تعلیم، فروغ ہنرمندی اور صنعت کاری کے مرکزی وزیر جناب دھرمیندر پردھان نے ثقافت، سیاحت اور شمال مشرقی خطے کی ترقی (ڈی او این ای آر) کے مرکزی وزیر جناب جی کشن ریڈی کے ساتھ، آج انڈین انسٹی ٹیوٹ آف انٹرپرینیورشپ، گوہاٹی کی جنرل باڈی میٹنگ کی صدارت کی۔ منی پور حکومت کے کابینہ وزیر نیمچا کپگن اور فروغ ہنر مندی و شمال مشرقی خطے کی ترقی کی وزارت کے اہلکاروں نے میٹنگ میں شرکت کی۔

اس موقع پر خطاب کرتے ہوئے جناب پردھان نے کہا کہ شمال مشرقی خطہ (این ای آر) لامحدود مواقع اور تخلیقی صلاحیتوں کی سرزمین ہے۔ وزیر موصوف نے اگلے ایک سال میں خطہ کے ایک لاکھ سے زیادہ نوجوانوں کو ہنرمند بنانے کے لیے ایک تفصیلی روڈ میپ پر زور دیا، جس میں ابھرتے ہوئے شعبوں پر توجہ دی جائے گی اور انھیں کاروباری کے طور پر پروان چڑھایا جائے گا۔ انھوں نے مزید کہا کہ آئی آئی ای، این ای آر پر توجہ مرکوز کرتے ہوئے انٹرپرینیورشپ کی ترقی اور صلاحیت کی تعمیر کے لیے کام کر رہا ہے۔

جناب پردھان نے مزید کہا کہ ہنر مندی کو توقعاتی اور مستقبل رخی بنانا اور صنعت کاری کو سماجی و اقتصادی تبدیلی کا ذریعہ بنانا شمال مشرقی خطہ میں ترقی کے ایک نئے دور کا آغاز کرسکتا ہے۔

 

******

ش ح۔ م م۔ م ر

U-NO.654

(Release ID: 1892310) Visitor Counter : 93