حکومت نے 2 اکتوبر 2014 سے سوچھ بھارت مشن (دیہی ) [ایس بی ایم (جی )] شروع کیا تھا، جس کا مقصد تمام دیہی گھرانوں کو بیت الخلاء تک رسائی فراہم کرکے ملک کو کھلے میں رفع حاجت سے پاک (او ڈی ایف ) بنانا تھا۔ اس کے لیے، ایس بی ایم (جی ) کے تحت، گھرانوں کے لیے انفرادی گھریلو بیت الخلاء (آئی ایچ ایچ ایل ) بنائے جاتے ہیں، جنہیں گھر کے تمام افراد بشمول خواتین استعمال کرتے ہیں۔ جیسا کہ آن لائن انٹیگریٹڈ مینجمنٹ انفارمیشن سسٹم (آئی ایم آئی ایس) پر ریاستوں/ مرکز کے زیر انتظام علاقوں کی اطلاع ہے، اس پروگرام کے تحت 11 کروڑ سے زیادہ آئی ایچ ایچ ایل بنائے گئے ہیں۔ ملک کے تمام گاؤں پہلے ہی خود کو او ڈی ایف قرار دے چکے ہیں۔ جیسا کہ سوچھ سرویکشن گرامین 2022 میں دکھایا گیا ہے، ملک کے 95.4% دیہی گھرانوں، بشمول ایسے گھرانوں کی خواتین، کو بیت الخلاء تک رسائی حاصل ہے۔

ان گھرانوں کی صفائی کی ضروریات کو پورا کرنے کے لیے جن کے پاس آئی ایچ ایچ ایل  بنانے کے لیے جگہ نہیں ہے، مہاجر آبادی، اور بڑی اجتماعی جگہوں پر، ایس بی ایم (جی ) کے رہنما خطوط کمیونٹی سینٹری کمپلیکس (سی ایس سی ) کی تعمیر کے لیے فراہم کرتے ہیں۔ گرام پنچایتوں کے ذریعہ ایک مناسب جگہ پران کی تعمیر کی جاتی ہے  جو سب کے لئے آسانی سے قابل رسائی ہو اور پانی کی مناسب دستیابی ہو۔ سی ایس سی  میں مردوں اور عورتوں کے لیے الگ الگ سہولیات بھی ہونی چاہئیں۔ جیسا کہ ریاستوں/ مرکز کے زیر انتظام علاقوں کی طرف سے اطلاع دی گئی ہے، پروگرام کے تحت 2.19 لاکھ سی ایس سیز  تعمیر کیے گئے ہیں۔

یہ معلومات  جل شکتی کے وزیر مملکت جناب پرہلاد سنگھ پٹیل نے آج لوک سبھا میں ایک تحریری جواب میں دی۔

*****

ش ح ۔ا م۔

U:14252

(Release ID: 1886001)