قبائیلی امور کی وزارت
نئی دہلی کے جواہر لال نہرو اسٹیڈیم میں دو روزہ میگا تقریبات‘آدی شوریہ: پرو پراکرم کا’ کا پہلا دن منایا گیا
متحرک، درخشاں رنگا رنگ قبائلی رقص کی شاندار کارکردگی سے لوگ شو میں محظوظ ہوئے
لوک سبھا کے اسپیکر جناب اوم برلا مہمان خصوصی کے طور پر تقریب میں شرکت کی
قبائلی امور کےمرکزی وزیر ارجن منڈا اور دفاع اور سیاحت کے وزیرمملکت اجے بھٹ نے بھی تقریب میں شرکت کی
Posted On:
23 JAN 2023 10:45PM by PIB Delhi
کلیدی جھلکیاں
- لوک سبھا کے اسپیکر جناب اوم برلا اور قبائلی امور کے مرکزی وزیر جناب ارجن منڈا نے نئی دہلی کے جے ایل این اسٹیڈیم میں آدی شوریہ: ‘پرو پراکرم کا’ سے نوازا۔
- آدی شوریا نے قبائلیوں کے ساتھ مسلح افواج کے ہم آہنگی کو ظاہر کیا ہے کیونکہ دونوں ہمت، ثقافت اور وراثت کے نظریات کی حفاظت کرتے ہیں۔
- عظیم الشان فینالے میں پدم شری اور مشہور پلے بیک سنگر جناب کیلاش کھیر کی پرفارمنس کا مظاہرہ کیا گیا جس کے بعد مسلح افواج کے فنکار اکٹھے ہوئے اور حب الوطنی کی دھنوں پر مشتمل روح کو ہلانے والی موسیقی کے ذریعے قبائلی رقص پیش کئے گئے ۔
- متحرک، رنگا رنگ کارکردگی کے ایک میوزک شو نے زوردارستائش اور تالیاں حاصل کی۔اور سامعین میں جوش و خروش پیدا کیا ۔
قبائلی امور کی وزارت نے وزارت دفاع کے تعاون سے اور ہندوستانی کوسٹ گارڈ کے ساتھ کوآرڈینیٹنگ ایجنسی کے طور پر، ‘آدی شوریہ - پرو پراکرم کا’ کے پہلے دن قبائلی رقص اور مسلح افواج کے کارکردگی کا رنگا رنگ شو پیش کیاگیا اور یہ شو نیتا جی سبھاش چندر بوس کی یوم پیدائش (پراکرم دیوس) 126 ویں سالگرہ کے موقع پر پیش کیاگیا۔ اس موقع پر ہزاروں لوگ نئی دہلی کے جواہر لال نہرو اسٹیڈیم میں موجود تھے۔
اس اہم موقع پر لوک سبھا کے اسپیکر جناب اوم برلا، قبائلی امور کے مرکزی وزیر جناب ارجن منڈا اور دفاع اور سیاحت کے وزیر مملکت جناب اجے بھٹ نے باضابطہ طور پر شمع روشن کرکے اور ڈونگ بجا کر میلے کا افتتاح کیا۔ جس سے تہوار کاآغاز ہوا۔
آدی شوریہ نے خود ہندوستان کے تنوع کی نمائندگی کرتے ہوئے فوجی پرفارمنس اور قبائلی رقص کے کلیڈوسکوپ کے ذریعے جوش، توانائی اور جوش کا مظاہرہ کیا۔
تقریب کے دوران، قبائلی امور کے مرکزی وزیر، جناب ارجن منڈا نے تبصرہ کیا، ‘‘جس طرح قبائلی 'جل، جنگل، زمین’ کی قدر کرتے ہیں، اسی طرح ہماری مسلح افواج ہماری سرحدوں کو مضبوط کرتی ہیں اور ہمارے ملک کے اثاثوں، قبائلی برادریوں اور ان کے ورثے کی حفاظت کرتی ہیں۔ یہ تہوار مسلح افواج اور قبائلی شہریوں کے درمیان ہم آہنگی کے رشتے کو خراج تحسین پیش کرتا ہے۔’’
