপীশিংগী মতম হাংহন্দুনা খুঙ্গংগী এমেনিতী হেনগৎহল্লকপা অমসুং লৌউ-শিংউগী পোত্থোকসু হেনগৎহল্লি। নাকল অমদনা, সর্ভে দিজাইন অমসুং থবক তৌবা নুপীশিংগী তসেংবা ফিভম্বু হেন্না চুম্না খঙবদা তঙাই ফদবা কন্তেন্তশিংদা রিফোর্ম পুরক্তুনা ভারতকী নুপীশিংগী এল.এফ.পি.আর.বু অন্দরইস্তিমেত তৌবা য়াই হায়নসু সর্ভে অসিনা ফোংদোক্লি।

৩) মীপুম খুদিংগী য়ুম লৈহনবা

মীপুম খুদিংনা মশাগী ইকায় খুম্নবা ঙাক্না হিংবা ঙমহন্নবগীদমক্তা “ইং ২০২২ ফাওবগী মনুংদা মীপুম খুদিংগী য়ুম লৈহনবা” থৌরাং হৌদোকখ্রে। পান্দম অসিগা লোয়ননা, নবেম্বর ২০১৬তা প্রধান মন্ত্রী অৱস য়োজনা – গ্রামীন (পি.এম.এ.ৱাই.-জি.) হৌদোকখি। মসিনা কৎচা অমসুং অতেকপা য়ুমদা লৈবা ইলিজিবল ওইবা ইমুংশিংদা তঙাই ফদবা খুদোংচাবা পুম্নমক য়াওবা পক্কা য়ুম করোর ৩ ইং ২০২৪ ফাওবদা শাবগী পান্দম থম্লি। স্কিম অসিগী মখাদা, য়ুম শাবীবা মতমদা লম লৈজদবা বেনিফিশরীশিংদা অহেনবা অমসুং অহানবা মিৎয়েং চঙগনি। অপুনবা য়ুম করোর ২.৭কী অয়াবা পীখ্রে অমসুং জনুৱারী ৬, ২০২৩ ফাওবদা, য়ুম করোর ২.৩ শাবা লোইখ্রে। শেনবা চহি ২৩দা য়ুম লাখ ৫২.৮ লোইশিনবগী পান্দম অসিগা মরী লৈননা, য়ুম লাখ ৩২.৪ শাবা লোইখ্রে।

৪) ঈশিং অমসুং সেনিতেসন

• ৭৩শুবা নিংতম্বা নুমিৎ, ওগস্ত ১৫, ২০১৯দা রাজ্যশিংগা খুৎশম্নদুনা পায়খৎকদবা খুঙ্গংগী য়ুম্থোং খুদিং অমসুং স্কুল, আঙ্গনৱারী সেন্তর, আশ্রম শালা (ত্রাইবেল রেসিদেন্সিএল স্কুল), হেল্থ সেন্তরনচিংবদা তোতি ঈশিং ফংহন্নবা মিসন, জল জীবন মিসন (জে.জে.এম.) লাউথোকখি। ইং ২০১৯গী ওগস্ততা জে.জে.এম. হৌদোকখিবা মতমদা খুঙ্গংগী অপুনবা ইমুং করোর ১৮.৯গী মনুংদা চাউরাকপা য়ুম করোর ৩.২ (১৭%)দা তোতি ঈশিং পুশিল্লম্মি। মিসন হৌদোক্লবা মতুংদা, জনুৱারী ১৮, ২০২৩ ফাওবদা, খুঙ্গংগী য়ুম করোর ১৯.৪গী মনুংদা, য়ুম করোর ১১.০দা তোতি ঈশিং য়ৌখ্রে।

