ইনফোর্মেসন অমসুং ব্রোদকাস্তিং মন্ত্রালয়
azadi ka amrit mahotsav

৫৩শুবা ইন্তরনেস্নেল ফিল্ম ফেস্তিবেল ওফ ইন্দিয়া গোৱাদা মশেক মঙাল নাইনা হৌদোকখ্রে


থম্লিবা মীৎয়েঙদি ভারতপু ফিল্ম নম্বগী অমদি পোস্ত প্রদক্সনগী খ্বাইদগী তান্নবা লমথুংফম ওইহনবনি: কেন্দ্র মন্ত্রী অনুরাগ থাকুর

ইন্দিয়ন ফিল্ম পর্সোনেলিতী ওফ দি ইয়র চিরঞ্জীবিদা লান্থোকখ্রে

আই.এফ.এফ.আই.না কলা অমসুং ফিল্মগী তাইবংগী ঙমখৈশিং মুত্থৎলি: ওম.ও.এস. দোক্তর এল. মুরুগন

গোৱাদা অনৌবা মালেমগী থাক্কী মল্তিপ্লেক্স অমসুং কনভেন্সন সেন্তর অথুবদা লৈরগনি: সি.এম. প্রমোদ সাৱন্ত

Posted On: 20 NOV 2022 8:08PM by PIB Imphal

#IFFIWood, ২০ নবেম্বর ২০২২

মালেমগী খ্বাইদগী ফজরবা ফিল্মশিং অমদি মখোয়গী তোমথিন ঙাল্লিবা ক্রিএতরশিংবু মফম অমত্তদা অমুক হন্না পুরক্তুনা, ইন্তরনেস্নেল ফিল্ম ফেস্তিবেল ওফ ইন্দিয়াগী ৫৩শুবা ইদিসন অচৌবা হৌদোকপগী থৌরম অমদা লোয়ননা ঙসি নবেম্বর ২০, ২০২২দা গোৱাগী পনাজীদা লৈবা দোক্তর স্যামা প্রসাদ মুখর্জী ইন্দোর স্তেদিয়মদা হৌদোকখ্রে‍। নেস্নেল ফিল্ম দিভেলপমেন্ত কোর্পোরেসন অমসুং এন্তরতেনমেন্ত সোসাইতী ওফ গোৱানা পুন্না পাঙথোকমিন্নরিবা ফিল্মগী কুমহৈ অসিগী ইদিসন অসিদা লৈবাক ৭৯দগী খোমজিল্লকপা ফিল্ম ২৮০ উৎকদৌরি‍। পাক চাউরবা এন্ত্রী কাঙলুপশিংদগী ইন্দিয়ন পেনোরমা সেক্সন্দা ফীচর ফিল্ম ২৫ অমদি নন-ফীচর ফিল্ম ২০ উৎকদৌরি‍।

অথোইবা ফিল্মশিংগী নুমিৎ মাপন্নি চুপ্না চত্থগদবা থৌরম অসিগী য়াইফরবা থাউমৈ চুখৎলদুনা, ইনফোর্মেসন অমসুং ব্রোদকাস্তিং অমদি য়ুথ এফ্যার্স এন্দ স্পোর্তসকী কেন্দ্র মন্ত্রী অনুরাগ থাকুরনা মহাক্না থম্লিবা মীৎয়েঙদি ভারতপু ঐখোয়গী মীয়ামগী হৈশিংবা অমদি ঐখোয়গী ইন্দস্ত্রী লুচিংবশিংগী ইনোভেসন্না চৈঙাক ওইদুনা ফিল্ম নম্বা অমদি পোস্ত প্রদক্সনগী খ্বাইদগী তান্নবা লমথুংফম ওইহনবনি হায়খি‍। “আই.এফ.এফ.আই.গী মতাঙদা লৈরিবা ঐগী মীৎয়েঙ থৌরম অমখক্তদা লোইদে, মীৎয়েঙ অসি ঐখোয়না অমৃৎ মহোৎসবতগী অমৃৎ কালদা লাকপা মতমদা ভারতনা নীংতম্বগী চহি ১০০ ফারকপবু হরাও তয়াম্না পাঙথোকপা মতমদা আই.এফ.এফ.আই. করম্বা থাক্তা লৈহনগদগে হায়বসিনি‍। রিজনেল ফেস্তিবেলশিংগী মফম পাকথোক চাউথোকহন্দুনা ঐখোয়না ভারতপু কন্তেন্ত ক্রিএসনগী, মরুওইনা রিজনেল সিনেমাগী পৱারহাউস অমা ওইহন্নবা পান্দম থম্লি,” হায়না মহাক্না মচা খায়না হায়খি‍।

