نئی دلی، 24نومبر، 2022/ وزیر اعظم جناب نریندر مودی کی دور اندیش قیادت میں حکومت شمال مشرقی بھارت کی ترقی اور ترقی کو مضبوط بنانے کے مشن موڈ پر انتھک محنت کر رہی ہے۔

اس ترقیاتی روڈ میپ کو مزید تقویت دیتے ہوئے، شمال مشرقی خطہ کی ترقی کی وزارت (ایم ڈی او این ای آر) نے 'فیلڈ ٹیکنیکل سپورٹ یونٹس (ایف ٹی ایس یوز) بنانے کا فیصلہ کیا جو اسکیموں پر عمل درآمد کے لیے ریاستی حکومتوں اور  ایم ڈی او این ای آر کے درمیان ایک پل اور مواصلاتی سہولت کار کے طور پر کام کریں گے۔ وہ گزشتہ دو ماہ سے شمال مشرق میں متعلقہ ریاستی ہیڈکوارٹر میں تعینات ہیں۔

ایف ٹی ایس یوز کی طرف سے  نتائج پر عمل کرتے ہوئے مرکزی وزیر جناب جی کشن ریڈی نے آج نئی دلی کے وگیان بھون انیکسی میں ایف ٹی ایس یوز کے ساتھ ایک جائزہ میٹنگ کی صدارت کی۔ جناب ریڈی نے خطے میں تعینات تمام ایف ٹی ایس یوزکے ساتھ بات چیت کی اور پچھلے 2 مہینے کے ان کے تجربات کے بارے میں جانکاری حاصل کی۔ اجلاس میں سیکرٹری، ایم ڈی او این ای آر اور وزارت کے دیگر سینئر افسران بھی موجود تھے۔

ہر ریاست ایف ٹی ایس یو میں ایک ریاستی کوآرڈینیٹر اور 2 پروجیکٹ ایسوسی ایٹس ہوتے ہیں۔ موجودہ ترقیاتی منصوبوں کی نگرانی ان کی ذمہ داری ہے اور وہ اپنی باقاعدہ رپورٹس بارے میں ایم ڈی او این ای آر کو جانکاری دیتے ہیں۔ ریاستی پروجیکٹوں کے ساتھ ساتھ، ایف ٹی ایس یوز مرکزی حکومت کے موجودہ پروجیکٹوں اور آئندہ پروجیکٹوں کی نگرانی کریں گے۔

مرکزی وزیر جناب ریڈی نے تمام 8 شمال مشرقی ریاستوں میں کنیکٹیویٹی، سیاحت، صحت کی دیکھ بھال، تعلیم وغیرہ سے متعلق جاری پروجیکٹوں کی تیز رفتار ٹریکنگ کے سلسلے میں ان سے تجاویز اور رائے طلب کی ہے اور مرکز اور ریاستی سرکاروں  کے درمیان شراکت داری اور تعاون کے ساتھ پروجیکٹوں کی تیزی سے تکمیل پر غور کیا۔ جناب ریڈی کا خیال تھا کہ ایف ٹی ایس یوز شمال مشرقی بھارت کی ترقی میں ایک تیز رفتاری لانے والے عناصر ثابت ہوں گے۔

وزیر جناب جی کشن ریڈی نے سکریٹری، ایم ڈی او این ای آر اور وزارت کے دیگر سینئر افسران کے ساتھ ایم ڈی او این ای آر کی مختلف اسکیموں/ پروجیکٹوں کا بھی جائزہ لیا۔

  ۔۔۔

ش ح ۔ اس۔ ت ح ۔                                              

U – 12911