ঙাকশেল মন্ত্রালয়
রক্ষা মন্ত্রীনা অরুনাচল প্রদেশতা পাংথোকপা থৌরম অমদা বোর্দর স্তেত/য়ু.তি. তরেৎতা লুপা করোর ৭২৪ চংনা শাখিবা থোং অমসুং লম্বীশিং য়াওনা বি.আর.ও.গী ইনফ্রাস্ত্রকচর প্রোজেক্ত ২৮ লৈবাক মীয়ামদা কত্থোকখ্রে
লদাখ অমসুং মিজোরামদা ভি.এস.এ.তি.-বেজ তেলেমেদিসিন নোদ অহুমসু শঙ্গাখ্রে
“মসিগী প্রোজেক্তশিং অসি দিফেন্সকী শেমশারিবশিং অমসুং সোসিও-ইকোনোমিক প্রোগ্রেস হেঙ্গৎহন্নবগীদমক বোর্দর এরিয়া দিবলপমেন্তকী মায়কৈদা সরকারনা লৌখিবা ৱারেপকী খুদমনি।”
ভারতনা লানদা থজবা থমদে, অদুবু করিগুম্বা ফোর্স তৌরক্লবদি ঐখোয় থেংননবা থৌরাংলি: শ্রী রাজনাথ
Posted On:
03 JAN 2023 1:25PM by PIB Imphal
রক্ষা মন্ত্রী শ্রী রাজনাথ সিংহনা জনুৱারী ০৩, ২০২৩দা অরুনাচল প্রদেশকী অলোং-য়িনকিয়োং রোদকী সিয়োম থোংদা পাংথোকপা থৌরম অমদা লুপা করোর ৭২৪ চংনা শাখিবা বোর্দর রোদ ওর্গনাইজেসন (বি.আর.ও.)গী ইনফ্রাস্ত্রকচর প্রোজেক্ত ২৮ লৈবাক মীয়ামদা কত্থোকখ্রে। প্রোজেক্ত অসিদা সিয়োম থোং য়াওনা থোং ২২; নোর্দন অমসুং নোর্থ ইস্তর্ন রিজনশিংগী বোর্দর রাজ্য/য়ুনিয়ন তেরিতোরী তরেৎতা লম্বী অহুম অমসুং অতোপ্পা প্রোজেক্ত অহুম য়াওরি। প্রোজেক্তশিং অসিদা নিপানদি লদাখতনি; মঙানা অরুনাচল প্রদেশতনি; মরিনা জম্মু অমসুং কাশ্মীরদনি; সিক্কিম, পঞ্জাব অমসুং উত্তরাখন্দদা অহুম অহুম অমসুং রাজস্থানদা অনিনি। মসিগী মথক্তা তেলেমেদিসিন নোদ অহুম – লদাখতা অনি অমসুং মিজোরামদা অমা – শঙ্গাখি।
রক্ষা মন্ত্রীনা মহাক্কী ৱারোলদা আর্ম ফোর্সেসকী ওপরেস্নেলগী শেমশারিবশিং অদু হেনগৎহন্নবা অমদি মনুং হুঞ্জিনবা মফমশিংগী সোসিও-ইকোনোমিক দিবলপমেন্ত ফংহন্নবা বোর্দর এরিয়াশিংগী দিবলপমেন্তকী মায়কৈদা সরকার অমসুং বি.আর.ও.না কন্না হোৎনরিবশিং অদুগী খুদম অমগুম শিংথাখি। মহাক্না মখা তাখি মদুদি বোর্দর এরিয়াশিং শম্নহনবা অমদি মসিদা খুন্দারিবা মীওইশিং চাউখৎহনবা অসি প্রধান মন্ত্রী শ্রী নরেন্দ্র মোদীনা লুচিংবা সরকারগী তোপ প্রায়োরিতীনি।
![https://static.pib.gov.in/WriteReadData/userfiles/image/image001XUGP.jpg](https://static.pib.gov.in/WriteReadData/userfiles/image/image001XUGP.jpg)
