नवी दिल्ली, 18 जानेवारी 2023

ठळक मुद्दे :

• यावेळी झालेल्या चर्चेत, शिक्षण क्षेत्रात सहकार्य अधिक दृढ करणे, त्यातही नवोन्मेषाचे लोकशाहीकरण, उद्यमशीलतेला प्रोत्साहन आणि युवकांसाठी अधिक संधी निर्माण करणे, यावर भर देण्यात आला.

केंद्रीय शिक्षण आणि कौशल्याविकास मंत्री धर्मेंद्र प्रधान यांनी आज सिंगापूरच्या नानयांग तंत्रज्ञान विद्यापीठाच्या शिष्टमंडळाची भेट घेतली. सिंगापूर उच्च आयोगाच्या प्रधान  सचिव अमांडा क्वेक यांच्या नेतृत्वाखाली आलेल्या या शिष्टमंडळासोबत नवोन्मेषाचे लोकशाहीकरण करणे, उद्योजकता वाढवणे आणि तरुणांसाठी संधी निर्माण करणे यावर लक्ष केंद्रित करून शिक्षण क्षेत्रातील सहकार्य मजबूत करण्यावर चर्चा करण्यात आली.

भारत आणि सिंगापूर हे शिक्षण आणि कौशल्य विकास क्षेत्रात मजबूत संबंध असलेले नैसर्गिक मित्र आहेत. आम्ही सिंगापूरसोबत शैक्षणिक आणि उद्योगांच्या सहभागासह परस्पर सहकार्य वाढविण्यास उत्सुक आहोत,असे धर्मेंद्र प्रधान यावेळी म्हणाले.

N.Chitale/R.Aghor/P.Malandkar

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai