ఫుడ్ ప్రాసెసింగ్ పరిశ్రమల మంత్రిత్వ శాఖ
చిరుధాన్యాలపై ప్రత్యేక దృష్టితో ఫుడ్ ప్రాసెసింగ్ రంగంలోని భాగస్వాములందరినీ ఒకే వేదికపైకి తీసుకురావడానికి మధ్యప్రదేశ్ లోని మాండ్లాలో రెండు రోజుల చిరుధాన్యాల మహోత్సవం
Posted On:
21 JAN 2023 6:29PM by PIB Hyderabad
ఫుడ్ ప్రాసెసింగ్ పరిశ్రమల శాఖ సహాయ మంత్రి శ్రీ ప్రహ్లాద్ సింగ్ పటేల్ శనివారం మధ్యప్రదేశ్ లోని మాండ్లాలో చిరుధాన్యాల మహోత్సవ్ ను ప్రారంభించారు.
![](https://ci3.googleusercontent.com/proxy/hZBWF5ScdRIP2PEs0tI8sITEQ8tX5qZpT-PF7_nDkmX6GzHedD4J02Xcbgly1nx5zgI9WFNjrOkkYRIl804-AeTDT2hUZVBWi4kA6X2gZf1c4fOxP1_c7l0yOA=s0-d-e1-ft#https://static.pib.gov.in/WriteReadData/userfiles/image/image001YLQI.jpg)
ఐక్యరాజ్యసమితి జనరల్ అసెంబ్లీ 2023ను అంతర్జాతీయ చిరుధాన్యాల సంవత్సరంగా ప్రకటించిన నేపథ్యంలో, ఆహార ప్రాసెసింగ్ పరిశ్రమల మంత్రిత్వ శాఖ చిరుధాన్యాల పోషక ప్రయోజనాలు, విలువ జోడింపు, వినియోగం ,ఎగుమతి సామర్థ్యంపై అవగాహన కల్పించే లక్ష్యంతో దేశంలోని 20 రాష్ట్రాలు, 30 జిల్లాలలో చిరుధాన్యాల మహోత్సవాలను నిర్వహిస్తోంది.
![](https://ci5.googleusercontent.com/proxy/G1-Ob6F6x3omo_9lU0Yo5zYc_4G7g2IAD9y6b2N-WaRYMSTJvqZSwj0wHZz4NqIDwgpP0-ccLHE_5ENdvAEr-c27RiKsoYYMU8-5WXNszXNHhbJRGFYT73SytA=s0-d-e1-ft#https://static.pib.gov.in/WriteReadData/userfiles/image/image002F36M.jpg)
ఈ జిల్లాలలో మాండ్లా (మధ్యప్రదేశ్), విజయనగరం (ఆంధ్రప్రదేశ్), భోజ్పూర్ (బీహార్), మహబూబ్ నగర్ (తెలంగాణ), ధర్మపురి (తమిళనాడు), ఆగ్రా (ఉత్తరప్రదేశ్), కర్బీ అంగ్లాంగ్ (అస్సాం), విరుదునగర్ (తమిళనాడు), డాంగ్ (గుజరాత్), పార్వతీపురం (ఆంధ్రప్రదేశ్), కొమరం భీం (తెలంగాణ), అల్మోరా (ఉత్తరాఖండ్), నువాడా (ఒడిశా), బతిండా (పంజాబ్), పాలక్కడ్ (కేరళ), దావణగెరె (కర్ణాటక), తాపీ (గుజరాత్), మన్యం (ఆంధ్రప్రదేశ్), నందూర్బార్ (మహారాష్ట్ర), జోధ్పూర్ (రాజస్థాన్), సుక్మా (ఛత్తీస్ ఘడ్), మహేంద్రగఢ్ (హర్యానా), అలీగఢ్ (ఉత్తరప్రదేశ్), కాలింపాంగ్ (పశ్చిమ బెంగాల్), ఖుంటి (జార్ఖండ్), జముయి (బీహార్) ఉన్నాయి.
