য়ুমলৈ-কৈরৈ মন্ত্রালয়

ঙসি নিউ দিল্লিদা য়ুনিয়ন হোম মিনিস্তর শ্রী অমিত সাহনা চিয়ার লৌদুনা দিরেক্তর জেনরেল ওফ পুলিস/ইন্সপেক্তর জেনরেল ওফ পুলিসকী ৫৭শুবা মীফম হৌদোকখ্রে

Posted On: 20 JAN 2023 8:39PM by PIB Imphal

ঙসি নিউ দিল্লিদা য়ুনিয়ন হোম মিনিস্তর শ্রী অমিত সাহনা চিয়ার লৌদুনা দিরেক্তর জেনরেল ওফ পুলিস/ইন্সপেক্তর জেনরেল ওফ পুলিসকী ৫৭শুবা মীফম হৌদোকখ্রে।রাজ্যশিং/য়ু.তিশিংগী দি.জি.পিশিং/আই.জি.পিশিং অমসুং সি.এ.পিশিংগী মকোকশিং নিউ দিল্লিদগী শরুক য়াখি। হায়ব্রিদকী মওংদা পাংথোকপা মীফম অদুদা তোঙান-তোঙানবা রেঙ্কশিংগী ওফিসার ৬০০ রোম ভর্চুএল ওইনা তোঙান-তোঙানবা রাজ্যশিং/য়ু.তিশিংদগী শরুক য়াখি।

শ্রী অমিত সাহনা হায়খি ২০৪৭দা ভারত চাউখৎলবা লৈবাক অমা ওইনবা অমসুং ২০২৫দা ত্রিল্লিয়ন দোল্লর ৫গী ইকোনোমি লৈহন্নবা প্রধান মন্ত্রী শ্রী নরেন্দ্র মোদীনা পান্দম থম্লি। জে অমসুং কে, অৱাং-নোংপোক অমসুং এল.দব্লিউ.ইদা ঙাক-শেনগী থবকশিং শিংথাবা য়ানা ফগৎলে অমসুং মথং চহি ১০দা লাক্কদবা শিংনবশিং মায়োক্নবা লম্বী শেম্লে। সরকারগী দিজিতেলগী পোৎলমশিং ঙাক-শেন্নবা অখন্নবা থৌরাং পায়খৎপগী মথক্তা পুলিস ফোর্সকী হৈথোই-শিংথোইবা হেনগৎনবা অমসুং ঙাক-শেনগী মরুওইবা মচাক-মথুমশিং শেমগৎনবা থবক কয়া পায়খৎলে। নারোন্দা দ্রগশিং পুথোক-পুশিন তৌবা, হাৱালা অমসুং সহরদা পুলিসকী থবকশিংদা থেংনরিবা খুদোংচাদবশিং কোকহন্নবা কেন্দ্র অমসুং রাজ্যশিং হান্নদগী হেন্না পুন্না থবক তৌমিন্নগদবনি।

মীফম অসিগী অহানবা নুমিত্তা, নেপাল অমসুং ম্যান্মারগী কংফালগী ঙমখৈ পরিংদা থেংনরিবা ঙাক-শেনগী খুদোংচাদবশিং, ভারত্তা মতম চোন্থনা লৈরিবা মপান লৈবাকশিংগী মীওইশিং মশক খঙদোক্নবা লাল্লোংশিং অমসুং মাওইস্তশিং মপাঙ্গল কনবা মফমশিংদা ঙাক-শেনগী থবকশিং লৌখৎনবগী মতাংদা কুপ্না খন্নখি। মথং নুমিৎ নিনিদা, লৈবাক অসিগী পুলিসকী মকোক থোংবা ওফিসিএলশিংনা অখঙ-অহৈ কয়াগা লোয়ন্না ঙাক-শেনগী হিরমদা নৌনা থোরক্লিবা শিংনবশিং অমসুং খুদোংচাবশিংগী মতাংদা কুপ্না খন্নগনি।

য়ুনিয়ন হোম মিনিস্তরনা মেরিতোরিয়স সর্বিসকী পুলিস মেদল য়েন্থোকখি অমসুং লৈবাক অসিগী খ্বাইদগী ফবা পুলিস স্তেসন অহুমদা ত্রোফিশিং পীখি।

*****



(Release ID: 1892602) Visitor Counter : 124


Read this release in: English , Urdu , Marathi , Tamil