• মিসন অমৃত সরোবরনা নিংতম্বগী ৭৫শুবা চহি – অমৃত বর্শ অসিদা লৈবাক্কী জিলা খুদিংগী ৱাতর বোদী ৭৫ নৌনা থলহনবগী পান্দম থম্লি। মিসন অসি সরকারনা ইং ২০২২গী নেস্নেল পঞ্চায়তী রাজ নুমিত্তা হৌদোকখিবনি। অমৃত সরোবর ৫০,০০০ শেম্বা হায়বা অহানবা পান্দমগা চাংদম্নবদা অপুনবা অমৃত সরোবরগী মফম ৯৩,৯২১ মশক খঙদোকখ্রে, মফম ৫৪,০৪৭ হেনবদা থবক পায়খৎপা হৌখ্রে, অমসুং অপুনবা অমৃত সরোবর ২৪,০৭১ শাখ্রে। মিসন অসিনা ক্যুবিক মীতর করোর ৩২গী ঈশিং থম্বগী কেপাসিতী শেমগৎপদা তেংবাংখি অমসুং চহিদা তোন ১,০৪,৮১৮গী কার্বন শেম্বা ঙম্বগী মতিক লৈ। মিসন অসিনা ইহৌ অমা হৌদোকখি, নিংতম লান্মী, পদ্মা মনা ফংলবা অমসুং অহল ওইবা সিতিজনশিংনা শরুক য়াখিবগা লোয়ননা ৱাতর য়ুজর গ্রুপশিংসু শেমখি। মসিগা লোয়ননা, সরকারদা গ্রাউন্দ ৱাতর রিসোর্স খঙদোকপা অমসুং য়েংশিনবদা তেংবাংবা জলদুত এপ্না ঈশিং তাঙবগী থৌওংবু হৌখ্রবা মতমগী থৌওং ওইহনগনি।
• স্বচ্ছ ভারত মিসন (জি.)গী ফেজ-২ অসি শেনবা চহি ২১-২৫ ফাওবগী ওইনা থবক পায়খৎপা হৌরে। মসিনা খুঙ্গংশিংগী ও.দি.এফ. স্তেতস ঙাক্তুনা থম্বগা লোয়ননা খুঙ্গং পুম্নমকপু ও.দি.এফ. প্লস্তা ওন্থোক্নবা অমসুং খুঙ্গং পুম্নমক্কা সোলিদ অমসুং লিক্বিদ ৱেস্ত মেনেজমেন্ত সীস্তেমগা মরী লৈনহনবগী পান্দম থম্লি। ভারতনা লৈবাক্কী খুঙ্গং খুদিংদা ওক্তোবর ২, ২০১৯দা ও.দি.এফ. স্তেতস ফংখি। মিসন অসিগী মখাদা হৌজিক্তি, নবেম্বর ২০২২ ফাওবদা, খুঙ্গং ১২৪০৯৯না ও.দি.এফ. প্লস্তকী স্তেতস ফংখ্রে। অন্দমান অমসুং নিকোবর ইথৎপু মসিদা লৈরিবা খুঙ্গং খুদিংবু ও.দি.এফ. প্লস হায়না লাউথোকখিদুনা খ্বাইদগী অহানবা “স্বচ্ছ সুজল প্রদেশ” হায়না লাউথোকখ্রে।

৫) মৈখু থোক্তবা খুঙ্গংগী য়ুমশিং

প্রধান মন্ত্রী উজ্বালা য়োজনাগী মখাদা এল.পি.জি. কন্নেক্সন করোর ৯.৫ য়েন্থোকপদগী এল.পি.জি.গী কবরেজপু ৬২% (মে ১, ২০১৬)দগী ৯৯.৮% (এপ্রিল ১, ২০২১)দা হেনগৎহনবদা তেংবাংখি। শেনবা চহি ২২গী কেন্দ্রগী বজেত্তা পি.এম.য়ু.ৱাই. স্কিম, হায়বদি, উজ্বালা ২.০গী মখাদা অহেনবা এল.পি.জি. কন্নেক্সন করোর অমগা য়েন্থোকপগী ৱারোল পল্লি। স্কিম অসিনা দিপোজিত তৌদবা এল.পি.জি. কন্নেক্সন পীগনি। লোয়ননা, মসিনা অহানবা রিফীল অমসুং হোত পেতপু বেনিফিশরীশিংদা লেম্না পীগনি, মিং চনবগী থৌওংসু লাইথোকহনগনি। ফেজ অসিগী মখাদা, মাইগ্রেন্ত ইমুংশিংদা অখন্নবা খুদোংচাবা পীরি। মসিগী উজ্বালা স্কিম ২.০গী মখাদা, নবেম্বর ২৪, ২০২২ ফাওবগী মনুংদা কন্নেক্সন করোর ১.৬ পীখ্রে।

