شہری ہوا بازی کے وزیر مملکت جنرل (ڈاکٹر) وی کے سنگھ (ریٹائرڈ) نے آج راجیہ سبھا میں ایک سوال کے تحریری جواب میں اطلاع فراہم کی کہ حکومت نے ملک بھر میں 21 گرین فیلڈ ہوائی اڈوں کے قیام کے لیے ‘اصولی طور پر منظوری’ دی ہے۔ اب تک نو (9) گرین فیلڈ ہوائی اڈے پہلے ہی کام کاج کررہے ہیں، جبکہ گوا کے موپا میں دسویں گرین فیلڈ ہوائی اڈے کا افتتاح 11 دسمبر 2022 کو کیا گیا ہے۔ سال 2018 سے سات (7) گرین فیلڈ ہوائی اڈے یعنی پاکیونگ (سکم)، کنور (کیریلا)، کالابوراگی (کرناٹک)، سندھو درگ (مہاراشٹر)، کشی نگر (اتر پردیش)، اوروکل (آندھرا پردیش) اور ڈونی پولو (اروناچل پردیش) میں کام کاج شروع کردیا گیا ہے، جبکہ اس کے علاوہ گوا کے موپا میں منوہر بین الاقوامی ہوائی اڈے کا بھی  افتتاح کر دیا گیا ہے۔

ہوائی اڈوں کی جدید کاری ایک مسلسل عمل ہے اور وقتاً فوقتاً اس کا انحصار ائیرپورٹس اتھارٹی آف انڈیا (اے اے آئی) کے ذریعے زمین کی دستیابی، تجارتی عملداری، سماجی و اقتصادی تحفظات، ٹریفک کی مانگ/ایئرلائنز کی ایسے ہوائی اڈوں پر کام کرنے کی خواہش پر ہوتا ہے۔ ہوائی اڈوں کی تعمیر اور جدید کاری کے لیے ایئرپورٹس اتھارٹی آف انڈیا نے  18-2017 میں 2504.38 کروڑ روپے، 19-2018 میں 4297.44 کروڑ روپے، 20-2019 میں 4713.49 کروڑ، روپے، 21-2020 میں 4350 کروڑ روپے اور 22-2021 میں 3724.34 کروڑ روپے کے سرمایہ اخراجات کیے ہیں۔

کووڈ سے پہلے کی مدت کے دوران، سال 19-2018 میں ملک بھر کے ہوائی اڈوں پر مسافروں کی تعداد میں پچھلے سال یعنی 18-2017 کے مقابلے میں 11.6 فیصد کا اضافہ ہوا۔ وبائی مرض کے دور میں مسافروں کی آمدورفت میں کمی واقع ہوئی۔ تاہم، کووڈ کے بعد، سال 22-2021 میں یہ رجحان سال 21-2020 کے مقابلے میں 63.7 فیصد کا اضافہ ظاہر کرتا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 14030)