ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವ ಡಾ.ಮನ್ಸುಖ್ ಮಾಂಡವಿಯಾ ಅವರು ರಾಷ್ಟ್ರೀಯ ವೈದ್ಯಕೀಯ ಆಯೋಗ (ಎನ್ಎಂಸಿ), ಸ್ವಾಯತ್ತ ಮಂಡಳಿಗಳು ಮತ್ತು ಶೋಧನಾ ಸಮಿತಿಗೆ ಲಾಟರಿ ಮೂಲಕ ಮಾಡಲಾದ  ಅರೆಕಾಲಿಕ ಸದಸ್ಯರ ನೇಮಕಾತಿ ಪ್ರಕ್ರಿಯೆಯಲ್ಲಿ ಭಾಗವಹಿಸಿದ್ದರು. ನೇಮಕಾತಿಗಳ ಕಾರ್ಯವಿಧಾನವನ್ನು ರಾಷ್ಟ್ರೀಯ ವೈದ್ಯಕೀಯ ಆಯೋಗ (ಎನ್ಎಂಸಿ) ಕಾಯ್ದೆ, 2019 ರಲ್ಲಿ ನಿಗದಿಪಡಿಸಲಾಗಿದೆ.

ಎನ್ಎಂಸಿ ಕಾಯ್ದೆ 2019ರ ಪ್ರಕಾರ, ಈ ನೇಮಕಾತಿಗಳನ್ನು ಎರಡು ವರ್ಷಗಳ ಅವಧಿಗೆ ಮಾಡಲಾಗಿದೆ. ವಿವಿಧ ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳ ಸದಸ್ಯರನ್ನು ಈ ಕೆಳಗಿನ ವಿಭಾಗಗಳಲ್ಲಿ ಆಯ್ಕೆ ಮಾಡಲಾಗಿದೆ:

· ರಾಜ್ಯ / ಕೇಂದ್ರಾಡಳಿತ ಪ್ರದೇಶ ಸರ್ಕಾರದ ನಾಮನಿರ್ದೇಶಿತರಿಂದ ಎನ್ಎಂಸಿಯ ಹತ್ತು ಅರೆಕಾಲಿಕ ಸದಸ್ಯರನ್ನು ಆಯ್ಕೆ ಮಾಡಲಾಗುತ್ತದೆ. ವೈದ್ಯಕೀಯ ಸಲಹಾ ಮಂಡಳಿಯಲ್ಲಿ (2020 ರಲ್ಲಿ ಈ ಹಿಂದೆ ನೇಮಕಗೊಂಡವರು): ಅಸ್ಸಾಂ, ಅರುಣಾಚಲ ಪ್ರದೇಶ, ಛತ್ತೀಸ್ ಗಢ, ಪುದುಚೇರಿ, ಉತ್ತರಾಖಂಡ್, ಲಡಾಖ್, ಸಿಕ್ಕಿಂ, ತೆಲಂಗಾಣ, ಕರ್ನಾಟಕ ಮತ್ತು ಕೇರಳ .

· ಎನ್ಎಂಸಿಯ ಒಂಬತ್ತು ಅರೆಕಾಲಿಕ ಸದಸ್ಯರನ್ನು ರಾಜ್ಯ ವೈದ್ಯಕೀಯ ಮಂಡಳಿಯ ವೈದ್ಯಕೀಯ ಸಲಹಾ ಮಂಡಳಿಯಲ್ಲಿ ನಾಮನಿರ್ದೇಶಿತರಾದವರಿಂದ ಆಯ್ಕೆ ಮಾಡಲಾಗುತ್ತದೆ. (2020 ರಲ್ಲಿ ಈ ಮೊದಲು ನೇಮಕಗೊಂಡವರು): ಆಂಧ್ರಪ್ರದೇಶ, ಹರಿಯಾಣ, ಗೋವಾ, ಗುಜರಾತ್, ದೆಹಲಿ,

ಒಡಿಶಾ, ಹಿಮಾಚಲ ಪ್ರದೇಶ, ಪಂಜಾಬ್ ಮತ್ತು ರಾಜಸ್ಥಾನ.

