وزارت اطلاعات ونشریات
مشہور ہسپانوی فلم ڈائریکٹر کارلوس سورا کو 53ویں افی میں ستیہ جیت رے لائف ٹائم اچیومنٹ ایوارڈ سے نوازا گیا
کارلوس سورا نے اس اعزاز سے نوازے جانے پر فلم فیسٹول کے منتظمین کا تہہ دل سے شکریہ ادا کیا
Posted On:
20 NOV 2022 7:42PM by PIB Delhi
مشہور ہسپانوی فلم ڈائریکٹر کارلوس سورا کو آج 20 نومبر 2022 کو گوا میں انٹرنیشنل فلم فیسٹیول آف انڈیا (اِفّی) کے 53 ویں ایڈیشن کی شاندار افتتاحی تقریب میں باوقار ستیہ جیت رے لائف ٹائم اچیومنٹ ایوارڈ سے نوازا گیا۔
ہسپانوی ڈائریکٹر کو بین الاقوامی سنیما کے لیے ان کی بے پناہ شراکت کے لیے اس ایوارڈ سے نوازا جا رہا ہے۔ ان کی بیٹی اینا سورا نے بھارت کے 53ویں بین الاقوامی فلم فیسٹول کی افتتاحی تقریب میں نامور فلم ساز کی جانب سے ایوارڈ قبول کیا۔
کارلوس سورا نے ایک ویڈیو پیغام کے ذریعے باوقار ایوارڈ سے نوازے جانے پر اظہار تشکر کرتے ہوئے کہا کہ وہ ذاتی طور پر اس تقریب میں نہیں آسکتے کیونکہ وہ برونکائٹس سے صحت یاب ہو رہے ہیں۔ انہیں یہ اعزاز عطا کئے جانے پر مشہور فلم ساز نے فیسٹول کے منتظمین کا تہہ دل سے شکریہ ادا کیا اور ان کے تئیں اپنی محبت کا اظہار کیا۔
مشہور فلمساز کو ایوارڈ جیتنے پر مبارکباد دیتے ہوئے مرکزی وزیر اطلاعات و نشریات انوراگ سنگھ ٹھاکر نے کہا کہ جناب سورا ایک ایسے ماہر فلمساز ہیں جنہوں نے فلم سازی کے فن کے لیے اپنی زندگی وقف کر دی ہے اور فلم سازی اور عکس بندی کے میدان میں خود کو ایک عظیم ترین شخصیت کے طور پر ممتاز بنایا ہے۔
جناب سورا کو سنیما اور فلموں کی مہارت کے لیے ان کی پوری طرح وقف زندگی کی تعریف کرتے ہوئے اطلاعات و نشریات کے وزیر انوراگ ٹھاکر نے کہا کہ جناب سورا کئی دہائیوں سے فلمیں بنا رہے ہیں اور 93 سال کی عمر میں بھی عینک کے پیچھے سرگرم عمل ہیں۔ مرکزی وزیر نے کہا کہ ‘‘انہوں نے اپنی پوری زندگی میں ڈھیروں ایوارڈز اور نامزدگیاں حاصل کی ہیں اور مجھے خوشی ہے کہ ان کی بیٹی انا سورا نے ہندوستان کے 53 ویں بین الاقوامی فلم فیسٹیول کی افتتاحی تقریب میں نامور فلم ساز کی جانب سے ایوارڈ قبول کیا ہے۔’’
بھارت کے 53ویں بین الاقوامی فلم فیسٹول میں کارلوس سورا کی وراثت کا ایک سابقہ تجزیہ پیش کیا جا رہا ہے جس میں مصنف کی مشہور ایوارڈ یافتہ فلموں کی نمائش کی جا رہی ہے۔
کارلوس سورا کا شمار اسپین کے مشہور فلم سازوں میں ہوتا ہے۔ ان کا ایک طویل اور شاندار کیریئر ہے جو نصف صدی پر محیط ہے۔ انہوں نے برلن انٹرنیشنل فلم فیسٹیول میں ڈیپریسا ڈیپریسا کے لیے بہترین ہدایت کار کے لیے گولڈن بیئر کے ساتھ ساتھ لا کازا اور پیپرمنٹ فریپے کے لیے دو سلور بیئرز، کارمین کے لیے ایک بافٹا اور کینز میں تین ایوارڈز کے علاوہ کئی دیگر ایوارڈز بھی حاصل کیے ہیں۔
نصف صدی پر محیط ایک طویل اور شاندار فلمی کیرئیر کے ساتھ سورا کی فلمیں وقت اور جگہ کے نفیس تاثرات ہیں جو حقیقت کو تخیل، ماضی کے ساتھ حال اور یادداشت کو فریب کے ساتھ ملاتی ہیں۔ ان کے مشہور کاموں میں کزن اینجلیکا، ماما کمپل 100 اینوس، فلیمینکو ٹرائیلوجی بلڈ ویڈنگ، کارمین، اور لو دی میجیشین شامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ش ح۔ م ع۔ع ن
(U: 12743)
(Release ID: 1877618)
Visitor Counter : 118