১.     অজাদী কা অম্রুৎ মহোৎসব (অকাম)

‘নোর্থ ইস্ত ফেস্তিবেল’ এপ্রিল ২৮দগী মে ৪, ২০২২ ফাওবা অজাদী কা অম্রুৎ মহোৎসব (অকাম)গী শরুক অমা ওইনা পাঙথোকখ্রে‍। জন-ভাগিদারীগী ৱাখল্লোন্দা অৱাং নোংপোক স্তেৎ নিপানমক্তা তোঙান তোঙানবা মীয়াম্না শরুক য়াবা থৌরমশিং পাঙথোকখি‍। মে ৪, ২০২২দা গুৱাহাতীগী স্রিমন্ত সঙ্করদেব কলাক্ষেত্রদা পাঙথোকখিবা  লোইশিনবগী থৌরমদা ভারতকী রাস্ত্রপতী, হিজ এক্সেলেন্সী, শ্রী রাম নাথ কোবিন্দ অমদি ভারতকী ফর্স্ত লেদ শ্রীমতী সবিতা কোবিন্দনা শরুক য়াখি‍। ইকায়খুম্নরবা দোনর, কলচর অমদি তুরিজমগী কেন্দ্র মন্ত্রী শ্রী জি. কিসন রেদ্দী অমদি ইকায়খুম্নরবা দোনর অমদি কোওপরেসনগী রাজ্য মন্ত্রী শ্রী বি.এল. বর্মানা হোস্ত ওইনা শরুক য়াখি‍।

ইকায়খুম্নরবা লো অমদি জস্তিসকী কেন্দ্র মন্ত্রী শ্রী কিরন রিজিজু, ইকায়খুম্নরবা পোর্ত, সিপ্পিং, ৱাতরৱেজ অমদি অয়ুসকী কেন্দ্র মন্ত্রী শ্রী সর্বনন্দ সোনোৱাল, ইকায়খুম্নরবা লেবর এন্দ ইম্প্লোইমেন্ত অমদি পেত্রোলিয়ম এন্দ নেচরেল গ্যাসকী রাজ্য মন্ত্রী শ্রী রামেস্বর তেলি, ইকায়খুম্নরবা এক্সতর্নেল এফ্যার্স অমদি এজুকেসনগী রাজ্য মন্ত্রী দোক্তর আর.কে. রঞ্জন সিংহ, ইকায়খুম্নরবা সোসিএল জস্তিস এন্দ এম্পৱারমেন্তকী রাজ্য মন্ত্রী, সুস্রী প্রতিমা ভৌমিক অখন্নবা মীথুং ওইনা শরুক য়াখি‍। শরুক য়াখিবা অতৈ ইকায়খুম্নরবা মীথুংশিংদি ইকাখুম্নরবা অসামগী গভর্নর প্রোফেসর জগদিস মুখি, ইকায়খুম্নরবা মনিপুরগী গভর্নর শ্রী লা গনেসন, ইকায়খুম্নরবা অসামগী মুখ্য মন্ত্রী দোক্তর হিমন্ত বিস্বা সর্ম, ইকায়খুম্নরবা অরুনাচল প্রদেশকী মুখ্য মন্ত্রী শ্রী পেমা খন্দু, ইকায়খুম্নরবা মনিপুরগী মুখ্য মন্ত্রী শ্রী এন. বিরেন সিংহ, ইকায়খুম্নরবা মেঘালয়গী মুখ্য মন্ত্রী শ্রী কোনরদ সংমা, ইকায়খুম্নরবা ত্রিপুরাগী মুখ্য মন্ত্রী শ্রী বিপ্লব কুমার দেব অমদি ইকায়খুম্নরবা সিক্কিমগী মুখ্য মন্ত্রী শ্রী প্রেম সিংহ তমাংনি‍।

হিজ এক্সেলেন্সী রাস্ত্রপতীনা ইন্ফ্লুএন্স পীবা ঙম্বা স্তেকহোল্দর পুম্নমক্তা – কেন্দ্র অমদি স্তেত লৈঙাকশিং অমদি অতৈশিংদা – ইজ ওফ দুইং বিজিনেস পেরামিতরশিং ফগৎহন্নবা অমদি অৱাং নোংপোক্তা শেল থাদবগী মরী লৈহন্নবগীদমক পুন্না থবক তৌমিন্ননবা পাউতাক পীখি‍। মহাক্না অইং অশাগী খল কায়থরকপনচিংবা ৱাফমশিংদসু মীৎয়েঙ থমখি অমদি মহাক্কী ৱারোলদা মহাক্না, “অইং অশাগী খল কায়থরকপনা মীওইবা খুন্নাইগী মাঙদা তাদুনা লৈরিবা খ্বাইদগী চাউবা শিংনবা ওইরক্লবদা, লমদম অসিগী ইনাক খুল্লবা ইকোলোজিকেল হেরিতেজ অসিবু মাঙহন্দনা থম্নবগীদমক লাক্কদৌরিবা চহিশিংদা চেকশিন্না খুজিল থৌরাং য়াৎপা মথৌ তাগনি”, হায়খি‍।

২. দিস্ত্রিক্ত লেবেল এন.ই.আর. সস্তেনেবল দিভেলপমেন্ত গোল (এস.দি.জি.) ইন্দেক্স

দোনর মন্ত্রালয়না নিতি আয়োগকা খুশম্ননা পায়খৎপা থৌরাং অমা ওইনা, য়ু.এন.দি.পি.দগী তেক্নিকেল তেংবাংগা লোয়ননা অৱাং নোংপোক স্তেত নিপানগী ওইবা লৈবাকসিগী অহানবা দিস্ত্রিক্ত লেবেল এস.দি.জি. ইন্দেক্স হৌদোকখ্রে‍। মসি অৱাং নোংপোক লমদমগী ওইনা লমদম অসিগী চাউখৎপগী পরিংদা য়াম্না মরুওই ওইবা অহানবা মখলগী খোঙজেল য়েংশিন্নবা খুৎলায় অমনি‍। এস.দি.জি. এন.ই.আর. ইন্দেক্স অসি এস.দি.জি. ইন্দিয়া ইন্দেক্সকী পরিংদা পায়খৎপনি অমদি এস.দি.জি. ১৫দা অৱাং নোংপোক লমদমগী চাওখৎ খোঙজেল ওন্নবগীদমক ইন্দিকেতর ৮৪ য়াওবা অৱাং নোংপোকখক্কী ওইবা দিস্ত্রিক্ত ইন্দিকেতর ফ্রেমৱর্ক্তা য়ুম্ফম ওইবনি‍। ওগস্ত ২৬, ২০২১দা ফোঙখিবা এন.ই.আর. দিস্ত্রিক্ত ইন্দেক্স রিপোর্তকী অহানবা ইদিসন মখা চত্থবা ওইনা, দোনর মন্ত্রালয়না নিতি. আয়োগ অমদি য়ু.এন.দি.পি.গা খুৎশম্নদুনা দিস্ত্রিক্ত লেবেল এন.ই.আর. এস.দি.জি. ইন্দেক্স ইন ২০২২গী অনিসুবা ইদিসন পুথোক্নবা শেম শাবা লোইশিল্লক্লে‍।

পান্দমদা য়ুম্ফম ওইবা খুজিল থৌরাং, অৱাৎ-অপাদা য়ুম্ফম ওইবা প্রাইওরিতাইজেসন, অমদি ইন্দাইসশিংদা য়ুম্ফম ওইবা আউতকম তার্গেতিংগীদমক এন.ই.আর. এস.দি.জি. দিস্ত্রিক্ত ইন্দেক্স পায়খৎপা অসি লমদম পুম্বসিদা অপুনবগী থৌরাং অমদি য়েংশিনবগী থবক থৌরম পায়খৎনবগীদমক মথৌ তাই‍। মসিনা লমদম অসিদা মথৌ তাবগী মতুং ইন্না ফংলিবা মচাক মথুমশিংবু পান্দম চানা অমদি খ্বাইদগী ফবা মওংদা শীজিন্নবা ঙমহনগনি‍। দেতা-দ্রিভন ফ্রেমৱর্ক অসি ইনস্তিত্যুস্নেলাইজ তৌবনা স্তেকহোল্দর পুম্নমক্তা মখোয়গী ফিরেপ লৌবদা অমদি খুজিল থৌরাং য়াৎপদা মপাঙ্গল কলহনগনি‍।

দিস্ত্রিক্তশিংনা এস.দি.জি. ১৫দা লৈরিবা মখোয়গী খোঙজেলশিংগী ভিজুএল প্রজেন্তেসন লায়না য়েংশিনবা য়াবা দেসবোর্দ অমসু নিতি আয়োগতা ফংহল্লে‍। দিস্ত্রিক্তশিং অসিনা ইন্দেক্স অসিগী ইন্দিকেতর ৮৪মক্তা লৈরিবা খোঙজেলশিংগী ভিজুএল প্রজেন্তেসনগীদমক এন.ই.এস.এ.সি.না মখোয় মশাগী জিওপোর্তেলসু ফীভম ফগৎহল্লে‍। ভিজুএলাইজেসন অসিনা হেন্না মনুং হঞ্জিনবা পোলিসী ইনসাইতশিং অমদি থবক ওইনা পায়খৎবা য়াবা ইনপুৎশিং পীননবগীদমক মরুওইবা পেরামিতরশিংদা লৈরিবা ফীভমগী মমল নাইদ্রবা ইনসাইতশিং পীরি‍।

ইন্দেক্স অসিনা হেন্না ফবা মহৈ পুরক্নবগীদমক সব-নেস্নেলগী থাক্তা অফবা মওংদা হিদান্নবগী ফীভম অমা শেমগৎলি‍। স্তেতশিংগী খুজিল থৌরাং য়াৎপদা অমদি মতুং তারকপা দিস্ত্রিক্ত-ৱাইজ এস.দি.জি. ইন্দেক্সকী চেফোঙশিংদা প্রোজেক্ত প্রাইওরিতাইজেসন তৌবদা এস.দি.জি. ফ্রেমৱর্ক অসি য়াওহনবদা মতেং ওইনবগীদমক, দোনর মন্ত্রালয়না, য়ারগদি জনুৱারী-২০২৩ ফাওবগী মনুংদা ত্রেন তৌরবা অমদি মমুৎ তানা খঙ হৈরবা মীওইশিং থমদুনা স্তেতশিংদা প্লান্নিং য়ুনিৎশিং লিংখৎনবগীদমক, য়ু.এন.দি.পি. অমদি নিতি আয়োগকা ৱারী ৱাতায় শানবগী থবক চঙশিল্লি‍।

