మార్చి 2022 నాటికి టెలికాం సర్వీస్ ప్రొవైడర్లు (టి.ఎస్.పిలు), టెలికాం శాఖ ఫీల్డ్ యూనిట్ మరియు రాష్ట్ర ప్రభుత్వాల నుండి అందిన సమాచారం ప్రకారం దేశంలోని 6,44,131 గ్రామాలకు  (గ్రామాలు నవంబర్ 2019 నాటికి రిజిస్ట్రార్ జనరల్ ఆఫ్ ఇండియా డేటా ప్రకారం) గాను దాదాపు 6,05,230 గ్రామాలకు మొబైల్ కవరేజీని ఉంది. 38,901 గ్రామాలు మొబైల్ టవర్లు మరియు కవరేజీని కలిగి లేవు. ప్రభుత్వం మరియు టెలికాం సర్వీస్ ప్రొవైడర్లు (టి.ఎస్.పిలు) దేశంలో దశలవారీగా టెలికమ్యూనికేషన్ కనెక్టివిటీని అందిస్తాయి. యూనివర్సల్ సర్వీస్ ఆబ్లిగేషన్ ఫండ్ (యు.ఎస్.ఎఫ్.ఒ) నిధుల ద్వారా ప్రభుత్వం దేశంలోని అన్ని కనెక్టివిటీ లేని  గ్రామాలలో మొబైల్ నెట్‌వర్క్ కవరేజీని అందించడానికి వివిధ పథకాలను అమలు చేస్తోంది. ప్రధాన యు.ఎస్.ఎఫ్.ఒ ప్రధాన పథకాలు కింది విధంగా ఉన్నాయి:

• దేశవ్యాప్తంగా కనెక్టివిటీ లేని గ్రామాలలో 4జీ మొబైల్ సేవల సంతృప్తత. ప్రాజెక్టు అంచనా వ్యయం రూ. 26,316 కోట్లు

• లెఫ్ట్ వింగ్ తీవ్రవాదం (ఎల్.డబ్ల్యుఈ) ప్రభావిత ప్రాంతాల్లో 4జీ మొబైల్ సేవలను అందించడం దశ-II. ప్రాజెక్టు అంచనా వ్యయం రూ.2211 Cr.

• అన్ని ఎల్.డబ్ల్యుఈ ఫేజ్-I సైట్‌ల 2జీ నుండి 4జీ మొబైల్ టెక్నాలజీకి అప్‌గ్రేడేషన్. ప్రాజెక్టు అంచనా వ్యయం రూ. 2425 కోట్లు.

• ఎన్.ఇ.ఆర్ కోసం సమగ్ర టెలికాం అభివృద్ధి కార్యక్రమం కింద దేశంలోని ఈశాన్య ప్రాంతంలో 4జీ మొబైల్ సేవలను అందించడం. పథకాల అంచనా వ్యయం రూ. 3637 కోట్లు.

• ఆస్పిరేషనల్ జిల్లాలలోని 7,287గ్రామాల్లో  (ఆంధ్రప్రదేశ్, ఛత్తీస్‌గఢ్, జార్ఖండ్, మహారాష్ట్ర మరియు ఒడిశా) 4జీ మొబైల్ కనెక్టివిటీని అందించడం మరియు నాలుగు రాష్ట్రాల్లో (అవి ఉత్తరప్రదేశ్, బీహార్, మధ్యప్రదేశ్ & రాజస్థాన్) ఆస్పిరేషనల్ జిల్లాల్లోని 502 కనెక్టివిటీ లేదని కనుగొనిన గ్రామాలలో 4G మొబైల్ కనెక్టివిటీని అందించడం). ప్రాజెక్టుల అంచనా వ్యయం రూ. 7152 కోట్లు.

 

• జమ్ము మరియు కాశ్మీర్, లద్ధాఖ్, హిమాచల్ ప్రదేశ్, ఉత్తర ప్రదేశ్, బీహార్, రాజస్థాన్, గుజరాత్, ఉత్తరాఖండ్, సరిహద్దు ప్రాంతం & ఇతర ప్రాధాన్యతా ప్రాంతాలలోని 354 గ్రామాల్లో 4జీ మొబైల్ కనెక్టివిటీని అందించడం. ప్రాజెక్టు అంచనా వ్యయం రూ. 337 కోట్లు

• అండమాన్ & నికోబార్ దీవులలో గుర్తించి 85 గ్రామాలలో 4జీ మొబైల్ కవరేజీ మరియు ఎన్.హెచ్223 యొక్క నిరంతరపు 4జీ మొబైల్ కవరేజీని అందించడం. ప్రాజెక్టు అంచనా వ్యయం 130 కోట్లు. ఉత్తరప్రదేశ్ రాష్ట్రంలోని చిత్రకూట్ మరియు బండా జిల్లాల కోసం బి.ఎస్.ఎన్.ఎల్ మొబైల్ టవర్ల ఏర్పాటు కోసం ప్రజల నుండి ఎటువంటి డిమాండ్ పెండింగ్‌లో లేదు. చిత్రకూట్ జిల్లాలోని 657 గ్రామాలలో, 635 గ్రామాలకు మొబైల్ నెట్‌వర్క్‌ కవరేజ్లో ఉన్నాయి. 22 గ్రామాలు యు.ఎస్.ఎఫ్.ఒ పథకాల కింద మొబైల్ కనెక్టివిటీతో కవర్ చేయబడుతున్నాయి. బందా జిల్లాలోని మొత్తం 734 గ్రామాలకు మొబైల్ నెట్‌వర్క్ ఉంది. రాజస్థాన్ రాష్ట్రంలో 46,077 గ్రామాలకు గాను 42,761 గ్రామాలు మొబైల్ కవరేజీని కలిగి ఉన్నాయి. మిగిలిన గ్రామాలకు దశలవారీగా ప్రభుత్వం మరియు టి.ఎస్.పి లచే కవరేజీ అందించబడుతున్నాయి. 5జీ స్పెక్ట్రమ్ వేలం మరియు లైసెన్స్ షరతుల కోసం 15-06-2022 నాటి నోటీసు ఆహ్వానిత దరఖాస్తు (ఎన్ఐఏ) ప్రకారం, కేటాయింపు తేదీ నుండి దశలవారీగా ఐదేళ్ల వ్యవధిలో రోల్ అవుట్ బాధ్యతలను నెరవేర్చాల్సి ఉంటుంది. తప్పనిసరి రోల్‌అవుట్ బాధ్యతల కంటే మొబైల్ నెట్‌వర్క్‌ల విస్తరణ, టి.ఎస్.పిల సాంకేతిక-వాణిజ్య పరిశీలనపై ఆధారపడి ఉంటుంది.  ఉత్తరప్రదేశ్ రాష్ట్రంలోని చిత్రకూట్ మరియు బందా జిల్లాలతో సహా దేశంలో దశలవారీగా 5G సేవలు అందుబాటులోకి వచ్చాయి. ఈ రోజు లోక్‌సభలో ఒక ప్రశ్నకు లిఖితపూర్వకంగా ఇచ్చిన  సమాధానంలో సమాచార ప్రసారాల శాఖ సహాయ మంత్రి శ్రీ దేవుసిన్హ్ చౌహాన్ ఈ సమాచారాన్ని అందించారు.

    ****

(Release ID: 1885700) Visitor Counter : 113