معذور افراد کو بااختیار بنانے کا محکمہ (ڈی ای پی ڈبلیو ڈی) قائم کیا گیا ہے تاکہ تمام دیویانگ جنوں کی زندگی میں آسانی پیدا کرنے میں مدد کی جائے، اور اس شعبے میں تعلیم/بحالی کے پیشہ ور افراد کی  ہنر مندی کو بہتر بنایا جائے، دیویانگ جنوں  کو بااختیار بنانے کا محکمہ ان مقاصد کے لیے اقدامات اور فیصلے کرنے کی مسلسل کوشش کر رہا ہے۔

تمام قومی اداروں(این آئی) (دیویانگ جنوں کو بااختیار بنانے کے محکمہ کے تحت خود مختار ادارے) اور کمپوزٹ ریجنل سینٹرز (سی آرسی) (این آئی کے  کے توسیعی شعبے) میں، یو ڈی آئی ڈی  کارڈ ہولڈرز کے ساتھ ساتھ جن کے پاس معذوری کے فیصد سے قطع نظر معذوری کا سرٹیفکیٹ ہے اور وہ یو ڈی آئی ڈی  پورٹل پر رجسٹرڈ ہیں، ان کے لیے رجسٹریشن/تشخیص/علاج کی فیس یکم جنوری 2023معاف کر دی گئی ہے۔

علاوہ ازیں، قومی ادارے / کمپوزٹ علاقائی مراکز کے مختلف کورسز کے ان طلباء کے لیے مکمل کورس فیس معاف کر دی جائے گی، جو یو ڈی آئی ڈی  کارڈ ہولڈر ہیں، نیز ان لوگوں کے کورس فیس معاف ہے  جن کے پاس معذوری کا سرٹیفکیٹ ہے اور وہ معذوری کے فیصد سے قطع نظر یو ڈی آئی ڈی  پورٹل پر رجسٹرڈ ہیں۔ یہ 2022-23 بیچ کے طلباء کے لیے نافذ العمل ہو گا (بشمول وہ جو دو سال یا اس سے زیادہ دورانیے کے کورسز کر رہے ہیں اور اپنے دوسرے/تیسرے/چوتھے سال میں ہیں)۔

علاوہ ازیں ، ہر قومی ادارے اور کمپوزٹ علاقائی مراکز  کو ہدایت دی گئی ہے کہ وہ یو ڈی آئی ڈی  درخواستیں داخل کرنے میں دیویانگ جنوں کی مدد کرنے اور ہفتہ اور اتوار کو بھی تمام افراد کو علاج کی سہولیات فراہم کرنے کے لیے ایک مخصوص کاؤنٹرکا انتظام کریں۔

وزیر موصوف نے اس اقدام کو سراہتے ہوئے کہا کہ اس طرح کے اقدام سے دیگر سرکاری اداروں کے لیے یو ڈی آئی ڈی  کارڈ کو معذور افراد کے فوائد سے منسلک کرنے کی راہ ہموار ہوگی۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ج ا  (

U No. : 14339

(Release ID: 1886429) Visitor Counter : 119