![](https://ci6.googleusercontent.com/proxy/3NG79vYir9wnPoLQYT-4W59qYwyAOTOWNnWdDbavPYC1hOqCxWBEEamnAIofo5TPLLv0b3VyBRIGDCMfp1Uogzk2Oq92WXbOLBrhdtCqeq1QX9YKsLV22Jv9Jw=s0-d-e1-ft#https://static.pib.gov.in/WriteReadData/userfiles/image/image003MB8O.jpg)
చిరుధాన్యాల మహోత్సవ్ కింద 2023 జనవరి 21-22 తేదీలలో మధ్యప్రదేశ్ లోని మాండ్లాలో కార్యక్రమాలు ప్రారంభమయ్యాయి. భారత ప్రభుత్వ ఆహార ప్రాసెసింగ్ పరిశ్రమల మంత్రిత్వ శాఖ ప్రారంభించిన ప్రధాన మంత్రి ఫార్మలైజేషన్ ఆఫ్ మైక్రో ఫుడ్ ప్రాసెసింగ్ ఎంటర్ప్రైజెస్ (పిఎమ్ఎఫ్ఎమ్ఇ) పథకం కింద కోడో ,కుట్కి మిల్లెట్ ఉత్పత్తి కేంద్రంగా మాండ్లా ఉంది, ఇది వన్ డిస్ట్రిక్ట్ వన్ ప్రొడక్ట్ (ఓడిఓపి) గా గుర్తించబడింది
![](https://ci5.googleusercontent.com/proxy/vopaGIOf_E8p7290qAGvK_vVPiGVSMyUJRSP0NHmrcMfG7agTq6PRSVo53XBN5iZgO6OnIrab114dVoMaj_Q1e6dVAPby-cC8MVL0qFrVcJUMrYZlSSMW1IWKw=s0-d-e1-ft#https://static.pib.gov.in/WriteReadData/userfiles/image/image0041Q6W.jpg)
శ్రీ ప్రహ్లాద్ సింగ్ పటేల్ తన ప్రారంభోపన్యాసంలో, చిరుధాన్యాల ప్రాముఖ్యతను, చిరుధాన్యాల ఆధారిత విలువ ఆధారిత ఉత్పత్తులకు అపారమైన మార్కెట్ సామర్థ్యాన్ని ప్రస్తావించారు. ఆహార ప్రాసెసింగ్ రంగానికి మద్దతు ఇవ్వడానికి ఆహార ప్రాసెసింగ్ పరిశ్రమల మంత్రిత్వ శాఖ చేపట్టిన వివిధ కార్యక్రమాల గురించి ఆయన వాటాదారులకు తెలియజేశారు.విలువ గొలుసు అంతటా ఆర్థిక, సాంకేతిక, వ్యాపార మద్దతును అందించడం ద్వారా సూక్ష్మ ఆహార ప్రాసెసింగ్ సంస్థలకు సాధికారత కల్పించడంలో పిఎమ్ఎఫ్ఎమ్ఇ పథకం పాత్రను వివరించారు..
చిరుధాన్యాలపై ప్రత్యేక దృష్టి సారించి ఫుడ్ ప్రాసెసింగ్ రంగంలోని భాగస్వాములందరినీ ఒకే వేదికపైకి తీసుకురావడం, వివిధ చిరుధాన్యాల ఆధారిత ఉత్పత్తుల ప్రదర్శన, అమ్మకాలు, చిరుధాన్యాల ప్రాసెసింగ్ పై సమాచార సెషన్లు, పరిశ్రమ నిపుణులు, సూక్ష్మ ఆహార ప్రాసెసింగ్ సంస్థలు, స్వయం సహాయక సంఘాలు, ఎఫ్ పీ వోల మధ్య ఇంటరాక్టివ్ సెషన్లు, స్థానిక గిరిజన గ్రూపుల సాంస్కృతిక కార్యక్రమాలు వంటి విస్తృత కార్యకలాపాలను ఈ రెండు రోజుల కార్యక్రమం లో భాగంగా నిర్వహించారు.
మైక్రో ఫుడ్ ప్రాసెసింగ్ సంస్థలు, స్వయం సహాయక బృందాలు, రైతు ఉత్పత్తిదారుల సంస్థలు, ఉత్పత్తిదారుల సహకార సంఘాలు సహా 1000 మందికి పైగా ఈ కార్యక్రమంలో పాల్గొన్నారు.
