ముఖ్యాంశాలు:

17వ ప్రవాసీ భారతీయ దివస్ కన్వెన్షన్ మధ్యప్రదేశ్ ప్రభుత్వం భాగస్వామ్యంతో జనవరి 08 నుండి జనవరి 10 వరకూ ఇండోర్‌లో నిర్వహించబడుతోంది.

17వ ప్రవాసీ భారతీయ దివస్ 2023లో 'భారత శ్రామిక శక్తి యొక్క గ్లోబల్ మొబిలిటీని ప్రారంభించడం - భారతీయ డయాస్పోరా పాత్ర' అనే అంశంపై కేంద్ర విద్య మరియు నైపుణ్యాభివృద్ధి & వ్యవస్థాపకత మంత్రి శ్రీ ధర్మేంద్ర ప్రధాన్ ఈరోజు ప్లీనరీ సెషన్‌లో ప్రసంగించారు.

సభను ఉద్దేశించి శ్రీ ప్రధాన్ మాట్లాడుతూ, మన డయాస్పోరా భారతదేశ నాగరికతలో అంతర్భాగమని మరియు దాని గొప్ప ప్రయాణంలో ముఖ్యమైన పాత్ర పోషించిందని అన్నారు. భారతదేశ శ్రామిక శక్తి  సామర్థ్యాన్ని మరియు చలనశీలతను పెంపొందించడంలో మరియు మానవాళికి సేవ చేయడానికి ఒక కొత్త భారతీయ నమూనాను రూపొందించడంలో ప్రవాసుల పాత్ర గురించి ఆయన మాట్లాడారు.

ఎన్‌ఈపి  2020 మరియు కొత్త నైపుణ్యం విధానం గురించి మాట్లాడుతూ, సామర్థ్యాలను పెంపొందించడంపై దృష్టి సారించే బహుళ ఎంట్రీ-ఎగ్జిట్ మరియు స్కిల్లింగ్ మార్గాలతో కూడిన సౌకర్యవంతమైన మోడల్‌ను మేము రూపొందిస్తున్నామని ఆయన అన్నారు. భారతీయ శ్రామిక శక్తి కష్టపడి పనిచేసేది, నిజాయితీ మరియు బాధ్యతగలదని ఆయన అన్నారు. నైపుణ్యం కలిగిన మానవ వనరుల ప్రపంచ కేంద్రంగా భారతదేశం ఆవిర్భవించగలదన్నారు.

సాంకేతికత కొత్త అవకాశాలను సృష్టిస్తోందని ఆయన అన్నారు. ప్రధాన మంత్రి శ్రీ న‌రేంద్ర మోదీ  ప్రవాస భార‌తీయుల‌పై చాలా విశ్వాసం ఉంచారని మన 32 మిలియన్ల మంది బలమైన భారతీయ ప్రవాసులు తమ నైపుణ్యం మరియు అనుభవాలను ప్రపంచ కుటుంబానికి సేవ చేయడానికి భారతదేశ సామర్థ్యాన్ని సుస్థిరం చేయడానికి ఉపయోగిస్తారని ఆయన విశ్వాసం వ్యక్తం చేశారు.

అనంతరం మారిషస్ & కువైట్‌లోని ప్రముఖులైన భారతీయ ప్రవాసులతో శ్రీ ప్రధాన్ సంభాషించారు. భారతీయ సంస్కృతి, ఆధ్యాత్మికత, వారసత్వం గురించి యువతకు అవగాహన కల్పించేందుకు వారి సూచనలను ఆయన అభినందించారు. ఎన్‌ఈపీ 2020 ఆధునిక దృక్పథంతో భారతీయతలో పాతుకుపోయిన విద్యపై ఎలా దృష్టి సారిస్తుందన్న అంశంపై మంత్రి మాట్లాడారు.

ప్రవాసీ భారతీయ దివస్ (పిబిడి) కన్వెన్షన్ భారత ప్రభుత్వం యొక్క ప్రధాన కార్యక్రమం. ఇది విదేశీ భారతీయులతో నిమగ్నమవ్వడానికి మరియు కనెక్ట్ అవ్వడానికి మరియు డయాస్పోరా ఒకరితో ఒకరు సంభాషించడానికి ఒక ముఖ్యమైన వేదికను అందిస్తుంది. 17వ ప్రవాసీ భారతీయ దివస్ కన్వెన్షన్ మధ్యప్రదేశ్ ప్రభుత్వం భాగస్వామ్యంతో 08-10 జనవరి 2023 వరకు ఇండోర్‌లో నిర్వహించబడుతోంది. ఈ పిబిడి కన్వెన్షన్ యొక్క థీమ్ "డయాస్పోరా: అమృత్ కాల్‌లో భారతదేశం యొక్క పురోగతికి విశ్వసనీయ భాగస్వాములు". దాదాపు 70  దేశాల నుండి 3,500 మంది ప్రవాస సభ్యులు పిబిడి కన్వెన్షన్‌కు నమోదు చేసుకున్నారు.

 

*****