৩.     প্রাইম মিনিস্তর্স দিভেলপমেন্ত ইনিসিএতিব ফোর নোর্থ ইস্ত (পি.এম.-দিভাইন)

মশাগী ফিরেপকী মতুং ইন্নাো দোনর মন্ত্রালয়না অৱাং নোংপোক লমদমদা চাওখৎ থৌরাংগী স্কীম অমদি প্রোজেক্তশিংগী খুজিল থৌরাং য়াৎপা, থবক পায়খৎপা অমদি শেন্নবগা মরী লৈনবা থবক থৌরমশিং পায়খৎলি‍। অৱাং নোংপোক লমদমদা – ইনফ্রাস্ত্রকচরখক্তা নত্তনা খুন্নাই চাওখৎলোন, পুন্সি হিংনবগী পাম্বৈ অমদি কম্ম্যুনিতী কেপাসিতী সেক্তরশিংদা, চাওখৎপা পুরকপদা – শোত্থহৌবা কয়া লৈবনা মরম ওইরগা অৱাং নোংপোক স্তেত ৮দা মীৎয়েঙ চঙবা মথৌ তাই হায়না য়েংশিনবগা ফংখিবা অসিদা মীৎয়েঙ থম্লগা, প্রাইম মিনিস্তর্স দিভেলপমেন্ত ইনিসিএতিব ফোর নোর্থ ইস্ত (পি.এম.-দিভাইন) কৌবা অনৌবা স্কীম অমা হৌদোক্লে‍। বজেৎ ২০২২-২৩দা ১০০% সেন্ত্রেল সেক্তর স্কীম অমা ওইনা লাউথোকখিবা স্কীম অসিনা চাউনা শাফু পীগদবা প্রোজেক্তশিংদা ফন্দ থাদদুনা লমদম অসিদা খোঙলৈ থুবা অমদি মায়কৈ শুবা চাওখৎপা পুরক্নবগী পান্দম থম্লি‍।

মসিগী পান্দমশিংদি – পি.এ. গতী সক্তীগী ৱাখল্লোন্দা ইনফ্রাস্ত্রকচরশিংদা মায়কৈ কয়াদগী শেল থাদবা; অৱাং নোংপোক স্তেতশিংদা মথৌ তাবগী মতুং ইন্না খুন্নাই চাওখৎলোনগী প্রোজেক্তশিংদা ঙাক্লৌ পীবা; পুন্সি হিংনবগী থবক থৌওংশিং ফংহনবা, মরুওইনা নহা অমদি নুপীশিংদা; অমদি মশক থোক্না চাউবা অমদি কাচিন কোয়া থুংনা য়ৌশিনবা ঙমগদবা থবক থৌরমশিংগী খুত্থাঙদা তোঙান তোঙানবা সেক্তরশিংদা চাউখৎপা থিন্থহৌরিবশিং মেনশিনবনি‍। পি.এম.-দিভাইন অসি হৌজিক লৈরিবা কেন্দ্রগী অমদি স্তেতকী স্কীমশিংগী মহুৎ শিনবা নত্তে‍। কেন্দ্রগী মন্ত্রালয়শিংনা পি.এম.-দিভাইনগী মখাদা মখোয়গী কেন্দিদেৎ প্রোজেক্তশিং খনগৎপা য়ারবসু, স্তেতশিংনা পুখৎলকপা প্রোজেক্তশিংদা অহেনবা মীৎয়েঙ থমগনি‍। প্রোজেক্তশিং অসি নোর্থ ইস্তর্নস কাউন্সিল (এন.ই.সি.) নৎত্রগা মন্ত্রালয়শিং/ দিপার্তমেন্তশিং নৎত্রগা এজেন্সীশিংগী খুত্থাঙদা পায়খৎকনি‍।

কেন্দ্রগী মন্ত্রী মন্দলনা পি.এম.-দিভাইন স্কীম ১২-.১০.২০২২দা, ১৫শুবা ফাইনান্স কম্মিসনগী লেমহৌরিবা মতম ২০২২-২৩দগী ২০২৫-২৬ ফাওবগী ওইনা লুপা করোর ৬,৬০০গী শেনফম খাঙপগা লোয়ননা অয়াবা পীখি‍। প্রোজেক্তশিং ২০২২-২৩ অমদি ২০২৩-২৪ মনুংদা সেংসন তৌগনি অমদি প্রোজেক্তশিং ২০২৫-২৬ ফাওবগী মনুংদা লোইশিন্নবগী মীৎয়েঙ থমগনি‍। পি.এম.-দিভাইনগী এম্পৱার্দ কমিতীগী অমদি সেংসন তৌখ্রবা প্রোজেক্তশিংগী মীফমশিং, নোর্থ ইস্ত কাউন্সিল, লমদম অসিদা লৈরিবা স্তেতশিং, কেন্দ্রগী মন্ত্রালয়শিং অমদি খোঙবু ওইরিবা এজেন্সীশিংগা লোয়ননা পাঙথোকপা হৌখ্রে‍। সিক্কিমদা হৌজিক হৌজিক পায়খৎলিবা রোপৱে প্রেজেক্ত অনি মার্চ-২০২৩ ফাওবদা লোইশিন্নবা পান্দম থম্লি; অদুগা হেন্না নৌবা লাইবলিহুদতা য়ুম্ফম ওইবা প্রোজেক্তশিং জনুৱারী ২০২৩ মনুংদা হৌদোক্নবা থৌরাং তৌরি‍।

৪.     অৱাং নোংপোক লমদমগী ১০% গ্রোস বজেতরী সপোর্ত

দিভেলপমেন্ত ওফ নোর্থ ইস্তর্ন রিজন (দোনর) মন্ত্রালয়না অৱাং নোংপোক লমদমদা মখোয়গী সেন্ত্রেল সেক্তর অমদি সেন্ত্রেল্লী স্পোন্সর স্কীমশিংগী গ্রোস বজেতরী সপ্পোর্ত (জি.বি.এস.)কী য়ামদ্রবদা ১০%দি শীজিন্ননবা য়াথং লৈরিবা একজেম্প্ত তৌদবা কেন্দ্রগী মন্ত্রালয়শিং/ দিপার্তমেন্তশিংগী চাদিংশিং য়েংশিল্লি অমদি খোঙ্গুল লীরি‍।

মসি শোত্থহৌরবা সেক্তরশিং মেনখৎনবা অমদি তঙায় ফদনা চঙদ্রবা য়াদ্রবা সর্ভিস অমসুং ইনফ্রাস্ত্রকচরশিং মেনশিন্নবগীদমক লমদম অসোমদা বজেৎকী রিসোর্স চঙশিল্লকপা চাউনা হেনগৎহন্নবগীদমক পায়খৎপনি‍। জি.বি.এস. ১০%গী মখাদা ২০১৪-১৫দগী হৌজিক ফাওবদা (৩০.০৯.২০২২ ফাওবা) লুপা করোর লাখ ৩.৬৪রোম শীজিন্নখ্রে‍। জি.বি.এস. ১০%গী মখাদা অৱাং নোংপোক লমদমদা চাদিং হেনগৎলক্লিবা অসি ২০১৪-১৫দা লুপা করোর ২৪,৮১৯ ওইরম্বদগী ২০২১-২২দা লুপা করোর ৭০,৮৭৪ ওইরক্তুনা ১৮৬% হেনগৎলক্লি‍। অৱাং নোংপোক লমদমগী ওইনা জি.বি.এস. ১০%গী মখাদা ইং ২০২২-২৩গী বি.ই. চাকথুং লুপা করোর ৭৬,০৪০নি‍।

২০২১-২২ মনুংদা, চাদিং খোঙ্গুল লীবগী থবক, মন্ত্রালয়শিং/ দিপার্তমেন্তশিং চাউরাকপা মথৌগী কাঙলুপ অহুম থোক্না খায়দোক্তুনা অমদি পি.এফ.এম.এস.কী খুত্থাঙদা হেন্না ফগৎলবা রিপোর্তিংগী খুত্থাঙদা চেকশিন্না পায়খৎখি‍। মসিনা মরম ওইদুনা, চাদিং অসি ২০২০-২১গী থাক্কী মথক্তা লুপা করোর ২২,৩১১ (৪৬%)দা হেনগৎলকখি; অমদি থম্লিবা পান্দম (১০৪%) অসি অহানবা ওইনা লান্থোক্লে‍।

ফংলিবা চাকথুং হেন্না মপুং ফানা শীজিন্নবা ঙমহন্নবগীদমক অৱাং নোংপোক লমদমদা জি.বি.এস. ১০% চাদিং তৌনবগী হেন্না ৱাংবা মতিং লৈবা মন্ত্রালয়শিংদা মচাক মথুমশিং রিএলোকেৎ তৌনবা ৱাফম রিকমেন্দ তৌনবগী পাঙ্গল দোনর মন্ত্রালয়দা পীরে‍। রি-এপ্রোপ্রিএসন মেকানিজমগী মখাদা, মন্ত্রালয়/দিপার্তমেন্ত ২দগী মমিং ওইনা সিভিও এভিএসন অমদি এন.আই.পি.ই.আর. মন্ত্রালয়, দিপার্তমেন্ত ওফ ফার্মাসিউতিকেলদগী অৱাং নোংপোক লমদমদা অহেনবা শেল থাদনবগী ৱাফম মথংশিৎনা দিপার্তমেন্ত ওফ এক্সপেন্দিচর, শেলথুম মন্ত্রালয়দা ২০২১-২২ মনুংদা থাখ্রে‍।

