సాగరమాల కార్యక్రమంలో భాగంగా 800కు పైగా ప్రాజెక్టులు రూ. 5.4 లక్షల కోట్ల అంచనా వ్యయంతో గుర్తించారు. సాగరమాల ప్రాజెక్టులలో ఇప్పటికే ఉన్న ఓడరేవులు మరియు టెర్మినల్స్ ఆధునికీకరణ, కొత్త పోర్టులు, టెర్మినల్స్, రోరో & టూరిజం జెట్టీలు, పోర్ట్ కనెక్టివిటీ పెంపుదల, అంతర్గత జలమార్గాలు, లైట్‌హౌస్ టూరిజం, ఓడరేవు చుట్టూ పారిశ్రామికీకరణ, నైపుణ్యాభివృద్ధి, సాంకేతిక కేంద్రాలు మొదలైన వివిధ వర్గాల ప్రాజెక్టులు ఉన్నాయి. ప్రాజెక్టులు సాగరమాల యొక్క ఐదు ప్రధాన అంశాలుగా వర్గీకరించబడ్డాయి.

ఓడరేవు ఆధునీకరణ కింద 241 ప్రాజెక్టులు దాదాపు రూ. 2.5 లక్షల కోట్లతో చేపట్టారు. మంత్రిత్వ శాఖ పాక్షికంగా 20 పోర్టుల ఆధునికీకరణ ప్రాజెక్టులకు రూ. 1,191 కోట్లతో చేపట్టింది. ఈ మొత్తం 20 ప్రాజెక్టుల్లో రూ. 157 కోట్ల విలువైన 4 ప్రాజెక్టులు పూర్తయ్యాయి. రూ.868 కోట్ల విలువైన 11 ప్రాజెక్టులు పురోగతిలో ఉన్నాయి. ఓడరేవుల ఆధునికీకరణ ప్రాజెక్టుల రాష్ట్రాల వారీ వివరాలు అనుబంధం Iలో అందించబడ్డాయి.

పారాదీప్ పోర్ట్‌లో 4 ప్రధాన సామర్థ్యంతో కూడిన మౌలిక సదుపాయాల ప్రాజెక్టులు రూ. 3264 కోట్లు గత 7 సంవత్సరాలలో అమలు చేయబడ్డాయి. ఈ ప్రాజెక్టులు పోర్టు సామర్థ్యాన్ని 55 ఎంటిపిఏ మేర పెంచాయి. పారాదీప్ పోర్ట్‌లో పోర్టు ఆధునీకరణ ప్రాజెక్టుల వివరాలు అనుబంధం IIలో అందించబడ్డాయి.

వీటితో పాటు కేప్ సైజు నౌకలను నిర్వహించడానికి బిఓటి ప్రాతిపదికన వెస్ట్రన్ డాక్‌ను అభివృద్ధి చేయడంతో సహా అంతర్గత నౌకాశ్రయ సౌకర్యాలను డీపెనింగ్ మరియు ఆప్టిమైజేషన్‌కు రూ.3004.63 కోట్లు మంజూరు చేయబడ్డాయి.

ఒడిశా రాష్ట్రంలోని గోపాల్‌పూర్ నోటిఫైడ్ నాన్ మేజర్ పోర్ట్‌గా ఉంది. నాన్-మేజర్ పోర్టులు సంబంధిత రాష్ట్ర ప్రభుత్వాల పరిపాలనా నియంత్రణలో ఉన్నాయి. బూస్ట్ ప్రాతిపదికన పిపిపి మోడ్ ద్వారా గోపాల్‌పూర్ పోర్ట్స్ లిమిటెడ్ (జీపిఎల్) ద్వారా గోపాల్‌పూర్ పోర్ట్ అభివృద్ధి చేయబడిందని మరియు కార్యాచరణలో ఉందని ఒడిశా ప్రభుత్వం తెలియజేసింది. కాబట్టి, గోపాల్‌పూర్ పోర్టు సామర్థ్యాన్ని ఆధునీకరించడం మరియు పెంచడం జీపీఎల్ బాధ్యత.

(రిలీజ్ ఐడి: 1884644) సందర్శకుల సూచీ సంఖ్య : : 170