ইনফোর্মেসন অমসুং ব্রোদকাস্তিং মন্ত্রালয়
দি য়ং অর্সোনিস্তস ঐগী অঙাং ওইরিঙৈগী পুন্সিদা য়ুম্ফম ওইবনি: দাইরেক্তর সীলা পাই
‘ঐগী ভিজুএল ৱর্ক কনাদিয়ন গোথিক লিতরেচরনা পুক্নিং থৌগৎপনি’
Posted On:
24 NOV 2022 3:53PM by PIB Imphal
#IFFIWood, ২৪ নবেম্বর ২০২২
কনাদাগী তোখাই তাদুনা লৈবা লৌমী কাঙলুপ অমগী মী লন্না তাবা মফমদা সেত তৌদুনা, ইনখৎলক্লিবী নুপীমচা মরিনা মখোয়গী অৱাবনা থল্লবা পুন্সিদগী নান্থোক্নবা পুনশিল্লি। মী লৈনদ্রবা ফার্মহাউস অমবু মখোয়গীনি ওইনা লৌশিল্লদুনা, মখোয়না অচেৎপা অমদি কল্লকপনা থল্লবা মরী অমা শেমগৎলক্তুনা, মখোয়গী নুংগী ওইবা অকিবা অমদি অপাম্বনা মখোয়গী অমত্তা ঙায়রবা শাফবা মফমবু মাঙহঞ্জবা অমম্বা মফম অমদা পুদুনা লাকই। ৫৩শুবা ইন্তরনেস্নেল ফিল্ম ফেস্তিবেল ওফ ইন্দিয়াগী ‘ৱর্ল্দ ওফ সিনেমা’ সেক্সনদা উৎখিবা, কনাদিয়ন ভিজুএল আর্তিস্ত সীলা পাইনা লমজিং লমতাকপা দি য়ং অর্সোনিস্তস অসিনা নুপীমচাশিং অসিনা মখোয়গী পাম্বৈ লৈতবা মওংবু অপুনবগী মপোক অমদা উত্থোরকপগী মওংশিংগী মশক উৎলি। আই.এফ.এফ.আই. ৫৩দা পি.আই.বি.না শিন্দুনা পাঙথোক্লিবা মিদিয়া অমসুং দেলিগেৎ ইন্তরেক্সন্দা ৱা ঙাঙলদুনা, ফিল্ম অসিগী দাইরেক্তর সীলা পাইনা ৱারী অসি মহাক্কী অঙাঙ ওইরিঙৈগী পুন্সিনা য়াম্না পুক্নিং থৌগৎলি অমদি করেক্তর অয়াম্বা মহাক্কী পুন্সিদা মহাক্না খঙবা তশেং তশেংবা মীওইশিংদগী লৌবনি হায়খি।
ফিল্ম অসিদা শীজিন্নরিবা মী লৈনদ্রবা ফার্মহাউসকী মমিগী মতাঙদা, সীলা পাইনা মহাক্না অঙাঙ ওইরিঙৈদা চিদাইদা লৈবা মী লৈনদ্রবা য়ুমশিংদা লোন্না চঙবা মহকা্কী অপাম্বা ওইরকখি হায়খি। “ঐনা অকিবা, নুংঙাইবা, অঙকপা অমদি পোৎলমশিং থিবা পাম্মী। ঐগী অহানবা সোর্ত ফিল্ম ঐনা চহি ১৮ শুরকপদা পুথোকখি অমদি মদু নম্নবগীদমক ত্রাইপোদ অমা পায়রদুনা মী লৈনদ্রবা য়ুম অমদা লোন্না চঙখি। অসিগুম্বা থৌদোকশিংনা ঐগী ফিল্মশিংদা ইশানা খন্থরুদনা য়াম্না পুক্নিং থৌগৎনবগী মচাক ওইখি”, হায়না মহাক্না মখা তাখি।
সীলা পাইনা মহাক্কী ভিজুএল আর্ত ৱর্ক ময়াম অমা কনাদিয়ন গোথিক লিতরেচনা পুক্নিং থৌগৎপনি হায়বা ৱাফমসু ফোঙদোকখি। মহাক্কী ফিল্মশিংদা মওং মতৌ অদু মহাক্কী পুক্নিংগী ইহুলনা চিংদুনা চঙখিবা ওইরমগনি হায়না মহাক্না মখা তানা ফোঙদোকখি। ৱাহংশিংগী পাউখুম পীরদুনা, মরুওইবা প্রোতাগোনিস্তশিং অসিগী পুন্সিগী শরুক অমআ শেন্মিৎলোনগী তশেংবা ফীভম্না শেম্বনি হায়খি।