লৈরিবা খুজিল থৌরাংগী পান্দমশিং ফংনবা হোৎনবদা মতিং লৈনবা থবক তৌবা হেনগৎহন্নবগীদমক, পান্দম চাং নাইনা য়ৌবা ঙমদ্রবা মন্ত্রালয়শিং/ দিপার্তমেন্তশিংগী অকক্নবা রিভিউগী থবকশিং পায়খৎলি‍। মসিগী মথক্তা, মন্ত্রালয়/দিপার্তমেন্তশিং অসিদা এদমিনিস্ত্রেতিব অমদি স্কিমেতিক রিপোর্তশিং তোখায় তোখায়না থাগৎলক্নবা ৱাফম থমখ্রে‍। স্তেত-স্তেতশিংগী চাদিং খোঙ্গুল লীবগী ওইথোকপা য়াবা পাম্বৈশিংসু য়েংশিল্লি‍।

৫.     লৌউ-শিংঈগী ইন্তর-মিনিস্তরিএল তাস্ক ফোর্স

লৌউ শিংউগী সেক্তর অসি অৱাং নোংপোক লমদমদা মরুওইনা থবক পীরিবা অমা ওইবনা, লম অসিদা খুজিল থৌরাং য়াত্তুনা চাওখৎপা পুরকপদা অহেনবা মীৎয়েঙ থম্লি‍। দিভেলপমেন্ত ওফ নোর্থ ইস্তর্ন রিজন অমদি লৌশিং-শিংউ অমসুং লৌমীশিংগী য়াইফ-থৌরাংগী মন্ত্রীশিংনা লৌউ-শিংউ সেক্তরদা পুন্না য়েংশিমিন্নখ্রবা মতুংদা, অৱাং নোংপোক লমদমদা লৌউ-শিংউ সেক্তরদা চাওখৎপা পুরকপদা মমায় চুম্নবগীদমক তাস্ক ফোর্স অমা শেমখ্রে‍।

তাস্ক ফোর্স অসিনা স্তেত লৈঙাকশিং অমদি কেন্দ্রগী এজেন্সীশিং য়াওনা ইচঙ থৌনা থবক তৌরিবা স্তেকহোল্দরশিংগা খন্ন-নৈনবা মীফমশিং পাঙথোকখ্রে অমদি (ক) হৌজিক লৈরিবা লৌউ-শিংউ সেক্তরগী স্কীমশিংদা শেমদোক শাদোকপা মথৌ তাবশিং; অমদি (খ) জি.বি.এস. ১০% শীজিন্নবগী মওং মতৌ ফগৎহন্নবগীদমক অনৌবা স্কীমশিং/ প্রোজেক্তশিং খন্নখ্রে‍। মসিগী রিকমেন্দেসন্দা – হোর্তিকলচর, ওর্গানিক, এগ্রো-ফোরেস্ত্রী অমদি প্লান্তেসন সব-সেক্তরশিং অহেনবা মীৎয়েঙ চঙনবগীদমক খঙদোক্লে‍।

ৱা, মরু-মরাং (শিং, য়াইঙং, মোরোক, ইলাইচি অচৌবা), কিহোম অমদি অগর পাম্বীনচিংবা হায় মার্কেৎ পোতেন্সিএল কোমোদিতীশিংগী ইন্তিগ্রেতেদ ভেল্যু চেনশিং – রো মেতরিএল, ইনফ্রাস্ত্রকচর, প্রোসেসিং, মার্কেতিংগী থাকশিংদা শিন্দোক্তুনা থম্লে‍। রিসোর্সশিং তাশিন খোমজিনবা, স্কীমগী চৎন-পথাপশিং চুনহনবনচিংবগী খুত্থাঙদা মরী লৈনবা মন্ত্রালয়শিং/ এজেন্সীশিংনা খন্ন-নৈনদুনা মীৎয়েঙ চঙননবা অমদি পুন্না থবক পায়খৎমিন্ননবগীদমক ভেল্যু চেন খুদিংমক্তা রো মেতরিএল, মেল্যু এদিসন অমদি মার্কেতিং সেগমেন্তকী তোঙান তোঙানবা ঙাক্লৌশিংসু খঙদোক্লে‍।

৬.     অৱাং নোংপোক লমদমদা তুরিজম সেক্তর চাওখৎহন্নবগীদমক দোনর মন্ত্রালয়না পায়খৎপা থৌরাংশিং

অৱাং নোংপো.ক লমদমদা (এন.ই.আর.) তুরিজম য়োকখৎপা হায়বসি দিভেলপমেন্ত ওফ নোর্থ ইস্তর্ন রিজন মন্ত্রালয়গী চাউনা মীৎয়েঙ থম্লিবা লম অমনি‍। সস্তেনেবল তুরিজম অসি পুথোক পুশিনগী অহেনবা শেঞ্জং লৈতবা অমদি অৱাং নোংপোক লমদমদা লৈরিবা অতৈ শেন্মিৎলোনগী থবক থৌওংশিংদগী হিদান্নবগী ফীভম লৈতবা মরম্না শেন্মিৎলোন চাওখৎনবগী মরুওইবা শাফু অমা ওইরক্লি‍। থবক পীননবা, ইনভেস্তমেন্ত অমদি ত্রেদ, ইনফ্রাস্ত্রকচর শেমগৎপা অমদি নুপী, নহা অমসুং লোকেল কম্ম্যুনিতীশিংগী সোসিএল ইনক্লুজন্নচিংবগা লোয়ননা তুরিজম চাওখৎহন্নবগীদমক শীজিন্নরিবা মচাক মথুমশিংদি মহৌশাগী ফজবা অমদি অকোয়বগী ফীভম, ইনাক খুল্লবা শা-উচেক অমদি উপাল-ৱাপালগী লনশিং, তোপ তোপ্পা পুন্সি মহিং অমদি এদভেঞ্চরগী মফমশিং, খেন্নবা নাৎ অমদি চৎনবীনচিংবশিংনি‍।

নোর্থ ইস্ত স্পিসিএল ইনফ্রাস্ত্রকচর দিভেলপমেন্ত স্কীম (নেসিদস)কী মখাদা, লমদম অসিদা কন্নেক্তিবিতী, মৈ অমদি ঈশিং সপ্লাইগা মরী লৈনবা তুরিজমগা মরী লৈনবা ইনফ্রাস্ত্রকচরশিংগীদমক মার্চ ৩১, ২০২২ ফাওবদা লুপা করোর ২৫৯৮.১৫কী ওইগদবা প্রোজেক্ত ৮০ সেংসন তৌখ্রে‍। মসিগী মথক্তা, শেনবা চহি ২০২১-২২ ফাওবদা এন.ই.সি.গী খুত্থাঙদা লুপা করোর ৩০২.৫১গী ওইগদবা তুরিজম চাওখৎহন্নবগী প্রোজেক্ত ৬৩সু সেংসন তৌখ্রে‍।

“দিভেলপমেন্ত ওফ তুরিজম ইন দি এন.ই.আর.” হায়বা হীরমসিদা সেপ্তেম্বর ২৯, ২০২২দা পাঙথোকখিবা দোনর মন্ত্রালয়গী কন্সল্তেতিব কম্মিতীগী রিকমেন্দেসন মতুং ইন্না, অৱাং নোংপোক লমদমগী তাস্ক ফোর্স অমা অমদি রিজনেল তুরিজম দিভেলপমেন্ত প্লান শেম্নবগী মতাঙদা; ইকো/ ৱাইল্দলাইফ, কলচরেল অমদি হেরিতেজ, রুরেল হোমস্তে অমদি এদভেঞ্চর, এম.আই.সি.ই. অমদি এজুকেস্নেল/মেদিকেল তুরিজম সব-সেক্তরশিংদা, মতিক চাবা ইন্তর-মিনিস্তরিএল তাস্ক ফোর্স অমগী খুত্থাঙদা – স্তেত অমদি ইচঙ থৌনা থবক তৌরিবা স্তেকহোল্দরশিংগা খুৎশম্নরগা তুরিজম চাওখৎহন্নবগীদমক রিজনেল এক্সন প্লান অমা শেম্নবা থবক পায়খৎলি‍।

দোনর মন্ত্রালয়গী মখাদা নোর্থ ইস্তর্ন হেন্দিক্রাফ্ত এন্দ হেন্দলুম দিভেলপমেন্ত কোর্পোরেসন (এন.ই.ঐচ.ঐচ.দি.সি.)না মশান মশাবু থবক পীজনবগীদমক লমদম অসিগী এস.সি. অমদি এস.তি. নহাশিংগী তুর গাইদ কোর্সশিং পাঙথোক্লি‍। এন.ই.ঐচ.ঐচ.দি.সি.না সোনাপুর কলেজ অসামগী দিপার্তমেন্ত ওফ ত্রাভেল এন্দ তুরিজম মেনেজমেন্তকা লোয়ননা নেচর তুরিজম, রুরেল এন্দ এগ্রি তুরিজম, হেরিতেজ তুরিজম, কলচরেল তুরিজম, কম্ম্যুনিতী বেজ তুরিজম্নচিংবা ক্রাফ্ত তুরিজম অমদি মরী লৈনবা থবক থৌরমশিংদা থিজিন হুমজিনবা অমদি চাওখৎ থৌরাংগী থবকশিং য়োকখৎলি‍। মসিনা পি.পি.পি. মোদেলদা ক্রাফ্ত তুরিজম চাওখৎহন্নবগী থবকশিংসু পায়খৎলি‍।

৭.     ৱর্ল্দ এক্সপো দুবাই ২০২০দা অৱাং নোংপোক্না শরুক য়াবা (মার্চ ৭দগী ১৭, ২০২২ ফাওবা)

অৱাং নোংপোক লমদমগী স্তেতশিং, মরী লৈনবা এজেন্সীশিং অমদি লনাই ওন্ত্রপ্রিন্যুরশিং/ স্তার্ত-অপশিং দুবাইদা পাঙথোকপা ৱর্ল্দ এক্সপো ২০২০দা শরুক য়ানবা ঙাক্লৌ পীখি‍। শরুক য়াখিবা স্তেতশিং অমদি এজেন্সীশিংনা প্রেজেন্তেসনশিং পীখি অমদি লমদম অসিদা লৈরিবা খুদোংচাবশিং উৎপা অতেনবা ফিল্মশিং উৎখি‍। তুর ওপরেতরশিং অমদি স্কুল প্রিন্সিপালশিং য়াওনা স্কিলিং, এগ্রি-হোর্তিকলচর, তুরিজম্নচিংবা সেক্তরশিংদগী মতিং লৈবা ইনভেস্তরশিংনা শরুক য়াখি‍। অৱাং নোংপোক স্তেতকী ওফিসিএলশিংনা নহাশিং স্কিল লৈহন্নবগী পায়খৎলিবা তোঙান তোঙানবা থৌরাংশিং উৎখি অমদি কম্পেনীশিং অমদি ঐচ.আর. রিক্রুইৎমেন্ত ফর্মশিংগা খুৎশম্ননা চৎমিন্ননিংবগী অপাম্বা উৎখি‍। মার্চ ৭তগী ১০, ২০২২ ফাওবা স্তেত ওফিসিএলশিং অমদি মতিং লৈবা ইনভেস্তরশিংগী মরক্তা অমমমতা ওইনা ইন্তরেক্সনশিং পাঙথোকখি‍।