শ্রী রাজনাথ সিংহনা হায়খি মদুদি মসিগী পান্দমদি লেপ্পা লৈতনা চাউখৎলক্লিবা গ্লোবেল সেনেরিওনা মরম ওইদুনা ওইহল্লকপা য়াবা তুংগী শিংনরকপশিংগী মায়োক্তা ইফেক্তিব ওইনা থেংননবগীদমক অচেৎপা অমসুং সেল্ফ-রেলিয়েন্ত ওইবা ‘অনৌবা ভারত’ শেমগৎপনি। মহাক্না মখা তানা হায়খি, “ঙসি মালেম অসিনা কনফ্লিক্ত কয়া অমা ৱিতনেস ওইরি। ভারতনা মতম পুম্নমক্তা লানগী মায়োক্তা লেপ্লি। মসি ঐখোয়গী পোলিসীনি। হন্দক্তা প্রধান মন্ত্রী শ্রী নরেন্দ্র মোদীনা ‘মসি লানগী য়ুগ নত্তে’ হায়না ফোংদোক্তুনা মালেমগী পুক্নিং চিংশিনদুনা মদু রিজোল্ব তৌখি। ঐখোয়না লানদা থজবা থমদে, অদুবু করিগুম্বা ঐখোয়দা ফোর্স তৌরক্লবদি, ঐখোয়না লান্থেংনগনি। ঐখোয়না মসি এন্সিওর তৌরি মদুদি লৈবাক অসি থ্রেৎ পুম্নমক্তগী প্রোতেক্ত তৌরি। ঐখোয়গী আর্ম ফোর্সেস থৌরাং তৌরে অমদি মসি উরগা নুংঙাইবা ফাওই মদুদি বি.আর.ও.না মখোয়গা লোয়ননা লেংমান্ননা চৎলি।”
রক্ষা মন্ত্রীনা বোর্দর এরিয়াশিংদা ইনফ্রাস্ত্রকচর দিবলপমেন্তগী থোংদা লৈবাক অসিগী সেক্যুরিতী চেৎশিনহনবদা বি.আর.ও.না লৌরিবা মরুওইবা থৌদাং অদু মখা তানা ফোংদোকখি। মহাক্না হায়খি, “হন্দক্তা ঐখোয়গী ফোর্সশিংনা নোর্দন সেক্তরদা য়েক্নবা চংশিল্লপা অদু ইফেক্তিব ওইনা থেংনখি অমদি থৌনা ফনা অমসুং প্রোম্পতনেসকা লোয়ননা ফিভম অদু লাকশিনখি। মসি রিজন অসিদা মতিকচাবা ইনফ্রাস্ত্রকচরেল দিবলপমেন্তনা মরম ওইদুনা ওইথোকপা ঙমখিবনি। মসিনা ঐখোয়বু মনুং হুঞ্জিনবা মফমশিংগী প্রোগ্রেসকীদমক হেন্না মোতিবেত তৌরি।”
ইনফ্রাস্ত্রকচর দিবলপমেন্তবু বোর্দর এরিয়াদা খুন্দারিবা মীয়ামগীদমক গেম চেঞ্জর অমগুম ফোংদোক্লদুনা মনুং হুঞ্জিনবা মফমশিংদা সোসিও-ইকোনোমিক দিবলপমেন্ত ফংহনবগীদমক শ্রী রাজনাথ সিংহনা বি.আর.ও.বু থাগৎখি। মহাক্না ফোংদোকখি মদুদি সরকারনা অৱাং নোংপোক লমদমগী দিবলপমেন্তকীদমক অখন্নবা পুক্নিং চংলি, মদুনা লৈবাক্কী সেক্যুরিতী সিস্তেম মপাঙ্গল কনখৎহল্লি। শ্রী রাজনাথ সিংহনা আর্ম ফোর্সশিং অমসুং লোকেল মীয়াম্বু সপোর্ত তৌনবা ওর্গনাইজেসন অসিনা হোৎনরিবা অসি য়েংলগা অনৌবা ফ্রেজ অমা ফোংদোকখি “বি.আর.ও. অসি লৈবাক্কী ব্রো (ব্রদর)নি”। অফাওবা ফ্রেজ ‘মসি পন্থুংফম অদু নত্তে, মসি খোংচৎনি’ অমা ক্বোত তৌরদুনা মহাক্না হায়খি, বোর্দর এরিয়াদা রোদ ইনফ্রাস্ত্রকচর শেমগৎপা অসি বি.আর.ও.গীদমক খোংচৎ অমনি অমদি মপাঙ্গল কনবা অমসুং চাউখৎপা ভারতনা মসিগী পন্থুংফম ওইগনি।
