মীওই খুদিংমক্তা অশোই-অঙাম থোক্তবা লম্বীশিং ওইহন্নবগী মতাংদা ৱাখল তাহন্নবা “শ্বাছতা পাখৱারা”গী মখাদা জনুৱারি ১১-জনুৱারি ১৭,২০২৩ ফাওবা ভারত সরকারগী রোদ ত্রান্সপোর্ত অমসুং হায়ৱেজ মিনিস্ত্রিনা রোদ সেফতি ৱিক পাংথোক্লগনি। চয়োল অমগী থৌরম মনুংদা অশোই-অঙাম থোক্তবা লম্বীশিং ওইহন্নবগী মতাংদা মরী লৈনবা খুদিংমক্না মতেং পাংনবা মীয়ামদা ৱাখল তাহন্নবা লৈবাক শীনবা থুংনা তোঙান-তোঙানবা থৌরমশিং পাংথোক্কনি। থৌরমশিং অদুগী মনুংদা লম্বীগী খুদোংথিবশিং থোকহনবগী মরমশিং অমসুং মখোয় ঙাকথোক্নবা পাম্বৈশিংগী মতাংদা মীয়াম খঙহন্নবা তোঙান-তোঙানবা কেম্পেনশিং য়াওরি। স্কুল/কোলেজগী মহৈরোয়শিং, দ্রাইভরশিং অমসুং লম্বী চৎলিবা খুদিংমক্কা লোয়ন্না তোঙান-তোঙানবা থৌরমশিং পাংথোক্নবা থৌরাং তৌরি।

মিনিস্ত্রিনা তোঙান-তোঙানবা মফমশিংদা লম্বীগী লিলাশিং উৎকনি। স্কুলগী মহৈরোয়শিংগী এসে ইবা অমসুং পোস্তর য়েকপা চাংদম্নবা, কোর্পোরেতশিং/পি.এস.য়ুশিং/এন.জি.ওশিংগী একজিবিসন অমসুং থিয়েতর পেবিলিয়ন পাংথোক্কনি। মসিগী মথক্তা, লম্বী শেম্বগী থৌদাং লৌরিবা এন.ঐচ.এ.আই অমসুং এন.ঐচ;আই.দি.সি.এলনা ত্রাফিক্কী নিয়মশিং ঙাক্নবা, খোঙনা চৎপশিং অশোই-অঙাম থোক্তনবা, দ্রাইভারশিংগী মীৎ চেক তৌবা য়াওনা থৌরম কয়া লৈবাক শীনবা থুংনা পাংথোক্কনি।

লম্বীগী খুদোংথিবা থোক্তনবা মীয়াম ৱাখল তাহন্নবা থৌরমশিং অসিদা এম.পিশিং, রাজ্য সরকার অমসুং মরী লৈনবা খুদিংমক শরুক য়ানবা মিনিস্ত্রিনা হায়জরি।

*****