بنگلورو میں 6 سے 8 فروری 2023 تک منعقد ہونے والے انڈیا انرجی ویک 2023 (آئی ای ڈبلیو  2023) کے پہلے ، حکومت ہند  کے مرکزی وزیر پٹرولیم اور قدرتی گیس، ہاؤسنگ اور شہری امور جناب ہردیپ ایس پوری نے  میتھانول بلینڈڈ ڈیزل (ایم ڈی 15) سے چلنے والے اندرن ملک پانی کے جہاز کے ڈیمو رن کا آج رسمی طور پر افتتاح کیا۔  اس موقع پر حکومت ہند  کے مرکزی وزیر مملکت برائے پٹرولیم اور قدرتی گیس، محنت اور روزگار جناب رامیشور تیلی بھی موجود تھے۔

 پیٹرولیم اور قدرتی گیس کے مرکزی وزیر جناب ہردیپ ایس پوری  اور  پیٹرولیم اور قدرتی گیس کے مرکزی وزیر مملکت جناب رامیشور تیلی میتھانول بلینڈڈ ڈیزل (15ایم ڈی) سے چلنے والے اندرون ملک پانی کے جہاز کے ڈیمو رن کے افتتاح کے موقع پر

کشتی کی سواری 'ایس بی گنگادھر' نامی 50 سیٹوں والے موٹر لانچ سمندری جہاز پر کی گئی۔ سمندری جہاز دو رسٹن میک ڈیزل انجن (ہر انجن 105 ایچ پی) سے لیس ہے۔ یہ کشتی 15  فیصد  میتھانول بلینڈڈ (ایچ ایس ڈی)  کے  ایم  ڈی  15  پر چلائی جائے گی۔

 میتھانول ایک کم کاربن ہائیڈروجن کیریئر ایندھن ہے، جو اعلی راکھ والے کوئلے، زرعی باقیات، تھرمل پاور پلانٹس سے سی او  2  اور قدرتی گیس سے تیار ہوتا ہے۔ یہ  ہندوستان کے  سی  او پی  21  عہد کو پورا کرنے کا بہترین راستہ ہے۔

اگرچہ پیٹرول اور ڈیزل کے مقابلے میں توانائی کے مواد میں قدرے کم ہے، میتھانول ٹرانسپورٹ کے شعبے (سڑک، ریل اور سمندری)، توانائی کے شعبے (جس میں ڈی جی سیٹ، بوائلرز، پراسیس ہیٹنگ ماڈیولز، ٹریکٹر اور کمرشل گاڑیاں شامل ہیں) اور ریٹیل کوکنگ میں (ایل پی جی [جزوی طور پر]، مٹی کا تیل اور لکڑی کا کوئلہ بدل کر) ان دونوں ایندھن کی جگہ لے سکتا ہے۔

آج میڈیا کے ساتھ بات چیت میں، وزیر موصوف  نے بتایا کہ "آسام میں، آسام پیٹرو کیمیکل لمیٹڈ (اے پی ایل)، نامروپ فی الحال تقریباً 100 ٹی پی ڈی میتھانول پیدا کرتا ہے اور 500 ٹی پی ڈی میتھانول کی پیداوار کے لیے ایک نیا پروجیکٹ نافذ کر رہا ہے۔" انہوں نے مزید کہا کہ، "ملک میں دیسی ٹیکنالوجی کا استعمال کرتے ہوئے کول سے میتھانول پلانٹ لگانے کا کام جاری ہے، جسے  بی ایچ ای ایل  (حیدرآباد اور تریچی)، تھرمیکس، اور آئی آئی  ٹی  دہلی تیار کر رہے ہیں۔"

نیتی آیوگ کے 'میتھانول اکانومی' پروگرام کا مقصد، ہندوستان کے تیل کے درآمدی بل، گرین ہاؤس گیس (جی ایچ جی) کے اخراج کو کم کرنا اور کوئلے کے ذخائر اور میونسپل ٹھوس فضلہ کو میتھانول میں تبدیل کرنا ہے۔

میتھانول ایک قیمت  کے اعتبار سے مؤثر متبادل سمندری ایندھن ہے۔ یہ دیگر سمندری ایندھن کے مقابلے میں کم مہنگا ہے اور ساحل کے کنارے اسٹوریج اور بنکرنگ انفراسٹرکچر کی ترقی کے لحاظ سے  کم  خرچ  والا ہے۔ میتھانول پر چلنے والے جہازوں  کو تبدیل کرنے کی لاگت دیگر متبادل ایندھن کی تبدیلیوں سے نمایاں طور پر کم ہے، جس کے  ٹریٹمنٹ کے بعد مہنگی ایگزاسٹ گیس کی ضرورت نہیں ہے اور مائع ایندھن کے طور پر، میتھانول کو ہینڈل  کرنے کے لیے موجودہ اسٹوریج اور بنکرنگ انفراسٹرکچر کے لیے صرف معمولی ترمیم کی ضرورت ہے۔

پٹرول میں 15 فیصد میتھانول کی ملاوٹ کے نتیجے میں پٹرول/خام تیل کی درآمد میں کم از کم 15 فیصد  کمی واقع ہو سکتی ہے۔ اس کے علاوہ، اس سے ذرات،  این او ایکس اور ایس او ایکس کے لحاظ سے  جی ایچ جی  کے اخراج میں 20 فیصد  تک کمی واقع ہو گی اور   اس طرح شہری ہوا کے معیار میں بہتری آئے گی۔

انڈیا انرجی ہفتے کے بارے میں:

آئی ای ڈبلیو    2023  ہندوستان کی جی 20  صدارت کے تحت پہلا بڑا پروگرام  ہے، جوسی  او پی  26  میں عزت مآب وزیر اعظم جناب نریندر مودی کے 2070 تک ہندو ستان کے اخراج کو خالص صفر تک کم کرنے کے عہد کی پیروی کرتا ہے۔

حکومت ہند کی پٹرولیم اور قدرتی گیس کی وزارت کے سرپرستی میں منعقد ہونے والا، انڈیا انرجی ہفتہ  واحد اور ہمہ جہت بین الاقوامی توانائی پروگرام ہے، جسے حکومت ہند کی اعلیٰ ترین سطح پر سپورٹ کیا جاتا ہے، جس میں تمام پبلک سیکٹر انڈرٹیکنگز (پی ایس یوز) کی شرکت ہوتی ہے، اور باضابطہ طور پر فیڈریشن آف انڈین پٹرولیم انڈسٹری (ایف آئی پی آئی) کی طرف سے اس کی حما یت کی گئی ہے۔

۰۰۰۰۰۰۰۰

(ش ح- ا ک- ق ر)

U-782