সরকারনা অৱাং নোংপোক্কী দিবলপমেন্তবু মরুওইবা প্রায়োরিতী অমা ওইহল্লি। হৌখিবা চহি ৮দা ইকায় খুম্নরিবা প্রধান মন্ত্রী শ্রী নরেন্দ্র মোদীনা অৱাং নোংপোক লমদমদা ৫০দগী হেনবা খোংচৎ চৎখ্রে, অদুগা য়ুনিয়ন মিনিস্তরশিংনা অৱাং-নোংপোক্তা ৪০০দগী হেনবা খোংচৎ চৎখ্রে।

অৱাং-নোংপোক অসি মমাংদা তংদু লৈতাদবা, বন্দনচিংবগীদমক খংনরম্মি অদুবু হৌখিবা চহি নিপাল অসিদা ইকায় খুম্নরিবা প্রধান মন্ত্রী শ্রী নরেন্দ্র মোদী জীগী লুচিং মখাদা শান্তি পুরকখ্রে।

মফম অসিদা ইন্সরজেন্সীগী থৌদোক্তা চাদা ৭৪ হন্থরে, সেক্যুরিতী ফোর্সতা চত্থবা এতেক্তশিংগী থৌদোক চাদা ৬০ হন্থরে অমসুং মীচম প্রজা শিবগী চাং চাদা ৮৯ হন্থরে। চাউরাক্না নহা ৮,০০০ সরেন্দর তৌরকখ্রে অমদি মহৌশাগী ফিভমদা হল্লকখ্রে, মখোয় মশা অমসুং মখোয়গী ইমুং মনুংগী তুংগী য়াইফনবগীদমক তরাম্না ওকখ্রে।

মখা তানা, ২০১৯দা ত্রিপুরাগী নেস্নেল লিবরেসন ফ্রন্তকা লোয়ননা এগ্রীমেন্ত, ২০২০দা ব্রু অমসুং বোরো এগ্রীমেন্ত, অমসুং ২০২১দা কার্বি এগ্রীমেন্ত য়ানখি। অসাম-মেঘলায়া অমসুং অসাম-অরুনাচল ঙমখৈ চয়েৎনবসু লোইশিললক্লে, অমসুং শান্তি হঞ্জিল্লকপগা লোয়ননা অৱাং-নোংপোক লমদম অসি চাউখৎপগী লম্বীদা চংশিল্লি।

ইং ২০১৪দগী ঐখোয়না রিজন অসিদা বজেতরী এল্লোকেসন চাউনা হেনগৎলকপা অদু উবা ফংলে। ইং ২০১৪দগী রিজন অসিগীদমক জি.বি.এস. চাদা ১০গী মখাদা করোর লাখ ৪ হেন্না এল্লোকেত তৌখি।

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ১৫শুবা ফাইনান্স কমিসন (২০২২-২৩দগী ২০২৫-২৬ ফাওবগী) বেলেন্স পেরিওদকীদমক লুপা করোর ১২৮৮২.২গী আউতলে অমগা লোয়ননা মিনিস্ত্রী ওফ দিবলপমেন্ত ওফ নোর্থ ইস্তর্ন রিজনগী স্কিমশিং অয়াবা পিখ্রে।

দোনর মন্ত্রালয়গী মখাদা হৌখিবা চহি ০৪দা তৌখিবা চাদিং অসি লুপা করোর ৭৫৩৪.৪৬ ওইখি অদুগা ২০১৫-২৬ ফাওবা মথংগী চহি মরিদা চাদিংগীদমক ফংলিবা ফন্দ অসি লুপা করোর ১৯৪৮২.২০ (চাউরাক্না শরুক ২.৬০)নি।

রিজন অসিদা ইনফ্রাস্ত্রকচর দিবলপমেন্তকীদমক চাউনা থবক পায়খৎলি। কনেক্তিবিতী ফগৎহনবদা মরুওইবা মীৎয়েং থম্লি।