মখোয়গী পুন্সিগী য়াম্লবা পরৈ চেনবশিংদগী ফার্ম হাউস অমদা নান্থোরকখিবা ফিল্ম অসিদা য়াওরিবা নুপীমচাশিং অসি মখোয়গী পোৎলুমশিং অদুদগী নান্থোকফম লৈতে হায়বা ৱাখলগী চরাংনবনা ৱাহনখি। ‘য়ং অর্সোনিস্তশিং’ অদুনা মমৈথংদা মখোয়গী মনীং তম্ফমনি হায়না খঞ্জরিবা সেফ হাউস অদুবু মৈ থাদোকখি। মালেমসিদা হিংনরিবা পুন্সিসিদা অশা নৎত্রগা অফবা ওইরক্কনি খনবগী মফম অমত্তা লৈত্রবরা? সীলা পাইনা ফোঙদোরকপগী মতুং ইন্না, ফিল্ম অসিদা উৎলিবা মৈগী মশক অসি মাঙহন তাকহনবগী শাফু নত্তে, কা হেনবা পোৎলুম পুরিবা অমদি অৱাবা পুন্সিবু শেংদোক চামথোক্লিবা মচাক অমনি। “প্রোতাগোনিস্তশিং অদুনা মমৈদা য়ুম অদুবু মৈ থাদোকপা মতমদা, ঐনা মদুবু নেগেতিব ওইবা মওংদা উৎপা পামখিদে, অফবা মওংদা উৎপা পামখি। মমৈথংদা মহাক্না মনীং তম্বা ফংখি, পুন্সিগী অশেংবা মশক মায়োক্নখি অমদি মাঙদা চঙশিন্নবা শেম শাখি। পুন্সি অসি মথৌ তাবা ওন্ন-তৈনবা কয়ানা থল্লি। ঐগী ফিল্মদা ঐনা নুংঙাইবা নৎত্রগা অৱাবনা লোইশিন্দবা য়াদে হায়বা ঐদি পাম্দে। ঐনা অশা কয়া উখি”, হায়না মহাক্না শন্দোক্না তাকখি।
ফিল্ম অসিদা ভিজুএল আর্তকী লমদা হৈথোই শিংথোইবা উৎখিবরা? ৱাহংসিদা, সীলা পাইনা স্কিপ্ত অসি ইদ্রিঙৈদগী হৌনা মহাক্না মাগী মরুওইবা মওং মতৌবু – নুপীমচা অমনা অঙাঙবা, নুপীমচা অমনা নাপু মচু, নুপীমচা অমনা হিগোক অমদি নুপী মচা অমনা অশংবা, হায়রিবা অকক্নবা মচুশিং অসি পীখি হায়না পাউখুম পীখি। অসুম্না নুপীমচাশিং অসিগী মওং মতৌ থিদোকপনা ঐগী পথাপ ওইখি হায়না মহাক্না মচা খায়না তাকখি। সোর্ত ফিল্মদগী ফীচর ফিল্মদা ওল্লকপগী মতাঙদা, থৌওং অসি নুংঙাইবা, শিংনবনা থনবা অমদি অঙকপগী মশক ওইখি হায়না মহাক্না হায়খি। ফিল্ম অসিবু পুথোক্লিবা অগথা দেলসোরবোনা আই.এফ.এফ.আই. মতুংদা, দি য়ং অর্সোনিস্ত অসি কাইরো ফিল্ম ফেস্তিবেলদা উৎকনি হায়না পাউদমখি।
আই.এফ.এফ.আই. ৫৩দা এসিয়ন প্রেমিয়র উৎলিবা দি য়ং অর্সোনিস্তস হায়রিবা ফিল্ম অসিগী ৱর্ল্দ প্রেমিয়র তোরোন্তো ইন্তরনেস্নেল ফিল্ম ফেস্তিবেল ২০২২দা উৎখি।
সিনোপসিস
১৯৮০ মতমগু কনাদাগী খুঙ্গংগী লমদা সেত তৌরিবা, দাইরেক্তর অমদি ভিজুএল আর্তিস্ত সীলা পাইগী অকি তুজুংনিংঙাই ওইরবা ফীচর দেবু অসিদা ইমুংগী অৱা-অনা মখল অমা নৎত্রগা অমা থেংনরিবা – কালেন থারুক অমদা মখোয় মশেল লৈনরিবা মরীবু হেন্না চেৎশিনহল্লিবা অমদি চাংয়েং মায়োক্নরিবা ইনখৎলক্লিবা নুপীমচা কাঙবু অমগী ৱারী উৎলি।
দাইরেক্তরগী মরমদা
সীলা পাই মালেমগী ওইনা শিংথানরিবা ভিজুএল আর্তিস্ত অমনি, অদুগা মহাক্কী সোর্ত ফিল্মশিং লোকার্নো অমসুং তি.আই.এফ.এফ. য়াওনা মমিং লৈরবা ফেস্তিবেলশিংদা উৎখ্রে। মহাক্কী সোর্ত ফিল্ম ‘দি রেদ ভর্জিন’ ২০১১দা তি.আই.এফ.এফ.তা প্রেমিয়র উৎখি অমদি স্পেনগী ভল্লাদোলিদ ইন্তরনেস্নেল ফিল্ম ফেস্তিবেলদা নাইত ওফ দি স্পেনিস সোর্ত ফিল্ম এৱার্দ ফংখি।
মচাকশিং:
https://letterboxd.com/film/the-young-arsonists/
https://thefilmstage.com/tiff-review-the-young-arsonists-shows-unique-beauty-and-style/
https://iffigoa.org/cinema-of-the-world/the-young-arsonists/
* * *
(Release ID: 1878605)
Visitor Counter : 136