2023 జనవరి 1 నుంచి నేషనల్ రీసెర్చ్ డెవలప్‌మెంట్ కార్పొరేషన్ (ఎన్‌ఆర్‌డిసి) స్టార్ట్ అప్‌ల ప్రయోజనం కోసం సాంకేతిక వాణిజ్యీకరణను చేపట్టనుందని కేంద్ర సైన్స్ & టెక్నాలజీ సహాయమంత్రి (స్వతంత్ర బాధ్యత), ఎర్త్ సైన్సెస్ సహాయ మంత్రి (స్వతంత్ర బాధ్యత), ఎంఒఎస్ పిఎంఓ, పర్సనల్, పబ్లిక్ గ్రీవెన్స్, పెన్షన్‌లు, అటామిక్ ఎనర్జీ మరియు స్పేస్ మంత్రి  డాక్టర్ జితేంద్ర సింగ్ ఈరోజు తెలిపారు.

1953లో స్థాపించబడిన నేషనల్ రీసెర్చ్ డెవలప్‌మెంట్ కార్పొరేషన్ (ఎన్‌ఆర్‌డిసి) అనేది డిఎస్‌ఐఆర్‌ కింద ఒక పీఎస్‌ఈసెక్షన్ 8 కంపెనీ. ఇది ఆర్‌ అండ్ డి మరియు పరిశ్రమల వారధిలో కీలక పాత్ర పోషిస్తోంది.

న్యూఢిల్లీలోని సిఎస్‌ఐఆర్‌ సెంటర్‌లో కార్యదర్శి, డిఎస్‌ఐఆర్‌ మరియు ఎన్‌ఆర్‌డిసి సీనియర్ అధికారుల సమావేశానికి అధ్యక్షత వహించిన డాక్టర్ జితేంద్ర సింగ్ మాట్లాడుతూ ఎన్‌ఆర్‌డిసి ప్రారంభం నుండి దాదాపు అన్ని పరిశ్రమల రంగాలలో సాంకేతికతలకు ప్రాతినిధ్యం వహించే 5000 కంటే ఎక్కువ లైసెన్స్ ఒప్పందాలను కుదుర్చుకుంది. భారతదేశంలో 2000కు పైగా పేటెంట్లను ఫైల్ చేయడంలో కూడా ఇది సులభతరం చేసిందని మంత్రి చెప్పారు.

డాక్టర్ జితేంద్ర సింగ్ మాట్లాడుతూ " భారత ప్రభుత్వం అందిస్తున్న ప్రయోజనాలను పొందేందుకు స్టార్ట్ అప్‌లను సాంకేతికంగా మూల్యాంకనం చేయడం కోసం డిపిఐఐటీకి చెందిన ఇంటర్-మినిస్టీరియల్ బోర్డు (ఐఎంబి)కి ఎన్‌ఆర్‌డిసి సహాయం చేస్తుంది. ఇప్పటి వరకు 7500 కంటే ఎక్కువ స్టార్ట్-అప్‌ల దరఖాస్తులు అంచనా వేయబడ్డాయి." అని తెలిపారు.

స్టార్టప్‌లను గుర్తించడం నుండి ఉత్పత్తి ప్రారంభించడం వరకు తమ స్టార్టప్ స్కీమ్‌ను అమలు చేయడానికి ఎన్‌ఆర్‌డిసి ఇండియన్ ఆయిల్ కార్పొరేషన్ లిమిటెడ్ (ఐఓసిఎల్‌)తో కూడా అనుబంధం కలిగి ఉందని డాక్టర్ జితేంద్ర సింగ్ తెలిపారు.

ఎగుమతి ఆధారిత వ్యవసాయ ఆధారిత స్టార్టప్‌లకు మార్గదర్శకత్వం మరియు పర్యవేక్షణ కోసం అగ్రికల్చర్‌ అండ్ ప్రాసెస్డ్ ఫుడ్ ప్రొడక్ట్స్ ఎక్స్‌పోర్ట్ డెవలప్‌మెంట్ అథారిటీ (అపెడా)తో ఎన్‌ఆర్‌డిసి అవగాహన ఒప్పందాన్ని కుదుర్చుకున్నట్లు మంత్రి చెప్పారు.

టెక్నాలజీ డెవలప్‌మెంట్, ధ్రువీకరణ మరియు వాణిజ్యీకరణ కార్యక్రమం (టిడివిసి) అనేది భారతీయ సమాజం మరియు బ్రిక్ అండ్ మోర్టార్ తయారీ పరిశ్రమ ఆర్థిక వ్యవస్థ యొక్క సమస్యల ప్రకటనలపై దృష్టి సారించే స్టార్టప్‌లు, ఇంక్యుబేటీలు మరియు ఎంఎస్‌ఎంఈలకు ఆర్థిక సహాయాన్ని అందించడానికి గ్రాంట్-ఇన్-ఎయిడ్ స్కీమ్ అని డాక్టర్ జితేంద్ర సింగ్ తెలియజేశారు.

 
వివిధ ఆర్&డి వనరుల నుండి ఎన్‌ఆర్‌డిసి సంపాదించిన సాంకేతికతలు విలువ జోడింపు ద్వారా రూపాంతరం చెందుతాయని మరియు వాణిజ్యపరమైన అవసరాల కోసం పరిశ్రమలకు అందించబడుతున్నాయని డిఎస్‌ఐఆర్‌ కార్యదర్శి డాక్టర్.ఎన్‌.కలైసెల్వి డాక్టర్ జితేంద్ర సింగ్‌కు తెలియజేశారు. ఎన్‌ఆర్‌డిసి యొక్క ప్రధాన ఆదాయ ప్రవాహాన్ని ఏర్పరిచే పరిశీలన కోసం ఎన్‌ఆర్‌డిసి మరియు ఆర్‌&డి సంస్థ పరిశ్రమకు సాంకేతికత బదిలీని సులభతరం చేసిందని ఆమె అన్నారు.

