ധനകാര്യ മന്ത്രാലയം

വ്യാവസായിക മേഖലയിലെ മൊത്ത മൂല്യ വര്‍ധന (ജിവിഎ) 2023 സാമ്പത്തിക വര്‍ഷത്തിന്റെ ആദ്യ പകുതിയില്‍ 3.7 ശതമാനം ഉയര്‍ന്നു

2023 സാമ്പത്തിക വര്‍ഷത്തിന്റ  ആദ്യ പകുതിയിലെ ജിഡിപിയുടെ ഒരു പങ്ക് എന്ന നിലയില്‍ സ്വകാര്യ അന്തിമ ഉപഭോഗ ചെലവ് 2015 മുതലുള്ള എല്ലാ വര്‍ഷങ്ങളിലെയും ആദ്യ പകുതിയിലേക്കാള്‍ ഏറ്റവും ഉയര്‍ന്നതായിരുന്നു

22-ല്‍ 21.3 ബില്യണ്‍ യുഎസ് ഡോളറിലെ നേരിട്ടുള്ള വിദേശ നിക്ഷേപ ഒഴുക്ക്, 2021 സാമ്പത്തിക വര്‍ഷത്തില്‍ നിന്ന് 76 ശതമാനം വര്‍ദ്ധനവ് കാണിക്കുന്നു.

ഇന്ത്യന്‍ ഔഷധ കയറ്റുമതി 24 ശതമാനം വളര്‍ച്ച കൈവരിച്ചു

ഫാര്‍മ മേഖലയിലെ സഞ്ചിത വിദേശ നിക്ഷേപം 2022 സെപ്റ്റംബറോടെ 20 ബില്യണ്‍ യുഎസ് ഡോളര്‍ കടന്നു

2023-ലെ കല്‍ക്കരി ഉല്‍പ്പാദനം 911 ദശലക്ഷം ടണ്ണായി വര്‍ധിക്കുമെന്ന് കണക്കാക്കുന്നു

ഇന്ത്യ ഇപ്പോള്‍ മൂന്നാമത്തെ വലിയ ഓട്ടോമൊബൈല്‍ വിപണിയാണ്

ആഗോളതലത്തില്‍ ഏറ്റവും വലിയ രണ്ടാമത്തെ മൊബൈല്‍ ഫോണ്‍ നിര്‍മ്മാതാവാണ് ഇന്ത്യ

വ്യവസായ വളര്‍ച്ചയ്ക്ക് ക്രെഡിറ്റ്, പ്രത്യേകിച്ച് എംഎസ്എംഇകള്‍ക്ക്

ആത്മനിര്‍ഭര്‍ ഭാരത ലക്ഷ്യങ്ങളും ആഗോള മൂല്യ ശൃംഖലയില്‍ ഒരു പ്രധാന പങ്കാളിയാകാനുള്ള ആഗ്രഹവും കൈവരിക്കുന്നതിനുള്ള ഇന്ത്യയുടെ 
മുന്നോട്ടുള്ള വഴിയാണ്.
  


Posted On: 31 JAN 2023 1:41PM by PIB Thiruvananthpuram



കഴിഞ്ഞ ദശകത്തിലെ ആദ്യ പകുതിയിലേക്കാള്‍ ഈ ദശകത്തിലെ ആദ്യ പകുതിയില്‍ ശരാശരി സാമ്പത്തിക വളര്‍ച്ച കൂടുതലാണെന്നു വിശദീകരിക്കുന്ന സാമ്പത്തിക സര്‍വേ 2022-23 കേന്ദ്ര ധനകാര്യ മന്ത്രി ശ്രീമതി നിര്‍മല സീതാരാമന്‍  ഇന്ന് പാര്‍ലമെന്റില്‍ അവതരിപ്പിച്ചു.

വ്യാവസായിക മേഖലയുടെ അവലോകനം

2022 സാമ്പത്തിക വര്‍ഷത്തിലെ 10.3 ശതമാനം വളര്‍ച്ചയെ അപേക്ഷിച്ച് 23 സാമ്പത്തിക വര്‍ഷത്തില്‍ വ്യവസായ മേഖല 4.1 ശതമാനം മിതമായ വളര്‍ച്ചയാണ് രേഖപ്പെടുത്തിയത്. വിതരണ ശൃംഖലയിലെ തടസ്സങ്ങള്‍, ചൈന ലോക്ക്ഡൗണ്‍ എന്നിവ വിഭവങ്ങളുടെ ലഭ്യതയെ ബാധിക്കുകയും ആഗോള സമ്പദ്വ്യവസ്ഥയെ മന്ദഗതിയിലാക്കുകയും ചെയ്യുന്നതിനാലാണ് ഇത് സംഭവിക്കുന്നതെന്ന് സാമ്പത്തിക സര്‍വേ വിശദീകരിച്ചു.