শ্রী থাকুরনা ৫৩শুবা আই.এফ.এফ.আই. অসি মখল মথেলগী মচু মমেন্না থল্লবা নাৎ অমদি অথোইবা সিনেমাগী মীৎয়েংফমগী মপুং ফারবা মফম অমা ওইননবা থৌরাং পুম্নমক লৈরে হায়খি‍। “আই.এফ.এফ.আই.না নহা ওইরিবা অমদি নীংথিনা মফম কল্লবা ফিল্মমেকরশিংগী মরী শেমগৎনবগী, ৱাখল্লোন ফোঙদোক্নবগী, খুৎশম্ননা চৎমিন্নবগী অমদি সিনেমাগী তাইবঙগী খ্বাইদগী ফবশিংগী মহাও লৌনবগী তোপ তোপ্পা অমদি নীংথিরবা খুদোংচাবশিং পীরি‍। সিনেমানা লৈবাক অমগী ইনাক খুল্লবা নাৎ, লিগেসী, পারী পুরীগী লন, অশা অমদি মঙলান, নীংজবা, পান্দম অমদি খ্বাইদগী মরু ওইনা পুৱারীগী মতম অমা হেক্তদা লৈরিবা লৈবাক্তুগী মীওইশিংগী ৱাখল লীচৎগী চেন্থরকপা ঈচেলশিংবু লোকশিন্দুনা মওং চানা শেম্লি,” হায়না মহাক্না মখা তাখি‍।

এসিয়াগী খ্বাইদগী লিরবা ফিল্ম ফেস্তিবেলগী নীংশিং পরিং হঙ্গৎনা লীরদুনা, অনুরাগ থাকুরনা আই.এফ.এফ.আই.গী ৱাখল্লোন অসি মালেম অসিবু ইমুং অমগুম লৌদুনা পুন্না নুংশি-চান্ননা হিংমিন্নবগী ইহুল পুরিবা ‘বসুদৈব কুতুম্বকম’গী ৱাখল্লোন্দা মরা তাখ্রবনি হায়খি‍। “ভারতকী মচিন তুমখৎলক্লিবা মালেমগী ওইবা থৌদাং অমদি জি২০গী প্রেসিদেন্সী অসি প্রধান মন্ত্রী শ্রী নরেন্দ্র মোদীগী লুচিং মখাদা ‘মালেম অমা, ইমুং অমা, তুংলমচৎ অমা’ হায়বা ৱাখল পরিংদা য়ুম্ফম ওইরি,” হায়না মহাক্না মখা তাখি‍।

 

“অহানবা ওইনা, ঙসি মালেমদা খ্বাইদগী শক্নাইরবা ইজ্রেলগী স্তারশিং য়াওরিবা মালেম পুম্বনা শিংথানরিবা সেরিজ ফৌদাগী মরিশুবা সীজন প্রেমিয়র উৎপা য়াওনা ভারতকী, মালেমগী সিনেমাগী অমদি ও.তি.তি.গী গলা প্রেমিয়রশিং আই.এফ.এফ.আই.দা পাঙথোক্কনি‍। সো অসিগী মথঙগী সীজনসু আই.এফ.এফ.আই.দা হৌদোক্কনি হায়বা ৱাফমসিসু ময়ামগী মফমদা থমজরি,” হায়না মন্ত্রীনা হায়খি‍।

