سیاحت کی وزارت نے ماحولیاتی سیاحت کو اوڈیشہ سمیت ملک میں ترقی کے لیے ایک اہم سیاحتی شعبے کے طور پر شناخت کیا ہے۔

سیاحت کی وزارت نے اوڈیشہ سمیت ملک میں ماحولیاتی سیاحت کی ترقی اور فروغ کے لیے کئی اقدامات کیے ہیں، جن میں درج ذیل شامل ہیں:

(i) سیاحت کی وزارت نے ایکو ٹورزم اور پائیدار سیاحت پر ایک قومی حکمت عملی تیار کی ہے تاکہ ہندوستان کو ایکو/ پائیدار سیاحت اور ذمہ دار سیاحت کے لیے ایک ترجیحی عالمی مقام کے طور پر قائم کیا جا سکے۔

(ii) وزارت سیاحت اقوام متحدہ کے ماحولیاتی پروگرام (یو این ای پی) اور ذمہ دار ٹورزم سوسائٹی آف انڈیا (RTSOI) کے ساتھ مل کر کام کرنے کے لیے اقدامات کرے گی تاکہ ایک دوسرے کے سیاحت کے شعبے میں پائیداری کے اقدامات کو فعال طور پر فروغ دیا جا سکے اور اس کی حمایت کی جا سکے۔

(iii) وزارت نے سیاحت کی صنعت کے کلیدی حصوں جیسے رہائشی یونٹس اور ہندوستان کے سلسلے میں ٹور آپریٹروں کے لیے جامع پائیدار سیاحتی معیار (STCI) تیار کیا ہے اور اسے اپنایا ہے۔ یہ اوڈیشہ سمیت پورے ملک کے لیے لاگو ہے۔

(iv) وزارت نے سودیش درشن اسکیم کے تحت 15 موضوعاتی سرکٹس میں سے ایک کے طور پر ”ایکو سرکٹ“ کی شناخت کی ہے، ملک میں ایکو ٹورزم کی ترقی کے امکانات پر غور کیا گیا ہے۔

وزیر سیاحت جناب جی کشن ریڈی نے آج راجیہ سبھا میں ایک سوال کے تحریری جواب میں یہ معلومات فراہم کی۔

**************

ش ح۔ ف ش ع- م ف

U: 13864