অলোং-য়িনকিয়োং রোদতা পাংথোকপা থৌরমদা স্ত্রেতেজিকেল্লি-ইম্পোর্তেন্ত সিয়োম থোংবু ফিজিকেল ওইনা শঙ্গাবগী ৱিতনেস ওইরি, অদুগা অতোপ্পা প্রোজেক্তশিংনা লৈবাক মীয়ামদা ভর্চুএল্লি ওইনা কত্থোকখি। সিয়োম থোং অসি অরুনাচল প্রদেশকী সিয়োম তুরেল মথক্তা শাবা মীতর ১০০ শাংবা ক্লাস ৭০ স্তীল আর্ক সুপরস্ত্রকচরগী অনৌবা মখলগী থোং অমনি।
![https://static.pib.gov.in/WriteReadData/userfiles/image/image0029QSS.jpg](https://static.pib.gov.in/WriteReadData/userfiles/image/image0029QSS.jpg)
রক্ষা মন্ত্রীনা শঙ্গাখিবা তেলেমেদিসিন নোদ অহুম অসি ভি.এস.এ.তি. (ভেরী স্মোল এপরেচর তর্মিনেল) সেতেলাইত কম্যুনিকেসন সিস্তেমগী খুত্থাংদা সর্বিস হোস্পিতালশিংগা শম্নগনি। মসিনা সেতকোম ভি.এস.এ.তি. কম্যুনিকেসন শিজিন্নদুনা সর্বিস হোস্পিতালশিংদা লৈরিবা স্পেসিএলিস্তশিংগা লোয়ননা তেলেমেদিসিন কন্সলতেসনগী থোংদা মেদিকেল অমসুং সর্জিকেল ইমর্জেন্সীশিংগীদমক প্রোম্পত মেদিকেল ইন্তরবেন্সন ফংহনগনি। মসি স্পেস তেক্নোলোজী শিজিন্নবগী থোংদা মনুংহুঞ্জিনবা ঙমখৈ লমদমশিংদা লৈরিবা মসিগী পর্সোনেলশিংদা মেদিকেল সর্বিসশিং ফংহনবদা বি.আর.ও.গী য়ুনিক এচিবমেন্তশিংগী মনুংদা অমনি। রক্ষা মন্ত্রীনা আশা তৌখি মদুদি মসিগী নোদশিং অসি লোকেল মীয়ামগীদমক হকশেলগা মরী লৈনবা মথৌতাবশিং মতেং ওইবা অদু উৎলগনি।
২০২২দা লোইশিনখিবা মসিগী প্রোজেক্ত ২৮ অসি শঙ্গাবগা লোয়ননা অপুনবা লুপা করোর ২,৮৯৭ চংনা চহি অসিদা বি.আর.ও.গী ইনফ্রাস্ত্রকচর প্রোজেক্ত পুন্না ১০৩ লৈবাক মীয়ামদা কত্থোকখ্রে। মমাং চহিগী ওক্তোবর থাদা রক্ষা মন্ত্রীনা লদাখকি শ্যোক খুঙ্গংদগী লুপা করোর ২.১৭৩গী প্রোজেক্ত ৭৫ শঙ্গাখি। ২০২১দা লুপা করোর ২,২২৯গী ওইবা বি.আর.ও.গী অসিগুম্বা প্রোজেক্ত ১০২ লৈবাক মীয়ামদা খুৎশিন্নখি।
থৌরম অসিদা রক্ষা মন্ত্রীনা ন্যু তেক্নোলোজীজদা কম্পেন্দিয়ম অমসু রিলিজ তৌখি। মসিদা লম্বীশিং, থোংশিং, এয়রফিল্দশিং অমসুং তনেল ইনফ্রাস্ত্রকচর শাবদা বি.আর.ও.না এদোপ্ত তৌবা খ্বাইদগী নৌবা তেক্নোলোজীশিং য়াওরি।
অরুনাচল প্রদেশকী মুখ্য মন্ত্রী শ্রী পেমা খন্দু, অরুনাচল ইস্তকী এম.পি. শ্রী তপির গাও, জি.ও.সি.-ইন-সি. ইস্তর্ন কমান্দ লেফতনেন্ত জেনরেল আর.পি. কলিতা অমসুং জি.ও.সি. স্পেয়র কোর্পস লেফতনেন্ত জেনরেল আর.সি. তিৱারিসু থৌরম অদুদা শরুক য়াখি।
*****
(Release ID: 1889304)
Visitor Counter : 136