کامرس اور صنعت، امور صارفین، خوراک اور عوامی تقسیم اور ٹیکسٹائل کے مرکزی وزیر جناب پیوش گوئل نے آج ہندوستانی تارکین وطن سے نئے ہندوستان، ایک ایسا ہندوستان جو عالمی ترقی کی طرف لے جائے گا اورجس کا ایک وشو گرو بننا تقریبا طے ہے، کاخاکہ مرتب کرنے میں اپنا کردار ا دا  کرنے  پر زور دیا۔ . وہ نیو جرسی، امریکہ میں ایک تقریب میں ہندوستانی کمیونٹی سے خطاب کر رہے تھے۔

بیرون ملک مقیم ہندوستانیوں کی، ہندوستان سے باہر ان کی شاندار خدمات کے لئے ان کی تعریف کرتے ہوئے جناب گوئل نے کہا کہ وہ ہندوستان کی  کامیابیوں کی کہانی کے مشعل بردار ہیں۔ انہوں نے کہا کہ یہ فخر کی بات ہے کہ ہندوستانیوں نے ہندوستان کی بھرپور روایات اور ثقافت کے ذریعہ اپنا اہم کردار اداکیا ہے جس نے ہندوستانی تارکین وطن کو بڑے کارپوریشنوں کی قیادت کرنے میں مدد کی ہے اور کئی ممالک کی اقتصادی بہبود میں اپنا خدمات پیش کی ہیں ۔ انہوں نے اس بات پر روشنی ڈالی کہ ہندوستانی تارکین وطن کی کامیابیوں کی وجہ سے ہندوستان کو پوری دنیا میں صحیح معنوں میں پہچانا جاتا ہے اور ان کا احترام کیا جاتا ہے۔ انہوں نے اس بات پر بھی زور دیا کہ دنیا آج وزیر اعظم جناب نریندر مودی کو دنیا کے سب سے مقبول اور قد آور لیڈر کے طور پر دیکھتی ہے۔ بالی انڈونیشیا میں منعقدہ جی 20 میٹنگ کے بارے میں بات کرتے ہوئے، جناب گوئل نے کہا کہ یہ رہنماؤں کی سربراہی کانفرنس میں پی ایم مودی کی کوششیں اور قیادت تھی جس نے تمام لیڈروں کو ایک اجتماعی اعلان پر متفق ہونے کے لئے ایک صف میں لاکر کھڑا کردیا۔

نیو جرسی میں مقیم ہندوستانیوں کے ساتھ پرواسی بھارتیہ دیوس (پی بی ڈی ) منانے پر اپنی خوشی کا اظہار کرتے ہوئے، جناب گوئل نے کہا کہ پی بی ڈی ، جسے ہندوستان کے سابق وزیر اعظم آنجہانی شری اٹل بہاری واجپائی نے شروع کیا تھا، تمام پرواسیوں کو اعزاز بخشنے اوران کی  خدمات کا اعتراف کرنے کا موقع ہے ۔انہوں نے ہندوستانی روایت، ثقافت اور اقدار کے نظام کو برقرار رکھنے اور اسے زندہ رکھنے کے لئے امریکہ میں مقیم ہندوستانیوں کی تعریف کی۔ انہوں نے مزید کہا کہ ہندوستان کے لوگ مختلف ممالک میں مقیم ہندوستانیوں کو ہندوستان کے سفیر کے طور پر دیکھتے ہیں۔ اس حقیقت کی تعریف کرتے ہوئے کہ امریکہ میں تقریباً 500 یونیکورنز کے 1078 بانیوں میں سے 90 ہندوستانی نژاد افراد ہیں، جناب گوئل نے کہا کہ ہندوستانی باشندوں نے صحت کی دیکھ بھال، مہمان نوازی، صحافت، ٹیکنالوجی، انتظام کے مختلف شعبوں میں اپنے کام کے ذریعے واضح طور پر زبردست صلاحیت کا مظاہرہ کیا ہے۔ اٹل جی کا حوالہ دیتے ہوئے، جنہوں نے کہا تھا - "پوری دنیا میں ہمارے تارکین وطن کے ہر زمرے کی کامیابی ہندوستانی سرزمین سے لے جانے والے ناقابل تسخیر جذبے کی گواہی دیتی ہے"، شری گوئل نے کہا کہ ہندوستانی کمیونٹی کی نمائندگی کرنے والے اس جذبے کو پی ڈی بی میں منایا جاتا ہے۔

وزیر اعظم جناب نریندر مودی کے اس جملہ کا حوالہ دیتے ہوئے کہ "صرف اضافی پیش رفت کافی نہیں ہے، آج ایک انقلابی تبدیلی کی ضرورت ہے"، جناب گوئل نے کہا کہ ہندوستان نے گزشتہ چند سالوں میں جو تبدیلی کی اصلاحات دیکھی ہیں، انھوں نے ہندوستان کو دنیا کی 5ویں بڑی معیشت بنا دیا ہے۔ انہوں نے یقین ظاہر کیا کہ اب سے چند سالوں میں ہندوستان تیسری سب سے بڑی معیشت بن جائے گا۔