বি২জি মীফমশিংদা খন্নখিবা মরুওইবা ৱাফমশিংগী মরক্তা মিদ্দল ইস্ততা অৱাং নোংপোকপু প্রমোৎ তৌনবগীদমক স্তেতশিংগী তুরিজম দিপার্তমেন্তশিংগা খুৎশম্ননা চৎমিন্ননবা; তুর ওপরেতর এসোসিএসনগা এম.ও.য়ু.; অৱাং নোংপোক্কী পোত্থোকশিংদা পুক্নিং চঙশিনবা; স্তেত অমদি কেন্দ্র লৈঙাকশিংগী মতেংগা লোয়ননা লোজিস্তিক গেপশিং মেনশিনবগী ওইথোকপা য়াবশিং নৈনবা; লমদম অসিদা য়ু.এ.ই. অমদি অতৈ জি.সি.সি. লৈবাকশিংদগী লম কোয়বশিংগী পুক্নিং চিংশিন্নবগীদমক অৱাং নোংপোক স্তেতশিংগা লোয়ননা পুন্না থবক পায়খৎমিন্নবা য়াবগী ওইথোকপশিং খন্নবা; অৱাং নোংপোকশিংনা পোত্থোকশিং মপান্দা থাদোকপদা য়ু.এ.ই.গা মরী শম্নবা; কোল্দ স্তোরেজ ফেসিলিতীশিং ফংহনবা খুদম ওইনা মেঘালয়দগী গল্ফ লৈবাকশিংদা ঙা পুথোক পুশিন তৌবা অসিনচিংবা য়াওখি‍।

থৌরম অদুদগী ফংলকপা মরুওইবা মহৈশিংদি অৱাং নোংপোক স্তেতশিংগী ওফিসিএলশিংগা হেন্না ফবা নেৎৱর্কিং; ভারতকী অৱাং নোংপোক লমদমগীদমক এৱ্যারনেস অমদি ইন্তরেস্ত লৈহনবা; অৱাং নোংপোক্কী পোত্থোকশিং মালেমগী কৈথেলদা এক্সপোজর পীবা (এক্সপোর্তরশিং অমদি ওন্ত্রপ্রিন্যুরশিং); লমদম অসিদা ইনভেস্তমেন্ত য়োকখৎনবগীদমক ওফিসিএলশিংগী মরক্তা মীয়েঙ চঙদুনা থবক তৌনবা পুক্নিং থৌগৎপা; ওফিসিএলশিংগী মরক্তা হেন্না ফবা প্রজেন্তেসন/পিৎচিং স্কিলশিং লৈহনবা; শেল থাদবা য়াবা প্রোজেক্তশিং খঙদোকপদা পুক্নিং থৌগৎপনচিংবনি‍।

গ্রান্দ হায়পর মার্কেৎ, দুবাইগী কাঙবু অমা মখোয়না দুবাইদা পাঙথোকখিবা মীফমশিংগী মখা তারকপা ওইনা মেঘালয়, অসাম অমদি মনিপুরদা লাকখি‍। মখোয়না চা মনা, থৈবোঙ, শিং, য়াইঙং, মোরোক, কিহোম্নচিংবা লৌউ-শিংউগী পোত্থোকশিং লৌবদা অপাম্বা ফোঙদোকখি‍। গ্রান্দ হায়পর মার্তনা অৱাং নোংপোক্তগী রিতেল ৱর্করশিং লৌবদসু অপাম্বা ফোঙদোক্লমখি‍।

৮.     সেচুরেসন ওফ মোদেল ব্লোক এন্দ ভিলেজেজগী মিসন মোদ প্রোগ্রাম

অৱাং-নোংপোক লমদমদা লৈরিবা ইনফ্রাস্ত্রকচরগী ফীভম, য়ামদবা রিসোর্সশিং, ইকোলোজিকেল প্রোফাইল অমদি মহৌশাগী ওইবা ফীভম্না মরম ওইরগা লমদম অসিদা রেজিলিএন্ত কম্ম্যুনিতীশিং য়াম্না মথৌ তাই‍। মসিগী পাম্বৈ ওইনা, খ্বায়দগী শোত্থবা অমদি তোখায় তাবা কম্ম্যুনিতীশিংবু মখোয়গী মতিং মপুং ফানা ফংহন্নবা অমদি তঙায় ফদনা চঙদ্রবা য়াদ্রবা সর্ভিস অমদি খুদোংচাবশিং থোং মান্ননা ফংহন্দুন "আত্মনিরভর" পুরকপা ঙমহন্নবগীদমক সেচুরেসন ওফ মোদেল ব্লোক্স এন্দ ভিলেজেজ (সমভব)গী মিসন মোদ প্রোগ্রাম অমগী ৱাখল্লোন হৌদোকখ্রে‍।

পাইলোৎ প্রোগ্রাম অসিনা অৱাং নোংপোক লমদমগী দিস্ত্রিক্ত ৪০দা শন্দোক্তুনা লৈরিবা জি.পি./খুঙ্গঙ ৭৫দা তঙায় ফদনা চঙদ্রবা য়াদ্রবা মশক খঙদোক্লবা সর্ভিস ১৫দা সেচুরেৎ তৌনবা পান্দম থম্লি‍। সেচুরেসনগীদমক খনগৎলবা সর্ভিসশিং অসি নেস্নেল মল্তি-দাইমেনস্নেল পোগর্তী ইন্দেক্স (এন.এম.পি.আই.)দা য়ুম্ফম ওইবনি; অমদি খুঞ্জাশিংদা ইজ ওফ লিভিং লায়না ফংহনবদা লৈরিবা মখোয়গী মতিংগীদমক খন্দোকপনি‍। সমভবকী মনুং চন্না পায়খৎকদবা প্রোজেক্তশিং লৈঙাক্কী লৈরিবা স্কীমশিংগী মনুং চনগনি‍। মখোয়শিং অসি কেন্দ্রগী মন্ত্রালয়/ দিপার্তমেন্ত ১২গী ফ্লেগসিপ স্কীম ২০লোমগা চাংদম্নদুনা কে.পি.আই.শিংদা য়েংশিনগনি‍।

অসুম্না সমভব প্রোগ্রাম্না অৱাং নোংপোক লমদমগী মনুং হঞ্জিনবা মফমশিংদা লৈরিবা খুঙ্গঙশিংবু অৱাং নোংপোক লমদমগী ফ্লেগসিপ স্কীমশিং অহেনবা মীৎয়েঙ চঙদুনা পায়খৎপগী খুত্থাঙদা লাইন মন্ত্রালয় অমদি স্তেত লৈঙাকশিংদগী হেন্না ফবা লৈঙাক্লোন পুরকহনবদা মতেং পাংগনি‍। অসুম্না তৌবসিদা, লৈবাকসিগী অতোপ্পা মফমশিংদা লৈরিবা খ্বাইদগী ফবা থৌওংশিং অমদি কেস স্তদীশিংসু লৌশিন্দুনা শীজিন্নগনি‍।

তোঙান তোঙানবা সর্ভিসশিংগা মরী লৈনবা কী পর্ফোর্মেন্স ইন্দিকেতরশিংগী বেজলাইন স্তেতস লেপথোকপদ; অমদি হায়রিবা কে.পি.আই.শিং অসিদা মখা তানা মখোয়গী খোঙজেল খোঙ্গুল লীবদা মরিক চুম্বা ইনফোর্মেসন সিস্তেম মথৌ তাগনি‍। হায়রিবা মায়ওনশিং অসিদা ফংলকপা ওপ্তিমাইজ এচীবমেন্তশিং, স্তেত লৈঙাক্কী লোকেল মেচিনরীশিংগী মথক্তা লোকেল কম্ম্যুনিতীশিং অমদি নন-স্তেত প্লেয়রশিংনা মফমদুগী ফীভম য়েংলগা পুথোরকপা ৱাখল্লোনগী মতুং ইন্না, অতোপ্পা থবক পায়খৎপগী মওং মতৌ অমদি তুং কোইগদবা সর্ভিস দেলিভরীগীদমক ইনোভেতিব ওইবা তেক্নোলোউজীশিংগী মথৌ তাবগী  খুত্থাঙদা পায়খৎকনি‍।

৯.     নেসিদস অমদি স্পিসিএল দিভেলপমেন্ত পেকেজ (এস.দি.পি.)দা ফংবা ঙম্লবশিং

হান্না লৈরম্বা নন-লাপ্সেবল সেন্ত্রেল পুল ওফ রিসোর্সসেস-স্তেত (এন.এল.সি.পি.আর.-স্তেত) স্কীম অদু ১৫.১২.২০১৭দগী হৌরগা নোর্থ ইস্ত স্পিসিএল ইনফ্রাস্ত্রকচর দিভেলপমেন্ত স্কীম (নেসিদ) হায়না শেমদোকখ্রে‍। নেসিদ অসি ৱাতর সপ্লাই, মৈ, লম্বী থোং, তুরিজম অমদি মহৈ মশিং অমসুং হকশেলগী প্রাইমারী অমদি সেকেন্দরী সেক্তরগী লমশিংদা লৈরিবা সোসিএল ইনফ্রাস্ত্রকচরনচিংবা খঙদোক্লবা সেক্তরশিংদা লমদম অসিগী ইনফ্রাস্ত্রকচরদা লৈরিবা অৱাৎপশিং মেনশিনবদা তেংবাংনবা পান্দম থম্লিবা সেন্ত্রেল সেক্তর স্কীম অমনি‍।

