অৱাং নোংপোক লমদমগী চাউখৎ-থৌরাং মন্ত্রালয়
এন.ই.আর.গী নারি শক্তি : শ্রীমতী য়োবিনা লিংদো মার্শিল্লোংগী পুক্নিং থৌগৎনিংঙাই ওইরবা ৱারী অমা – এন.ই.সি., দোনর মন্ত্রালয়গী মখাদা রেজিস্তার তৌরবা সোসাইতী অমা
থাগৎখিবা:
09 DEC 2022 5:08PM by PIB Imphal
শ্রীমতী য়োবিনা লিংদো মার্শিল্লোং অসি জাখোং ভিল্লেজ, ৱেস্ত খাসি হিলস, মেঘলায়াদা লৈবনি। য়াম্না মনুং হুঞ্জিনবা মফম অমদগী লাকপনা, মহাক্না মহাক্কী এগ্রীকলচরগী পোত্থোকশিং য়োন্থোক য়োনশিন তৌবদা মশাদা থাজবা ৱাৎখি। মদুনা মরম ওইরগা, মায় পাকপা ওন্ত্রপ্রিন্যুর অমা ওইরক্নবা মহাক্কী মংলান অদু মংলান অদুমক ওইখি। অদুবু চহি ২০০১দা মহাক্কী খুঙ্গংদা নোর্থ ইস্তর্ন কম্যুনিতী রিসোর্স মেনেজমেন্ত প্রোজেক্ত (এন.ই.আর.সি.ও.আর.এম.পি.)গী খুত্থাংদা ভারত সরকারগী ইন্তরভেন্সন লাকপদগী মংফাওনখি।
এন.ই.আর.সি.ও.আর.এম.পি. অসি নোর্থ ইস্তর্ন রিজন কম্যুনিতী রিসোর্স মেনেজমেন্ত সোসাইতী (এন.ই.আর.সি.আর.এম.এস.), নোর্থ ইস্তর্ন কাউন্সিল, ভারত সরকরনা রোমদা হেদক্বাতর ওইবা ইন্তরনেস্নেল ফন্দ ফোর এগ্রীকলচরেল দিবলপমেন্ত (আই.এফ.এ.দি.)গী অপুনবা লাইবলিহুদ ইনিসিএতিব অমনি।
প্রোজেক্ত অসিগী মখাদা, শ্রীমতী য়োবিনা সেল্ফ হেল্প গ্রুপ (এস.ঐচ.জি.) ‘কা বুইত কা লোং কা বোর’ (নোলেজ ইজ স্ত্রেংথ)গী মেম্বর ওইখি। এস.ঐচ.জি. অসি ২০০২গী এপ্রিল ১৬দা শেমখি। অথুবা মতমগী মনুংদা, মহাক্কী লীদরশিপ ক্বালিতীশিং অমসুং মেনজরিএল স্কিলশিং অদুনা মরম ওইদুনা মহাক গ্রুপ অসিগী চিয়ারমেনসু ওইরকখি।
এন.ই.আর.সি.ও.আর.এম.পি.না খুঙ্গং পুম্বা কানবা ফংহল্লে। মপান্দা অমাং অচোই তৌবগী ইশু থেংননবা প্রোজেক্তকী মখাদা হৌদোকখিবা অহানবা খোংথাং অসি অহোংবা মমলগী তোইলেত ফেসিলিতী ফংহনবনি। অনৌবা খোংথাং অসি খুঙ্গংগী মীওইশিংনা কানবা ফংখি অমদি মখোয়না লু-নানবা অমসুং হায়জিনগী মরমদা খংজিনখি।
প্রোজেক্ত অসিনা পীবা অতোপ্পা খোংথাংনা এস.ঐচ.জি.শিংদা ফন্দ রিভোল্ব তৌহনবনি। হৌরকপদা, এস.ঐচ.জি. অসিনা অপুনবা শেলগী তেংবাং লুপা লাখ ১ (লাখ অমা) ফংখি। শ্রীমতী য়োবিনানা এস.ঐচ.জি.শিংদা রিভোলবিং ফন্দদগী লুপা ১৪০০০ (লিশিং তরামরি)গী লোন অমা লৌখি অমদি খুঙ্গং অদুগী মনুংদা গ্রোসেরী দুকান অমা হাংদোকখি। প্রোজেক্ত অসিগী মখাদা ফংবা কেপিসিতী বিলদিং সপোর্তকী খুত্থাংদা মহাক্না মহাক্কী ওন্ত্রপ্রিন্যুরগী ওইবা স্কিলশিং উৎখি অমদি করবার অদু মখা তানা পাকথোক চাউথোকহনখি। মদুগী মখা তারকপদা মহাক্না খুঙ্গং অদুমক্তদা অতোপ্পা গ্রোসরী দুকান অমগা হাংদোকখি।
খুঙ্গং অদুদা গ্রোসরী দুকান অনি মায় পাক্না হাংদোক্লবা মতুংদা, মহাক্না মহাক্কী পোত্থোকশিং অদু মিরাং অমসুং শিল্লোংগুম্বা অর্বান সেন্তরশিংদা য়োনবসু হৌখি। মসিনা মহাকপু মায় পাকপা ওন্ত্রপ্রিন্যুর অমা ওইহনখি।
শ্রীমতী য়োবিনানা এস.ঐচ.জি.গী অতোপ্পা মেম্বরশিংগা লোয়ননা মখোয়গী পোত্থোকশিং অদু অদু মিরাং অমসুং শিল্লোংদা য়োল্লি। গ্রুপ অসিনা মখোয়গী পোত্থোকশিং অর্বান সেন্তরশিংদা দাইরেক্ত ওইনা য়োনবদগী হৌজিক মখোয় নোংমদা লুপা ১০০০০দগী লুপা ১৫০০০ ফাওবা তানবা ঙম্লে। মহাক্না অতোপ্পশিংবুসু পুক্নিং থৌগৎলি অমদি অনৌবা এস.ঐচ.জি.শিং শেমগৎলি। চাউরাক্না মেম্বর ৭০মুক লৈরে।
এন.ই.আর.সি.ও.আর.এম.পি.না মহাক্কী পুন্সী অমদি অতোপ্পা এস.ঐচ.জি. মেম্বরশিংগী পুন্সীদা অহোংবা পুরকখ্রে। মসিনা মখোয়গী পুন্সী মহিংদা হেন্না ফগৎহল্লে।
শ্রীমতী য়োবিনা লিংদো মার্শিল্লোংনা এন.ই.আর.সি.আর.এম.এস., নোর্থ ইস্তর্ন কাউন্সিল, ভারত সরকরবু অত্ম নির্ভর্তাগী অনৌবা আর্থ অমা খংহন্দুনা জাখোং খুঙ্গংগী মীওইশিংবু মতেং পাংবীবগীদমক মহাক্কী ওইবা তৌবীমল খংবা উৎলক্লি।
*********
(রিলিজ আই.দি.: 1885020)
ভিজিতর কাউন্তর : 140