انہوں نے مزید کہا کہ قبائلی لوگ نہ صرف فطرت، ماحول اور ثقافت کے محافظ ہیں بلکہ وہ سرحدوں پر فرنٹ لائن پر کھڑے ہو کر ملک کی سلامتی میں بھی اہم کردار ادا کرتے ہیں۔ ایک اور اہم نکتہ یہ ہے کہ ہمارے قبائلی بھائی بہن سرحد پر ہمارے فوجیوں کے ساتھ کندھے سے کندھا ملا کر کھڑے ہیں۔ جب ہم جدوجہد آزادی کا مطالعہ کرتے ہیں تو ہمیں یہ سمجھنا چاہیے کہ تاریخ قبائلی برادری کی بہادری کی داستانوں سے بھری پڑی ہے۔
اس فیسٹیول میں فوجی ٹیٹو میں مسلح افواج کی مہارت کی نمائش کی گئی اور فوجی اور قبائلی برادریوں کی طرف سے مختلف طاقت سے بھرپور رقص پیش کیا گیا جس میں ہندوستان بھر سے ہندوستان کی متنوع قبائلی ثقافت کی خوبصورتی کی نمائش کی گئی اور ایک بھارت شریشٹھ بھارت کے پیغام کو عام کیا گیا۔
اس پروگرام میں ایک فوجی ٹیٹو شامل تھا جس میں پیرامیٹر گلائیڈنگ، ہاٹ ایئر بیلون، ہارس شو، موٹر سائیکل ڈسپلے، ایئر واریر ڈرل، نیوی بینڈ، اور ایک گھنٹہ روایتی رقص پرفارمنس جیسے کہ کھکھری ڈانس، گٹکا، ملاکھمب، کلاری پیتو، تھنگٹا شامل تھے۔
جہاں فوجی پرفارمنس نے دل موہ لیا، وہیں اروناچل پردیش، جھارکھنڈ، اڈیشہ، چھتیس گڑھ، کیرالہ، راجستھان، جھارکھنڈ، لداخ، مدھیہ پردیش اور دیگر ریاستوں سے آنے والے قبائلی رقص نے دلوں کو چرا لیا اور تماشائیوں کو اپنی تھاپ پر جھومنے پر مجبور کیا۔ شائقین ہماچل پردیش کے گڈی نتی، گجرات کے سدھی دھمال، لداخ کے بلتی رقص، جموں و کشمیر کے منگھو ڈانس، مغربی بنگال کے پرولیا چھاؤ جیسے رقص کے گواہ تھے۔
بارہ سو (1200)سے زائد فنکاروں نے اپنی باصلاحیت کارکردگی سے شہر کو مسحور کر دیا۔ سیاحوں کو راغب کرنے کے لیے اسٹیڈیم کمپلیکس کے اندر اور باہر تخلیقی بینرز اور قبائلی فنون بھی نصب کیے گئے ہیں۔ اس کے علاوہ، مختلف اسٹروب لائٹ ایفیکٹس اور دلکش آڈیو ویژولز نے پاور پیک پرفارمنس کی تکمیل کی۔
عظیم الشان فینالے میں پدم شری پلے بیک سنگر، جناب کیلاش کھیر کی پرفارمنس کا مظاہرہ کیا گیا جس کے بعد مسلح افواج کے فنکارا شاندار طریقے سےاکٹھا ہوئے اور حب الوطنی کی دھنوں پر مشتمل روح کو ہلا دینے والی موسیقی کے ذریعے قبائلی رقص پیش کیا۔
اس موقع پر وزارت دفاع، ہندوستانی کوسٹ گارڈ اور قبائلی امور کی وزارت کے سینئر عہدیداروں نے بھی شرکت کی۔
تقریب کو آج پنڈال میں 40,000 سے زیادہ لوگوں نے دیکھا۔ ایکلویہ ماڈل ریزیڈنشیل اسکولس (ای ایم آر ایس) کے طلباء نے بھی اس تقریب میں شرکت کی۔
تمام حاضرین کی طرف سے قومی ترانے کے ساتھ پروگرام کا اختتام ہوا۔
اسی مقام اور وقت کل کے لئے ایک ریپیٹ شو کا پروگرام ہے۔
تماشائیوں کو دعوت دی جاتی ہے کہ وہ اپنی نشستیں https://in.bookmyshow.com/ پر مفت محفوظ کریں۔
*************
ش ح ۔ٗخ ا ۔ رض
U. No.765
(Release ID: 1893182)
Visitor Counter : 164