৬) খুঙ্গংগী ইনফ্রাস্ত্রকচর

• প্রধান মন্ত্রী গ্রাম শরক য়োজনা হেক হৌদোকখিবদগী মসিগীদমক্তা পান্দম থমখিবা ভর্তিকেল/ইন্তর্ভেন্সন খুদিংগী ওইবা কিমি ৮,০১,৮৩৮ শাংবা শোরোক ১,৮৪,৯৮৪ অমসুং লোং-স্পেন ব্রিজ (এল.এস.বি.) ১০,৩৮৩গী মনুংদগী কিমি ৭,২৩,৮৯৩ শাংবা শোরোক ১,৭৩,৭৭৫ অমসুং লোং স্পেন ব্রিজ ৭৭৮৯ শাবদা তেংবাংখ্রে হায়না সর্ভে অসিনা ফোংদোক্লি। পি.এম.জি.এস.ৱাই.দা শাফু পীবা ঙম্বা ইন্দিপেন্দেন্ত এভালুএসন স্তদী কয়া পাংথোকখি অমসুং মখোয় পুম্নমক্না স্কিম অসিনা লৌউ-শিংউ, হকশেল, এজুকেসন, অর্বানাইজেসন অমসুং থবক পীবনচিংবা হীরমশিংদা কান্নবা শাফু পীবা ঙমখি হায়না সর্ভে অসিনা ৱারোইশিন পীখি।

• সৌভাগ্যা – প্রধান মন্ত্রী সহজ বিজলী হর ঘর য়োজনা অসি মৈ পুশিন্দ্রিবা অদুবু পুশিন্নিংবা পাম্বা লৈবাক্কী খুঙ্গংগী মফম অমসুং অর্বানগী লাইরবা ইমুংশিংদা মৈ পুশিলহন্দুনা য়ুনিবর্সেল হাউসহোল্দ ইলেক্ত্রিফিকেসনগী পান্দম ফংনবা পায়খৎপা খোঙথাংনি। কন্নেক্সন অসি লাইরবা ইমুংশিংদা লেম্না পী, অদুগা অতোপ্পগীনা মৈ পুশিল্লবা মতুংদা ইন্সতোলমেন্ত ১০ থোক্না থীগদবা লুপা ৫০০গী চার্জ লৌই। সৌভাগ্যা স্কিম অসি মার্চ ৩১, ২০২২দা মায় পাক্না লোইশিনখ্রে। দীন্দয়াল উপাধ্যায় গ্রাম জ্যোতী য়োজনা (দি.দি.য়ু.জি.জে.ৱাই.) অসিনা খুঙ্গং/মী খুন্দাবা মফমশিংদা তঙাই ফদবা ইলেক্ত্রিসিতীগী ইনফ্রাস্ত্রকচর লৈহনবা, হান্না লৈরম্বা ইনফ্রাস্ত্রকচর হেন্না ফগৎহনবা অমসুং খুঙ্গংগী মফমশিংদা পীরিবা মৈগী ক্বালিতী লৈবা হেনগৎহন্নবা হান্ননা লৈরম্লবা ফীদর/দিস্ত্রিব্যুসন ত্রান্সফোর্মর/কঞ্জ্যুমরশিংদা মীতর পানবগী পান্দম থম্লি। ওক্তোবর ২০১৭তা সৌভাগ্যা হৌদোকখিবদগী তোঙানবা স্কিম (সৌভাগ্যা, দি.দি.য়ু.জি.জে.ৱাই.)গী মখাদা  অপুনবা ইমুং করোর ২.৯দা মৈ ফংহনখ্রে। 

*****