ഉല്‍പ്പാദന ശേഷി അണ്‍ലോക്ക് ചെയ്യാനും കയറ്റുമതി വര്‍ധിപ്പിക്കാനും ഇറക്കുമതിയെ ആശ്രയിക്കുന്നത് കുറയ്ക്കാനും വിദഗ്ദ്ധരും അവിദഗ്ധരുമായ തൊഴിലാളികള്‍ക്ക് തൊഴിലവസരങ്ങള്‍ സൃഷ്ടിക്കാനും പദ്ധതികൾ സജ്ജീകരിച്ചിട്ടുണ്ടെന്ന് സര്‍വേ എടുത്തുപറഞ്ഞു. അസംസ്‌കൃത വസ്തു വിലകള്‍ ലഘൂകരിക്കുന്നതും ആവശ്യാനുസൃത അനുകൂല സാഹചര്യങ്ങളും മൊത്തത്തിലുള്ള വ്യാവസായിക വളര്‍ച്ചയെ സഹായിക്കുമെന്ന് സര്‍വേ ശുഭാപ്തിവിശ്വാസം പ്രകടിപ്പിച്ചു.

വ്യാവസായിക വളര്‍ച്ചയ്ക്ക് ആവശ്യങ്ങള്‍ ഉത്തേജനം

സ്വകാര്യ അന്തിമ ഉപഭോഗ ചെലവ് 2015 സാമ്പത്തിക വര്‍ഷത്തിനു ശേഷമുള്ള എല്ലാ അര്‍ദ്ധ വര്‍ഷങ്ങളിലെക്കാള്‍ ഏറ്റവും ഉയര്‍ന്നതാണ്. ആഗോള ചരക്ക് വില താഴേയ്ക്കുള്ള പാതയിലായിരിക്കുകയും, ഇന്ത്യയുടെ മൊത്ത പണപ്പെരുപ്പത്തിന്റെ നിരക്ക് കുറയുകയും ചെയ്യുന്ന സാഹചര്യത്തില്‍, പണപ്പെരുപ്പം കുറയുമെന്ന് പ്രതീക്ഷിക്കുന്നു, ഇത് രാജ്യത്തെ വ്യാവസായിക വളര്‍ച്ചയെ കൂടുതല്‍ പ്രേരിപ്പിക്കുന്നതിന് ആഭ്യന്തര ഉപഭോഗ ആവശ്യം കൂടുതല്‍ ശക്തമാക്കും.

ആഗോള സമ്പദ്വ്യവസ്ഥ മാന്ദ്യത്തിലേക്ക് വീണാല്‍, നടപ്പ് സാമ്പത്തിക വര്‍ഷത്തിന്റെ രണ്ടാം പകുതിയില്‍ കയറ്റുമതി വളര്‍ച്ച ഇനിയും കുറയുമെന്നും അതിനപ്പുറം ദുര്‍ബലമായി തുടരുമെന്നും സര്‍വേ മുന്നറിയിപ്പ് നല്‍കി. എന്നിരുന്നാലും, ശക്തമായ ആഭ്യന്തര ഉപഭോഗ വളര്‍ച്ചയും നിക്ഷേപ പുനരുജ്ജീവനവും വ്യാവസായിക ഉല്‍പ്പാദനം മന്ദഗതിയിലാക്കുമെന്ന് പ്രതീക്ഷിക്കുന്നു.

