قبائلی امور کی وزارت، وزارت دفاع کے ساتھ مل کر، ہندوستانی کوسٹ گارڈ کے ساتھ کوآرڈینیٹنگ ایجنسی کے طور پر، امرت مہوتسو کے خصوصی موقع پر ملٹری ٹیٹو اور قبائلی رقص کا میلہ 'آڈی شوریہ - پرَو  پراکرم کا' کا نئی دہلی کے جواہر لال نہرو اسٹیڈیم میں 23 اور 24 جنوری 2023 کو نیتا جی سبھاش چندر بوس کے 126 ویں یوم پیدائش (پراکرم دیوس) کے موقع پر انعقاد کر رہی ہے۔

یہ میلہ ایک فوجی ٹیٹو میں مسلح افواج کی صلاحیتوں کی نمائش کے لیے تیار ہے اور اس میں قبائلی برادریوں کی طرف سے زربردست  رقص کی مختلف پرفارمنسز پیش کی جائیں گی، جو پورے ہندوستان سے، ہندوستان کی متنوع قبائلی ثقافت کی خوبصورتی کو ظاہر کرتی ہیں۔ چھتیس گڑھ، کیرالہ، راجستھان، جھارکھنڈ، لداخ، مدھیہ پردیش اور دیگر ریاستوں سے قبائلی رقص کے ٹولے پنڈال پہنچ چکے ہیں۔ شائقین شاندار رقص  جیسے کہ ہماچل پردیش سے گڈی نتی، گجرات سے سدھی دھمال، مغربی بنگال سے پورولیا چھاؤ، اور بہت کچھ کا مشاہدہ کریں گے۔

دن کی ریہرسل کا معائنہ کرنے کے لیے، قبائلی امور کی وزارت کی ایڈیشنل سکریٹری محترمہ آر جیا نے کل یعنی 19 جنوری 2023 کو پنڈال کا دورہ کیا۔ انہوں نے وزارت دفاع، ہندوستانی کوسٹ گارڈ کے عہدیداروں اور قبائلی امور کی وزارت کے سینئر عہدیداروں کے ساتھ ایک جائزہ میٹنگ بھی کی۔

شاندار تقریبات کے لیے  خصوصی ملبوسات  کے ساتھ ڈریس ریہرسل، خاص طور پر قبائلی رقص، کچھ عرصے سے جاری ہیں۔  1200 سے زیادہ فنکار اپنے فن کے نمونوں کو نکھار رہے ہیں اور اپنی سحر انگیز پرفارمنس  کے ذریعہ  شہر کو مسحور کرنے کے لیے تیار ہیں۔ مہمانوں کو اپنی طرف متوجہ کرنے کے لیے پنڈال کو اسٹیڈیم کمپلیکس کے احاطے کے اندر  اور باہر قبائلی فن سے سجایا جا رہا ہے۔ دونوں وزارتوں کے سینئر حکام ایونٹ کی شاندار کامیابی کو یقینی بنانے کے لیے تیاریوں پر نظر رکھے ہوئے ہیں۔

شاندار  فنالے  میں مشہور پلے بیک سنگر جناب  کیلاش کھیر کی پرفارمنس کے ساتھ ساتھ فوجی ٹیٹو اور قبائلی رقص دونوں کے فنکار ایک ساتھ مل کر ایک شاندار نمائش کا مظاہرہ کریں گے۔ پنڈال میں دونوں دنوں  60,000 سے زیادہ لوگوں کی آمد متوقع ہے۔

تماش بینوں  کو دعوت دی جاتی ہے کہ وہ اپنی نشستیں اس  لنک پر https://in.bookmyshow.com/  پر مفت محفوظ کریں۔

۔۔۔۔۔۔۔۔۔۔۔۔۔۔۔۔۔۔۔۔۔۔

۰۰۰۰۰۰۰۰

(ش ح- ا ک- ق ر)

U-673