· ಪ್ರತಿ ಸ್ವಾಯತ್ತ ಮಂಡಳಿಯ ನಾಲ್ಕನೇ ಸದಸ್ಯರನ್ನು (ಅರೆಕಾಲಿಕ ಸದಸ್ಯ) ರಾಜ್ಯ ವೈದ್ಯಕೀಯ ಮಂಡಳಿಯ ವೈದ್ಯಕೀಯ ಸಲಹಾ ಮಂಡಳಿಯಲ್ಲಿ ನಾಮನಿರ್ದೇಶಿತರಿಂದ (ಈ ಹಿಂದೆ 2020 ರಲ್ಲಿ ನೇಮಕಗೊಂಡವರು). ಆಯ್ಕೆ ಮಾಡಲಾಗುತ್ತದೆ.

(ಎ) ಪದವಿಪೂರ್ವ ವೈದ್ಯಕೀಯ ಶಿಕ್ಷಣ ಮಂಡಳಿಗೆ: ಮಹಾರಾಷ್ಟ್ರ

(ಬಿ) ಸ್ನಾತಕೋತ್ತರ ವೈದ್ಯಕೀಯ ಶಿಕ್ಷಣ ಮಂಡಳಿಗೆ: ತಮಿಳುನಾಡು

(ಸಿ) ವೈದ್ಯಕೀಯ ಮೌಲ್ಯಮಾಪನ ಮತ್ತು ಶ್ರೇಣೀಕರಣ ಮಂಡಳಿ: ಉತ್ತರ ಪ್ರದೇಶ

(ಡಿ) ನೈತಿಕ ಮತ್ತು ವೈದ್ಯಕೀಯ ನೋಂದಣಿ ಮಂಡಳಿ: ಬಿಹಾರ

· ಶೋಧನಾ ಸಮಿತಿಗೆ ಒಡಿಶಾದ ಒಬ್ಬ ತಜ್ಞರನ್ನು ನಾಮನಿರ್ದೇಶನ ಮಾಡಲಾಗಿದೆ.

ತಜ್ಞರ ಹೆಸರುಗಳ ಪಟ್ಟಿಯನ್ನು ಕೆಳಗಿನ ಅನುಬಂಧದಲ್ಲಿ ನೋಡಬಹುದು. ಲಾಟರಿ ಡ್ರಾದಲ್ಲಿ ಪಾರದರ್ಶಕತೆಯನ್ನು ಕಾಯ್ದುಕೊಳ್ಳಲಾಗಿದ್ದು, ಕಾರ್ಯಕ್ರಮವನ್ನು ಚಿತ್ರೀಕರಣ  ಮಾಡಲು ಮಾಧ್ಯಮ ಸಿಬ್ಬಂದಿ ಸಹ ಹಾಜರಿದ್ದರು.

ಈ ಸಂದರ್ಭದಲ್ಲಿ ಕೇಂದ್ರ ಆರೋಗ್ಯ ಕಾರ್ಯದರ್ಶಿ ಶ್ರೀ ರಾಜೇಶ್ ಭೂಷಣ್, ಹೆಚ್ಚುವರಿ ಕಾರ್ಯದರ್ಶಿ ಡಾ. ಮನೋಹರ್ ಅಗ್ನಾನಿ, ಜಂಟಿ ಕಾರ್ಯದರ್ಶಿ ಡಾ. ಸಚಿನ್ ಮಿತ್ತಲ್ ಮತ್ತು ಆರೋಗ್ಯ ಸಚಿವಾಲಯದ ಅಧಿಕಾರಿಗಳು ಉಪಸ್ಥಿತರಿದ್ದರು.

ಅನುಬಂಧ:

ರಾಜ್ಯಗಳು/ ಕೇಂದ್ರಾಡಳಿತ ಪ್ರದೇಶಗಳಿಂದ ಆಯ್ಕೆಯಾದ ಸದಸ್ಯರು

ವಿವಿಧ ರಾಜ್ಯಗಳ ವೈದ್ಯಕೀಯ ಮಂಡಳಿಗಳಿಂದ ಆಯ್ಕೆಯಾದ ಸದಸ್ಯರು

ಎನ್.ಎಂ.ಸಿ. ಸ್ವಾಯತ್ತ ಮಂಡಳಿಗಳಿಗೆ ಆಯ್ಕೆಯಾದ ಸದಸ್ಯರು (ಅರೆಕಾಲಿಕ)

ಶೋಧನಾ ಸಮಿತಿಗೆ ಆಯ್ಕೆಯಾದ ತಜ್ಞರು

****