![](https://ci5.googleusercontent.com/proxy/MBvvJVE-fWvDyNNRiCGmD_Zfy7raWnQ-lnzLb8OKKtIM2dnTXREwrxxJulfXR-qN3Kdd4Aj9A2w58qVBDCXfCMn_BZkeHxJIU1E3ZNcRonX_B1Q45h9spYv02g=s0-d-e1-ft#https://static.pib.gov.in/WriteReadData/userfiles/image/image005J7RK.jpg)
ఈ ప్రదర్శనలో పిండి, పాస్తా, వెర్మిసెల్లీ, సుజీ, రెడీ టు ఈట్ స్నాక్స్ వంటి వివిధ చిరుధాన్యాల ఆధారిత ఉత్పత్తులతో పాటు ప్రాసెసింగ్ యంత్రాలను ప్రదర్శించారు. ఉత్పత్తులు అమ్మకానికి కూడా ఉంచారు. సూక్ష్మ పారిశ్రామికవేత్తలు సాంకేతిక సెషన్లలో పాల్గొనడమే కాకుండా ఆదాయాన్ని సృష్టించడానికి, బలమైన మార్కెట్ రీచ్ కోసం భాగస్వామ్యాలను ఏర్పరచుకోవడానికి గొప్ప అవకాశాన్ని అందిస్తుంది.
చిరుధాన్యాల మహోత్సవ్ తో పాటు, ఉత్పత్తిదారులు, ఫుడ్ ప్రాసెసర్లు, పరికరాల తయారీదారులు, లాజిస్టిక్స్ ప్లేయర్లు, కోల్డ్ చైన్ ప్లేయర్లు, టెక్నాలజీ ప్రొవైడర్లు, విద్యావేత్తలు, స్టార్టప్, ఇన్నోవేటర్లు, ఫుడ్ రిటైలర్లు మొదలైన భాగస్వాములందరు సమావేశమై సంభాషించడానికి ఒక ప్రత్యేక వేదికను అందించేందుకు మంత్రిత్వ శాఖ 2023 నవంబర్ 3 నుండి 5 వరకు న్యూఢిల్లీలో ఒక మెగా ఫుడ్ ఈవెంట్ ను నిర్వహిస్తోంది. ప్రపంచ ఆహార రంగంలో భారత్ ను దృఢంగా నిలిపేందుకు ప్రముఖ ప్రపంచ, దేశీయ ఆహార కంపెనీలకు చెందిన ప్రముఖులు, గ్లోబల్ ఇన్వెస్టర్లు, బిజినెస్ లీడర్ల సమ్మేళనంగా ఈ కార్యక్రమం జరగనుంది.
130 కి పైగా దేశాలలో సాగు అవుతున్న చిరుధాన్యాలు ఆసియా , ఆఫ్రికా అంతటా అర బిలియన్ కంటే ఎక్కువ మందికి సాంప్రదాయ ఆహారంగా పరిగణించ బడుతున్నాయి. జీవనోపాధిని సృష్టించడానికి, రైతుల ఆదాయాన్ని పెంచడానికి, ప్రపంచవ్యాప్తంగా ఆహార, పోషక భద్రతను నిర్ధారించడానికి చిరుధాన్యాలు చాలా ముఖ్యమైనవి. ప్రపంచ ఉత్పత్తిలో 41 శాతం వాటాతో భారత్ ప్రపంచంలో చిరుధాన్యాల ఉత్పత్తిదారుల్లో అగ్రగామిగా ఉంది.
అనేక ఐక్యరాజ్యసమితి సుస్థిర అభివృద్ధి లక్ష్యాలకు (ఎస్ డిజి) అనుగుణంగా ఉన్న చిరుధాన్యాల అపారమైన సామర్థ్యాన్ని గుర్తించిన భారత ప్రభుత్వం (జిఒఐ) చిరుధాన్యాలకు ప్రాధాన్యత ఇచ్చింది.
గౌరవ ప్రధాన మంత్రి నేతృత్వంలోని భారత ప్రభుత్వం అంతర్జాతీయ చిరుధాన్యాల సంవత్సరం (ఐ వై ఒ ఎం) 2023 ప్రతిపాదనను ఐక్యరాజ్యసమితి జనరల్ అసెంబ్లీ (యుఎన్ జిఎ) ఆమోదించింది. ఐ వై ఒ ఎం ను జరుపుకోవడంలో భారత ప్రభుత్వం ముందంజలో ఉండటానికి ఈ ప్రకటన ఎంతగానో దోహదపడింది.
*****
(Release ID: 1892723)
Visitor Counter : 192