২০২২গী জনুৱারীদগী নবেম্বর ফাওবদা, এজুকেসন্দা লুপা করোর ৮৯.৯৩গী ওইগদবা প্রোজেক্ত ১১; হকশেলদা লুপা করোর ২২১.২৭গী ওসগদবা প্রোজেক্ত ২০; মৈদা লুপা করোর ৪১.০৩গী ওসগদবা প্রোজেক্ত ২; লম্বী অমদি থোংদা লুপা করোর ৫০৮.৪৪গী ওইগদবা প্রোজেক্ত ১৬; অমদি থক্নবা ঈশিং পীনবগী সেক্তরদা লুপা করোর ৯২.২৮গী ওইগদবা প্রোজেক্ত ৫ য়াওনা পুন্না লুপা করোর ৯৫২.৯৪গী ওইগদবা প্রোজেক্ত ৫৪ নেসিদসকী মখাদা সেংসন তৌখ্রে‍। মসিগী মনুংদা, লুপা করোর ৮৫.৩৬কী ওইগদবা প্রোজেক্ত ৩ লোইশিনখ্রে‍। মখা তানা, বোরো তেরিতরিএল কাউন্সিল (বি.তি.সি.) এস.দি.পি.গী মখাদা ২০২২গী জনুৱারীদগী নবেম্বর ফাওবগী মনুংদা লুপা করোর ২৫০গী ওইগদবা প্রোজেক্ত ৩ সেংসন তৌখ্রে‍।

১০.    ফীল্দ তেক্নিকেল সপ্পোর্ত য়ুনিৎশিং (এফ.তি.এস.য়ু.) শেমগৎপা

চাওখৎ থৌরাং হেন্না চেৎশিনহন্নবগীদমক, দিভেলপমেন্ত ওফ নোর্থ ইস্তর্ন রিজন (দোনর) মন্ত্রালয়না অৱাং নোংপোক লমদমদা পায়খৎলিবা স্কীমশিং অমদি থৌরাংশিং খোঙজেল লৈহন্নবগীদমক স্তেত লৈঙাকশিং অমদি দোনর মন্ত্রালয়গী মরক্তা থোং ওইনবা অমদি ঈ-পাউ ফাওদোক্ননবগীদমক ফীল্দ তেক্নিকেল সপ্পোর্ত য়ুনিৎশিং (এফ.তি.এস.য়ু.) শেম্নবা ফিরেপ লৌরে‍। মখোয়শিং অসি অৱাং নোংপোক্কী স্তেত হেদক্বার্তরশিংদা থমখ্রে‍।

স্তেত অমমমগী এফ.তি.এস.য়ু.শিংদা স্তেত কোওর্দিনেতর অমা অদুগা প্রোজেক্ত এসোসিএৎ ২ লৈগনি‍। মখোয়শিং অসিগী থৌদাংদি হৌজিক হৌজিক পায়খৎলিবা চাওখৎ থৌরাংগী প্রোজেক্তশিং য়েংশিনবা অমদি মখোয়গী পাউদম চাং নাইনা দোনর মন্ত্রালয়দা পীখৎপনি‍। স্তেত প্রোজেক্তশিংগা লোয়ননা, এফ.তি.এস.য়ু.শিংনা হৌজিক পায়খৎলিবা কেন্দ্র লৈঙাক্কী প্রোজেক্তশিং অমদি পায়খৎলক্কদবা প্রোজেক্তশিংসু য়েংশিনগনি‍।

১১.    নোর্থ ইস্তর্ন কাউন্সিল (এন.ই.সি.) গোল্দন জুবিলী

ইং ১৯৭২দা লিংখৎখিবা এন.ই.সি., চহি ৫০ মপুং ফারে অমদি মসিগী সনা ফুদোংবা কুমওন থৌরম অতৈ মীথুংশিং য়াওবা থৌরম অমদা ইকায়খুম্নরবা প্রধান মন্ত্রীনা শরুক য়াদুনা সিলোংদা দিসেম্বর ১৮, ২০২২দা পাঙথোকখ্রে‍। লমদম অসিদা চাওখৎপা পুরকপগী "য়ুম্বী" নিপান – ইং তপ্পা, মৈ, তুরিজম, ৫জি-কন্নেক্তিভিতী, নাৎ, মহৌশাগী লৌউ-পথাপ, শান্ন-খোৎনবা, মতিং – হায়রিবশিং অসিনা 'অস্ত লক্সমী' – লনথুমগী লাইরেম্বী নিপান হায়না হেক হেক কৌনবা অৱাং নোংপোক স্তেতশিংগী ফীভম ফগৎহনবা ঙমগনি‍।

লমদম অসিদা হন্দক্তা ফংবা ঙমখ্রবশিংগী মতাঙদা, ইকায়খুম্নরবা প্রধান মন্ত্রীনা হৌখিবা চহি ৮দা কন্নেক্তিভিতী ফগৎহন্নবা পায়খৎখিবা থৌরাংশিংগী মরমদা অখন্ননা পনখি‍। চহি দিকেদ কয়া পন্দুনা লৈরম্লবা মশক নাইরবা থোংগী প্রোজেক্তশিং লোইশিনখ্রে; এয়রপোর্ত অমদি ফ্লাইতশিং, লম্বী, রেলৱে লাইন অমদি তনেলশিং – পুম্নমক লমদম অসিদা খোঙজেল য়াঙ্খৎহন্দুনা অমদি লোইশিন্দুনা, ২০১৪গা চাংদম্নবদা মখোয়গী মশিং মশক থোক্না হেনগৎহল্লে‍। লৈঙাক্না ওপ্তিকেল ফাইবর নেৎৱর্ক হেন্না পাকথোক চাউথোকহন্দুনা অৱাং নোংপোক লমদমদা দিজিতেল কন্নেক্তিভিতী ফগৎহন্নবা থবকসু পায়খৎলি‍।

১২.     'এদভান্সিং নোর্থ ইস্ত পোর্তেল'

এন.ই.সি.না নোর্থ ইস্তর্ন দিভেলপমেন্ত ফাইনান্স কোর্পোরেসন (নেদফি)গা লোয়ননা শেমগৎলিবা "এদভান্সিং নোর্থ ইস্ত", হায়রিবা দিজিতেল ৱেব-বেজ প্লেৎফোর্ম অসিনা অৱাং নোংপোক লমদমগী নহাশিংদা মহৈ মশিং, থবক অমদি ওন্ত্রপ্রিন্যুরসিপকী লমদা মথৌ তাবা লৌশিং অমদি লমজিং পীরি‍। গুৱাহাতীদা পাঙথোকখিবা ‘নোর্থ ইস্ত ফেস্তিবেল’ লোইশিনবগী থৌরমদা মে ৪, ২০২২দা ইকায়খুম্নরবা রাস্ত্রপতীনা হৌদোকখিবা থৌরাং অসি মে ২০১৬দা পাঙথোকখিবা নোর্থ ইস্তর্ন কাউন্সিলগী ৬৫শুবা প্লেনরী সেসনদা ইকায়খুম্নরবা প্রধান মন্ত্রীনা থমখিবা ৱাখল্লোন্দগী লাকপনি‍।

১৩.    প্রোজেক্তশিং য়েংশিনবা অমদি জিও-তেগ তৌবা

এন.ই.সি.না দিপার্তমেন্ত ওফ স্পেসকী মখাদা লৈবা নোর্থ ইস্তর্ন স্পেস এপ্লিকেসন সেন্তর (নেসাক)কা খুৎশম্নদুনা লৈঙাক্লোনগী থৌওং ফগৎহন্নবদা ইনোভেসনশিং তোপ তোপ্পা মওংদা শীজিন্নরিবা প্রোজেক্ত মোনিতরিং পোর্তেল অমা শেমগৎখি‍। প্রোজেক্তশিং, মরুওইনা ইনফ্রাস্ত্রকচরগী লমদা পায়খৎলিবা প্রোজেক্তশিংগী ফীজিকেল প্রোগ্রেস মওং অহুমদা – মোবাইল এপ, সেতলাইৎ ইমেজ অমদি দ্রোন ইমেজকী খুত্থাঙদা হকথেংননা য়েংশিনবা য়াই‍। অচৌবা অমদি চঙশিনবদা খুদোংচাদবা প্রোজেক্ত মফমশিং দোনর মন্ত্রালয়, এন.ই.সি. অমদি স্তেতশিংনা য়েংশিন্নবগীদমক তাইম-সেরিজ সেতলাইৎ ইমেজরীশিং অমদি য়ু.এ.ভি./দ্রোন ইমেজশিং শীজিন্নৈ‍। পোর্তেল অসি মে ৪, ২০২২দা ‘অজাদী কা অমৃৎ মহোৎসব’কী শরুক অমা ওইনা পাঙথোকখিবা ‘নোর্থ ইস্ত ফেস্তিবেল’ লোইশিনবগী থৌরমদা ইকায়খুম্নরবা রাস্ত্রপতীনা হৌদোকখিবনি‍। হৌজিক হৌজিক, অৱাং নোংপোক লমদমগী তোঙান তোঙানবা মফম ১৬৬৪দা লৈরিবা মশক খঙদোক্লবা প্রোজেক্ত ৫৮৮গী মনুংদা ৫৬২ সেতলাইৎ ইমেজ অমদি মোবাইল এপকী খুত্থাঙদা জিও-তেগ তৌখ্রে‍।

১৪.     এন.ই.সি.গী স্কীমশিংগী মখাদা ফংবা ঙম্লবশিং (২০২২গী জনুৱারীদগী নবেম্বর ফাওবা)

