مواصلات کے وزیر مملکت جناب دیو سنگھ چوہان نے آج راجیہ سبھا میں ایک سوال کے جواب میں تحریری معلومات دی ہے کہ چین سے مواصلاتی آلات کی درآمد کے سلسلے میں مواصلاتی آلات تیار کرنے والوں کی شکایتیں موصول ہوئی ہیں۔ حالانکہ سرکار نے خرید میں بولی لگانے کے لئے اہل ہونے کی غرض سے ہندوستان کے ساتھ زمینی سرحد ساجھا کرنے والے ممالک میں شامل؍ سود مند ملکیت والی کمپنیوں کے رجسٹریشن کو لازمی کردیا ہے۔ساتھ ہی سرکار نے ایچ ایس کوڈز کو از سر نو منظم اور زمرہ بند کرنے کے لئے قدم اٹھائے ہیں،تاکہ درآمد شدہ اشیاء کی غلط لیبلنگ سے بچا جاسکے۔

اس کے علاوہ گھریلو مواصلاتی مینوفیکچرنگ انڈسٹری کو پیداوار سے جڑی حوصلہ افزائی (پی ایل آئی)اور عوامی خرید (میک اِن انڈیا کو اولیت) (پی پی پی-ایم آئی آئی)جیسی اسکیموں کے توسط سے حوصلہ افزائی کی جارہی ہے۔ پی ایل آئی اسکیم کا مقصد ملک کے اندر مواصلات اور نیٹ ورکنگ مصنوعات کی تعمیر کی حوصلہ افزائی کرنا ہے، جبکہ پی پی پی-ایم آئی آئی پالیسی عوامی خرید میں گھریلو مینوفیکچررز کو اولیت فراہم کرتی ہے۔ مواصلات کے محکمے کے ذریعے گھریلو سطح پر تعمیر شدہ آلات کی برآمد کو بڑھاوا دینے کے اقدامات کی سفارش کرنے کے لئے ایک ماہرین کی کمیٹی تشکیل دی گئی ہے۔

محکمہ مواصلات نے 10 مارچ 2021 کو ٹیلی کام لائسنس میں ترمیم جاری کی ہے، جس میں تمام لائسنس یافتگان کو 15 جون 2021 سے اپنے مواصلاتی نیٹ ورک میں صرف بھروسے مند مصنوعات کو جوڑنے کی ہدایت دی گئی ہے۔ ایک پورٹل (www.trustedtelecom.gov.in)شروع کیا گیا ہے، جو بھروسے مند مصنوعات کی شکل میں مواصلاتی آلات کے جائزے اور لائسنس یافتگان کو اس کی اطلاع دینے کی سہولت مہیا کرتا ہے۔

************

ش ح۔ج ق۔ن ع

(U: 14288)