بندرگاہوں ، جہازرانی اورآبی گزرگاہوں کے مرکزی وزیرجناب سرباننداسونوال نے آج لوک سبھامیں ایک تحریری جواب میں یہ اطلاع فراہم کی ہے ۔

ساگرمالا پروگرام کے ایک حصے کے طورپر  ، تقریبا 5.4لاکھ کروڑروپے کی تخمینہ لاگت کے 800سے زیادہ پروجیکٹوں کی نشاندہی کی گئی ۔ ساگرمالا پروجیکٹوں میں ، موجودہ  بندرگاہوں اورٹرمنلوں  ، نئی بندرگاہوں اور  ٹرمنلوں  کو جدیدطرز پرڈھالنا ، آراوآراو اورسیاحتی  چھوٹے بحری جہازوں کی جدیدکاری، بندرگاہوں ، آبی گزرگاہوں  ، لائٹ ہاؤس ، سیاحت کو فروغ دینا ، بندرگاہوں  کے آس پاس کے علاقوں میں صنعت کاری ، ہنرمندی کا فروغ اور ٹکنالوجیوں مرکاز وغیرہ کا فروغ  جیسے مختلف النوع زمروں کے پروجیکٹ شامل ہیں ۔ ان پروجیکٹوں  کی وضاحت کے ساتھ ساگرمالا کے پانچ ستونوں  میں زمرہ بندی کی گئی ہے ۔

بندرگاہوں کوجدید طرز پرڈھالنے سے متعلق  ستون کے تحت ، لگ بھگ 2.5 لاکھ کروڑروپے کی تخمینہ لاگت سے 241پروجیکٹوں پرعمل آمدکیاجارہاہے ۔ وزارت 1191کروڑروپے کی تخمینہ لاگت سے 20 بندرگاہوں کی جدیدکاری کی غرض سے جزوی طورپرفنڈس فراہم کررہی ہے ۔کل 20 پروجیکٹوں میں سے ، 157کروڑروپے کے بقدر چارپروجیکٹ مکمل کئے جاچکے ہیں ، جبکہ 868کروڑروپے مالیت کے 11پروجیکٹوں پرکام جاری ہے ۔ بندرگاہوں کی جدیدکاری کے پروجیکٹوں کی ریاستوں کے لحاظ سے تفصیلات  ضمیمہ -1 میں فراہم کی گئی ہیں ۔

پارا دیپ بندرگاہ میں ، گزشتہ سات برسوں میں 2264کروڑروپے مالیت کے صلاحیت میں اضافے سے متعلق بنیادی ڈھانچہ کے چار بڑے پروجیکٹ نافذ کئے جاچکے ہیں ۔ ان پروجیکٹوں کی بدولت  بندرگاہوں کی صلاحیت میں 55ملین ٹن سالانہ تک کا اضافہ ہوگیاہے ۔ پارادیپ بندرگاہ کے مقام پر بندرگاہ کی جدیدکاری سے متعلق پروجیکٹوں کی تفصیلات ضمیمہ -2میں فراہم کی گئی ہیں ۔

اس کے علاوہ راس یاخاکنائے سائز کے بحری جہازوں سے نمٹنے کی غرض سے 3004.63کروڑروپے کی تخمینہ لاگت سے بی اوٹی کی بنیاد پر ، ویسٹرن ڈوک  کی ترقی سمیت  ، اندرونی گودی کو گہراکرنے اوراس کے زیادہ سے زیادہ استعمال کو یقینی بنانے کی غرض سے ، پروجیکٹوں کو تفویض کیاجاچکاہے ۔

گوپال پور، اڈیشہ ریاست میں  ایک غیر-بڑے بندرگاہ کے طورپر نوٹیفائی بندرگاہ ہے ۔ غیربڑے بندرگاہ ، متعلقہ ریاستی سرکاروں کے انتظامی کنٹرول میں ہوتے ہیں ۔ اڈیشہ سرکارنے مطلع کیاہے کہ گوپال پوربندرگاہ بوسٹ کی بنیاد پر ، پی پی پی موڈکے ذریعہ ، گوپال پور پورٹس لمیٹڈ (جی پی ایل ) کے ذریعہ تیارکی گئی ہے اوریہ کمپنی ہی اس بندرگاہ کے کام کاج کی ذمہ داری سنبھالتی ہے ۔ اس لئے گوپال پوربندرگاہ کی صلاحیت میں اضافہ کرنا اور اسے جدید طرز پرڈھالنا گوپال پورپورٹس لمیٹڈ (جی پی ایل ) کی ذمہ داری ہے ۔

ضمیمہ –I

ساگرمالا پروگرام کے تحت  بندرگاہوں  کی جزوی طورپرسرمایہ فراہم کئے جانے والے پروجیکٹوں کی  ریاست کے لحاظ سے تفصیلات ؛

***********

 

 

(ش ح ۔ ع م ۔ ع آ)

U -14091

(ریلیز آئی ڈی: 1885060) وزیٹر کاؤنٹر : 147