মনিপুরগী উখ্রুল দিস্ত্রিক্তা, লৈরিবা এগ্রো-ক্লাইমেতিক ফীভম অসি সেম থাবদা চুনৈ‍। ইং ২০১৯দা, লো চিল্লিং সেম মখল উখ্রুল দিস্ত্রিক্তা নোর্থ ইস্তর্ন রিজন কম্ম্যুনিতী রিসোর্স মেনেজমেন্ত সোসাইতী (এন.ই.আর.সি.আর.এম.এস.), এন.ই.সি., ভারত লৈঙাক্না ইনস্তিত্যুৎ ওফ হিমালয়ান বাইও-রিসোর্স তেক্নোলোজী (সি.এস.আই.আর.-আই.ঐচ.বি.তি.), পালম্পুর, হিমাচল প্রদেশকা খুৎশম্নরগা পুশিল্লকখি‍। থৌরাং অদু লৌমী কাঙলুপ অমদি তোঙান তোঙানবা লৈঙাক্কী অমদি নন-গভর্নমেন্ত এজেন্সীশিংনা তরাম্না ওকখি‍।

থৌরাং অদুগী মখাদা, মনিপুরগী উখ্রুলদা লৈবা পোই খুলগী খুঞ্জা অমা ওইরিবা শ্রীমতী ওগস্তিনা অৱুংসি সিমরেবু সেম থানবগী বিনিফিসরী ওইনা খনখি‍। মহাক ইনস্তিত্যুৎ ওফ হিমালয়ান বাইও-রিসোর্স তেক্নোলোজী (সি.এস.আই.আর.-আই.ঐচ.বি.তি.), পালম্পুর, হিমাচল প্রদেশতা ত্রেনিং ফংলবা লৌমীশিংগী মরক্তা অমনি‍। কেপাসিতী-বিল্দিংগী তেংবাং মতুংদা, শ্রীমতী সিমরেনা মহাক্কী হৈকোলদা মায় পাক্না সেম থাখি‍। মহাক্কী অহানবা হৈ লোকপদা, মহাক্না সেম কেজি ১৬০রোম লোক্তুনা কেজিদা লুপা ২০০গী চাংদা শেন্দোং লৈনা য়োনখি‍।

মহাক্কী মায় পাকপনা পুক্নিং থৌগত্তুনা, অতৈ লৌমী খরসু সেম থাবা হৌখি‍। মহাক্কী ফিদম্নিংঙাই ওইরবা থৌরাংগীদমক, মনিপুরগী ইকায়খুম্নরবা মুখ্য মন্ত্রী শ্রী এন. বিরেন সিংহনা মহাকপু ওকখি‍। তুংদা, মহাক্না সেম থাবা অমদি লোক্লবা মতুংগী মেনেজমেন্তকীদমক স্তেত লৈঙাক্তগী শেলগী তেংবাংসু ফংখি‍।

শ্রীমতী সিমরেনা মহাক্কী পুন্সিদা অওনবা পুরকপগীদমক অমদি মহাকপু শেলথুমগী লমদা মরোমদোম লেপচবা ঙমহনবগীদমক এন.ই.আর.সি.আর.এম.এস., এন.ই.সি., ভারত লৈঙাকপু পুকচেল শেংনা থাগৎখি‍। ঙসি, মহাক্না আত্মা নির্ভরতাগী অনৌবা ৱাহন্থোক অমা পীরে অমদি মহাক্কী ৱারীনা অৱাং নোংপোক ভারতকী লৌমী কাঙলুপ পুম্নমক্কী পুক্নিং থৌগৎনিংঙাই ওইরে‍।

*********