صحت اور خاندانی بہبود کے مرکزی وزیر ڈاکٹر منسکھ منڈاویہ نے تعلیم ،  ہنرمندی کے فروغ اور صنعتوں کے مرکزی وزیر دھرمیندر پردھان اور مرکزی وزیر مملکت برائے صحت و خاندانی بہبود، ڈاکٹر بھارتی پروین پوار کی موجودگی میں  آج یہاں آئی سی ایم آر –ریجنل میڈیکل ریسرچ سینٹر (آئی سی ایم آر) کی ملحقہ عمارت کا افتتاح کیا۔ انہوں نے آئی سی ایم آر اسکول آف پبلک ہیلتھ اور بی ایس ایل III لیبارٹری کا بھی سنگ بنیاد رکھا۔ اس موقع پر ممبر پارلیمنٹ محترمہ اپراجیتا سارنگی بھی موجود تھیں۔

اس موقع پر خطاب کرتے ہوئے ڈاکٹر منڈاویہ نے کہا کہ ہندوستان تحقیق کے معاملے میں عالمی لیڈر بننے کی صلاحیت رکھتا ہے۔ حالیہ کووڈ-19 وبائی امراض کے دوران یہ ثابت ہوا ہے۔ آئی سی ایم آر کے سائنسدانوں کی تعریف کرتے ہوئے، انہوں نے کہا کہ "ہندوستان نے دنیا میں پہلی کووڈ-19 ویکسین متعارف ہونے کے ایک ماہ کے اندر اندر اپنی دیسی کووڈ-19 ویکسین تیار کی"۔

مرکزی وزیر صحت نے طبی تحقیق کے دائرہ کار اور پیداوار کو بڑھانے کے لیے سرکاری اور نجی تحقیقی سہولیات کے درمیان مشترکہ تعاون کی ضرورت پر بھی روشنی ڈالی۔  

جناب دھرمیندر پردھان نے ایک دیسی ویکسین بنانے میں آئی سی ایم آر کے تعاون اور کووڈ-19 وائرس کی نئی اقسام  کے جینوم کی ترتیب کے لیے ان کی مسلسل کوششوں کے لیے شکریہ ادا کیا۔ انہوں نے کہا کہ جناب نریندر مودی کی قیادت میں ہندوستان نے  حفظان صحت  کے شعبہ میں ایک مثالی تبدیلی دیکھی ہے۔ انہوں نے اس بات پر بھی روشنی ڈالی کہ اوڈیشہ میں میڈیکل کالجوں کی تعداد 2014 سے پہلے صرف 3  تھی جو اب بڑھ کر 10 ہو گئی ہے۔

آئی سی ایم آر کو ان کی کامیابیوں پر مبارکباد دیتے ہوئے، ڈاکٹر بھارتی پروین پوار نے یاد دلایا کہ آئی سی ایم آر موبائل بی ایس ایل لیب کو دیگر ممالک جیسے بھوٹان کے ذریعہ کووڈ-19 وبائی امراض کے انتظام میں استعمال کیا جا رہا ہے۔ انہوں نے آئی سی ایم آر-آر ایم آر سی کے سائنسدانوں کی بھی تعریف کی ، جنہوں نے تپ دق سے آزاد ہندوستان کے لیے وزیر اعظم کے متاثر کن پکار کی تہہ دل سے حمایت کی اور نکشے متر بننے کے لیے آگے آئے ہیں۔

انیکس  بلڈنگ جدید  ترین لیبارٹری اور انتظامی مقصد کے لیے تعمیر کی گئی ہے۔ مرکز ی حکومت نے اگلی نسل کی ترتیب (این جی ایس) کو پیتھوجینز کی جینیاتی وبائی امراض پر مطالعہ کرنے کے ایک آلے کے طور پر شروع کیا ہے۔ اگلی نسل کی ترتیب کی سہولت فی الحال ہندوستانی-ایس اے آر ایس-کوو-2 جینومکس کنسورشیم (آئی این ایس اے سی او جی )  کو ایس اے آر ایس-کوو-2 جینومک سرویلنس ڈیٹا فراہم کر رہی ہے اور دوبارہ ابھرتی ہوئی بیماریوں کی شناخت بھی فراہم کر رہی ہے۔ اس عمارت میں بایو انفارمیٹکس کی سہولت، پروٹومکس اسٹڈی کی سہولت، ای لائبریری اور میڈیکل میوزیم جیسی جدید ترین لیبارٹری ہوں گی۔

