ઓળખાયેલ સિંગલ યુઝ પ્લાસ્ટિક વસ્તુઓ પર પ્રતિબંધ 12મી ઓગસ્ટ 2021ના રોજ સૂચિત કરવામાં આવ્યો હતો અને તે 1લી જુલાઈ 2022થી અમલમાં આવ્યો હતો. પ્રતિબંધિત સિંગલ યુઝ પ્લાસ્ટિકનું ઉત્પાદન કરતા એકમોને વિકલ્પો તરફ જવા માટે સંક્રમણ સમય આપવામાં આવ્યો હતો. સૂક્ષ્મ, લઘુ અને મધ્યમ ઉદ્યોગ મંત્રાલય પાસે MSME એકમોને સમર્થન આપવા માટેની યોજનાઓ છે, જેમાં વૈકલ્પિક/અન્ય ઉત્પાદનો પર સ્વિચ કરવા માટે પ્રતિબંધિત સિંગલ યુઝ પ્લાસ્ટિક વસ્તુઓના ઉત્પાદનમાં અગાઉ સામેલ આવા એકમોને સમર્થનનો સમાવેશ થાય છે. આ યોજનાઓ માર્ગદર્શિકા મુજબ ટેક્નોલોજી અપગ્રેડેશન, જાગરૂકતા, માર્કેટિંગ સપોર્ટ, ઈન્ફ્રાસ્ટ્રક્ચરલ સપોર્ટના સંદર્ભમાં સહાય પૂરી પાડે છે. વિકલ્પોના ઉત્પાદનથી નોકરીની નવી તકો અને બિઝનેસ મોડલ સર્જાશે. GST કાઉન્સિલ સચિવાલયને પ્રતિબંધિત સિંગલ યુઝ વસ્તુઓના વિકલ્પો અપનાવવા માટે GST દરોને સમાયોજિત કરવાનું સૂચન કરવામાં આવ્યું છે.

આ માહિતી પર્યાવરણ, વન અને આબોહવા પરિવર્તન રાજ્ય મંત્રી શ્રી અશ્વિની કુમાર ચૌબેએ આજે રાજ્યસભામાં એક લેખિત જવાબમાં આપી હતી.

YP/GP/JD

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com