ملازمین کی ریاستی بیمہ اسکیم (ای ایس آئی) ماہ نومبر 2022 کے لیے عارضی پے رول ڈیٹا آج جاری کیا گیا۔ عارضی پے رول کے اعداد و شمار کے مطابق سال 2022 کے نومبر مہینے میں 18.86 لاکھ نئے ملازمین شامل کیے گئے ہیں۔

پے رول ڈیٹا کا سال بہ سال موازنہ نومبر 2021 کے مقابلے نومبر 2022 میں 5.24 لاکھ کا اضافہ ظاہر کرتا ہے۔ ڈیٹا کے مطابق،  2022 کے نومبر مہینے میں ایمپلائیز اسٹیٹ انشورنس کارپوریشن کے تحت تقریباً 21953 نئے ادارے رجسٹر کیے گئے، جو اپنے ملازمین کے لیے سماجی تحفظ کو یقینی بناتا ہے۔

نومبر ماہ کے دوران شامل کیے گئے کل 18.86 لاکھ ملازمین میں سے سب سے زیادہ رجسٹریشن کرانے والے ملازمین کے گروپ کی عمر 18 سے 25 سال تھی اور ایسے ملازمین کی تعداد 8.78 لاکھ تھی۔ اس سے ظاہر ہوتا ہے کہ ملک میں نوجوانوں کو روزگار کے اچھے مواقع مل رہے ہیں۔

پے رول کے اعداد و شمار کا صنف کے لحاظ سے تجزیہ بتاتا ہے کہ نومبر 2022 میں خالص خواتین ممبران کا اندراج 3.51 لاکھ رہا ہے۔ اعداد و شمار سے پتہ چلتا ہے کہ نومبر کے مہینے میں کل 63 ٹرانس جینڈر ملازمین نے بھی ای ایس آئی اسکیم کے تحت رجسٹریشن کروایا ہے۔ یہ ظاہر کرتا ہے کہ ای ایس آئی سی اپنے فوائد کو سماج کے ہر طبقے تک پہنچانے کے لیے پرعزم ہے۔

پے رول ڈیٹا عارضی ہے کیونکہ ڈیٹا جنریشن ایک مسلسل مشق ہے۔

*****

ش ح – ق ت – ت ع

U: 690