نائب صدر جمہوریہ جناب جگدیپ دھنکر نے آج کہا کہ ہماری دستکاری ہماری جیتی جاگتی میراث ہے اور انھوں نے دستکاری کے تمام صارفین سے اپیل کی کہ وہ مقامی (لوکل) کے حامی (ووکل) بنیں اور اس کے بارے میں آواز اٹھائیں۔ بھارتی دستکاری مصنوعات کی منظم مارکیٹنگ اور برانڈنگ کو فروغ دینے کی ضرورت پر زور دیتے ہوئے انھوں نے کہا کہ انٹیریئر ڈیزائنرز کو اس ثروت مند میدان پر توجہ مرکوز کرنی چاہیے۔

نائب صدر جمہوریہ نے آج نئی دہلی کے وگیان بھون میں شلپ گرو اور نیشنل ایوارڈ (2017، 2018، 2019) پیش کرنے کے بعد ایک مجمع سے خطاب کرتے ہوئے کہا کہ ہمارے ماہر کاریگروں کا انوکھا ہنر بھارت کا نمائندہ ہے۔ انھوں نے وہاں موجود شلپ گروؤں سے کہا: 'آپ اپنی عمدہ کاریگری سے بھارت کے ثقافتی تنوع کو سنوارتے اور مالا مال کرتے ہیں۔ آپ ہنر مندی اور دستکاری کی بھارت کی بھرپور روایت کی نمائندگی کرتے ہیں،''

جناب دھنکر نے بھارتی دستکاروں کو ہماری ثقافت اور تخلیقی صلاحیتوں کا بااثر سفیر قرار دیا اور کہا کہ ان کا احترام کرتے ہوئے قوم نامعلوم ہنر مند کاریگروں اجداد کو خراج دے رہی ہے، جنھوں نے اپنے پیچھے اتنی شاندار میراث چھوڑی ہے۔

اس بات کا ذکر کرتے ہوئے کہ ان مہارتوں میں مہارت حاصل کرنے کے لیے نسلوں کی تربیت کی ضرورت ہوتی ہے، نائب صدر جمہوریہ نے کہا کہ ان کی تخلیقی صلاحیتوں، مہارتوں اور سخت محنت کی وجہ سے، بھارت کی دستکاری دنیا میں سب سے زیادہ مطلوب ہے۔ انھوں نے کہا کہ آپ بھارت کی تخلیقی روایت کی نمائندگی کرتے ہیں، آپ نے بھارت کی دستکاری کے ناقابل تسخیر ورثے کو قائ٘ رکھا ہوا ہے۔

بھارتی معیشت میں دستکاری کے شعبے کی اہمیت پر روشنی ڈالتے ہوئے جناب دھنکر نے کہا کہ اس میں 70 لاکھ سے زیادہ افراد کام کرتے ہیں جن میں سے ایک بڑا حصہ دیہی اور نیم شہری علاقوں کے کاریگر ہیں۔ انھوں نے اس بات پر خوشی کا اظہار کیا کہ بھارت میں دستکاری کی صنعت میں خواتین کاریگروں کا غلبہ ہے جو کل کاریگروں کا 56 فیصد سے زیادہ ہیں۔

نائب صدر جمہوریہ نے بھارتی دستکاروں کی فلاح و بہبود اور فلاح و بہبود کو یقینی بنانے کے لیے ایکسپورٹ پروموشن کونسل فار ہینڈی کرافٹس اور مرکزی ٹیکسٹائل وزارت کے اقدامات کی ستائش کی۔

اس موقع پر کامرس اور صنعت، صارفین کے امور، خوراک اور تقسیم اور ٹیکسٹائل کے مرکزی وزیر جناب پیوش گوئل، ٹیکسٹائل کی وزارت کی سکریٹری محترمہ رچنا شاہ، ٹیکسٹائل کی وزارت کے ڈیولپمنٹ کمشنر (دستکاری) جناب شانت مانو، ملک بھر سے انعام یافتگان اور دیگر معززین موجود تھے۔

***

(ش ح-ع ا -ع ر)

U. No. 13060