ইনফোর্মেসন অমসুং ব্রোদকাস্তিং মন্ত্রালয়
অনুপম খেরনা মপা-মচা অমগী মরী উৎলিবা ওরিয়া ফিল্ম প্রতক্স্যা হিন্দীদা অমুক হন্না পুথোক্কনি হায়না আই.এফ.এফ.আই.৫৩গী ফম্পাক্তা লাউথোকখ্রে
“তাঞ্জা অসি ঐখোয়গীদমক্তা অচৌবা, ওরিসাগী মীয়ামগীদমক্তদি হেন্না চাউবা তাঞ্জানি” – অনুপম পত্নাইক
#IFFIWood, ২৩ নবেম্বর ২০২২
প্রতিক্স্যা ফিল্ম নম্বগী থবক অসিমক মশানা ফিল্ম অমা ওইরমগনি। মপা-মচা অমগী ৱারী ইবদগী হৌরগা ফিল্মগী অঙনবা শরুক্তা মহাক মশাগী মপা কায়নখিবা ফাওবা, অদুদগী ফিল্ম অসি পুথোকপা লেপ্লগে খনখিবা, মমৈথংদা মহাক্কী ইমুংনা পুথোক্নবা য়াহনখিবা, অমদি হৌজিক্না আই.এফ.এফ.আই. ২০২২দা উৎলিবা অসি ফাওবদা অনুপম পত্নাইক্কী প্রতিক্স্যা মশাগী ওইনা খোঙচৎ অমনি।
অইবা গৌরহরি দাসকী ৱারী মচা অমনা পুক্নিং থৌগৎলিবা ফিল্ম অসি মহাক্কী মপানা থবক্তগী পোত্থাগদবা থা খরা ৱাৎলিঙৈদা লৈঙাক্কী থবক অমা থিরিবা মিদ্দল ক্লাসকী ইমুং অমগী সঞ্জয় কৌবা নুপামচা অমগী ৱারীনি। মহাক্কী মপা বিপিন্না, ইমুংগী শেন্দোন লৈবা মরম্না, মহাকপু থবক অমা ফংননবা থিনবা কন্না হায়রম্মী, অমদি বিপিন তর্মিনেল অনাবা অমসু লৈরম্মী। সঞ্জয়না লৈঙাক্কী শিন্মী অমনা লৈখিদবদা ইমুংগী মীওই অমদা মীনুংসিগী মীৎয়েঙদা থবক পীবগী লৈঙাক্কী স্কীমগী মরমদা খঙখি। পেন্দবা, শাউনিংবনা থল্লবা সঞ্জয়না মহাক্কী মপা শিবা ঙাইবদা মহাক্কী ফৎত্রবা পুক্নিংবু খঙলকখি। মসি ইমুং অমগী, মরুওইনা মপা অমদি মচানুপাগী মরক্তা লৈরিবা অরুবা মরীগী মরমদা উৎলিবা ফিল্ম অমনি।
সঞ্জয়গী শক্তম লাংলিবা দিপানৱিৎ দসাম,হাপত্রানা আই.এফ.এফ.আই.দা ফিল্ম অসি উৎপগী ইকায়খুম্নবগী মরমদা ৱাফম কয়া ফোঙদোক্লদুনা হায়খই, “মসি ঐগীদমক্তদি লীদ এক্তর ওইবা অহানবা ফিল্ম ওইবা মরম্না য়াম্না অচৌবা তাঞ্জা অমনি, অদুবু ওরিসাগী মীয়ামগীদমক্তদি ওরিসা ফিল্ম ইন্দস্ত্রী অসি মতম কয়া অৱাবা মায়োক্নরকপনা মরম ওইরগা হেন্না অচৌবা তাঞ্জা অমনি।” দাইরেক্তর অনুপম পত্নাইকনা ওরিয়া ফিল্ম ইন্দস্ত্রিগী মরমদা ৱা ঙাঙলদুনা হায়খি, “১৯৯৯গী সাইক্লোন মমাঙদা, ওরিসাদা থিএতর ১৬০ লৈরম্মী, সাইক্লোন মতুংদা ১০০ খক্তমক ঙাইরমমী, অদুগা কোবিদ মতুংদা ৬০খক্তা ঙায়রে। কমদৌনা ইন্দস্ত্রী অমনা থিএতর ৬০দা থবক তৌগদৌরিবনো?”
অনুপম পত্নাইক্না নেস্নেল এৱার্দ ফংখিবা মহাক্কী মপাগী অহানবা ফিল্মগী মরমদসু ৱাফম কয়া ফোঙদোকখি অমদি দাইরেক্তর অমা ওইনা মহাক্কী অহানবা ফিল্ম আই.এফ.এফ.আই.দা উৎলি হায়খি। মসি মহাক্কীদমক্তা অখন্নবা তাঞ্জা অমনি, অমদি মহাক্কী লৈখিদ্রবা মপাবু ইকায়খুম্নবগী পাম্বৈ অমনি হায়খি। দাইরেক্তর অমদি এক্তর অনিমক্কী ওইনা, ফম্ফমলাংদা লেঙশিল্লিবা অনুপম খেরনা খঙহৌদনা মহাক্না মপাগী শক্লোন লৌদুনা প্রতিক্স্যাবু হিন্দী লোলদা অমুক হন্না পুথোক্কনি হায়না লাউথোরকখিবা অদুনা অচৌবা মীকুপ অমা ওইখি। মহাক্না পত্নাইক্তা ফিল্ম অদুগী মঙমগীদমক সাইনিংগী তোকন শেনফম অমসু খুৎশিন্নখি। মীকুপ অদু ফিল্মদা হেক হেক থোক্কনবা, মুভীশিংগী মেজিকপু সেলেব্রেৎ তৌরিবা ফম্পাক অমা ওইরিবা আই.এফ.এফ.আই.দা থোকপদা চপ চারবা মীকুপ অমা ওইখি।
* * *
(Release ID: 1878316)
Visitor Counter : 229