গোৱাত অনুষ্ঠিত হোৱা ভাৰতৰ ৫৩সংখ্যক আন্তঃৰাষ্ট্ৰীয় চলচ্চিত্ৰ মহোৎসৱৰ ভাৰতীয় পেনোৰামা শাখাত আজি সমগ্ৰ ভাৰতৰ পৰা সংগ্ৰহ কৰা ডাঙৰ পৰ্দাৰ কাহিনীবোৰ জীৱন্ত কৰাৰ প্ৰতিশ্ৰুতিৰে মুকলি কৰা হয়।

উদ্বোধনী অনুষ্ঠানটোৱে দৰ্শকসকলক এই বছৰৰ বাবে ভাৰতীয় পেনোৰামা ২০২২ শ্ৰেণীৰ অধীনত আইএফএফআইৰ ২৫খন ফিচাৰ আৰু ২০খন নন-ফিচাৰ চলচ্চিত্ৰৰ আনুষ্ঠানিক বাছনিৰ সৈতে পৰিচয় কৰাই দিছে।

অনুষ্ঠানত ভাষণ প্ৰদান কৰি মন্ত্ৰীগৰাকীয়ে আইএফএফআই-ত প্ৰদৰ্শিত হোৱা চলচ্চিত্ৰ নিৰ্মাতাসকলক অভিনন্দন জনায়। তেওঁ সকলো জুৰী সদস্যক সকলো চিনেমা চাবলৈ সময় উলিয়াই ভাৰতীয় পেনোৰামাৰ বাবে সেইসমূহৰ ভিতৰত সৰ্বশ্ৰেষ্ঠখন বাছনি কৰাৰ বাবে ধন্যবাদ জনায়।

সমবেত লোকসকলক সম্বোধন কৰি তথ্য আৰু সম্প্ৰচাৰ মন্ত্ৰালয়ৰ সচিব শ্ৰী অপূৰ্ব চন্দ্ৰই কয়, "ভাৰতীয় পেনোৰামা শাখাৰ অধীনত আমি দেশৰ চাৰিওকোণৰ পৰা সৰ্বশ্ৰেষ্ঠ চলচ্চিত্ৰ প্ৰদৰ্শন কৰিম।"

কেন্দ্ৰীয় মন্ত্ৰী শ্ৰী অনুৰাগ সিং ঠাকুৰে উদ্বোধনী চলচ্চিত্ৰ, হাডিনেলেণ্টু (ফিচাৰ) আৰু দ্য শ্ব' মাষ্ট গো অন (নন-ফিচাৰ)ৰ চলচ্চিত্ৰ নিৰ্মাতাসকলক সম্বৰ্ধনা জনায়।

শ্ৰী অনুৰাগ সিং ঠাকুৰে দা শ্ব’ মাষ্ট গো অন চলচ্চিত্ৰখনৰ পৰিচালক দিব্যা কৱাচজীক সম্বৰ্ধনা জনায়

শ্ৰী অনুৰাগ সিং ঠাকুৰে হাডিনেলেণ্টু চলচ্চিত্ৰখনৰ পৰিচালক পৃথ্বী কোনানুৰক সম্বৰ্ধনা জনায়

ভাৰতীয় পেনোৰামা হৈছে আইএফএফআই-ৰ এটা ফ্লেগশ্বিপ উপাদান যাৰ অধীনত চলচ্চিত্ৰ কলাৰ প্ৰচাৰৰ বাবে সমসাময়িক ভাৰতীয় চলচ্চিত্ৰসমূহৰ শ্ৰেষ্ঠখন বাছনি কৰা হয়। ইয়াক ১৯৭৮ চনত ভাৰতীয় চলচ্চিত্ৰ আৰু ভাৰতৰ সমৃদ্ধ সংস্কৃতি আৰু চলচ্চিত্ৰ কলাৰ প্ৰচাৰৰ বাবে আইএফএফআই আম্ব্ৰেলাৰ অংশ হিচাপে প্ৰৱৰ্তন কৰা হৈছিল।

অনুষ্ঠানটোৰ সময়ত কেন্দ্ৰীয় তথ্য আৰু সম্প্ৰচাৰ মন্ত্ৰী অনুৰাগ সিং ঠাকুৰে জুৰী সদস্যসকলক সম্বৰ্ধনা জনায়।

ভাৰতীয় পেনোৰামাৰ বাছনি সমগ্ৰ ভাৰতৰ চলচ্চিত্ৰ জগতৰ বিশিষ্ট ব্যক্তিসকলে নিৰ্মাণ কৰে য'ত ফিচাৰ ফিল্মৰ বাবে মুঠ ১২জন জুৰী সদস্য আৰু সংশ্লিষ্ট অধ্যক্ষসকলৰ নেতৃত্বত নন-ফিচাৰ চলচ্চিত্ৰৰ বাবে ছয়জন জুৰী সদস্য থাকে। তেওঁলোকৰ ব্যক্তিগত দক্ষতা প্ৰয়োগ কৰি, বিশিষ্ট জুৰী পেনেলবোৰে সংশ্লিষ্ট শ্ৰেণীৰ ভাৰতীয় পেনোৰামা চলচ্চিত্ৰ বাছনি কৰা ঐকমত্যত সমানে অৰিহণা যোগায়।

***

PIB IFFI CAST AND CREW | Nadeem / Manas /Alok/ Darshana | IFFI 53 - 54