• 'এন.ই.সি.গী স্কীমশিং'গী মখাদা পুন্না লুপা করোর ১১১৪.৭০গী ওইগদবা প্রোজেক্ত ২১২ সেংসন তৌখ্রে অমদি লুপা করোর ৬৫৯.৩৬কী ওইগদবা প্রোজেক্ত ১২০ লোইশিনখ্রে‍।
• শোত্থহৌরবা ব্লোকশিং: এন.ই.সি.গী স্কীমশিংগী ৩০% কম্পোনেন্তকী মখাদা শোত্থহৌরবা ব্লোকশিংগী ওইনা লুপা করোর ১৩১.২০গী ওইগদবা প্রোজেক্ত ২৮ সেংসন তৌখ্রে‍।
• শোত্থহৌরবা কম্ম্যুনিতীশিং: এন.ই.সি.গী স্কীমশিংগী ৩০% কম্পোনেন্তকী মখাদা শোত্থহৌরবা কম্ম্যুনিতীশিংগী ওইনা লুপা করোর ১০৯.৮০গী ওইগদবা প্রোজেক্ত ২৬ সেংসন তৌখ্রে‍।
• কী আইদেন্তিফাইদ সর্ভিসশিং: এন.ই.সি.গী স্কীমশিংগী ৩০% কম্পোনেন্তকী মখাদা মশক খঙদোক্লবা খুঙ্গঙ ১৪গী ওইনা লুপা করোর ২৬.৫৬গী ওইগদবা প্রোজেক্ত ১৪ সেংসন তৌখ্রে‍।
• এফোরেস্তেসন প্রোগ্রাম: এন.ই.সি.গী স্কীমশিংগী ৩০% কম্পোনেন্তকী মখাদা এফোরেস্তেসন প্রোগ্রামগী ওইনা লুপা করোর ১৪.০৫গী ওইগদবা প্রোজেক্ত ৫ সেংসন তৌখ্রে‍।
• লম্বীগী প্রোজেক্তশিং: নোর্থ ইস্ত রোদ সেক্তর দিভেলপমেন্ত স্কীম (এন.ই.আর.এস.দি.এস.)কী মখাদা লুপা করোর ৪০৭.৩৫গী ওইগদবা প্রোজেক্ত ৫ সেংসন তৌখ্রে‍।

১৫.    নোর্থ ইস্তর্ন হেন্দিক্রাফ্ত এন্দ হেন্দলুম্স দিভেলপমেন্ত কোর্পোরেসন লিমিতেদ (এন.ই.ঐচ.ঐচ.দি.সি.)গী ফংবা ঙমখ্রবশিং

• অজাদী কা অমৃৎ মহোৎসবকী শরুক অমা ওইনা; এন.ই.ঐচ.ঐচ.দি.সি.না দোনর মন্ত্রালয়গী লমজিং লমতাক মখাদা অৱাং নোংপোক লমদমগী নহাশিংগীদমক গুৱাহাতীদা জনুৱারী ৩১, ২০২২দা অনৌবা স্কিল দিভেলপমেন্ত ত্রেনিং সেন্তর ‘পুর্বগ্যানম’ শঙ্গাখি‍।
• খুৎনা শাবা পোত্থোকশিংগী দিমান্দ হেনগৎলক্লিবসিগী ইনোভেতিব ওইবা পাম্বৈ অমা ওইনা অৱাং নোংপোক্কী হেন্দলুম সেক্তরদা হেন্দমেদ ওথেন্তিফিকেসন পুরক্নবগীদমক ফেব্রুৱারী ১১, ২০২২দা এন.ই.ঐচ.ঐচ.দি.সি.না কোসা হেন্দমেদকা খোঙবু ওইখ্রে‍।

• অৱাং নোংপোক ভারতকী খুৎহৈবশিংগী ময়োল্লমগী কস্তমরশিংগা হকথেংননা উনহন্নবা খুদোংচাবা পীরিবা এন.ই.ঐচ.ঐচ.দি.সি.গী ফ্রী প্লেৎফোর্ম অমা ওইরিবা নোর্থইস্ত কলাক্রিতী ২০২২ ২০২২গী ফেব্রুৱারী~মার্চদা এন.ই.ঐচ.ঐচ.দি.সি.না পাঙথোকখি‍। মসিনা খুৎহৈবশিংগী ময়োল্লমদা চৎনরিবা চৎনবীশিং খঙহন্বগা লোয়ননা নাকল অমরোমদা কস্তমরশিংদা খুৎহৈবশিংগী পুন্সি মহিংগী মরমদা খঙহল্লি‍।
• তীম ইনভেস্ত ইন্দিয়ানা অৱাং নোংপোক লমদমদগী অপীকপা পোৎয়োনবশিং, ফিশাবীশিং অমদি খুৎহৈবশিংদা মার্কেৎ এক্সেস ফংহন্নবা অমদি ঙাক্লৌ পীননবগীদমক মে ৬, ২০২২দা এৎসী অমদি নোর্থ ইস্তর্ন হেন্দিক্রাফ্ত এন্দ হেন্দলুম দিভেলপমেন্ত কোর্পোরেসন লিমিতেদকা এম.ও.য়ু. অমা খুৎয়েক পীনবদা মতেং পাংখি‍।
• ‘নেচর্স ওর্বিৎ’কা খুৎশম্নদুনা এন.ই.ঐচ.ঐচ.দি.সি.না স্বছ্চ ভারত মিসনগী মায়কৈদা খোঙথাং অমা ওইনা মে ২৬, ২০২২দা  গুৱাহাতীগী গার্চুক্তা লৈবা ক্রাফ্ত প্রমোসন এন্দ এক্সপরিএন্স সেন্তরদা জিরো ৱেস্ত কেম্পস অমা শঙ্গাখ্রে‍।

• ইকায়খুম্নরবা প্রধান মন্ত্রী, শ্রী নরেন্দ্র মোদী জীগী ‘ভোকেল ফোর লোকেল’গী মঙলানবু মখা শমথরদুনা, এন.ই.ঐচ.ঐচ.দি.সি.দা ৱন স্তেসন ৱন প্রদক্ত স্তোলশিং ওইনবগীদমক অৱাং নোংপোক লমদমগী অচৌবা রেলৱে স্তেসন ১৫দা এন.এফ. রেলৱে, গুৱাহাতীনা জুলাই ২৫, ২০২২দা কম্মর্সিএল স্পেসশিং পীখ্রে‍।
• ওক্তোবর ৯, ২০২২দা, এন.ই.সি.গী ৭০শুবা প্লেনরীদা, ইকায়খুম্নরবা কেন্দ্রগী গৃহ মন্ত্রী অমদি এন.ই.সি.গী চেয়রমেন শ্রী অমিত সাহনা ইকায়খুম্নরবা দোনর মন্ত্রী অমদি এন.ই.সি.গী ভাইস-চেয়রমেন শ্রী জি. কিসন রেদ্দী য়াওবা থৌরম অমদা অৱাং নোংপোক ভারতকী খুৎহৈবা অমদি ফিশাবীশিংগী মফমদা কত্থোক্লবা নোর্থ ইস্তর্ন হেন্দিক্রাফ্ত এন্দ হেন্দলুম দিভেলপমেন্ত কোর্পোরেসন লিমিতেদ (এন.ই.ঐচ.ঐচ.দি.সি.)গী মোবাইল এপ্লিকেসন হৌদোকখি‍।

• নেচর্স ৱীব হায়রিবা এন.ই.ঐচ.ঐচ.দি.সি.গী প্রিমিয়ম ব্রান্দ অসি গুৱাহাতীগী গার্চুক্তা লৈবা ক্রাফ্ত প্রমোসন এন্দ এক্সপরিএন্স সেন্তরদা পাঙথোকখিবা নোর্থ ইস্ত ইন্তরনেস্নেল ফেসন ৱীকগী থৌরমদা নবেম্বর ১২, ২০২২দা ওফিসিএল ওইনা হৌদোকখি‍।

১৬.    নোর্থ ইস্তর্ন রিজনেল এগ্রিকলচরেল মার্কেতিং কোর্পোরেসন (নেরামাক)কী ফংবা ঙমখ্রবশিং

• কিহোম, শিং, য়াইঙং, ইলাইচি অচৌবা, কালা মির্চ, উ মোরোক (ভুৎ জোলোকিয়া), তেজপতা, চাকহাও, কিৱি, দ্রেগন ফ্রুৎ, তর্বুজ, মাইরেন্নচিংবা এগ্রি=হোর্তি পোত্থোকশিং লৌশিনবা অমদি ব্রান্দ 'এন.ই. ফ্রেস' কী মখাদা য়োনবগী থবক‍। মাইনর এক্সপোর্তশিং য়ুরোপ, বঙ্গলাদেশ অমদি ভুতান্দা পায়খৎলি‍। মুম্বাইগীদমক প্রাইভেৎ এন্তিতী অমগী খুত্থাঙদা লৌউ-শিংউগী পোত্থোকশিং লৌনবগী চাংয়েং অমা পায়খৎপগা লোয়ননা থৌরাং অসি ফোর্মেল ওইহন্নবগীদমক এম.ও.য়ু. অমা খুৎয়েক পীননবা শেম শারি‍।
• নেরামাকনা রিতেল সেগমেন্ততা ৭৫+ পোত্থোকশিংগী পোলাং লৈরে‍।
• আই.সি.পি. অগর্তলা (ইন্দো-বঙ্গলাদেশ ঙমখৈ)দা হন্দক্তা কিওস্ক অমা হাংদোক্লে‍।
• এন.এফ.আর.গা লোয়ননা ও.এস.ও.পি.গী মখাদা স্তোলশিং হাংদোকপগী থবক পায়খৎলি অমদি গুৱাহাতী / কমখ্যা স্তোল মথৌ তৌবা হৌরে‍।
• স্তেত লৈঙাকশিংগী মিংদা এগ্রি-ইনপুৎ অমদি থানবা মচাকশিং সপ্লাই তৌবা – ভর্মিকম্পোস্ত, বাইও-ফর্তিলাইজর, রিজোম, এগ্রো সেদ নেৎনচিংবা‍।
• ইম্প্লিমেন্তিং এজেন্সীশিং –
• ভারত লৈঙাক্কী লৌউ-শিংউ অমদি লৌমীশিংগী য়াইফ থৌরাং মন্ত্রালয়গী মখাদা ফোর্মেসন এন্দ প্রমোসন ওফ ১০০০০ এফ.পি.ও.’গী মখাদা অৱাং নোংপোক লমদমদা এফ.পি.ও.শিং শেমগৎবা অমদি য়োকখৎপা‍। কোবিদ-১৯ লাইচৎ লৈজরগসু ইং ২০২১দা এলোৎ তৌখিবা এফ.পি.ও. ৫৫গী মনুংদা ৫৩ রেজিস্তর তৌখ্রে‍। এম.ও.এফ.দব্লিউ.এন্দ এ.না হন্দক্তা অনৌবা এফ.পি.ও. ২০০ এলোৎ তৌখ্রে‍।
• অসামগী স্তেত বেম্বু দিভেলপমেন্ত এজেন্সী (এস.বি.দি.এ.)গী বেম্বু প্লান্তেসন প্রোজেক্ত: চহি অহুম চত্থগদবা প্রোজেক্ত অমগী অহানবা ওইনা অসামগী দিস্ত্রিক্ত অহুমদা হেক্তর ৯০০দা ৱা থাবগী থবক পায়খৎখ্রে‍।
• অৱাং নোংপোক লমদমগী এগ্রি-হোর্তি পোত্থোকশিংগী জি.আই. রেজিস্ত্রেসন তৌবা: অৱাং নোংপোক লমদমগী পোত্থোক ১৩ হৌজিক ফাওবদা জি.আই. রেজিস্তর তৌখ্রে অমদি ৭না তৌনবা থবক চঙশিল্লি‍।
• মিজোরমদা ফুদ প্রোসেসিংগী খুত্থাঙদা হোর্তিকলচর ভেল্যু চেন: নেরামাকনা ইম্প্লিমেন্তিং এজেন্সী ওইনা মিজোরমদা অহানবা দ্রেগন ফ্রুৎ মহীগী প্রোসেসিং প্লান্ত লিংখৎপগী থবক চঙশিল্লি‍। মসিনা লফোইসু প্রোসেস তৌগনি‍।