 

কন্ত্রী ওফ ফোকসনা ফ্রান্সকা ঐখোয়গী লৈনরিবা অচেৎপা মরীবু ইকায় খুম্নগদৌরি

আই.এফ.এফ.আই.দা পাঙথোক্কদৌরিবা কন্ত্রী ওফ ফোকস সেসনগী মরমদা পল্লদুনা, মন্ত্রীনা চহি অসি লৈবাক অনিগী লুচিংবা – প্রথান মন্ত্রী নরেন্দ্র মোদী অমদি রাস্ত্রপতী ইম্মানুএল মোক্রোন - অনিনা মীফম পাঙথোক্তুনা ভারত-ফ্রান্সকী মরীগী ৭৫শুবা চহি ওইরি, অমদি চহি অসিগী ফেস্তিবেল দি কেন্সতা ভারতনা কন্ত্রী ওফ ওনর ওইখি‍। “৭৫শুবা কেন্স ফিল্ম ফেস্তিবেলদা মার্চে দি ফিল্ম্সতা ভারতনা ‘কন্ত্রী ওফ ওনর’ ওইখিবগী ৱাখল পরিংবু মখা শমথরদুনা, আই.এফ.এফ.আই.গী ৫৩শুবা ইদিসন অসিদা ফ্রান্সপু ‘কন্ত্রী ওফ ফোকস’ ওইনা তরাম্না ওকচরি,” হায়না থাকুরনা হায়খি‍।

 

‘ক্রিএতিব মাইন্দস ওফ তুমোরো’গী অনিসুবা ইদিসন

কেন্দ্রগী আই.বি. মন্ত্রীনা ’৭৫ ক্রিএতিব মাইন্দস ওফ তুমোরো’না মাগী অনিসুবা ইদিসন অসিগীদমক, চেকশিল্লবা থৌওং অমগী মখাদা – লাইফতাইম এৱার্দী, এন.এফ.এ., গ্রাম্মী অমসুং ওস্কার ফংলবশিং য়াওবা শক্নাইরবা জুরী অমনা – দাইরেক্সন, ইদিতিং, প্লেবেক সিঙ্গিং, স্ক্রিপ্ত রাইতিং, এনিমেসন অমসুং এক্তিংনচিংবা কাঙলুপ ১০দা লাকখিবা এন্ত্রী ১০০০গী ময়াদগী খনগৎপনি হায়না য়েংলিবশিংগী মফমদা পাউদমখি‍। “মখোয়না স্তেত ১৯বু মহুৎ শিন্দুনা, জেন্সিয় হিল্স (মেঘালয়), লখিম্পুর (অসাম), খোর্দা (ওরিসা)নচিংবা মফমশিংদগী লাকপনি অমদি মখোয়গী মরক্তা খ্বাইদগী নহা ওইবসি চহি ১৮খক্তা ঙায়রি!”, হায়না মন্ত্রীনা মখা তাখি‍।

মন্ত্রীনা মীয়াম্না শকখঙনরবা স্পেনিস ফিল্মমেকর কার্লোস সাউরাগী মফমদা চহি অসিগী সত্যজিৎ রে লাইফতাইম এচীবমেন্ত এৱার্দ ফংবগীদমক নুংঙাইবা ফোঙদোকখি‍। মন্ত্রীনা ইন্দিয়ন ফিল্ম পর্সোনেলিতী ওফ দি ইয়র খা ভারতকী এক্তর চিরঞ্জীবিদা লান্থোক্লগনি হায়নসু লাউথোকখি‍। থাকুরনা আই.এফ.এফ.আই.গী ইদিসন অসিনা মনিপুরী সিনেমাগী চহি ৫০ শুরকপগী খোঙচৎপু অখন্ননা খনগৎলবা শিংথানিংঙাই ওইরবা মনিপুরী ফীচর অমদি নন-ফীচর ফিল্মশিং উত্তুনা সেলেব্রেৎ তৌগনি হায়নসু ফোঙদোকখি‍।

