প্রধানমন্ত্রীগী লোইশঙ
প্রধান মন্ত্রীনা জনুৱারি ৩দা ১০৮শুবা ইন্দিয়ান সাইন্স কংগ্রেসতা ৱা ঙাংগনি
Posted On:
01 JAN 2023 10:47AM by PIB Imphal
প্রধান মন্ত্রী শ্রী নরেন্দ্র মোদীনা জনুৱারি ৩, ২০২৩গী অয়ুক পুং ১০:৩০ তাবদা ভিদিও কনফরেন্সকী খুৎথাংদা ১০৮শুবা ইন্দিয়ান সাইন্স কংগ্রেসতা ৱা ঙাংগনি।
চহি অসিগী ইন্দিয়ান সাইন্স কংগ্রেসগী থিমদি “নুপীশিংদা শক্তি পীদুনা চাউখৎ-থৌরাংগী থবকশিং পায়খৎনবগীদমক সাইন্স অমসুং তেক্নোলোজি” হায়বনি। মীফম অদুদা অকোয়বগী ফিবম শোকহন্দনা চাউখৎ-থৌরাংগী থবকশিং পায়খৎপা, নু্পীশিংদা শক্তি পীবা অমসুং মসি ফংনবা হোৎনবদা সাইন্স অমসুং তেক্নোলোজিগী থৌদাং হায়বা হিরমশিং অসিদা খন্নগনি। মীফম অদুদা শরুক য়াগদবশিংনা তাকপী-তম্বীগী থবকশিং, থিজিনবা অমসুং ইন্দস্ত্রিদা নুপীশিং মশিং হেন্না শরুক য়ানবা লম্বীশিং তাক্নবা খন্নগনি অমসুং মসিগা লোয়ন্না সাইন্স-তেক্নোলোজি, ইঞ্জিনিয়ারিং অমসুং মেথেমেতিক্স তম্বা, থিজিনবা অমসুং শেন-থুম তানবগী থবকশিং নুপীশিংদা চপ মান্নবা খুদোংচাবশিং পীনবা লম্বীশিংশু খন্নগনি। সাইন্স অমসুং তেক্নোলোজিগী লমদা নুপীশিংনা লৌরিবা থৌদাংগী মতাংদা অখন্নবা থৌরম অমশু পাংথোক্কনি অমসুং মসিদা শক্নাইরবী নুপী সাইন্তিসশিংনা ৱা ঙাংগনি।
ইন্দিয়ান সাইন্স কংগ্রেস অসিগা ইরোইন্না অতোপ্পা থৌরম কয়া পাংথোক্কনি। অঙাংশিং সাইন্স পামজবা হেনগৎহন্নবা অঙাংশিংগী সাইন্স কংগ্রেস পাংথোক্কনি। বাইও-ইকোনোমি ফগৎনবা অমসুং লৌউ-শিংউগী থবকশিংদা নহারোলশিং চিংশিন্নবা মফম অমা পীনবা লৌমীশিংগী সাইন্স কংগ্রেস পাংথোক্কনি। অরিবা মমাঙঙৈগী লৌশিং অমসুং থবকশিং সাইন্তিফিক ওইনা উৎনবা মফম অমা পীনবা অমসুং ত্রাইবেল নুপীশিং শক্তি পীনবা মীৎয়েংদা ত্রাইবেল সাইন্স কংগ্রেসশু পাংথোক্কনি।
কংগ্রেস অসিগী অহানবা মীফম ১৯১৪দা পাংথোকখি। ১০৮শুবা ইন্দিয়ান সাইন্স কংগ্রেস রাসত্রসান্ত তুকাদোজি মহারাজ নাগপুর য়ুনিভর্সিতিদা পাংথোক্কনি অমসুং চহি অসিদা য়ুনিভর্সিতি অসি চহি ১০০শুবগী থৌরমশু পাংথোক্লি।
*****
(Release ID: 1887867)
Visitor Counter : 114
Read this release in:
Tamil
,
Malayalam
,
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Telugu
,
Kannada