صنعت و تجارت،صارفین امور،خوراک اور عوامی تقسیم اور ٹیکسٹائل کے مرکزی وزیر جناب پیوش گوئل نے آج  مدھیہ پردیش کی نشاندہی   سرمایہ کاری کے لئے ایک مثالی  مقام کے طورپر کی  اور دنیا بھر کے سرمایہ کاروں سے مدھیہ پردیش کی ترقی میں حصہ دار بننے کی اپیل کی۔وہ آج  مدھیہ پردیش گلوبل انویسٹرس سمٹ  2023 سے ویڈیو کانفرنسنگ کے ذریعہ خطاب کررہے تھے۔

جناب گوئل نے کہا کہ آج کا سمٹ صنعت کو ہندوستان کے متحرک مستقبل میں حصہ لینے کا موقع فراہم کرتا ہے۔ مدھیہ پردیش میں سرمایہ کاری کے بے شمار مواقع کے بارے میں بات کرتے ہوئے، جناب  گوئل نے کہا کہ یہ سرمایہ کاری کے  مثالی مقام  کے طور پر ابھرا ہے۔ اس کے پاس کافی زمین، انفراسٹرکچر، ہنر مند وسائل ہیں اور یہ زراعت، خوراک کی ڈبہ بندی ، دوا سازی ، آٹوموبائل، سیاحت، ٹیکسٹائل، قابل تجدید توانائی میں بڑے مواقع فراہم کرتا ہے۔ انہوں نےاس بات پر بھی  روشنی ڈالی کہ بین الاقوامی سطح پر بھی مدھیہ پردیش میں سرمایہ کاری میں دلچسپی ظاہر کی جاتی ہے۔ 

مدھیہ پردیش کے بارے میں بات کرتے ہوئے، انہوں نے کہا کہ اسے ہندوستان کے دل کے طور پر جانا جاتا ہے جو ایک نئے ہندوستان کی متحرک اورزندہ دلی  کی عکاسی کرتا ہے۔ ہندوستان کی دوسری سب سے بڑی ریاست، یہ بہت حکمت عملی کے لحاظ سے ملک کے مرکز میں واقع ہے، دونوں شمال-جنوب اور مشرق مغرب-کوریڈورز مدھیہ پردیش  میں کراس کرتے ہیں۔ انہوں نے اس بات پر بھی روشنی ڈالی کہ قابل تجدید توانائی اس کی کل بجلی کی پیداوار میں 20 فیصد تعاون دیتی ہے۔ حقیقت یہ ہے کہ یہ دنیا کی نامیاتی کپاس کی پیداوار میں 24 فیصد کا تعاون دیتا ہے، جو بین الاقوامی مارکیٹ میں مدھیہ پردیش  کی بڑھتی ہوئی اہمیت کو ظاہر کرتا ہے۔ انہوں نے زور دیا  کہ مدھیہ پردیش کی مجموعی ریاستی گھریلو پیداوار میں گزشتہ سال تقریباً 20 فیصد اضافہ ہوا۔

گڈ گورننس میں تیزی سے قدم اٹھانے کے لیے مدھیہ پردیش کی ستائش کرتے ہوئے، جناب گوئل نے کہا کہ یہ ڈبل انجن والی حکومت کے اثر  کو ظاہر کرتا ہے جو تیزی سے تبدیلی کے وزیر اعظم کے وژن کو پورا کرنے کے لیے کام کر رہی ہے۔

انہوں نے یقین ظاہر کیا کہ وزیر اعظم کے ذریعہ شروع کیا گیا گرین ہائیڈروجن مشن، مدھیہ پردیش حکومت کی حمایت کے ساتھ مل کر کئی شعبوں میں خاص طور پر گرین ہائیڈروجن اور قابل تجدید توانائی میں بڑی سرمایہ کاری لانے میں مدد کرے گا۔