ఎన్ఆర్‌డిసి ఛైర్మన్ & మేనేజింగ్ డైరెక్టర్ కమోడోర్ అమిత్ రస్తోగి (రిటైర్డ్) ఎన్‌ఆర్‌డిసి రాష్ట్ర/కేంద్ర ప్రభుత్వ ఇంక్యుబేటర్లలో పొదిగిన అర్హత కలిగిన టెక్నాలజీ ఆధారిత స్టార్టప్‌లకు ఈక్విటీకి  సీడ్ ఫండింగ్‌ను అందిస్తుందని తెలిపారు. స్టార్టప్‌లు బలమైన వాణిజ్య విలువతో వినూత్నమైన మరియు సాంకేతికతతో కూడిన అభివృద్ధిని ప్రదర్శించాలని సూచించారు.

జాతీయ మరియు అంతర్జాతీయ శాస్త్ర & సాంకేతిక సంస్థలు, పరిశ్రమలు, పారిశ్రామిక సంఘాలు, రాష్ట్ర & కేంద్ర ప్రభుత్వ శాఖలు, ఎస్‌టిపిలు మరియు ఇంక్యుబేటర్లతో విస్తృత అనుసంధానాల నెట్‌వర్క్‌ను ఏర్పాటు చేసినందున జాతి నిర్మాణంలో ఎన్‌ఆర్‌డిసి ముఖ్యమైన పాత్రను పోషిస్తోంది.

దేశంలో స్టార్టప్‌ల పర్యావరణ వ్యవస్థకు మద్దతు ఇవ్వడానికి మరియు ప్రోత్సహించడానికి ఎన్‌ఆర్‌డిసి అనేక కార్యక్రమాలను చేపట్టింది. ఈ లక్ష్యంతో ఎన్‌ఆర్‌డిసి సాంకేతికతతో నడిచే స్టార్టప్‌లను వాణిజ్యపరమైన వెంచర్‌లుగా పరిపక్వతకు ప్రోత్సహించడానికి ఇంక్యుబేషన్ సెంటర్‌లను స్థాపించింది మరియు నిర్వహించడం ప్రారంభించింది.

ఎన్‌ఆర్‌డిసి ఇంక్యుబేషన్ సెంటర్: కార్పోరేషన్ ఎనిమిది స్టార్టప్‌లను ఇంక్యుబేట్ చేయడానికి ఒక భౌతిక మరియు వర్చువల్ స్థలాన్ని సృష్టించింది. వారంతా తయారీ పరిశ్రమ రంగంలో కొత్త పరిష్కారాలపై పని చేస్తున్నారు. ఈ స్టార్టప్‌లకు మెంటరింగ్ మరియు హ్యాండ్ హోల్డింగ్ సేవలు, వివిధ నెట్‌వర్క్డ్ లాబొరేటరీలలో టెస్టింగ్ మరియు ఫ్యాబ్రికేషన్ కోసం సబ్సిడీ సౌకర్యాలు, ఈక్విటీకి  నిధులు, ఇంక్యుబేషన్ సర్టిఫికేషన్, ఆఫీస్ మరియు కాన్ఫరెన్స్ సౌకర్యాలు మొదలైనవి అందించబడుతున్నాయి.

mach33.aero: మాక్‌33.ఎయిరో అనేది బెంగళూరులోని సిఎస్‌ఐఆర్‌-ఎన్‌ఏఎస్ బెంగళూరు క్యాంపస్‌లో  ఫౌండేషన్ ఫర్ ఇన్నోవేషన్ అండ్ సోషల్ ఎంటర్‌ప్రెన్యూర్స్ (ఎఫ్‌ఐఎస్‌ఈ) (టాటా ట్రస్ట్ మద్దతుతో ఒక చొరవ) సహకారంతో రూపొందించబడిన అత్యంత ప్రత్యేకమైన స్టార్టప్ ఇంక్యుబేషన్ సౌకర్యం.  ఇది డిసెంబర్ 2021లో స్థాపించబడింది మరియు ప్రారంభించబడింది. ఈ ఇంక్యుబేషన్ ఫాక్యాల్టి ఏరోస్పేస్ మరియు అనుబంధ పరిశ్రమల రంగాలలో స్టార్ట్ అప్‌ల పొదుపును ప్రోత్సహిస్తుంది.

ఇన్నోవేటివ్ టెక్నాలజీ ఎనేబుల్ సెంటర్ (ఇంటెక్): ఇంటెక్ అనేది భువనేశ్వర్‌లోని సిఎస్ఆర్‌ఐ-ఐఎంఎంటీ క్యాంపస్‌లో సృష్టించబడిన స్టార్టప్ ఇంక్యుబేషన్ సదుపాయం. ఇప్పుడు ఇది  కార్పొరేషన్ ద్వారా నిర్వహించబడుతుంది. ఈ సదుపాయం మెటీరియల్స్, మైనింగ్ మరియు అనుబంధ పరిశ్రమల రంగాలలో పని చేస్తున్న స్టార్టప్‌ల ఇంక్యుబేషన్‌ను ప్రోత్సహించడానికి ఉద్దేశించబడింది.
 

<><><><>