রেলৱে কনেক্তিবিতী ফগৎহন্নবগীদমক ২০১৪দগী লুপা করোর ৫১,০১৯ চাদিং তৌখ্রে। লুপা করোর ৭৭,৯৩০গী মমল ওইবা অনৌবা প্রোজেক্ত ১৯ সেঙ্কসন তৌখ্রে।

রেলৱেজকীদমক, ইং ২০০৯-১৪গী মনুংদা লুপা করোর ২,১২২গী এভরেজ এনুএল বজেত এল্লোকেসনগা চাংদম্নবদা হৌখিবা চহি ৮দা এভরেজ এনুএল বজেত এল্লোকেসনদা চাদা ৩৭০ হেনগৎতুনা লুপা করোর ৯,৯৭০ ওইরে।  

রোদ কনেক্তিবিতী ফগৎহন্নবগীদমক লুপা করোর লাখ ১.০৫গী ওইবা প্রোজেক্ত ৩৭৫ হৌজিক পায়খৎলি। মথংগী চহি অহুমদা প্রোজেক্ত ২০৯গী মখাদা সরকারনা লম্বী কিলোমীতর ৯৪৭৬ শেম্লগনি। মসিগীদমক কেন্দ্র সরকারনা লুপা করোর ১,০৬,০০৪ চাদিং তৌরি।

এয়র কনেক্তিবিতীসু চাউনা ফগৎলে। চহি ৬৮দা অৱাং নোংপোক্না এয়রপোর্ত ৯ খক্তমক লৈরম্মি, চহি নিপালগী তেনখ্রবা মতমগী মনুংদা মসি ১৭ য়ৌরে।

ঙসিদি, অৱাং নোংপোক্তা এয়র ত্রাফিক মুবমেন্ত অসি ২০১৪দগী চাদা ১১৩ হেনগৎলে (চয়োলগী ওইনা)। মখা তানা এয়র কনেক্তিবিতীদা ইনোত অমা পীনবা অৱাং নোংপোক লমদমদা সিভিল এভিএসনদা লুপা করোর ২,০০০ ইনভেস্ত তৌরগনি।

তেলেকোম কনেক্তিবিতী ফগৎহন্নবগীদমক, ইং ২০১৪দগী, জি.বি.এস. চাদা ১০গী মখাদা লুপা করোর ৩৪৬৬ চাদিং তৌখ্রে। মন্ত্রীমন্দলনা অৱাং নোংপোক লমদমদা লৈরিবা খুঙ্গং ৪,৫২৫দা ৪জি কনেক্তিবিতীসু অয়াবা পীখ্রে। ইং ২০২৩গী লোইশিল্লকপদা কেন্দ্র সরকারনা রিজন অসিদা মপুংফাবা তেলেকোম কনেক্তিবিতী ফংহন্নবা নুমিৎ ৫০০গী তার্গেৎ অমা থম্লি।

ৱাতরৱেজ অসি অৱাং নোংপোক্কী পুন্সী অমসুং কলচরদা ইন্তিগ্রেল ওইরি। প্রধান মন্ত্রী মোদীগী মখাদা সরকারনা অৱাং নোংপোক লমদমদা মসিগী মরুওইবা সেক্তর অসি দিবেলপ তৌনবা হোৎনবা য়াবা হোৎনরি। ইং ২০১৪গী মমাংদা অৱাং নোংপোক লমদমদা নেস্নেল ৱাতরৱে ১ খক্তমক লৈরম্মি। হৌজিক্তি অৱাং নোংপোক লমদমদা ৱাতরৱেজ ২০বু নেস্নেল ৱাতরৱেজ ওইনা লাউথোকখ্রে। হন্দক্তা নেস্নেল ৱাতরৱেজ ২ অমসুং নেস্নেল ৱাতরৱেজ ১৬ দিবেলপ তৌনবগীদমক লুপা করোর ৬০০ কায়থোকখ্রে।

