2014కి ముందు దేశంలో 24 అంతర్జాతీయ విమానాశ్రయాలు ఉన్నాయి. గత ఏడు సంవత్సరాలలో, మరో 6 విమానాశ్రయాలు నిర్మించబడ్డాయి / అంతర్జాతీయ విమానాశ్రయాలుగా ప్రకటించబడ్డాయి.

గత ఏడేళ్లలో, కేరళలోని కన్నూర్, మహారాష్ట్రలోని షిర్డీ, ఉత్తరప్రదేశ్‌లోని ఖుషినగర్ మరియు గోవాలోని మోపా అనే నాలుగు గ్రీన్‌ఫీల్డ్ విమానాశ్రయాలు అంతర్జాతీయ విమానాశ్రయాలుగా నిర్మించబడ్డాయి. అదనంగా, ఇప్పటికే ఉన్న రెండు విమానాశ్రయాలు, అవి ఆంధ్రప్రదేశ్‌లోని విజయవాడ మరియు తిరుపతి 2017 సంవత్సరంలో అంతర్జాతీయ విమానాశ్రయాలుగా ప్రకటించబడ్డాయి.

మార్చి 1994లో ఎయిర్ కార్పొరేషన్ చట్టాన్ని రద్దు చేసిన తర్వాత, భారతీయ దేశీయ విమానయాన మార్కెట్ నియంత్రణను తొలగించింది. పర్యవసానంగా, ఎయిర్‌లైన్స్ ఈ విషయంలో ఉన్న మార్గదర్శకాలకు లోబడి దేశమంతటా సేవలు అందించడానికి మరియు ఆపరేట్ చేయాలనుకుంటున్న మార్కెట్‌లు మరియు నెట్‌వర్క్‌లను ఎంచుకోవడానికి ఏ రకమైన ఎయిర్‌క్రాఫ్ట్ రకంతోనైనా సామర్థ్యాన్ని పెంచుకోవడానికి సులభం. అందువల్ల, ప్రస్తుత మార్గదర్శకాలకు అనుగుణంగా, ట్రాఫిక్ డిమాండ్ మరియు వాటి వాణిజ్య సాధ్యతను బట్టి నిర్దిష్ట ప్రదేశాలకు విమాన సేవలను అందించడం ఎయిర్‌లైన్స్‌పై ఆధారపడి ఉంటుంది.

అంతేకాకుండా, ఈ విమానాశ్రయాల నుండి అంతర్జాతీయ విమాన సేవల విషయానికి వస్తే, సంబంధిత ద్వైపాక్షిక విమాన సేవల ఏర్పాట్ల ప్రకారం భారతదేశంలోని ఏ ప్రదేశం నుండి అయినా విదేశీ గమ్యస్థానాలకు సేవలను అందచేయడానికి భారతీయ క్యారియర్లు అవకాశం ఉంది. విదేశీ విమానయాన సంస్థలు ద్వైపాక్షిక ఏర్పాట్ల క్రింద అందుబాటులో ఉన్న నిర్దేశిత  పాయింట్‌ అఫ్ కాల్స్ లో పనిచేయగలవు.

ఈరోజు లోక్‌సభలో ఒక ప్రశ్నకు లిఖితపూర్వక సమాధానంలో పౌర విమానయాన మంత్రిత్వ శాఖ సహాయ మంత్రి జనరల్ (డాక్టర్) వి.కె. సింగ్ (రిటైర్డ్) ఈ సమాచారాన్ని అందించారు.

*****