وزیر موصوف نے کہا کہ امریکہ اور ہندوستان دونوں متحرک جمہوریتیں ہیں، دونوں کے مضبوط روابط ہیں، جغرافیائی سیاسی تعلقات ہیں، دونوں ممالک کی تجارت اور اقتصادی بہبود میں بہت زیادہ دلچسپی ہے۔ جناب گوئل نے کہا کہ تارکین وطن ہندوستان اور امریکہ کے درمیان ایک زندہ پل کے طور پر کام کرتے رہیں گے۔

آزادی کا امرت مہوتسو کے بارے میں بات کرتے ہوئے جو کہ ہندوستان کی آزادی کے 75 سال کا جشن منانے کے لیے منعقد کیا جا رہا ہے، شری گوئل نے ملک کے طول و عرض میں ہر گھر ترنگا مہم کی شاندار کامیابی کے بارے میں بتایا کہ ہر گھر، ہر دکان، دفتر میں ہندوستان کےکثرت میں وحدت کے نظریہ کامظاہرہ کرتے ہوئے ایک ترنگا لہرایا گیا۔ جناب گوئل نے گزشتہ سال قوم کے نام اپنے یوم آزادی کے خطاب میں وزیر اعظم کی 5 پرانوں کی  پر زور اپیل کا حوالہ دیا، شری گوئل نے کہا کہ یہ پران 1.4 بلین ہندوستانیوں کی اجتماعی خواہش کی عکاسی کرتے ہیں، جو یہ ہے کہ ہندوستان کو 2047 تک ایک ترقی یافتہ اور خوشحال ملک بنایا جائے۔انہوں نے تمام لوگوں کی اس بات کے لئےہمت افزائی کی کہ وہ ان پرانوں کو اپنے مشن کے طور پر ترجیح دینے اور اگلے 25 سالوں میں ایک ترقی یافتہ ملک بننے کے ہندوستان کے سفر کا حصہ بننے کی خواہش  کریں۔

جناب گوئل نے کہا کہ کووڈ وبائی مرض کے دوران ہندوستان نے تمام چیلنجوں کا ہمت اور عزم کے ساتھ سامنا کیا اور ان چیلنجوں کو مواقع میں تبدیل کیا۔ ہندوستان میں آج 6 مقامی طور پر تیار کردہ کوویڈ ویکسین ہیں، جس سے صحت کے بنیادی ڈھانچے  میں اضافہ ہوا ہے ۔ لاک ڈاؤن کے بعد بھارت نے بھی تیزی سے کووڈ سے پہلے کی صورتحال کی طرف واپسی کی ۔ انہوں نے یہ بھی بتایا کہ پچھلے سال ہندوستان نے ترقی، ایف ڈی آئی، برآمدات کے لحاظ سے غیر معمولی کامیابی حاصل کی۔ انہوں نے یہ بھی کہا کہ پچھلے ڈھائی سالوں میں، حکومت نے 800 ملین کم مراعات یافتہ ہندوستانیوں کو اناج فراہم کرنا جاری رکھا تاکہ اس بات کو یقینی بنایا جاسکے کہ کوئی بھی ہندوستانی بھوکا نہ سوئے۔

جناب گوئل نے اس بات پر روشنی ڈالی کہ آج ہندوستان مواقع کی سرزمین ہے اور اس اعتماد کا اظہار کیا کہ تارکین وطن ہندوستان کو ایک عظیم سپر پاور بنانے میں اپنا تعاون جاری رکھیں گے۔ ہندوستان اپنی گھریلو کھپت کی بڑی مانگ، جمہوریت، قانون کی حکمرانی، اور شفاف معیشت کی وجہ سے بڑے مواقع پیش کرتا ہے۔ انہوں نے تمام لوگوں پر زور دیا کہ وہ یہ پیغام پوری دنیا تک  پہنچادیں کہ ہندوستان آپ کے کاروبار میں سپلائی چین، سرمایہ کاری کے محکموں میں آپ کا بھروسہ مند شراکت دار ہوسکتا ہے۔

جناب گوئل نے اپنی بات کا اختتام ان  چار مشوروں پر عمل کرنے کی دعوت دیتے ہوئے کیا:

• تمام لوگوں کی حوصلہ افزائی کریں کہ وہ اپنے ہر کام میں اعلیٰ معیار قائم کرنے کے لئے کوشش کریں۔
• تحفے کی ضروریات / تہوار کے مواقع کے لیے ہندوستان سے بنی مصنوعات - ہینڈلوم/ دستکاری   کے نمونے خریدیں ۔
• امریکہ میں سرمایہ کاروں کو ہندوستانی سرمایہ کاری کے مواقع پیش کریں۔
• بہت زیادہ انسان دوستی، علم کی منتقلی اور ہندوستان میں اختراعات کر کے ہندوستان کی ترقی کی کہانی  کو مکمل کرنے میں اپنا کردار ادا کریں۔

**********

ش ح۔ س ب۔ ف ر

U. No.269