آج یہاں انڈین سائنس کانگریس کے موقع پر میڈیا سے بات چیت کرتے ہوئے، مرکزی وزیر مملکت (آزادانہ چارج) برائے سائنس و ٹیکنالوجی اور ارتھ سائنسز، ڈاکٹر جتیندر سنگھ نے کہا، ہندوستان عالمی معیارات پر پورا اترنے اور آنے والے سالوں میں عالمی کردار اور وزیر اعظم نریندر مودی کے ویژن کو پورا کرنے کے لیے پرعزم ہے۔

ڈاکٹر جتیندر سنگھ نے کہا کہ اس سال کی سائنس کانگریس کا فوکل تھیم "خواتین کو بااختیار بنانے کے ساتھ پائیدار ترقی کے لیے سائنس اور ٹیکنالوجی" کافی مناسب اور سوچا سمجھا تھا۔

وزیر موصوف نے کہا، کانفرنس میں مجموعی ترقی، سرکلر اکانومی اور پائیدار اہداف پر غور کیا جائے گا، ساتھ ہی ساتھ سائنس اور ٹیکنالوجی میں خواتین کی ترقی کی راہ میں حائل ممکنہ رکاوٹوں کو بھی دور کیا جائے گا۔

ڈاکٹر جتیندر سنگھ نے کہا کہ مودی حکومت کے گزشتہ ساڑھے 8 سالوں میں ہندوستان نے سائنس، ٹیکنالوجی اور اختراع میں بہت سی نئی بلندیوں کو چھو لیا ہے اور خلائی شعبے کو کھولنے جیسے جرات مندانہ فیصلے لیے ہیں تاکہ نجی صنعت کو ہوا بازی کی مکمل صلاحیتوں کا ادراک ہو سکے۔ ماحولیاتی نظام پر انہوں نے کچھ سوالات کے جواب میں صحافیوں سے کہا کہ جغرافیائی رہنما خطوط کے لئے کابینہ کی منظوری، ڈرون پالیسی اور بلیو اکانومی پر مودی کے دباؤ جیسے فیصلے یقینی طور پر اگلی دہائی میں ہندوستان کو دنیا کے ٹاپ 5 ممالک میں شامل کریں گے۔

ڈاکٹر جتیندر سنگھ نے مطلع کیا کہ ہندوستان گلوبل انوویشن انڈیکس رینکنگ 2022 میں 40 ویں مقام پر، عالمی ریسرچ پبلیکیشنز میں تیسرے اور نئے اسٹارٹ اپ ایکو سسٹم میں تیسرے نمبر پر پہنچ گیا ہے جو نئے خیالات کے ساتھ ملک میں نوجوانوں کی اختراعات اور مسائل کو حل کرنے کا تصور سائنس، ٹیکنالوجی اور اختراع پر وزیر اعظم کی خصوصی توجہ کی نشاندہی کرتا ہے۔

ڈاکٹر جتیندر سنگھ نے کہا کہ سال 2050 تک اندازہ لگایا گیا ہے کہ ہماری عالمی آبادی 9 ارب تک پہنچ جائے گی اور ہمیں اس بات کو یقینی بنانا ہوگا کہ ان لوگوں میں سے ہر ایک ہمارے قدرتی وسائل اور ماحول کے لیے نقصان دہ ہوئے بغیر خاطر خواہ معیار زندگی سے لطف اندوز ہو سکے۔ انہوں نے کہا کہ پائیدار ترقی کو وہ ترقی کہا جا سکتا ہے جو آنے والی نسلوں کی اپنی ضروریات پوری کرنے کی صلاحیت پر سمجھوتہ کیے بغیر موجودہ ضروریات کو پورا کرتی ہے۔

وزیر موصوف نے مزید کہا کہ 108ویں انڈین سائنس کانگریس پائیدار ترقی، خواتین کو بااختیار بنانے اور اس کے تمام جہتوں میں اس کو حاصل کرنے میں سائنس اور ٹیکنالوجی کے کردار کے مسائل پر تبادلہ خیال کرے گی۔

ڈاکٹر جتیندر سنگھ نے کہا، ایس ٹی آئی اور ایس ٹی ای ایم وزیر اعظم مودی کے وژن اور ’آتم نر بھر بھارت‘ کے مشن کو پورا کرنے میں اہم رول ادا کریں گے۔

ڈاکٹر جتیندر سنگھ نے یہ بھی بتایا کہ 2023 میں، وزیر اعظم نریندر مودی کی قیادت میں ہندوستان جی20 کی میزبانی کے ساتھ ساتھ اس قوم کے طور پر بین الاقوامی فورم پر اپنے قد کا اعادہ کرتا ہے جس کی تجویز پر دنیا بین الاقوامی 'جوار' کا سال منا رہی ہے۔

سائنس اور ٹکنالوجی کی وزارت کے سکریٹری ڈاکٹر ایس چندر شیکھر نے میڈیا کے ساتھ جی-20 کے ساتھ ساتھ  ایس-20 میٹنگوں کو اورڈاکٹر جتیندر سنگھ کے تحت وزارت زمینی سائنسز کےتمام چھ سائنس محکموں جیسے ڈی ایس ٹی، ڈی بی ٹی، سی ایس آئی آر، ڈی او ایس، ڈی اے ای، میڈیا کے ساتھ مشترک کیا۔

پریس کانفرنس کے دوران حکومت ہند کے پرنسپل سائنسی مشیر ڈاکٹر اجے کر سود، سکریٹری ڈی ایس آئی -آر، ڈاکٹر این کلیسیلوی، سکریٹری، ارتھ سائنسز کی وزارت ڈاکٹر ایم روی چندرن اور دونوں وزارتوں کے سینئر افسران موجود تھے۔

*****

ش ح۔   ش ت۔ج

Uno-81