শ্রী অনুরাগ থাকুরনা আই.এফ.এফ.আই.গী শরুক অমা ওইনা পাঙথোক্কদৌরিবা ফিল্ম বজারগী মরুওইবা ৱাফমশিংসু থমখি‍। “অহানবা ওইনা, আই.এফ.এফ.আই.না কন্ত্রী পেবিলিয়ন হৌদোক্তুনা ফিল্ম বজারগী মফম পাকথোক চাউথোকহল্লি‍। ফিল্ম বজারগী ১৫শুবা ইদিসন অসিদা উৎকদৌরিবা পেবিলিয়ন ৪০ হেনববু ময়াম্না য়েংননবা ঐনা পাউকৎচরি‍। অদুগা অহানবা ওইনা আই.এফ.এফ.আই.না সিনেমাগী তাইবংদা খ্বাইদগী নৌবা ইনোভেসন উৎননবা তেক্নোলোজী হব অমসু হাপ্লি”, হায়বা ৱাফম মন্ত্রীনা ফোঙদোকখি‍।

 

ইনক্লুজিব আই.এফ.এফ.আই.

ফেস্তিবেল অসিবু হেন্না মপুং ফাহন্নবা অমদি মীপুম খুদিংমক্না শরুক য়াহন্নবগীদমক, দিব্যংজন স্ক্রীনিংগী (মীমান্নদ্রবশিংগী) অখন্নবা থৌরাং লৌখৎলি, হায়না থাকুরনা হায়খি‍। “এসেসিবিলিতীগী মথৌ তাবশিং মাঙদা থমদুনা, সেক্সন অসিদা উৎকদৌরিবা ফিল্মশিং ইম্বেদেদ ওদিও দেস্ক্রিপ্সন অমসুং সবতাইতলশিংগা লোয়ননা ওদিও-ভিজুএল-ইকুইপ ওইগনি‍। ফিল্ম এন্দ তেলিভিজন ইন্সতিত্যুৎ ওফ ইন্দিয়া (এফ.তি.আই.আই.)না মীমান্নদ্রবশিংগীদমক ওতিজম লৈবা মীওইশিংগীদমক অখন্ননা শেম শারবা ‘স্মার্তফোন ফিল্ম মেকিং’ অমদি হ্বীলচেয়র শীজিন্নরিবশিংগীদমক অখন্ননা শেম শারবা ‘স্ক্রীন এক্তিং’গী লমদা বেসিক কোর্স – হায়রিবা অখন্নবা কোর্স অনি পাঙথোক্কনি”, হায়না মহাক্না পাউদমখি‍।