১৭.     নোর্থ ইস্তর্ন দিভেলপমেন্ত ফাইনান্স কোর্পোরেসন লিমিতেদ (নেদফি)গী ফংবা ঙমখ্রবশিং

• অৱাং নোংপোক লমদমদা অনৌবা ইন্দস্ত্রিএল অমদি সর্ভিস সেক্তর প্রোজেক্তশিং পায়খৎপদা মতেং পীবদা নেদফিনা মরুওইবা শক্লোন অমা লৌরি‍। কোর্পোরেসন অসিনা জনুৱারী ১, ২০২২দগী দিসেম্বর ২১, ২০২২ ফাওবদা মহৈ মশিং অমদি ত্রেনিং, ফুদ প্রোসেসিং, হেন্দলুম অমদি হেন্দিক্রাফ্ত, হকশেল, হোতেল অমদি তুরিজম, মাইক্রোফাইনান্সনচিংবা তোঙান তোঙানবা সেক্তরশিংদা লুপা করোর ১০২৩.৩৮ সেংসন তৌদুনা লুপা করোর ৬৮২ও৮২ থাদোকখ্রবা প্রোজেক্ত ২৯১৭দা মতেং পীরি‍।

• মাইক্রো এন্দ স্মোল এন্তরপ্রাইজেজ (এম.এস.ই.) সেক্তর চাওখৎহন্নবগীদমক, কোর্পোরেসন অসিনা মতিং লৈবা ফর্স্ত জেনেরেসন লোকেল ওন্ত্রপ্রিন্যুরশিং খঙদোক্তুনা মখোয় শোমবিনবা অমদি মখোয়দা হিংবা ঙমগদবা ইন্দস্ত্রিএল প্রোজেক্তশিং লিংখৎপদা মতেং পাংনবগীদমক অরায়বা তর্মদা শেন্থঙ পীননবা থৌরাংশিং পায়খৎলি‍। মাইক্রো এন্দ স্মোল এন্তরপ্রাইজেজ সেক্তরগী মখাদা কোর্পোরেসন অসিগী লৈরিবা ক্রেদিৎ স্কীমশিং অতাবা শেন্দোয়গী চাংদা ফংহল্লি‍। নেদফিনা লমদম অসিদা এম.এস.এম.ই. অমদি মাইক্রোফাইনান্স সেক্তর য়োকখৎনবা অমদি চাওখৎহন্নবা থৌরাং/থবক থৌরমশিং পায়খৎলি‍।

মিজোরমদা লৈবা ফেলা খিয়াংতে সেলোন এন্দ স্পা‍। নেদফিনা নোর্থ ইস্ত ওন্ত্রপ্রিন্যুর্স দিভেলপমেন্ত স্কীম (নীদস)কী মখাদা লুপা লাখ ১০.০০ থাদদুনা লিংখৎপা

ত্রিপুরাদা, অনুপ কুমার চৌধুরীগী অগর্বতী ধুপ মচৈ; নোর্থ ইস্ত ওন্ত্রপ্রিন্যুর্স দিভেলপমেন্ত স্কীম (নীদস)কী মখাদা লুপা লাখ ২৫.০০ থাদদুনা লিংখৎপা

• লমদম অসিগী অনসর্ব অমদি অন্দরসর্ব মফমশিংদা লৈরিবা গ্রাস-রুস অপীকপা বোরোৱরশিংদা তেংবাংনবগীদমক – শেন্থোক নেম্বা মীওইশিংদা শেল পুথোক্নবগীদমক মাইক্রো ফাইনান্স ইনস্তিত্যুসনশিংদা (এম.এফ.আই.) হোলসেল মাইক্রো-ক্রেদিৎ পীননবগী “নেদফি মাইক্রো ফাইনান্স স্কীম”; অমদি বিজিনেস করেসপোন্দেন্সকী খুত্থাঙদা মাইক্রো ওন্ত্রপ্রিপ্যুরশিংদা হকথেংননা শেলগী তেংবাং পীননবা “নেদফি মাইক্রো লেন্দিং স্কীম” – ফার্ম অমদি নন-ফার্ম সেক্তরশিংদা শেন্থোক লৈহন্নবা থবক থৌরমশিং পায়খৎনবগীদমক হৌদোকখি‍। পীরিবা মতম অসিদা, লুপা করোর ৬৭.৭৫ অমদি পুন্না লুপা করোর ৯৯০গী শেলগী তেংবাং এন.এম.এফ.এস.কী মখাদা পীখ্রে; অদুগা এন.এম.এল.এস.কী মকাদা বোরোৱর ১৭২৭দা লুপা করোর ২২.৬৯গী শেলগী তেংবাং ফংহনখ্রে‍। হায়রিবশিং অসিনা ৯০% নুপী ওইবা বিনিফিসরী লাখ মাপনলোমগী শেন্মিৎলোনগী ফীভম ফগৎহনবা ঙম্লে‍।

মনিপুরগী থৌবাল সাবলতোংবদগী মিস সনসম সন্ধ্যারানি দেবীনা মহাক্কী ঙা অয়াইবগী লল্লোন ইতিক তৌনবগীদমক মাইক্রো ক্রেদিৎ লোন ফংখ্রে‍।

অসামগী দারংদগী সুমিত্রা সুত্রধারনা হোতেল চলাইনবগীদমক এন.এম.এল.এস.কী মখাদা লোন ফংখ্রে‍।

• নেদফিনা দিভেলপমেন্ত ওফ নোর্থ ইস্তর্ন রিজন (দোনর) মন্ত্রালয়গা খুৎশম্নদুনা লমদম অসিদা স্তার্ত-অপ ভেঞ্চরশিং পুক্নিং থৌগৎনবগীদমক অখন্নবা ভেঞ্চর কেপিতেল ফন্দ অমা ওইনা নোর্থ ইস্ত ভেঞ্চর ফন্দ (এন.ই.ভি.এফ.) লিংখৎখ্রে‍। ফন্দ অসিদা লৈরিবা কেপিতেল কম্মিৎমেন্ত অসি লুপা করোর ১০০নি (দোনর মন্ত্রালয়গী লুপা করোর ৪৫.০০, নেদফিনা লুপা করোর ৩০.০০ অমদি সিদবিনা লুপা করোর ২৫.০০)‍। ফন্দ অসিনা লমদম অসিগী স্তার্ত-অপশিংগী পুক্নিং চিংশিনবা ঙম্লে‍। দিসেম্বর ২১, ২০২২ ফাওবদা, অপুনবা প্রোজেক্ত ৬০দা লুপা করোর ৯১.৬৭গী ইনভেস্তমেন্ত কম্মিৎমেন্ত পীখ্রে‍।

অরুনাচল প্রদেশদা লৈবা মেঞ্চুখা এদভেঞ্চর পার্কতা তুরিজম ইনফ্রাস্ত্রকচর অমদি সর্ভিসকীদমক মতেং পাংখ্রে

ইন্তিগ্রেতেদ সস্তেনেবল হোম দেকোর য়ুনিৎ অমা ওইনা অসামগী জোর্হাত্তা ক্রাফ্ত ইন হোম দেকোর প্রাইভেৎ লিমিতেদ

• মতম অসিগী মনুংদা নেদফিনা পায়খৎখিবা প্রমোস্নেল অমদি দিভেলপমেন্তেল এক্তিবিতীশিং:

