معروف فلم ایڈیٹر اے سریکر پرساد نے افی 53 کی سائیڈ لائنز پر آج گوا میں منعقدہ ماسٹر کلاس 'ٹو کٹ یا ناٹ ٹو کٹ' میں فلم ایڈیٹنگ کی باریکیوں پر اہم معلومات شیئر کیں۔

اپنے ہدفی ناظرین کو جاننے کی اہمیت کے بارے میں بات کرتے ہوئے جناب پرساد نے زور دیا کہ فلم سازوں کو ناظرین اور خاص طور پر نوجوان فلم سازوں کو اچھی طرح سے جاننے کی ضرورت ہے۔ ہدفی ناظرین کو اچھی طرح سے جاننے سے فلم کی کامیابی کو یقینی بنانے میں مدد ملتی ہے۔ زیادہ تر فلموں میں، جو اونچائی ملتی ہے وہ آخر میں ہوتی ہے جب یہ کامیاب ہوجاتی ہے اور ناظرین کے ذریعہ پسند کی جاتی ہے۔

فلموں میں مبالغہ آرائی کے بارے میں بات کرتے ہوئے پرساد نے کہا کہ مبالغہ آرائی کی سطح فلم اور کاسٹ کے مطابق مختلف ہوتی ہے۔ ان کا کہنا ہے کہ 'اسٹار فلموں میں ہم مداحوں کو خوش کرنے کے لیے لمحوں کو بڑھا چڑھا کر پیش کرتے ہیں، لیول مختلف ہوسکتا ہے لیکن ایسا ہوتا ہے'۔ انھوں نے مزید کہا کہ 'سو باتوں کی ایک بات یہ ہے کہ فلم سے لطف اندوز ہوں، آپ خانوں میں تقسیم نہیں کرسکتے، یہ ضروری ہے کہ بہت زیادہ مبالغہ آرائی نہ کریں اور حقیقت پیدا کریں۔'

ایڈیٹنگ کے اپنے تجربے کے بارے میں بات کرتے ہوئے جناب پرساد نے کہا کہ ہر تجربہ دوسرے تجربے کا باعث بنتا ہے۔ یہ آپ کو سکھاتا ہے کہ کیا کرنا ہے اور کیا نہیں کرنا ہے۔ یہ ہر بار سیکھنے کا تجربہ ہونا چاہیے۔ ہار ماننا بہت آسان ہے لیکن مقصد کی طرف کام کرنا اور اسے حاصل کرنا زیادہ مشکل ہے۔

مختلف زاویوں اور متعدد کیمروں کے ساتھ کوریج تکنیک اور ایڈیٹنگ پر اس کے اثرات کے بارے میں بات کرتے ہوئے، پرساد نے کہا کہ نوجوان فلم ساز اس وقت تک کٹ کا تصور نہیں کرسکتے جب تک کہ وہ کٹنگ ٹیبل پر نہ بیٹھیں۔ بہت سے ہدایت کاروں کو ایڈیٹنگ روم کا تجربہ نہیں ہے۔ اس سے پہلے فلم سازوں کے لیے یہ لازمی تھا کہ ان کے پاس یہ تجربہ ہو تاکہ ان کی ہدایت کاری کو بہتر بنایا جا سکے۔ اب ہم بعد میں ایڈیٹنگ روم میں جاتے ہیں، لیکن اب خاص طور پر سافٹ ویئر کی مدد سے ایڈٹ کرنے کی گنجائش ہوتی ہے، لیکن صحیح چیز کو باہر لانے کے لیے سخت محنت کرنی پڑتی ہے۔

توقف کی اہمیت کی وضاحت کرتے ہوئے پرساد نے کہا کہ 'توقف پورے بھارت کا تصور ہے لیکن عام طور پر جنوبی فلموں میں، وقفہ شاٹس کے درمیان نہیں بلکہ پوری کہانی کے درمیان ہوتا ہے۔ ایڈیٹرز کے لیے ٹائمنگ کو جاننا ضروری ہے۔ ہر صورت حال کا اپنی ایک ٹائمنگ ہوتی ہے۔ صحیح وقت پر کاٹنا ضروری ہے اور کسی خاص منظر کے کٹ کا ایک بہت بڑا اثر اور ہمواری صورتحال پر منحصر ہے اور صورتحال کے مطالبے کے مطابق فیصلہ کرنا ہوگا۔ بعض اوقات، جوابات نہیں دیے جاتے لہذا ہم اس لمحے کو زیادہ موثر بنانے کے لیے توقف کے ساتھ کھینچتے ہیں۔ ہوسکتا ہے کہ اداکار نے اتنا لمبا وقفہ نہ لیا ہو لیکن سیکوئنس کو برتنے کے لیے ہم اس میں اضافہ کرتے ہیں۔ بیک ٹو بیک مکالمے ذہن پر سخت ہوسکتے ہیں، سامعین کو اس لمحے کو محسوس کرنے کی ضرورت ہوتی ہے لہذا انھیں سمجھانے کے لیے ٹائمنگ کی ضرورت ہوتی ہے۔ مذاق کی طرح سامعین کو جذبات کو سمجھنے اور محسوس کرنے کے لیے وقت دینا پڑتا ہے۔