আই.এফ.এফ.আই.না কলা অমদি ফিল্মগী তাইবংগী ঙমখৈশিং মুত্থৎলি

ইনফোর্মেসন অমদি ব্রোদকাস্তিংগী কেন্দ্রগী রাজ্য মন্ত্রী দোক্তর এল. বুরুগন্না কোবিদ মতুংদা আই.এফ.এফ.আই.গী ৫৩শুবা ইদিসন অসিনা মাগী মচু মমেন্না থল্লবা মশক্তা অমুক হন্না হঞ্জিল্লক্লগনি হায়খি‍। “আই.এফ.এফ.আই.না কলা অমদি ফিল্মগী তাইবংগী ঙমখৈশিং মুত্থৎলি অমদি খেন্নবা ফিল্ম কলচরশিংবু অমগা অমগা তোৎন-তিন্নদুনা খুৎশম্ননা চৎমিন্নবগী ওইথোকপশিং থিরি‍। ঐখোয়গী প্রধান মন্ত্রীনা আই.এফ.এফ.আই.বু সিনেমানা পুনশিল্লিবা তোঙান তোঙানবা লৈবাকশিং অমদি খুন্নাইশিংদগী লাক্লিবা মীথুংশিংগী ইহুলবু য়োকখৎলিবা ফিল্ম ফেস্তিবেল অমা ওইনা শক্তাক্লি‍। আই.এফ.এফ.আই. ৫৩ অসিদা মুভী পামজবা অমনা পাম্বা – ৭৪ ক্রিএতিব য়ং মাইন্দস, মাস্তরক্লাসশিং, বোক্স ওফিসকী মহাও, ফিল্ম বজার, অমদি মালেমগী সিনেমা – হায়রিবা পুম্নমকসি য়াওরি”, হায়না মহাক্না মখা তাখি‍।

কো-প্রদক্সন এগ্রীমেন্তকী ইন্সেন্তিব, সিঙ্গল ৱিন্দো ফিল্ম ফেসিলিতেসন মওং মরিল নাইহনবা, এ.ভি.জি.সি. (এনিমেসন, ভিজুএল ইফেক্ত, গেমিং অমসুং কোমিক)কী চাউরবা মতিং লোকশিনবা অমদি মাঙদা চঙশিনবনচিংবা তোঙান তোঙানবা থৌরাংশিংগী খুত্থাঙদা ভারতবু মালেমগী কন্তেন্ত প্রদক্সন হব অমা ওইনা শেমগৎনা আই.বি. মন্ত্রীনা মাঙজিল থানা লমজিংদুনা চৎলি হায়না মহাক্না হায়খি‍। মন্ত্রীনা স্পেনিস দাইরেক্তর কার্লোস সাউরাবু সত্যজিৎ রে লাইফতাইম এচীবমেন্ত এৱার্দকীদমক খল্লকপদা নুংঙাইবসু ফোঙদোকখি‍। দোক্তর এল. মুরুগন্না, লৈখিদ্রবা মনোহর পরিকরগী লুচিং মখাদা, অদুগা হৌজিক্না মুখ্য মন্ত্রী প্রমোদ সাৱন্তকী মখাদা আই.এফ.এফ.আই. মায় পাকহন্নবগীদমক গোৱা স্তেতনা য়ারিবা অচৌবা থৌদাংবুসু শিংথাখি‍।

 