• লমদম অসিদা লৈরিবা ইন্দস্ত্রিগী, ইনফ্রাস্ত্রকচরগী অমদি সোসিএল দিভেলপমেন্তকী প্রোজেক্তশিংদা মল্তি-দিসিপ্লিনরী এদভাইজরী অমদি কন্সল্তেন্সী সর্ভিসশিং পীরি‍। মসিনা অৱাং নোংপোক লমদমগী তোঙান তোঙানবা স্তেতশিংদা উভালুএসন এন্দ থর্দ-পার্তী মোনিতরিং ওফ ইনফ্রাস্ত্রকচর প্রোজেক্ত, ইম্পেক্ত এসেসমেন্ত স্তদীনচিংবগী লমদা তোঙান তোঙানবা শিংথানিংঙাই ওইরবা কন্সল্তেন্সী এসাইনমেন্ত কয়া পায়খৎখ্রে‍।
• তেক্নো ইকনমিক দিভেলপমেন্ত ফন্দ (তি.ই.দি.এফ.)গী খুত্থাঙদা অৱাং নোংপোক লমদমগী তেক্নো-ইকনমিক ফীজিবিলিতী স্তদীশিং পাঙথোকপা‍। হৌজিক ফাওবদা লোইশিনবা ঙমখ্রবা স্তদী ১০১গী মনুংদা, নৌনা পাঙথোকখিবা স্তদীশিংগী মরক্তা: স্তদী ওন স্মোল এন্দ মেদিয়ম ইন্দস্ত্রিজ মার্কেতিং ইনফ্রাস্ত্রকতর ফোর নোর্থ ইস্তর্ন স্তেতস, স্তদী ওন ব্রিঙ্গিং ইনভেস্তর্স ফ্রোম সাউৎ ইস্ত এসিয়া তু এন.ই. ইন্দিয়া, সীদ প্রোজেক্ত এপ্রোচ, স্তদী ওন ইনক্রিজিং এম.এস.এম.ই. এন্দ স্তার্ত-অপ ফাইনেন্সিং কভরেজ অসিনচিংবশিং য়াওরি‍।
• মতোঙান তোঙানবা স্কীমশিং অমদি প্রোগ্রামশিংগী মরমদা ফর্স্ত জেনেরেসন ওন্ত্রপ্রিন্যুরশিংগী মফমদা ঈ-পাউ মমুৎ তানা খঙহন্নবগীদমক, ক্রিএতিব ওইনা ৱাখল খনবা ঙমবা, তীম ওইনা থবক তৌবা, তোঙান তোঙানবা রিস্কশিং মেনেজ তৌবা অসিনচিংবা মখল মখা কয়াগী স্কিল অমদি এত্রিব্যুৎশিং শেমগৎনবগী পান্দমদা অৱাং নোংপোক স্তেত পুম্নমক্তা বিজিনেস মীতশিং পাঙথোকপা‍। মতম অসিগী মনুংদা, নেদফিনা প্রোস্পেক্তিব ওন্ত্রপ্রিন্যুর ৫২৩না শরুক য়াদুনা বিজিনেস মীত ১১ পাঙথোকখ্রে‍।
• মেনেজরিএল, তেক্নিকেল, ফাইনেন্সিএল, কম্মর্সিএল অমদি মার্কেতিং, প্রোজেক্ত রিপোর্ত শেম্বা অমদি ক্রেদিৎ লিঙ্কেজকী লমদা ফর্স্ত জেনেরেসন ওন্ত্রপ্রিন্যুরশিংদা অৱাং নোংপোক স্তেত পুম্নমক্তা কোর্পোরেসন অসিগী বিজিনেস ফেসিলিতেসন সেন্তরশিংগী খুত্থাঙদা মেন্তরিং এসিস্তেন্স ফংহল্লি‍। মতম অসিগী মনুংদা, ওন্ত্রপ্রিন্যুর পুন্না ২৯৪ মখোঙ শোম্বিদুনা, মখোয়গী মনুংদা ওন্ত্রপ্রিন্যুর ১২৪দা ক্রেদিৎ লিঙ্কেজ ফংহনখ্রে‍।
• এন.জি.ও. / এম.এফ.আই.শিংগী স্তাফ অমদি থৌমীশিংবু সেক্তর অসিদা হোংলক্লিবা অমদি ওইরক্লিবা ফীভমশিং থেংনবা ঙম্নবগীদমক মখোয়গী ৱাখল লৌশিং হৈথোই শিংথোইবশিং লেপ্পা লৈতনা হেনগৎহন্নবগীদমক কেপাসিতী বিল্দিংগী থবক থৌরমশিং পাঙথোক্লি‍। মতম অসিগী মনুংদা শরুক য়াখিবা মীওই ৬৩দা কান্নবা ফংহনখ্রে‍।
• তোঙান তোঙানবা সেক্তরশিংগী সিংঙ্গল সোর্স ওইনা অৱাং নোংপোক ভারতকী দিস্ত্রিক্তকী মরমদা থাক ফাওবদা ঈ-পাউশিং পীননবা ৱাখল্লোন্দা চাং নাইনা অপদেৎ তৌবা “এন.ই.আর. দেতাবেঙ্ক” কৌবা ৱেব-বেজ পোর্তেল অমা চলাইবা‍। মসিগী মচা খায়বা ৱাফমশিং http://db.nedfi.com দা চঙদুনা য়েংবা য়াগনি‍। মসিগী মথক্তা, নেদফিনা অৱাং নোংপোক লমদমগী শেন্মিৎলোনগী সেক্তর ৫৫গী দেতাবেঙ্ক জর্নেলসু ফোংলি‍।
• শরুক য়ারিবশিংবু মায় পাক্কদবা লাল্লোংগী মরমদা খঙহন্নবা অমদি সেল্ফ/ৱেজ এম্প্লোইমেন্তকী চুনবা খুৎলায়শিং ফংহন্নবগীদমক কবোকং, হেন্দলুম অমদি হেন্দিক্রাফ্ত সেক্তরনচিংবদা লৈরিবা খুৎহৈবশিংদা অতোপ্পা হিংনবগী পাম্বৈশিং ফংহন্নবা থৌরমশিং পায়খৎলি‍। মখোয়না মখোয়গী কম্ম্যুনিতীদা লায়রবা কোকহন্নবগী মায়কৈদা থৌদাং লৌবা ঙমগনি‍। মতম অসিগী মনুংদা, তোঙান তোঙানবা প্রোগ্রামশিংগী খুত্থাঙদা খুৎহৈব ৩০দা কান্নবা ফংহনখ্রে‍।

নগালেন্দকী পেরেনদা লফু পাম্বীদগী ফাইবর শুংবগী অমদি ক্রাফ্তকী ত্রেনিং

গ্রেতর নোইদাদা পাঙথোকপা ইন্দিয়ন হেন্দিক্রাফ্ত এন্দ গিফ্ত ফ্যার, ইন্দিয়া এক্সপো মার্ততা হাংলিবা ক্রাফ্ত স্তোল

• মার্কেতিং সপ্পোর্ত: নেদফিনা অৱাং নোংপোক লমদমগী খুৎহৈবশিংদা একজিবিসন্দা শরুক য়াবা অমদি মখোয়গী সোরুমশিংগী খুত্থাঙদা মার্কেতিং সপ্পোর্তী পীরি‍। মতম অসিগী মনুংদা খুৎহৈবা ১২৫দা তোঙান তোঙানবা একজিবিসন/ আউতলেৎশিংদা মফম পীখ্রে‍।

১৮. অৱাং নোংপোক স্তেতশিংদা কেন্দ্র মন্ত্রীশিংগী থাখায় খুদিংগী চৎপা

ইকায়খুম্নরবা প্রধান মন্ত্রীগী লমজিং মখাদা, অৱাং নোংপোক স্তেত খুদিংদা থাখায় খুদিংগী ইকায়খুম্নরবা কেন্দ্র মন্ত্রী অমমম চৎনবা লেপ্তুনা, পায়খৎলিবা লৈঙাক্কী প্রোজেক্তশিং / স্কীমশিং মতিক চানা পায়খৎহন্দুনা অৱাং নোংপোক লমদমদা চাওখৎপা পুরকপদা খোঙজেল য়াঙ্খৎহল্লি‍। দোনর মন্ত্রালয়না হায়রিবা ইকায়খুম্নরবা কেন্দ্র মন্ত্রীশিংনা অৱাং নোংপোক স্তেতশিংদা চৎলিবা খোঙচৎ অসি শিন লাংদুনা তেংবাংলি‍।

২০১৫দা হৌদোকখিবা, অদুবু লোকদাউন অমদি চত্থোক চৎশিন্দা থমখিবা অথিংবসি য়েংলগা মার্চ ২০২০দগী লেপখিবা, থাখায় খুদিংগী খোঙচৎ অসি হন্দক অমুক নৌনা হৌদোক্লে‍। খোঙচৎশিং অসি ইকায়খুম্নরবা কেন্দ্র মন্ত্রীশিংনা মখাদা পীরিবা চাউরাকপা হীরমশিং অসিগীদমক্তা শীজিন্নরি:

• ফ্লেগসিপ/ অতৈ প্রোগ্রামশিং খোঙজেল লৈনা পায়খৎনবগীদমক কেন্দ্রগী মন্ত্রালয়/ দিপার্তমেন্ত/ লুপশিংগী প্রোগ্রাম অমদি খুজিল থৌরাংশিং য়েংশিনবা
• জি.বি.এস. ১০%গী মখাদা মন্ত্রালয়শিং/ দিপার্তমেন্তশিংনা তৌরিবা চাদিং য়েংশিনবা
• অৱাং নোংপোক লমদমদা লৈরিবা এস্পিরেস্নেল দিস্ত্রিক্তশিংগী খোঙজেল য়েংশিনবা
• নেস্নেল ওইল পাল্ম মিসন পায়খৎপগী ফীভম য়েংশিনবা
• চৎলিবা স্তেত/মফমশিংগী ওইবা পন্দুনা লৈরিবা ইসুশিংগী ৱারোইশিন পুরক্নবগীদমক লোকেল কম্ম্যুনিতীশিং অমদি অতৈ স্তেকহোল্দরশিংগা উনদুনা ৱারী ৱাতায় শাবা
• চৎলিবা মফমদুগী অকোয়বদা লৈবা তোঙান তোঙানবা ইনস্তিত্যুসনশিং, প্রোজেক্ত সাইতনচিংবশিংদা চৎপা
• স্তেত/দিস্ত্রিক্ত মেচিনরীশিংগা উনদুনা ৱারী ৱাতায় শানরগা মখোয়গী মথৌ তাবশিং খঙদোকপা অমদি মরী লৈনবা এজেন্সীশিংদা মতম চানা থবক পায়খৎনবা পাউতাক পীবা‍।

২০২২গী জনুৱারীদগী নবেম্বর ফাওবদা, ইকায়খুম্নরবা কেন্দ্র মন্ত্রীশিংনা অৱাং নোংপোক লমদমদা ১৩৫রক হেন্না চৎখ্রে‍। খোঙচৎশিং অমদি মখোয়গী পাউদমদা য়ুম্ফম ওইরগা পায়খৎলকপা মতুং তারকপা থবক থৌরাংশিংনা লমদমদুগী মীওইশিংগী অপাম্বা অমদি ইহুল খঙদোকপদা অমদি অৱাং নোংপোক লমদমদা লৈঙাক্কী প্রোজেক্তশিং/ স্কীমশিং মতিং লৈনা পায়খৎপদা মতেং ওইরি‍।

*********