2023 ഏപ്രില്‍-ഡിസംബര്‍ കാലയളവില്‍ ഉല്‍പ്പാദന മേഖലയില്‍ പ്രഖ്യാപിച്ച പുതിയ നിക്ഷേപം 2020 സാമ്പത്തിക വര്‍ഷത്തിലെ അതേ നിലവാരത്തേക്കാള്‍ അഞ്ചിരട്ടിയാണെന്ന് സര്‍വേ ഊന്നിപ്പറഞ്ഞു. മഹാമാരിക്കു് മുമ്പുള്ള വര്‍ഷങ്ങളെ അപേക്ഷിച്ച് ഈ വര്‍ഷത്തെയും മുന്‍വര്‍ഷങ്ങളിലെയും കേന്ദ്ര ഗവണ്‍മെന്റിന്റെ വര്‍ദ്ധിപ്പിച്ച മൂലധനമാണ് നിക്ഷേപ ആവശ്യകതയിലെ ഈ വര്‍ദ്ധനവിന് കാരണമായതെന്ന് സര്‍വേ വിശകലനം ചെയ്തു. കുതിച്ചുചാട്ടം സ്വകാര്യ നിക്ഷേപത്തിലും തിരക്ക് കൂട്ടി, ഇതിനകം തന്നെ അപ്പ് ബിറ്റ് ഡിമാന്‍ഡ്, കയറ്റുമതി ഉത്തേജനം, കോര്‍പ്പറേറ്റ് ബാലന്‍സ് ഷീറ്റുകള്‍ ശക്തിപ്പെടുത്തല്‍, ഉല്‍പ്പാദന മേഖലയിലെ ശേഷി വിനിയോഗം വര്‍ദ്ധിച്ചുകൊണ്ടിരിക്കുകയാണെന്നും ഇത് അധിക ശേഷി സൃഷ്ടിക്കുന്നതിനുള്ള പുതിയ നിക്ഷേപ പ്രവര്‍ത്തനങ്ങള്‍ക്ക് നല്ലതാണെന്നും അത് കൂട്ടിച്ചേര്‍ത്തു.

വ്യവസായത്തിന്റെ വിതരണ പ്രതികരണം

പര്‍ച്ചേസേഴ്സ് മാനുഫാക്ചറിംഗ് ഇന്‍ഡക്സ് (പിഎംഐ) നിര്‍മ്മാണം 2021 ജൂലൈ മുതല്‍ 18 മാസത്തേക്ക് വിപുലീകരണ മേഖലയില്‍ തുടരുന്നു, കൂടാതെ അതിന്റെ ഉപസൂചികകള്‍ അസംസ്‌കൃത വിഭവ ചെലവ് സമ്മര്‍ദ്ദം ലഘൂകരിക്കുന്നു.

കല്‍ക്കരി, വളം, സിമന്റ്, വൈദ്യുതി, സ്റ്റീല്‍, റിഫൈനറി ഉല്‍പന്നങ്ങള്‍ തുടങ്ങിയ എട്ട് പ്രധാന വ്യവസായങ്ങളുടെ വളര്‍ച്ച സുസ്ഥിരമായി തുടരുന്നതായി സര്‍വേ ചൂണ്ടിക്കാട്ടി. ഇത് വ്യാവസായിക പ്രവര്‍ത്തനത്തിലെ വിശാലമായ ആക്കം പ്രതിഫലിപ്പിക്കുന്നു.

വ്യാവസായിക ഉല്‍പ്പാദന സൂചികയുടെ (ഐഐപി) ഉപഭോക്തൃ ഘടകഭാഗത്തിന്റെ വളര്‍ച്ച 'പെന്റ്-അപ്പ്' ഡിമാന്‍ഡ് കാരണം, മൂലധന ചരക്കുകളുടെയും അടിസ്ഥാന സൗകര്യ/നിര്‍മ്മാണ വസ്തുക്കളുടെയും വര്‍ദ്ധനവ് അതിന്റെ തുടക്കത്തെ സൂചിപ്പിക്കുന്നുവെന്ന് സര്‍വേ കൂട്ടിച്ചേര്‍ത്തു.

വ്യവസായത്തിനുള്ള ബാങ്ക് വായ്പയില്‍ ശക്തമായ വളര്‍ച്ച

2022 ജനുവരി മുതല്‍ വ്യവസായത്തിലേക്കുള്ള വായ്പ വീണ്ടെടുക്കാന്‍ തുടങ്ങിയെന്നും 2022 ജൂലൈ മുതല്‍ ഇരട്ട അക്കത്തില്‍ വളരുകയാണെന്നും സര്‍വേ എടുത്തുപറഞ്ഞു. എമര്‍ജന്‍സി ക്രെഡിറ്റ് ലിങ്ക്ഡ് ഗ്യാരണ്ടി പദ്ധതിയുടെ സഹായത്തോടെ എംഎസ്എംഇകള്‍ക്കുള്ള വായ്പയും ഭാഗികമായി വര്‍ധിച്ചു.

--NS--



(Release ID: 1895074) Visitor Counter : 207


Read this release in: English , Urdu , Hindi