অৱাং নোংপোক লমদমদা স্কিল দিবলপমেন্ত ইনফ্রাস্ত্রকচর হেনগৎহন্নবগী অমদি ইং ২০১৪ অমসুং ২০২১গী মরক্তা হৌজিক লৈরিবা সরকারগী আই.তি.আই.শিং মোদেল আই.তি.আই.শিংদা অপগ্রেদ তৌবগী মায়কৈদা চাউরাক্না লুপা করোর ১৯০ চাদিং তৌখ্রে। অনৌবা স্কিল দিবলপমেন্ত ইন্সতিত্যুৎ ১৯৩ লিংখৎখ্রে। স্কিল্লিংগী মায়কৈদা লুপা করোর ৮১.৮৩ চাদিং তৌখ্রে। তোঙান তোঙানবা স্কিমশিংগী মখাদা পুন্নান মীওই ১৬,০৫,৮০১ স্কিল ওইখ্রে।

ওন্ত্রপ্রিন্যুরশিপ দিবলপমেন্ত ইনোৎ পীনবা তোঙান তোঙানবা স্কিমশিংগী মখাদা এম.এস.এম.ই.শিং প্রমোত তৌখ্রে। য়ুনিৎ ৯৭৮ সপোর্ত/সেতঅপ তৌনবা লুপা করোর ৬৪৫.০৭ চাদিং তৌখ্রে। দি.পি.আই.আই.তি.গী মতুং ইন্না অৱাং নোংপোকতগী স্তার্তঅপ ৩,৮৬৫ রেজিস্তার তৌখ্রে।

হৌখিবা চহি নিপাল হেনবদগী হেল্থ ইনফ্রাস্ত্রকচর ফগৎহনবদা মরুওইবা মীৎয়েং থম্লি। হেল্থ সেক্তরদা সরকারনা ২০১৪-১৫দগী লুপা করোর ৩১,৭৯৩.৮৬ চাদিং তৌখ্রে।

স্তেত কেন্সর ইন্সতিত্যুৎ ১৯ অমসুং কেন্সর স্কিমগী তর্সরী কেয়র মপাঙ্গল কনখৎহনবগী মখাদা তর্সরী কেয়র কেন্সর সেন্তর ২০ অয়াবা পীখ্রে।

হৌখিবা চহি নিপাল হেনবদগী রিজন অসিদা এজুকেসন ইনফ্রাস্ত্রকচর ফগৎহন্নবগীদমক থবক পায়খৎলি।

ইং ২০১৪দগী হৌজিক ফাওবদা সরকারনা অৱাং নোংপোক্তা হায়র এজুকেসন প্রমোত তৌনবা লুপা করোর ১৪০০৯ চাদিং তৌখ্রে। হায়র এজুকেসনগী অনৌবা ইন্সতিত্যুত ১৯১ লিংখৎলে। ইং ২০১৪দগী য়ুনিভর্সিতী লিংখৎপগী মশিংদা চাদা ৩৯ হেনগৎলে। ইং ২০১৪-১৫দগী হায়র এজুকেসনগী সেন্ত্রেল ইন্সতিত্যুসনশিংদা চাদা ৪০ হেনগৎলে।

মদুগী মহৈ অমা ওইনা হায়র এজুকেসনদা মিং চনবা অপুনবা মহৈরোই চাদা ২৯ হেনগৎলে।

রিজন অসিদা ফুএল দিবলপমেন্তদা পৱার ইনফ্রাস্ত্রকচরনা মপাঙ্গল কনখৎহল্লে। ইং ২০১৪-১৫দগী সরকারনা লুপা করোর ৩৭,০৯২ কায়থোকখ্রে, মদুগী মনুংদা হৌজিক ফাওবদা লুপা করোর ১০,০০৩ চাদিং তৌখ্রে।

লুপা করোর ৯,২৬৫গী নোর্থ ইস্ত গ্যাস গ্রিদ (এন.ই.জি.জি.) প্রোজেক্ত হৌজিক পায়খৎলি অমসুং অৱাং নোংপোক লমদমদা ইকোনোমী ফগৎহল্লগনি।

অহানবা ওইবা জিলা থাক্কী এস.দি.জি. ইন্দেক্স শেমগৎলে। এস.দি.জি. ইন্দেক্সকী অনিশুবা ভর্জন থৌরাং লোইরে অমদি অথুবা মতমদা থাদোক্লগনি।  

********