جناب پرساد نے مزید کہا کہ 'یہ تمام چیزیں ہموار ہونے کی وجہ سے ایڈیٹنگ میں بہت بڑا کردار ادا کرتی ہیں۔ خاموش سیکوئنس متاثر کن اور منسلک احساس کا اشتراک کرتے ہیں اور پس منظر کی موسیقی کے ساتھ، جذبات بھی موجود ہوتے ہیں۔ ایک فلم کے ایک ہی سلسلے کے دو ورژن دکھاتے ہوئے جناب پرساد نے وضاحت کی کہ کس طرح ہدایت کار اس منظر کو زیادہ موثر اور متاثر کن بنانے کے لیے طویل وقفوں کو لاتے ہیں۔

سامعین کے اس سوال کا جواب دیتے ہوئے کہ گانوں کی شوٹنگ کے دوران کیا ذہن میں رکھنا چاہیے، جناب پرساد نے کہا کہ گانے ہمیشہ سے فلمی تاریخ کا حصہ رہے ہیں اور اس کا استعمال بصری خمار پیدا کرنے کے لیے کیا جاتا ہے۔ پہلے دھنوں کو کہانی سنانے کے ایک حصے کے طور پر استعمال کیا جاتا تھا لیکن اب ہم ایک ایسے مقام پر پہنچ گئے ہیں جہاں گانے کہانی سنانے کا منظر بن گئے ہیں۔ فلم میں گانوں کی تعداد اب آہستہ آہستہ کم ہوگئی ہے کیونکہ خیال یہ ہے کہ یہ دیکھنا ہے کہ کہانی کیسے بہہ سکتی ہے۔

ایک اور سوال کا جواب دیتے ہوئے کہ انھیں کیسے پتہ چلتا ہے کہ انھوں نے ایڈیٹر کے طور پر اچھا کام کیا ہے، جناب پرساد نے کہا کہ 'کسی کو مجھے یہ آکر بتانے کی ضرورت نہیں ہے۔ جب میں مختلف لوگوں کے ساتھ کام کرتا ہوں تو میں کھلا ذہن رکھتا ہوں اور ہدایت کار وہی ہوتا ہے جسے یہ محسوس ہو جائے کہ کام اچھا ہوا ہے۔

کلائمکس کے عمل کے بارے میں پوچھے گئے ایک سوال کا جواب دیتے ہوئے جناب پرساد نے زور دے کر کہا کہ 'کلائمکس کہانی کا اختتامیہ ہوتا ہے اور اس میں بہت بڑا کردار ادا کرتا ہے۔ اگر کلائمکس اچھا نہیں تو پوری فلم ادھوری ہے۔ بدقسمتی سے بھارتی سنیما میں، ہمارے پاس دو کلائمکس ہوتے ہیں، ایک وقفہ پر اور دوسرا آخر میں۔ پہلے وقفہ کی زیادہ بلندی کی ضرورت ہوتی ہے اور بعض اوقات یہ اتنی زیادہ ہوجاتی ہے کہ پہلا نصف دوسرے نصف سے بہتر سمجھا جاتا ہے۔ کلائمکس آخری منظر ہے جسے ناظرین اپنے ساتھ لے کر جاتے ہیں۔

او ٹی ٹی کے ایڈیٹنگ اسٹائل کی وضاحت کرتے ہوئے جناب پرساد نے کہا کہ یہ اس بات پر منحصر ہے کہ آیا یہ فلم ہے یا سیریز۔ سیریز کے لکھنے کے انداز میں فرق ہے۔ لکھنے کا پیٹرن اس طرح سے ہوتا ہے کہ ہر قسط ایک کلف ہینگر ہوتی ہے اور ہمیں کئی وقفوں یا کلائمکس کے ساتھ تیار رہنے کی ضرورت پڑتی ہے۔

* * *

(ش ح-ع ا-ع ر)

U. No. 12964