হ্যুমেন রিসোর্স চাউখৎ-থৌরাংগী মন্ত্রালয়
শ্রী ধর্মেন্দ্র প্রধান অমসুং শ্রী জি কিসন রেদ্দিনা কো-চিয়ার ওইদুনা ইন্দিয়ান ইন্সিতিতুৎ ওফ ওন্ত্রেপ্রেনিউয়রশিপ, গুৱাহাতিগী জেনরেল বোদি মীফম পাংথোকখ্রে
অৱাং-নোংপোক লমদম অসি মপান নাইদ্রবা খুদোংচাবশিং অমসুং লৌশিংগী লম অমনি-শ্রী ধর্মেন্দ্র প্রধান
प्रविष्टि तिथि:
19 JAN 2023 6:40PM by PIB Imphal
ইজুকেসন অমসুং স্কিল দিবলপমেন্ত অমসুং ওন্ত্রেপ্রেনিউয়রশিপকী য়ুনিয়ন মিনিস্তর শ্রী ধর্মেন্দ্র প্রধান অমসুং কলচর, তুরিজম অমসুং দোনরগী য়ুনিয়ন মিনিস্তর শ্রী জি কিসন রেদ্দি অনিনা পুন্না চিয়ার লৌদুনা ঙসি ইন্দিয়ান ইন্সিতিতুৎ ওফ ওন্ত্রেপ্রেনিউয়রশিপ, গুৱাহাতিগী জেনরেল বোদি মীফম পাংথোকখ্রে। মীফম অদুদা মনিপুর সরকারগী কেবিনেৎ মিনিস্তর নেমচা কিপগেন অমসুং স্কিল মিনিস্ত্রি অমসুং দোনর মিনিস্ত্রিগী ওফিসিএলশিং শরুক য়াখি।
মীফম অদুদা শ্রী প্রধান্না হায়খি অৱাং-নোংপোক লমদম অসি মপান নাইদ্রবা খুদোংচাবশিং অমসুং লৌশিংগী লম অমনি। মথং চহি অমদা লমদম অসিগী নহারোল লাখ ১ হেন্না মখোয় ওন্ত্রেপ্রেনিউয়র ওইনা শেমগৎনবা স্কিল লৈহন্নবা অকুপ্পা থৌরম অমা শেম্লে। অৱাং-নোংপোক লমদমদা মীৎয়েং থমদুনা ওন্ত্রেপ্রেনিউয়রশিপ চাউখৎনবা অমসুং ত্রেনিং পীনবা ইন্দিয়ান ইন্সিতিতুৎ ওফ ওন্ত্রেপ্রেনিউয়রশিপ, গুৱাহাতিনা থবক পায়খৎলি।
শ্রী প্রধান্না মখা তানা হায়খি তুংদা কান্নগদবা অমসুং ওন্ত্রেপ্রেনিউয়রশিপ চাউখৎনবা স্কিল লৈহনবা অসিনা অনৌবা যুগ অসিদা অৱাং-নোংপোক লমদম চাউখৎনবা খুন্নাই অমসুং শেন্মিৎলোনগী গারি অমা ওইবা য়াগনি।
*****
(रिलीज़ आईडी: 1892350)
आगंतुक पटल : 129