جناب گوئل نے کہا کہ وزیر اعظم جناب نریندر مودی نے کئی مواقع پر اس بات پر زور دیا ہے کہ ہندوستان کی طاقت اس کی ریاستوں میں ہے اور اگر ہندوستان کو آگے بڑھنا ہے تو ریاستوں کا آگے بڑھنا بہت ضروری ہے۔ انہوں نے مزید کہا کہ وزیر اعظم مودی نے ہمیشہ ریاستوں میں ترقی اور اقتصادی ترقی کی حوصلہ افزائی کرنے پر توجہ مرکوز کی اور اس طرح ہندوستان کے دور دراز علاقوں میں لوگوں کو بڑے مواقع فراہم کئے۔ انہوں نے کہا کہ وزیراعظم مودی کا ماننا ہے کہ ریاستیں ترقی یافتہ ہندوستان کی حمایت کے لیے مضبوط ستون ہوں گی، یہ ایک عہد ہے جسے پوری قوم نے 15 اگست 2022 کو وزیراعظم کے ساتھ ہندوستان کی آزادی کے 75 سال مکمل ہونے پر  آزادی کا امرت مہوتسو منانے کے موقع پر لیا تھا۔

اپنے تبصروں میں، جناب گوئل نے نشاندہی کی کہ بنیادی ڈھانچے کی ترقی کے لیے ایک مرکوز نقطہ نظر، جو بدلے میں اقتصادی ترقی کی مضبوط بنیاد بناتا ہے، ہمیشہ سے ایک ترقی یافتہ معیشت کی بنیاد رہا ہے۔ انہوں نے مزید کہا کہ مدھیہ پردیش بھی بہت بڑے پیمانے پر بنیادی ڈھانچے کو فروغ دینے کے اس سفر کا حصہ رہا ہے۔

سربراہی اجلاس میں وزیر اعظم کے افتتاحی خطاب کا حوالہ دیتے ہوئے جس میں انہوں نے حکومت کے مختلف اقدامات - وزیر اعظم گتی شکتی، قومی انفراسٹرکچر ماسٹر پلان، ڈیجیٹل انڈیا، کے بارے میں بات کی، جناب گوئل نے کہا کہ یہ سب وزیر اعظم جناب نریندر مودی کی دور اندیش قیادت میں ممکن ہوا ہے۔ ون نیشن، ون ٹیکس، آئی بی سی، ون نیشن ون گرڈ کی مثالیں دیتے ہوئے انہوں نے کہا کہ حکومت انفراسٹرکچر کو ترقی دے رہی ہے جو  پہلے کبھی نہیں ہوا۔

جناب گوئل نے کہا کہ ہندوستان آج دنیا کی 5ویں سب سے بڑی معیشت ہے اور یہ تیزی سےدنیا کی سب سے بڑی تین معیشتوں میں سے ایک بننے کےلئے  ترقی کر رہا ہے۔

ہندوستان کی جی 20  صدارت کے بارے میں بات کرتے ہوئے، جناب  گوئل نے کہا کہ ہندوستان کے لیے یہ صحیح وقت ہے کہ وہ دنیا کو اپنی بڑھتی ہوئی طاقتوں اور دنیا میں بڑھتے ہوئے تعاون کو ظاہر کرے۔ ہندوستان ایک بار پھر وشوا گرو بن رہا ہے اور دنیا کو رہنے کے لیے ایک محفوظ جگہ بننے کی پہل کی قیادت کر رہا ہے۔

یہ بتاتے ہوئے کہ مدھیہ پردیش اقتصادی  طور پر بہت تیزی سے  ابھر رہا ہے، انہوں نے امید ظاہر کی کہ ایم پی چیتے کی رفتار سے ترقی کرتا رہے گا جسے کچھ مہینے پہلے مدھیہ پردیش نے کنو نیشنل پارک میں چھوڑا تھا۔ انہوں نے اس اعتماد کا اظہار کیا کہ مدھیہ پردیش  نئے مواقع کے ساتھ صنعتوں کو راغب کرکے ملکی معیشت کو مزید تیز کرے گا۔

جناب گوئل نے یہ کہتے ہوئے اپنی بات ختم کی کہ ہندوستان آج واضح طور پر دنیا میں ایک روشن مقام ہے اور امید ظاہر کی کہ مدھیہ پردیش آگے سے قیادت کرے گا اور اگلے 25 سالوں میں ہندوستان کو ایک ترقی یافتہ ملک بنانے کی کوششوں میں حصہ لیتا رہے گا۔

***************

ش ح ۔ا م۔

U:358