গোৱাদা মালেমগী থাক্কী মল্তিপ্লেক্স অমদি কনভেন্সন সেন্তর অথুবদা লৈরগনি

দোক্তর স্যামা প্রসাদ মুখর্জী ইন্দোর স্তেদিয়মদা তিল্লিবা ইনোৎ কারবা মীয়ামগী মফমদা ৱা ঙাঙলদুনা, গোৱাগী মুখ্য মন্ত্রী প্রমোদ সাৱন্তনা গোৱাদা মালেমগী থাক্কী মল্তিপ্লেক্স অমসুং কনভেন্সন সেন্তর শেমগৎপগী থবক অরোইবা তাঙ্কক্তা লৈরে অমদি ২০২৫ ফাওবগী মনুংদদি ঐখোয়না আই.এফ.এফ.আই. অসি অনৌবা মফমসিদা পাঙথোকপা ঙম্লবা য়ানা লৈরে হায়খি‍। ফেস্তিবেল অসিদা লমদমদুগী ওইবা মহাও অমা হাপচিন্নবা হোৎনখিবশিং পল্লদুনা, প্রমোদ সাৱন্তনা চহি অসিগী আই.এফ.এফ.আই.দা স্তেত লৈঙাক্না, হিন্দী অমদি মরাথী ফিল্ম সেক্সনগী শক্নাইরবা ফিল্ম পর্সোনেলিতীশিংনা শরুক য়াগদবা গোৱাগী ফিল্ম ফ্রেতর্নিতীগী অখন্নবা মাস্তরক্লাসশিং পাঙথোক্নবা থৌরাং লৌখৎখি হায়খি‍। “চহি অসিদা গোৱাগী ওইবা সেক্সন অমসু অখন্ননা লৌখৎলি‍। ইন্দিয়ন পেনোরমাদগী জুরী মেম্বর অহুম্না শাবা অখন্নবা জুরী অমনা সোর্ত ফিল্ম তরুক অমদি দোকুমেন্তরী ফিল্ম অমা খনগৎলে‍। ঐখোয়না ফেস্তিবেল মাইল, এন্তরতেনমেন্ত জোন অমদি হেরিতেজ পেরেদনচিংবা মখল মখা কয়াগী পেরিফেরেল থৌওংশিংগী খুত্থাঙদা লম কোয়বশিং অমদি গোৱা মীয়ামগী পুক্নিং চিংশিনবা ঙম্লি”, হায়না মহাক্না হায়খি‍। গোৱা শিনবা থুংনা কেরাবানশিং থমগনি অমদি মীয়ামগীদমক স্ক্রীনিংশিং পাঙথোক্কনি হায়নসু মহাক্না মখশ তাখি‍। থৌরম অসিবু হেন্না মপুং ফাহন্নবগীদমক মীমান্নদ্রবশিংগী অখন্নবা মুভী স্ক্রীনিংসু পায়খৎলি, হায়না গোৱাগী সি.এম.না মখা তাখি‍। প্রমোদ সাৱন্তনা গোৱাবু আই.এফ.এফ.আই.গী লেঙদ্রবা মফম ওইহল্লম্বা হান্নগী মুখ্য মন্ত্রী লৈখিদ্রবা মনোহর পরিকরবুসু নীংশিংখি‍।

মীথুংশিংবু তরাম্না ওক্লদুনা, শ্রী অপুর্ব চন্দ্র, সেক্রেতরী, আই.বি. মন্ত্রালয়না আই.এফ.এফ.আই. অসি ইন্দিয়ন ফিল্ম ইন্দস্ত্রীগী খ্বাইদগী ফজরবা ফিল্মশিং মালেমগী মফমদা উত্থোক্নবা অমদি মালেমগী মফম অতৈদগী সিনেমাগী লমদা খ্বাইদগী ফবা থৌওংশিং মফমসিদা পুরক্নবগী ফম্পাক অমনি হায়খি‍। সেক্রেতরীনা প্রধান মন্ত্রী নরেন্দ্র মোদীদগী অখন্নবা পাউজেল অমসু পাথোকখি‍। “ভারতকী খ্বাইদগী চাউবা ফিল্ম ফেস্তিবেল অমা ওইনা, আই.এফ.এফ.আই.না সিনেমানা পুনশিল্লিবা, তোঙান তোঙানবা লৈবাকশিং অমদি খুন্নাইশিংদগী লাক্লিবা মীথুংশিংগী ইহুলবু য়োকখৎলি”, হায়না পাউজেল অদুনা হায়খি‍।

গোৱা লৈঙাক্কী চীফ সেক্রেতরী পুনীৎ কুমার গোয়ল, নেস্নেল ফিল্ম দিভেলপমেন্ত কোর্পোরেসনগী মেনেজিং দাইরেক্তর রবিন্দর ভাকর, অমদি অতৈ মীথুংশিংসু হৌদোকপগী থৌরমদা শরুক য়াখি‍। ম্রুনাল তাখুর, বরুন ধৱন, কেথরিন তেরিজা, সারা অলি খান, কার্থিক অর্য়ান অমদি অমৃতা খন্বিলকরনচিংবা সিনে সেলেব্রেতীশিংসু হৌদোকপগী থৌরমদা শরুক য়াখি‍।

* * *



(Release ID: 1877645) Visitor Counter : 23