آئی سی ایم آر-آر ایم آر سی ، بھونیشور کاآئی سی ایم آر  اسکول آف پبلک ہیلتھ شرکاء کو پیشہ ورانہ، تنقیدی اور بین الضابطہ تعلیم فراہم کرے گا، جو انہیں صحت عامہ کے موجودہ چیلنجوں کو دریافت کرنے اور ان کا حل فراہم کرنے کی مہارتوں سے آراستہ کرے گا۔ پبلک ہیلتھ اکیڈمک پروگرام سینٹر میں 2018 سے اسکول آف پبلک ہیلتھ، بھونیشور کے زیراہتمام شروع کیا گیا ہے۔ یہ کورس اتکل یونیورسٹی، اوڈیشہ (این اے اے سی   اے + )  سے منسلک ہے اور اسے حکومت ہند کے  محکمہ صحت اور خاندانی بہبود کے ذریعہ تسلیم کیا گیا ہے۔ اوڈیشہ میں یہ ملک کا دوسرا آئی سی ایم آر اسکول آف پبلک ہیلتھ ہے۔ فی الحال ایم پی ایچ کورس (2022-24) کے پانچویں بیچ کے داخلے مکمل ہو چکے ہیں۔

آئی سی ایم آر –ریجنل میڈیکل ریسرچ سینٹر (آئی سی ایم آر)، بھونیشور میں علاقائی سطح کی وائرس ریسرچ اینڈ ڈائیگنوسٹک لیبارٹری (وی آر ڈی ایل  ) ایک پبلک ہیلتھ وائرولوجی لیبارٹری ہے جسے اسکیم کے تحت "وبائی امراض اور قومی آفات سے نمٹنے کے لیے لیبارٹریوں کے ملک گیر نیٹ ورک کےقیام" کی اسکیم کے تحت حکومت ہند کی وزارت صحت و خاندانی بہبود کے  محکمہ تحقیق برائے صحت کی جانب سے مالی امداد فراہم کی گئی ہے ۔۔ بی ایس ایل 3 کی سطح کی سہولت ریاست اور خطے میں نئے اور انتہائی متعدی پیتھوجین سے نمٹنے اور اس طرح کے پیتھوجین، خاص طور پر ابھرتے ہوئے اور دوبارہ ابھرتے ہوئے جراثیم سے پیدا ہونے والے صحت کے چیلنجوں کا  مقابلہ کرنے کے لیے صلاحیت  سازی میں ایک بڑا اضافہ ہوگا۔

آئی سی ایم آر-آر ایم آر سی انڈین کونسل آف میڈیکل ریسرچ کے 26 ریسرچ انسٹی ٹیوٹ میں سے ایک ہے، جو بھونیشور، اوڈیشہ میں واقع ہے۔ بایومیڈیکل اور صحت کی تحقیق کی تشکیل، رابطہ کاری اور فروغ کے لیے ہندوستان میں اعلیٰ حکومتی ادارہ، آئی سی ایم آر-آر ایم آر سی ، بھونیشور  کا قیام 1981 میں 6 ویں پنچ سالہ منصوبہ بندی کے تحت متعدی اور غیر متعدی امراض دونوں میں تحقیقی سرگرمیاں شروع  کرنے ، انسانی وسائل کی ترقی کا پروگرام اور علاقائی صحت کے مسئلے کا حل تلاش کرنے کے ساتھ ریاستی محکمہ صحت کے ساتھ مضبوط تعلق قائم کرنے کے لیے  عمل میں آیا تھا۔ مرکز نے صحت کے علاقائی مسائل کی نشاندہی کرنے کے لیے مؤثر طریقے سے کام کیا ہے اور گزشتہ تین دہائیوں میں صحت  سے متعلق سرکاری پروگرام اور پالیسیوں کی تشخیص اور نفاذ میں اہم کردار ادا کیا ہے۔ 2020-22 کے دوران، مرکز نے کووڈ-19 وبائی امراض کے موثر انتظام میں ریاستی محکمہ صحت کے ساتھ قریبی تعاون سے کام کیا ہے۔ پچھلے 5 سالوں کے دوران، مرکز نے اپنے دائرہ  کو زونوٹک امراض، ایک صحت، صحت کے نظام کی تحقیق، غیر متعدی امراض، جراثیمی صحت تک پھیلایا ہے اور تحقیقی تعاون کے ذریعے ملک کی 10 مختلف ریاستوں میں اپنی موجودگی کو مضبوط بنایا ہے۔

اس موقع پر وزارت صحت  میں ایڈیشنل سکریٹری جناب منوہر اگنانی،  آئی سی ایم آر کے ڈاءریکٹر جنرل  ڈاکٹر راجیو بہل، اور آئی سی ایم آر-آر ایم آر سی، بھونیشور  کی ڈاکٹر سنگھامترا پتی موجود تھیں۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ج ا  (

U-221